مدات كأس الماء إلياس بدا كشربو لها. هي جلسات كتشوف غيهم بإعجاب وهنا تأكدات بلي مكتبغيهش حيث مشداتهالا الغيرة لا والو ونطقات نور : شويا اإسراء رخى عليك الحال
إسراء : حمدالله انور
إلياس : يلاه نديك للكلينيك نشوفو مالكي
إسراء : اخليني اإلياس انا راه بيخير غار دوخة وصافي رانك عارف
بقات معهم نور بضع دقائق توقفات نور وهزات ساكها و نطقات
نور : يلاه خليتكم على الخير
إسراء : جلسي بافي معانا
إلياس اكيشوف كطلب فخاطرو تمشي باغي ينفارد بمرتو ونطقات نور : لا لا انا تعطلت خاصني نمشي مرة اخرى ان شاء الله
إلياس : ايه خاصك تمشي راه يكونو نيت والديك مشوشين عليك
إسراء عيات متغمز لإلياس اسكت ونطقات مخنزرة فيه : إلياس باربي صبرني
إلياس : مالي شنو درت
إسراء : مديها فيه انور راه كيبان َسكين عيان
إلياس : اشمن نتي لعيانة انا راه غقلت خاص سيدةتمشي دارهم مالها غتبات معانا
إسراء بدات كتندب فخاطرها على هاد راجل لعندها
نور حاضياهم كفاش كهدرو تضحكات ونطقات : هههه ناري اولد خالتي وصواب عندك صفر باغي تجري عليا ياك اولد الهم
إلياس : هههههه
نور : يلاه بسلامة الله يتبث حملك اإسراء الله يحفظو ليك يارب
إسراء ناضت معاها : امين يارب يلاه نوصلك الباب
نور : اخليك رانك عيانة
إسراء : زيدي وكان نوصلك معيانة والو
مشات معاها توصلاتها الباب ونطقات نور : يلاه بسلامة شكرا ليك بزاف
إسراء بتسمات لها ونطقات : الا بغا تشكريني تزوجي بزربة باش ديري لنا شي عراسية نيت راني وقفا على نشاط
نور : ههههه وناري حمقة صافي تهنيتي نتي لولا حاضرة
إسراء : يلاه تهلاي
نور : بسلامة
سدات موراها الباب وجات رقاتو جالس فصالون وجات عندو ونطقات
إسراء : إلياس انت مالك مجري على بنت حشومة زيرو صواب
إلياس : اجي عندي اجي جلسي حدايا
إسراء مشات جلسات حداه ونطق هو كشوف فعينيها وحط إيدو على بطنها ونطق : امتا غنشوف كريشة كبيرة
إسراء : ههههه باقي الحال تندير 4 أشهر عاد تبدا تبان بطني
بداو كهدرو بيناتهم تنطقات إسراء : انمشي نوجدليك دوش
إلياس: اخليك مرتاحة وداك دروج متبقايش طالعة منو نازلة ردي بال راسك
إسراء : وخا سير انا نخدم شي فلم نتفرج فيه
إلياس ناض و عنكش شعرها عاد مشا طلع بيت ادوش عليه
إسراء صونات على صوفيا تخبرها بشنو وقع حيث ريتاج اتكون ديجا عرفا
صوفيا : نعام لاش مصونيا عليا
إسراء : وخا وخا هاني انقطع دبا كنت بغا نقولك شيحاجة مهمة مي دبا صافي بلاش
صوفيا : إسراء زوينة علاش انا قلت شيحاجة
إسراء : صبغي فيا صبغي
صوفيا : وصافي اصحبتي نتي عرفاني فضولية عوديلي شجرا وشطرا
إسراء : اوا تخيلي شكون جا عندي اليوم
صوفيا : شكون
إسراء : راه نور لجاتني
صوفيا : اويلي شبغات عندك عوديلي وفراس هتشي ريتاج
إسراء : راه باينا اتكون فراس ريتاج مالها ماشي ختها
صوفيا : وايلي ياكما دارتلك هذيك عقروشة شيحاجط
إسراء : نو نو صدقات ضريفة
صوفيا : اويلي على ضريفة نتي عوديلي مفهمت والو مرضتينا صافي عقلي مبغاش استوعب
إسراء : نتي بشوية هانا نعودولك
بدات كتعاودلها إسراء لطرا كامل وصوفيا مصدومة ونطقات
صوفيا : وايلي ممتيقاش عقلي لا يستوعب ذلك هي طلبات منك سماحة واهم نسات حبها لإلياس وانها من اساس مكانتش كتبغيه ووجدات حب حياتها تاكيفاش هتشي مفهمتش
إسراء : غار ستوعبي انا كنت دايرا سوء ظن فيها هي ندمات
صوفيا : اوا حمدالله تهنيتي من مشاكل
إسراء : ويه حمدالله
بقات كتكلم معاها نسات شحال فوتات معاها اما إلياس دوش ولبس عليه وهبط وجلس حداها وحاضيها من لجا هي ممنتابها كاع شكون حداها غار كتهدر وتعاور تكملات مكالمة وشافت حداها ونطقات : بسم الله الرحمن الرحيم
إلياس : مالك شفتي جنون هدي هيا غنتفرج فالفلم
إسراء : اه ههههه راه كنت كنتكلم مع صوفيا
إلياس : وبزااف هتشي علي هدرة
إسراء : وصافي خدمنا الفلم انا نمشي نجيب منقسيو
إلياس : سيري وكان
مشات خبرات خادمة بسنو بغا جات جلسات رقاتو حاير انا فلم خدام تنطقات : خدمنا فلم الرعب الله يجازيك
إلياس دار فيها ديك شوفة ديال صدمة ونطق : عاودي شقلي وقيلا مسمعت
إسراء : وقتلك خدمنا شي فلم ديال رعب والا مكانش ديال رعب اكون عندو علاقة بأكشن صافي
إلياس : وش نتي صفا با عرفا شكاتقولي بقالك غارعب وتكمل باهية
إسراء : راه الا مدرتي داكشي لباغيا غنبكيلك هنايا وش جا ميسكتني
إلياس : لاحولا ولاقوة الا بالله العلي العظيم دبا صافي درتي لسبا بالبكا
إسراء عوجات فيه فمها وهو يختار سعدو على عودو فلم ومن بعد جابت خادمة بلاطوا عامر بداكشي لتشهات إسراء حطاتو فوق طابلة ونطق إلياس بعد مخدم فلم وجلس حداها ومعنق بإيد وحدة : راه منعقل عليك تبداي تقفزيلي فالليل تغوتي سمعتي
إسراء : اصلا انا مكنخافش
إلياس : دبا نشوفو تغوتي فالليل نلوحك من شرجم
إسراء : ياه على بنادم
مجوبهاش إلياس بقاو كتفرجو مرة مرة تقفز إسراء ملي تشوف شي لقطة مخيفة بزااف وهو كتفرشخ عليها بالضحك
اما نور ملي رجعات فرحانة رقات والديها مكيننش فظار من غير ريتاج لناعسة الفوق واما نور بقات شادة مساجات مع مروان فبيتها تدخلات عليها ريتاج
نور طلعات فيها عينها وهي مبتاسمة : ختي نعاسة نضتي
ريتاج باقي اتار نعاس فوجهها وخا غسلاتو ونطقات: مجيتي كاع عندي اجحشة نشوفو شنو وقع بينك نتي وإسراء تصالحتو ولا دابزتو
نور : تخيلي تصالحنا
ريتاج : وايلي
نور : واه وصدقات ضريفة بزااف وقاتلي حتا نتي كوني صحبتي وشخصياها مرحة صراحة نتي محظوظة بصحبة بحالها وكفاش دايرا علاقة إسراء وإلياس كحمقوا مكرهت نعيش بحال هكا مع مروان
ريتاج جلسات فوق نموسية تجبدات عليها ونطقات : شفتي علاش كنت كنتعصب ملي كذكرها شيواحد بسوء وهي صوفيا افضل صديقاتي ونعم صداقة
نور : واه بصح
ريتاج ناضت تقبلات معاها بجدية ونطقات : ختي ملي شفتيهم مع بعضياتهم باش حسيتي متكذبيش عليا
نور بتاسمات لها ونطقات : صراحة محسيت بوالو مجرد عجبتني علاقتهم مع بعضياتهم وتخيلي إسراء حاملة
ريتاج : اه عرفا راه نهار لكنتي بغا تمشي عندها ومنعتك راه كانت بغا تقاد مفاجأة لراجلها وتفرحو بحملها
نور : اه احمارة وعلاش مقلتيها لي وليتي تخبي على ختك
ريتاج : وراه هي قتليها متلوليها حاد
تادخلات عندهم ليلى ونطقات : بنياتي
نور وريتاج مبتاسمين لها ونطقات نور : دخلي اماما دخلي جلسي معانا حتا نتي
جلسات معاهم بداو كتعاودو
اما عند ابطال مورا مسالا فلم دار إلياس رقاها ناعسة على كتفو بتاسم ابتسامة جانبية وطفا تلفازة وناض هزها وتم طالع بيها بيتو وحطها فوق نموسية وتخشا حداها ونعسوا
جاء نهار جديد
اصبحنا واصبح ملك لله
ناض إلياس بكري مشا دوش عليه لبس عليه فمبجة بيضاء مع سروال كحل وصلى صلاتو عاد جا عندها بداو كنوصها ونطق
إلياس : يلاه اعمري نوضي
ببا شحال كنوصها تناضت ونطق : راني تحت صافي
حدها ردات عليه : بوخا
ونزل هو عاد هي مشات دوشات عليها ولبسات عباية صلات بيها عاد حيداتها ونشفات شعرها ولبسات عليها قوبية بيضاء وسروال دجين وسبرديلة بيضة ودارت شعرها ضفيرة فبجنب عاد هبطات رقاتو بلاثة فطور واجد ومشات عندو صالون رقاتو جالس كقرا فجريدة وكشرب فقهوتو وجلسات حداه وشافها ونطق
إلياس : يلاه زيدي تفطري باش نمشو لا تعطلي على جامعة
إسراء : اه وخا مشاو جلسو كفطرو عاد خرجو من فيلا فتحلها الباب تركبات وقدلها سمطة عاد ركب هو دمارا نيشان الجامعة بعد مسافة طريق تكان وصلو رقاو نيت صوفيا وريتاج كتسناوهم معاهم نيت عمر تنزلات عندهم وركب عمر اللوطو ديالو وكذلك إلياس من بعد موصى إسراء دمارو نيشان خدمتهم بقاوهوما واقفين تجاتهم جوهرة
جوهرة : هاي بنات بيخير
صوفيا : حمدالله
ريتاج : نتي شفت خوك كاع موصلك
جوهرة : نو وصلاتني ختي غيثة ومشات
صوفيا : اه هكاك وعلاش مديري شيفور ايبقا اوصلك هاهوما تهناو
جوهرة : انا راه دايرة شيفور ياغير بعد مرات كنبغي نمشي مع خويا ولا ختي
إسراء : نتوما شحال من واحد فدار
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
