عشقك إدماني

parte 116

غيثة بهمس نطقات : اوفف بقالنا حنا غالغريب وزيدها عوجة صافي متشردة لاخرة
علي طلع عينو فغيثة ونطق في شك : قلتي شيحاجة ابنتي
غيثة بدات كتلون وخايفة اكون سمعها : لا اجدي ماقلت والو
معتصم اكشوف مخنز تنطقات زينة : سيري اجوهرة علمي خادمة توجد طابلة باش نتغداو
جوهرة : وخا اماما
مشات علماتهم اوجدو الغداء بعد دقائق تكانو مجموعين على طبلة كتغداو
عند إلياس وإسراء فورا موصلو فيلا  بدلات إسراء لباسها لبسات بيجامة بالزرق وشعرها دايرالو ضفرة وعاد هبطات عند إلياس رقاتو منغامس خدام تبدات خادمة كتحط الغداء و تغداو في جو مرح هو ينطق من بعد متغداو : يلاه عمري هانا انمشي خدمة دبا
إسرء بتاسمات ونطقات : وخا يلاه الله يسر ليك
تقدم عندها قبلها ومشا  يتيسر إلياس خدمتو وبقات إسراء شدها ملل وطلعات فوق جلسات فوق نموسية  وهي تاصل بصحباتها  من بعد مجوبوها : جحشات فينكم
صوفيا : اش باغا
ريتاج : نعام ياختي اشباغا
إسراء : اجو عندي دوزو معايا وقت نراجعو دروسنا مبقا والو امتحانات
صوفيا : انا اصلا كنت جايك ملل هنايا 
إسراء : هكاك اصوفي الله يرضي عليك ونتي ااديك الدبة  غتجي ولالا
ريتاج : بالطبع غنجي البقرة 
صوفيا : اجي نتي كفاش بلانك قلتينا اجو
إسراء : راه غالملل وصافي
ريتاج : انا خايفة ايجي داك ولد خالتي ايجري علينا تاني بحلا معدنا كرامة
إسراء : لا لا اريتاج يهديك الله إلياس اجري عليكم رانكم خوتاتو ووكيضل اقولي على صحاباتك علاش  ميجو يونسوك وكذا
صوفيا : سيري الكذابة سيري
ريتاج : انقصي من الكذوب اإسراء الكذوب ممزيانش
إسراء : يلاه تلاحو نص ساعة رقاكم عندي
صوفيا : تلاحي نتي نيت قالك نص ساعة مالنا خدامين عندك
ريتاج : سيري وجديلنا مناكلو راه حنا ضياف
إسراء : الناس صحاباتهم عاقلين مترزنين وانا صحاباتي هبال مسجيين حماق مفبريين فمخهم 
صوفيا : وايلي اصحبتي غار بالعقل راه نتي هبيلة كقولك هبيل ككون صاحبو هبيل وعاقل صحبو عاقل
ريتاج : هكاك اصوفي الله يجيب ليقول الحق
إسراء : يلاه تلاحو راه غنقطع مكتقضاوش من الهدرة
ريتاج : باي
صوفيا :  يا الاه تهلاي واحد شوية غنكون عندك
قطعات معاهم ومشات نزلات تحت خبرات خادمات بلي اوجدو ضيافة ومشات شعلات تلفازة كتفرج بين مجاو تجات ريتاج مع شيفور وصوفيا معاها نزلو كالعجاجة جايين كدقو الباب تفتحات لهم خادمة وكعيطو
صوفيا : وإسراء وديك البقرة يكما نعستي وخليتينا
ريتاج : إسراء وفينك اديك بوهالية
إسراء كانت فصالون وهي تنطق بجهد : ودخلو صالون وش نتوما عميات مكتشوفوش راني قدامكم
دخلو عندها رقاوها كتفرج
صوفيا : تبارك الله تبارك الله لقالك اجو باش نقراو
ريتاج : سيري طلعي جيبي كتوبك وطفي هاد تلفازة وزيدي نقراو راه تكاسلتو غتزوجتو وصافي نسيتو القراية
إسراء : صافي خلي تيسالي فيلم ونقراو
صوفيا : اه هذا نظر شافت فتلفازة ونطقات : شنو سميت هاد فلم كيبان زوين بداية كتبان هادئة 
ريتاج اكتشوف فيهم كقولها راسها شديهم نتفيهم ونطقات إسراء
إسراء : هذا راه فلم ديال زومبي الا كنتو كتبغوه
ريتاج شافت فيها بصدمة هي وصوفيا ونطقات ريتاج  : ابلاتي نتي غتفرجي فهتشي ونتي حاملة اصكعة 
إسراء : ومالها اشافيها الحامل مخاصوش اتفرج ولا شنو
صوفيا : وش بغا تخرجي بنت ولا ولد زومبي هاء اويلي اويلي شديني عليها اريتاج اليوم نتفهاا
ناضت ريتاج من حداها وشدات جهاز تحكم وطفات تلفازة ومعا كانت منغامسة كتفرج تشافت طفاتها قدامها  وشدات عندها تليكوموند وجلسات هي وصوفيا فوق سداري ومربعين إيديهم ونطقات ريتاج   : دبا صافي طفينا تلفازة  الا ولد ولد خالتي ايجي اشبه زومبي الا اويلي شوهة
إسراء كتشوف وكتستوعب شدارو وقفات ونطقات مغوتة  : ورجعولي فيلمي الله ينعل ميحشم  اري تليكومند اريتاج اري راه مكنضحكش اري
صوفيا : وهنينا اصحبتي راه تتولدي ديكساعا تفرجي فيهم هادوك لا  دبا لا تصدقي ولدانا زومبي اويلي احاي
ريتاج ناضت وجراتها  من إيدها ونطقات : اشوفي اديك مصيبة راه هدوك افلام ديال زومبي ورعب متفرجيش فيهم راه تصدقي ولدنا شي جن الله يحفظ سلامة
إسراء ربعات إيديها ونطقات مزعفة : ايه وفاش غنتفرج انا
صوفيا جات حدها ونطقات : راه عطالله فاش تفرجي  مكاينش غار زومبي ورعب  راه موجود افلام كيوت زوينين رومانسيين اكشن كاع لكن باش انا تفرجلي فهادو لوجههم كامل خاسر الا 
إسراء : لا هدوك مكيعجبونيس انا كنبغي زومبي
صوفيا : وش نتفها اريتاج بالي خاصك اإسراء غضريب ياك
ريتاج دارت ايدها على راسها ونطقات  : نوضي من حدايا جيبي كتوبك وزيدي تقراي راه وليتي كسولة فين مشات إسراء مجدة
إ سراء ناضت مزعفة عليهم ماشياا جهة دروج ونطقات : ياه على بنادمات اشداني نعيطلكم انا كاع
صوفيا : وراه وخا متعيطيلنا كنا غنجوك اساطة نشوفو احوالك ونربوك باش تقادي مع طريق الحمقة يلاه سيري جيبي كتوبك يلاه
إسراء مداتها فيهم ومشات طلعات تجيب كتوبها
بعد دقايق جبتهم وجات رقاتهم شاديين جماعة  وهي تنطق : زيدو تقراو
ريتاج : اوا هكاك
بداو البنات كقراو وكلخصو دروسهم حيث فينال قرب عندهم تال ستة ديال عشية عاد سالاو ومشاو ودعو إسراء اما هي جمعات كتوبها طلعات الفوق وشدات تيلي بقات كتفرج لين عيات عاد هبطات تحت تاشويا جا إلياس ومشات تلقاتلو هو داخل فيلا  ونطقات : على سلامة ملي رجعتي
إلياس بتاسم ابتسامة جانبية ونطق بعد معنكش شعرها : عمري توحشتيني
إسراء بتاسمات تعلات على رؤوس صباعها وعطاتو قبلة فخد ونطقات من بعد مشداتلو إيدو : اه توحشتك تعطلتي بزااف
إلياس : راه غندير شرع إيدي ابنت الناس كتقلبي عليا
إسراء : ههههه زيد وكان دوش وحيد عليك العيا بين موجدت ليك لباسك
إلياس : اوك اعمري وحط ايدو على بطنها ونطق : يكما صدعك ولدي ولا بنتي
إسراء مبتاسمة ونطق  : لالا ههههه وخا يصدعني
انا قابلا بيه
طلعو الفوق دخل هو يدوش وهي مشات وجداتلو سورفيت بالكحل وهبطات تخليه ابدل
وهي  مشات جهة زعلزلة كتدوح تم بين مجا وفإيديها كوفتير وملعقة وكتاكول وكتبنن فيها
كمل إلياس دوش ولبس عليه وصلا العشاء ونزل تحت كدور فعينو عليها وهو يشوف خادمة وقف عندها ونطق: فيناهيا إسراء
خادمة : في زعلولة اسيدي
حدو امأ براسو وزاد لجردة رقاها كتاكول  وجالسة كتشوف فنجوم تزاد عندها وقف وراها وهمس فودنها : عمري  اشكديري  فيا ادوي
خلا داتها تبورش عليها ودورات راسها جنب وشاف عندو : هههههه مالي شنو درت
إلياس حرك عنقو ونطق بإبتسماة جانبية : شوفي نتي
إسراء حدها هزات كتافها ونطقات :  معرفت
وبدا كدوحها وهي مستحلياها فرحانة وصوت ضحكاتها مسموع تنطقات : اجي جلس حدايا اجي
هو يجلس حداها وعنقها بجنب جهة صدرو وإيدو كتلعب فشعرها ونطق : شنو درتي اعمري اليوم
إسراء راسها فوق كتافو وكوفتير فإيديها ونطقات : عيطت على البنات وجاو عندي وبقينا كنراجعو دروسنا وجمعنا ومشاو هوما وصافي انا مرقيت مندير وبقيت كنتسناك متبقاش تعطل عليا
إلياس : شغندير الخدمة اما انا مكرهت نبقا ديما معاك ومنمشي تابلاصا
إ سراء : اه الله يسر ليك
إلياس : امين ياربي
وناض وشدها من إيدها ونطق : يلاه اعمري دخلي على برد بارد عليك هنايا
إسراء : وخا
دخلو جلسو كهدرو ومرة مرة إلياس كتغزل بيها وهي مرة ترد عليه مرة كزنكها تيداو خادمات كحطو العشاء عاد جلسو اتعشاو وهو كوكلها ومرة مرة توكلو   تتعشاو  هو داير بها نظرة لعوبة  وهي فهماتو وكضحك عاد طلعو   مشاو ل بيتهم قضاو ليلتهم عاد نعسو فحضن بعضيتهم