عشقك إدماني

Parte 79

من بعد متعشاو في جو عائلي جمع وقفة إلياس ونطق
إلياس : يلاه سيادنا خليناكم على خير
رحمة : جلس ولدي باقي الحال
إلياس : غدا ان شاء الله نجوكم
تم خارج ونطقات إسراء
إسراء : يلاه حتا انا غنمشي تالغدا وان شاء الله نجيكم
ومشات بيت صوفيا هزات ساشية ورقات تلفون كانت حطاتو من صباح فوق كوافوز هزاتو ودارتو فصاك
وصوفيا جات عندها ونطقات : يلاه سيري راضي راجلك راه كيبان مخنزر
إسراء : وعرفا يلاه خليتك حتا هو فيه فشوش خاوي انا خاصني نتقلق ماشي هو
صوفيا : مناش غتقلقي ماشي نتي لمتجهلاه وهو صونا عليك شحال من مرة مجوبتيه بغا تردي فيه تهمة ولا شنو
إسراء : وصافي اوف بناقص تاكفاش غنراضيه
صوفيا : مهم انا لعليا قلتوا لك إلا بغا داك نص عقل لعندك اهديه الله ويتنازل شويا
إسراء : مفهمت وش نتي فصفي ولا فصفوا
صوفيا : انا فصف الحق اوا بقا متعفرة عليه تم تاديه لك شيواحدة وجلسي ديكساعا تبدا تغني لهم اغاني حزينة على الفراق
إسراء : وصافي وفهمنا ازمر طيبتيني بالهضرة  مغنخلي توحدة ديه مني اوا مزيان تبارك الله
صوفيا : مهم نصحتك الخوادرية
ومشات سلمات عليهم وخرجات رقاتو كتسنا فاللوطو وهي تركب حداه وقدات سمطة وديمارا نيشان إقامة بدون حديث معاها وإسراء حاضية معاه بنص العين كبان مخنزر معاجبوا الحال من إهمالها وهي تنطق إسراء : إلياس مالك اش واقع
إلياس مجاوبهاش
إسراء قالت فنفسها : تهاذا مالو مبغاش اجاوبني وهي تنطق الثاني : وش درتلك شيحاجة
إلياس خنزر فيها ونطق : هنينا براكة من هدرة متصدعينيش
إسراء شافت فيه بإستغراب : ااه دبا انا صدعتك وخا اسيدي، هاك افمي إلا تليت هدرت الثاني
إلياس مجوبهاش ومزال معصب منها وإسراء احاضياه بعينيها وكتنطق فنفسها : ناري دبا هذا كفاش انراضيه شحال فيه ديال فشوش الثاني
وصلو إقامة نزل منها ومشا مولف ملي كينزل كفتح الباب  لإسراء وإسراء فتحات عينيها بصدمة بحلا هزيتي واحد وحطيتي واحد اخور
إسراء نطقات : إلياس ، شنو واقع كنسول مرة الثانية جاوبني
إلياس  دار عندها مع كان سابقها ونطق : معرفاش زيدي تحركي يلاه دايرا كالبطريق
إسراء خنزرات فيه ونطقات : ياه على بنادم كداير
اما إلياس دار راسو مسمعهاش وهي بقات كتجري وراه توصلات عندو وحاضياه بعينيها  وطلعو فسانسور نيشان إقامة فتح الباب ودخل هو اللول ودخلات موراه عاد سدات الباب اما هو مشا نيشان دخل ادوش عليه اما إسراء مشات كتوجدلو ميلبس  وخرجات من بيت جالسة فصالون كتفكر كفاش تراضيه الثاني
اما هو خرج من دوش رقاها موجدالو لباسو وبتاسم بجانبية وخا إهمال لدارت اليوم تعصب عليها من هاد جيست لدارت بتاسم بهاد اهتمام بسيط لبس عليه تيشورط وشورط وخرج رقاها ساهية ثاني كتفكر وهو يجلس حداها وخدا بيسي وبدا كخدم عليه هي حسات بيه وبقات كتشوف فيه ونطقات : إلياس وش انت عندك خدمة مزيرة
إلياس تجاهلها اما إسراء صافي تعصبات وحاولت تمالك اعصابها وخلاتو تم يخدم ومشات البيت   حيدات ديك تكشيطة لكانت لابسة ولبسات كسيوة صيفية ديال دار واصلا تال تحت ركبة وخلات وجهها فيه داك مكياج خفيف  ومشات تجهات كوزينة وهو طلع فيها عينو وكيشوف شنو غتصنع مع صالون مقابل مع كوزينة وهو مرة يركز فيها شنو كدير ومرة يكمل خدمتو اما هي بعد مدخلات كوزينة ونطقات بين راسها : اقرب شيئ لرجل هي معدته، دبا نشوفك اسي إلياس وش غتبقا هاز شوكتك عليا وهاد فشوش خاوي هههه
وبدات كتبتاسم وجبدات مقادير كيك وبدات كتقاد كيك بكل نشاط تادخلات كيك ففران طيب وعصرات العاصير من بعد مدة زمنية طابت كيكة وعطات ريحة فدار حيداتها من فران وبدات كتزوقها وستفات كيسان فسرباية مع العصير
وإلياس كتسنا باغي ايدوق اديك كيكة لصايبات
تاجات هزا إسراء فإيديها طبسيل في كيكة ومعاه موس باش تقطع كيك 
ورجعات تاني كوزينة تجيب ليبقا هو حاضيها بعينيه كفاش كتبان بديك كسيوة وشعر مطلوق ومكياج زادها جمال وخا خفيف كما بغا هو دير ومديرش داك مكياج معمق
جات وحطات عصير فوق طبلة ومعاها كيك وجوج طبيسيلات وجلسات كتشوف فيه اما هو داير راسوف مامسوق كاع رجع كخدم ماشي هو لكان مراقبها بغا يدير راسو غضبان
إسراء : اوا اسي ظابط مغتشكرناش ولا زعما ممسوقش
إلياس تجاهلها باغي اعصبها
إسراء : انت يكما سرطتي لسانك
إلياس : هنينا شحال فيك ديال صداع
إسراء :  انت مالك اشواقع منخافوش انت زعما مقلق ولا شنو
إلياس حط بيسي ودار عندها خنزر فيها شي تخنيزرات كون كان قرطاس كون تيرا فيها 
أما إسراء تخلعات ونطقات بصوت هادئ عكس قبيلا لمتملكاتش راسك : صافي إلياسو عفاك سمحلينا
إلياس : علياش غنسمحلك بسلامة
إسراء : سمحليا حيث تجاهلتك ومسولتش فيك وراه حيث مساليناش وتلفون كونت نسيتو فالبيت قبل منمشو صالون ومهزيتوش معايا 
إلياس : اها نسيتي وش عندك راجل وانا من صباح ونصوني ونقول دبا تجاوبني
إسراء : وصافي قلناك بلي مساليت كاع نطل على تليفون وخليتوا فالبيت صوفيا
إلياس دوا بحدة  : وداك تلفون إبقا ديما عندك ماشي كل مرة فين ليحاه  لاش دايرا داك تلفون ملي مغاتجاوبيش على إتصالاتي
إسراء : صافي سمحليا ، اخرة مرة متليتش انعاود
إلياس : غار عاودي نيت زوينة هذي
إسراء : وصافي سمحلينا تاانا كما سمحلتليك نهار لغوت عليك
إلياس بتاسم لها ونطق : مكتمركيش نتي  ههههه، انشوفو وكان وش هاد كيكة قديتيها ولا خربقتيها
إسراء : صافي بلاش بلا مذوق كيكة 
وكحزات كيكة عندها
إلياس شاف فيها بإستغراب ونطق  : ااه ماشي قديتي هاد كيكة ليا باش تراضيني
إسراء : اوا كان قبيلا باش نراضيك دبا انت رضيتي،. اش باغي دير بشي كيكة وتانيا  هذي ليا صايبتها راسي حيث كنت مشهياها
إلياس : عطيني ديك كيكة هنا من قبيلا و انا كنحاني باش نذوقها  وتجي نتي طيريها
إسراء رجعاتها وسط ونطقات  : وصافي هاكها انت كاع متخلي فيها والو  على اقل غار شكرنا اننا درنا إنجاز
إلياس بقا كخربق فشعرها وهز وحد طرف من كيك بدا كدوق ونطق ممازحا لها   : مابيهاش بحالا مسوسة يمكن
إسراء هزاتها وذاقت ونطقات : لا حلوة انت للسانك مسوسالا مبغيتهاش اراها لهلا يوكلو ليك وكحزات من حداه طبيل
إلياس : اريه لهنا راه اكنت كنضحك
بداو على هاد حال كيتناكرو كالمش والفأر 
تعونها وداو ماعيبن اتغسلو فلاماشين ومشات مسحات مكياجها  وتكات هي فبلاصتها وجا هو ونعس حداها على إثر تعب لداز عليهم إسراء فنشاط وإلياس فالخدمة
اصبحنا واصبح ملك لله إسراء خلال هاد 5 ايام ولات متحمسة تفيق بمري على غير عادتها ناضت بكري مع اذان فجر دوشات وخرجات لبسات بيجامة سخونة وبقات جالسة كتنشف شعرها تنشفاتو وجمعاتو ولبسات عباية باش تصلي الفجر والصبح فرشات صلاية وصلاة عاد  حيدات العباية  ومشات هبطات كوزينة تقاد الفطور بقات كتقاد فطور شي ساعة ديال مكانة وهي واقفة فكوزينة تستفات كلشي فوق طبلة وغطات الفطور وتجهات عند إلياس باقي غارق فنعاس
جات حداه ونطقات بصوت خافت : إلياس، نوض يلاه بقات شحال وهي كتنوض فيه والو تعصبها وهي تنوض دوزات خامية وفتحات شرجم  وخلات شعاع اتاجه عندو شي لزعجو ففياقو وفتح عين ونطق : وديك برهوشة سدي داك شرجم وهنينا
إسراء : ونوض انت وليت نعاس كثر من قياس شوف دبا راه 7 ديال صباح وخاصني نمشي عند صوفيا
إلياس ناض ساخط ونطق : ومرضتيني كل نهار نتي عند صوفيا يكما ولداك وناسياك
إسراء : انت سوقك  ياه على بنادم
إلياس : ابلاتي عليك اديك برهوشة ديكساعا شوفي شكون غيوصلك عند صوفيا 
إسراء : ممحزراكش توصلني
إلياس : اوا تعتبي هاد باب رجليك اتقطعوا
إسراء كتخنزر فيه اما هو خلاها تم كتخنزر فيه وتسب فخاطرها فيه وتاجه إدوش اما هي مشات كتجمع شنو تلبس فالعقد اليوم هزات واحد قفطان مطرز بالأزرق ملاكي  مع ميني طالون وساك ديالو ودارتهم فساك متوسط حجم باش تبدل تم عندهم ولبسات عليها جلابة بالبيج وجمعات شعرها الفوق وهزات ساك بالنفس اللون دارت فيه مكياجها وتلفون وشارجور   وخرجات بلا متوجد لو لباسو  جلسات دايرا راسها مقلقة اما هو خرج من دوش مولف كرقا لباسو موجود مرقا والو ومشا دريسينغ جبد منو سروال دجين مع قميجة كحلا ولبس سبرديلة رياضية كحلا وهز  تجاكيطة فإيديه بالكحل  وتاجه رقا فطور موجود وشاف عند صالون رقاها جالسة
تاجه عندها اما هي غار شافت دارت كتشوف فديك جيه عرف هو من هاد حركات انها مقلقة تاني ولا حافظ تحراكاتها
إلياس : مال زين ديالي جالس بوحدو هنا شكون قلقو
إسراء مجوباتوش
إلياس : ااه مبغيتيش تجاوبي وخا لالة بقاي على خاطرك
تجاهلها ومشا جلس كفطر اما هي تصدمات عن بالها غادي احزرها كيف ديما ونطقات بصوت خافت : بلاتي هذا شتو كاع محزرني 
وبقات شحال جالسة تنطق إلياس
إلياس : زيدي تفطري وبراكا من فشوش خاوي يلاه
إسراء دارت عندو ونطقات : مبغاش
هو ينوض إلياس مسا عندها وجرها من إيدها وهي كترطا لو مبغاش تمشي معاه  تاجلسها بزز عليها فكرسي ونطق بحدة ومخنزر فيها : يلاه كولي
إسراء ادوك تخنزيرات خلعوها وبدات كتاكول 
تناض وجمعو ماعيين حطوهوم فلاماشين وتاجه إلياس هز مسايلو وخرج عندها ورقاها كتسنى ومربعة إيديها تاشافتو جاي وهي دير راسها كتشوف فديك جيه
هو يجي عندها وعنقها وهي تنطق : حيد عليا إيدك لهيه راه متنساش اني مخاصما معاك
إلياس : مال عمارة داري مخاصما معايا
إسراء : سول راسك  جالس كتهدد فيا
إلياس : واللسانك طويل كلمة فيا كلمة فيك زعما متقدريش متجاوبي على تاشي كلمة زعما تسكتي شويا
إسراء خنزرات فيه ونطقات : بصحتي ياك هاذا اللساني ومعندك علاقة بيه
إلياس : والله يامك متزمي داك  اللسان عندك حتا نقطعو من جدر
إسراء مجاوباتوش وسبقاتو ماشيا اللوطو
وفتحات الباب وطلعات اما هو بقا كشوف فيها وطلع حتاهو ودمارا نيشان عند دار صوفيا