ريتاج : اكون خير متقلقوش دبا تنساه وغيجيها واحد حسن منو ان شاء الله
ليلى : ان شاء الله هتشي لكنتمني
عماد طبطب على كتفها ونطق : ان شاء الله اكون الخير ابنتي
ريتاج : مهم هاني مشيت نشوف نور كبقات
ليلى : وخا سيري
طلعات عندها ودقات ونطقات
ريتاج : ختي وخا ندخل الا كان ممكن
اما نور كتمسح فدموعها ونطقات بصوت ممزوج ببكاء : وخا هاني انفتح ليك
فتحات ليها ودخلات عندها ريتاج وعنقاتها
ريتاج : ختي متمرضيش راسك عفاك براكة من البكاء
فصلات عناق نور وجلسات فوق نموسية وحداها ريتاج
نور : اش غاندير اختي منقدرش هو ليا بوحدي مغادي ديه تاواحدة انا كنبغيه اختي منقدرش نصبر اي حاجة الا هو يمشي عند شيواحدة
ريتاج: هذا هو مكتاب معندنا فيه هروب نتي حاولي تنسايه ومتزرعيش أملك على الفاضي
نور : وخا ختي، مهم غار سيري انا بغا نبدل لباسي وباش نخرج اضربني شوية البرد
ريتاج : وخا ختي
خرجات من عندها خلات نور مشات غسلات وجهها درات مرطب شفاه وليفخون ديال شمس ولباسات عليها قميجة بيضاء مع سروال سليم كحل وسبادرية اديداس بيضاء وجمعات شعرها كوب شوفال وهزات صاكها لفيه ماتحتاج وخرجات
ليلى شافتها هبطا مع دروج ونطقات : نتي فين ماشيا
نور : انا غادا نشم شوية الهواء
خرجات رقات محسن هو شيفور لكوصل ريتاج الليسي ديالها ولوصل البنات شي من مرات
نطقات نور : سلام ممكن توصلني عند دار إسراء وصوفيا صحبات ريتاج
محسن : لكن ريتاج مقاتلي والو
نور : انا علماتني باش نهنئ صحبتها
محسن : وخا
ركبات اللور هي وهو مشاو غاديين عند دار صوفيا
اما صوفيا وإسراء كانو وحدهم فدار بحيث رحمة خرجات تصيل رحم لمها ومصطفى باقي فالخدمة
اما هوما عمرو براد اتاي مشحر ووجدوه مع شي مسمنات كانو عجنوهم ومع زيت والعسل وزيتون وزبدة وكلسو كياكلو تاشوية سمعو دقان الباب مجهد
إسراء : أويلي شمون هذا لكدق بحالهاكا
صوفيا : انمشي نفتح نشوف شكون
إسراء : وخا سيري
مشات فتحات صوفيا رقات قدامها نور
صوفيا :وش نتي اخت ريتاج وش جات معاك
نور : اه فتحي خليني ندخل بغا نهدر مع إسراء ونمشي بحالي ودفعاتها بغا دخل اما صوفيا وقفة لها عند الباب
صوفيا : وخا لكن حتارمي رانك ماشي دخلة فزريبة
دخلات نور اما صوفيا سدات الباب
وقفات إسراء ملي شافت نور
إسراء : مرحبا شنو جيتي ديري هنا
نور : مكاين لا مرحبا لا مولاي حزامة شوفي غتفرقي من حبيبي ولا ميعجبك الحال سمعتي البرهوشة
إسراء : ورصاي عليا شكون هذا لنتفرق منو وميعجبني حال
نور : كما سمعتي إلياس ليا بوحدي مغاديش اتزوج بيك وكان عطاني وعد اننا نكبرو ونتزوجو سمعتي ولا لا
صوفيا : هههههه شي فلم درامي هذا عوض متجي الام جات بنت خالتو وناري
خنزرات فيها نور: مهم انا حذرتك سمعتي اديك برهوشة مغتجيش نتي ليلا ونهار وغتهدمي كلشي سمعتي المتشردة معندك حنين لا رحيم طامعة فناس وملي بالك إلياس طامعة فيه
إسراء : شنو راه مبغاش نمد ايدي عليك حيت كتباني كبيرة عليا لكن خصارة مدلولة لاخرا سيري خرجي عليا مبغاش نخصر الهدرة
صوفيا :خرجي علينا عطينا تيساع هدي جايا تقَوليلها هكا للالتك اما نتي غادل مقطر فيك
نور : كفاش الحمارات، وطرشات إسراء ومشات جرات شعر إسراء بغا تنتفها اما إسراء شدات إيديها ولواتها ليها قريب تهرسها
إسراء : شنو دبا ضربتني، وبقات عليها كضربها
نور كتغوت : وطلقي مني ، إلياس ليا نتي لرهوشة باش طمعتيه باش اتزوج بيك ها
طلقات منها إسراء
إسراء : ههههه حيث انا عندي عزة نفس ماشي بحالك مطيحا راسك على قبل واحد مشايف فيك كاع ومعمرو غيشوف فيك
نور : بزااف عليك انا كون مكانو والدين صو4يا وكون دبا خرجتي طريق
وقفات صوفيا عند وجهها نطقات : اول حاجة نتي مغتوريهاش شنو غيطرالها شنو لا هي ختي قبل متكون صحبتي سيري نتي شوفي غحالتك كدايرة وبلاصة مديري نفس جايا مهاجما علينا قليلة ترابي صافي
إسراء : خرجي عطينا تيساع ، كسحابلي بعقلك ساعاك غار دل لكاين فيك اوجه الويل
نور : دبا نتي كسحاب راسك عندك عزة نفس وماشي نتي لمشيتي دخلتي الحبس واصلا إاياس غار بغا يتزوج بيك بسباب شفقة
إسراء : سكتي عليا دوري ت*ودي عليا، اما انا عرفا تربيتي مزيان مغاتجيش نتي وتبقاي تهدري
صوفيا : تهدني اإسراء
نور : غتندمو قلالات ترابي، إلياس عمرو غيتزوج بيك
إسراء : شنو خرجي عليا ولا غنكمل عليك، هذا مغاديش نتفرق عليه بماأنه بغاني وطلبني زواج ووافقت وحتا انا بغيتو غار نسايه عليك وموتي بسم حيت هاد دل لفيك عمرو خلا شيحد ايبغيك مسكة صافي
نور دخلات فحالة هستيرية :وسكتي عليا ولا انا ماشي مدلولة علاش كتقولو نفس كلام ولا
صوفيا : وناري عندك تموت لنا هنا عيطي شيحد من عائلة ايديها علينا
نور بدات كتلوح لفوق مائدة لفيها لاحتو
إسراء شدات إيدها وهي توقف عند وجهها وهي مزال متحملا متعصب وهي طرشها ونطقات : هاد العياقة لفيك انك زعما تعصبي وتبداي ترمي ماعيبن مطبيقهاش عليا زيدي يلاه جمعيهم
نور : طلقي مني
صوفيا : خرجي يلاه تفو
نور : مغاديش نخرج تاتجي مك ونتفاهم معاها
إسراء : اوه بصح شغاتقوليلها بسلامة خلعتيني ولا غتقوليلها بنتك ضرباتني
نور : ماشي سَقك شنو غنقول
صوفيا : حسبي الله ونعم وكيل
تاشويا كسمعو دقان ومشات فنحات إسراء ودخلات رحمة ورقات البيت لكان. فيه مقلبو سفاه على علاه وماعيين طيحين فلارض
رحمة : اوياي اشواقع هنا
إسراء : غار ديك بنت خالتو جات تهجم علينا وهي لدارت هاد حالة
رحمة : فيناهيا
صوفيا :راه جالسة تم
رحمة وقفات عند راسها : نتي شكون عطاك الحق تهجمي علينا فدار مالك كاينة فزريبة ولا شنو
نور : انا جيت نتفاهم مع هادي لحداك متقرب حاجة لماشي ليها والا مغيعجبها الحال
يلاه جات بغا تكلم إسراء وهي تقاطعها
رحمة : شنو زعما غديري منخافوش اسمعي ياتا اتخرجي عليا من هنا ولا غادي نعيط مك ونقولها شنو درتي
نور : وخا هانا ماشي راقلت لعليا
رحمة : دوري خرجي قلت ترابي صافي الله ينعلها مركة
خرجات نور من عندهم وجهها كامل حمر بشبب ضربة لعطاتها إسراء وشعرها تخربق وإيدها كتحس بيها كتوجعها ملي لوات لها إيدها وركبات مع شيفور وصلها دارهم
اما إسراء مع ضربة لعطاتها نور خلاتها تعرف
رحمة : اويلي ابنتي اجي رانك كتعرفي الله يعطيها كسر فليدين علاش مدافعتي على راسك ابنتي خليتيها ضربك
صوفيا : لا أماما كون تشوفي إسراء شدارت ليها
اما إسراء مشات غسلات وجهها ومسحات نيفها حتا نقص عليها العراف
رحمة : اوف سيرو جمعو داك البيت دبا ساعة يدخل مصطفى ويتعصب الا رقا هتشي لكوقع
إسراء : وخا هانا انجمعو انا وصوفيا
بقاو كجمعو روينة ونطقات صوغيا
صوفيا : شنو غديري، كبالي الا تزوجتي قدامك عدوة اللدودة
إسراء : هههه ماشي عدوة وحدة انهم بجوجات
صوفيا : كفاش شكون تانيا.
إسراء : فكري معايا شكون
صوفيا : معرفت قوليلي
إسراء : هههه شكون من غير خت إلياس نهار لول محملتها
صوفيا : ودبا نتي لاش كضحكي
إسراء : واه راه كترة هم كضحك زيدي نجمعو البيت ومنها نسيفط ميساج داك إلياس نقولو ادير حل مع بنت خالتو
صوفيا : وصراحة احسن حاجة
إسراء : داكشي
جمعو روينة ومشاو اطيبو العشاء
اما مع دخلات نور دار لوجهها كامل مضروب تلقات لها ريتاج
ريتاج : ختي مال وجهك
نور : بعدي مني خليني عليك اوف
ريتاج متلات زادت معها تالكلمة اما نور مشات طلعات بيتها وغسلات وجهها
ومعصبة غبوحدها
نور : تفو نمي
وشدات تلفونها دوزات اتصال رانيا
رانيا : الو نور
نور : سمعيني عودات لها كلشي
رانيا : اشداك الحمقة ديري هاك وش منيتك بالعكس كرامتك شتتيها تفو
نور : انا بغيتك تعطيني حل لوقع وقع ماشي تبداي تغوتي عليا وقطعات عليها ورمات تلفونها وشدات إيدها فراسها
نور : اه تفو تفو
اما البنات ملي جمعو روينة وطيبو العشاء دخل مصطفى وحطات العشاء ودار شاف وجه إسراء مضروب شوية فالحنك نطق
مصطفى : شكون ضربك
إسراء: ههههه والو غار انا مشفتش الباب وخرجت فيه ههه
مصطفى : زعما ماشي شي مضاربة وقعات
رحمة : يهديك الله اشمن مضاربة غدير إسراء
مصطفى : اوا صافي مرة اخرى تبهي وعرفي فين كتمشي لاتصدقي ضربة راسك ماشي حيط تاني
إسراء : ههههه وخا صافي غتهنا
اما من بعد مكلاو جمعو طابلة وكل ها مشا ينعس
دخلو البيت إسراء وصوفيا فرشر بلايصهم
ورسلات إلياس ميساج كتبات فيه
إسراء : سلام لباس بيخير مهم انا غنقوليك مبغيتش هاد مرة اتعاود عندي هاد مشكل وشد عليا بنت خالتك جايا هجما عليا ومخلات لينسات وكتقول نفرق عليك وكنتمني تفاهم معاها والا انا غندخل من بعد طفات كونيكسيوم ونعسات هي وصوفيا حيت قاريين بكري
اما هو كان فدوش خرج منو لبس عليه شورط ونص كوم وتكا فبلاصتو وهو يهز تلفون بالو فإشعارات ان إسراء مسيفطالو ميساج فرح مع رساتو ولكن غدخل وقرا ميساج تعصب وباصلها ميساج
إلياس : صافي تهنيتي انا غدا غنشوف معاها اش هاد تبرهيش لفيها وسد تلفون ونطق
تفو وش مكتفهم بنادمة كدايرة
كل ونعس فبلاصتو
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
