من بعد دمارا نيشان شاد طريق لرباط وإسراء حاضيا طريق شادها ملل ونطقات
إسراء : اوف ملل
إلياس : اوا نعسي تانوصلو نوضك
إسراء : لا لا مشادنيش نعاس ارى اتيلي نخدم مزيكة
إلياس : مدولها وشعلات مزيكة عبر بلوتوت زادت فيه الا لفان وكما العادة خاص تغني مع الأغنية بجهد
وإلياس حاضيها بعينو تنطق : ونقصي شوية رانك صمكتيني
اما إسراء كاع مسمعاتو شكيقول تامد إلياس ايدو وطفا مزيكة وهي دور عندو معصبة عدوها تكون كتغني مع شي موسيقة ويوقفها شيواحد
نطقات معصبة : وعلاش طفيتيها
إلياس : رانك صمكتيني ابنت الناس تركني وهنينا
إسراء خنزرات فيه ونطقات : وانت مالك اويلي منغنوش حنا نتمو احاضيين طريق مملة
ومدات إيدها وشعلات اغنية
إلياس : نقصي صوت ولا هاد مرة منعقل عليك خليني نركز مع طريق
نقسات صوت وبدات كتسمع لها مشالها نورال لتولي تغني وبقات مربعة إيديها وكتشوف فطريق معجبهاش الحال
إلياس شاف فيها بإستغراب لهاد مزاج لعندها متقلب ونطق : امالنا ؟!
إسراء هزات كتافها وبقات حاضيا طريق مجوباتوش
إلياس : يلاه زيدي فموسيقة جهديها نتي كاع ولا عرفتي شنو جيبي البوق وبداي تغني فيه
إسراء : بلاش متلات رشقالي
إلياس مجوبهاش بقا مرمز فطريق ومرة عينو كتمشي لإسراء
اما إسراء بقات حاضية طريق تاداتها عينها ونعسات
داز وقت عاد وصلو لرباط دخل مع شوارع العاصمة توصل حي سويسي فين كاين فيلا ديالو فتحولو لكارد الباب تادخل وبلاصة طموبيل وهبط من اللوطو واتاجه عند إسراء فتح لها الباب وحيد لها سمطة وهزها فإيديه مع كانت ناعسة وتم داخل ولخدامات كشوفو وحاسدين إسراء لبين يديه فتحولو لكارد الباب ديال فيلا وطلع فوق بيتو لفخم عبارة عند سرير كبير فالوسط بالاسود وبالكون من ليمن سرير كيطل على جردة ولابسين وكان من ديك جيه دريسينغ ولكان البيت مصبغ برمادي منعكسة على شخصيتو حطها في سرير بشوية وحيد ليها سباطها حيد لها سورفيت لابسة باش متنعكش فنعاس وخلا ليها فقط تريكو نص كوم لكانت لابسة مع سروال ديال سورفيت وهز راسها بشوية تاحيد ليها بانظة وخلا شعرها منسدل عليها وحتا هو حيد سباطو ومشا دريسينغ جبد منو شورط فالكحل مع شورط فالكحل وتكا حداها تشوية سمع دقان رقا احد من خادمات هزا لفاليز وشدهم من عندهم وحطهم تم وتاجه انعس حداها على أثر تعب دبال سفر
نعسو تفاقت إسراء كتفوه وبدات كتشوف فالبيت بإستغراب وكتحول تذكر هي فين كاينة تشافت جيهة إلياس رتاحت نوعا ما وهي تبدا تفيقو تناض خاسر ونطق : نتي مالكي اشواقع إلا نضتي خاصك تنوضي كلشي ولاشنو
إسراء : قوليا حنا فين انا مفهمت ياك كنا شادين طريق
إلياس : فين غنكون رانا ففيلاتنا لفرباط
إسراء : وش ديك فيلا لديتيني ليها نهار دربنا العقد
إلياس حرك راسو ودار ديك جيه اكمل نعاسو
وتنطقات إسراء بجهد : ناري واو ديك فيلا نيت فيلات احلامي
وناصت لبسات تجاكيطة فوق للابسة ولبسات كلاكيطة فرجليها وتجهات هابطة تحت رقات بزااف ديال خادمات كلها شنو مهمتو وكانو كطيبوا الغذاء وتجهات جلسات حداهم مع كانو كهدرو غاشافوها سكتوا نطقات وحدة من خادمات
خادمة : لالة وش خاصك شي حاجة
خادمة 2: اه لالة لبغيتي نوجدوهليك
إسراء : لا لا مبغيت والو، ديك لالة الله يجازيكم متبقاوش تقولها هالي عيطولي فقط ب إسراء
خادمة : وخا الالة، ااه نسيت اإسراء
بتاسمات لها إسراء ونطقات : يمكن لكم تهدرو انا اصلا قنطت جيت ندوز معاكم وقت
والخادمات عجبهم الحال كتبان ضريفة وحتا هوما دخلولها خاطرها وطلقوا معاها فالهضرة
اما فوق دار بلاصتها رقاها مكيناش عرفها اتكون هبطات تحت هو ينوض غسل وجهوو باش يصحصح من نعاس ولبس فرجليه كلاميطة وتم هابط بقا كشوف فأرجاء مبانتلوش تاشوية سمع ضحكها جاي من كوزينة استغرب وتاجه الكوزينة رقاها جالسة كتجمع مع احد خادمات وكضحكو غار شافوه خادمات ناضو كترعدو ومشاو اكمل خدمتهم واستغربات إسراء مالهم مناش خايفين دارت عند باب رقات إلياس عند باب وكشوف فيها تقالها بإيدو تجي عندو وجات عندو وشدها من إيديها دها واحد ارجوحة لفي جرد غار شافتها إسراء طلقات من إيدو مشات كتنقز عندها وهي عينبها كلمعو رجعات إسراء طفلة بريئة نطقات : واو مكيسحابليش دابر هنايا ارجوحة حيث ديك لمرة مكانتش
إلياس : اه درتها غار هاد ايامات علي قبلك
مشات عندو عنقاتو وبدلها عناق ونطقات : الله يخليك ليا اعمري انت رانك الحب
إلياس : اشغندير فيك ممرهت نتغدا بيك دبا قبل الغذاء شباليك ازين
شداتو من إيدو متجاهلا كلامو لزنكها ونطقات : اجي دفع بيا
جاسات فوق ارجوحة وهو كدفع بيعا وهي كضحك وصوتزضحكاتها مسموع وشعرها كطير بالفعل البرد وهو مبتاسم لضحكتها باغي يدفع الثمن اي حاجك باش اخليها كضحك بحال هكا وبقا شحال كدفع بيها تاجلس حداها وجبد واحد كتاب بدا كقرا وهي كتقرا معاه تاشوية جات عندهم خادمة
خادمة : سيدي راه غدا واجد
إلياس نطق بدون ميشوف فيها حاضي احبيبتوا : وخا هانا جايين
انصرفات خدامة وناض نطق : يلاه الزين ديالي نتغداو
إسراء ابتاسمات لو : وخا يلاه، وخا مسخيت بهاد جليسة
إلياس عنكش شعرها ونطق : باقي ليام وارا متجلسي فيها
إسراء : اه عندك صاح
دخلو داخل رقاو طابلة مزينة بأشهى والذ اطباق بداو كتغداو بجو مرح من بعد مسالو ماكلة ناضو طلعو البيت ونطقات
إسراء : إلياسو يلاه نخرجو راه قنطت
إلياس : وخا سيري بدلي لباسك
مشات لبسات عليها سروال دجين بوي فراند مع شوميز كحلة وفوقها تجاكيطا وسبرديلة كحلة وقدات سعرها بوكلاتو من تحت وخلاتو منسدل على كتفها واكتفات فقط بمرطب شفاه ولكخون ديال شمس وهزات ساكها صغير بالاسود فيه غار تلفونها وشي مسائل
اما هو لبس عليه سروال كحل مع شوميز بيضة وهاز تجاكيط كذلك كحلة وسبرديلة رياضية كحلة ودار ساعتوا لمزينة إيدو ورش من عطرو
من بعد نطق إلياس : وش كملتي ولا باقي
إسراء : اه هاني
خرجو قضاو نهارهم مع بعصياتهم مخلاو بلاصة مدارو فيها
رجعو دار مسخسخين حدهم طلعو وبدلو لباسهم ونعسو متعانقين
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
