ريتاج : وختي شغندير محسيتش براسي تنقزت فوق نموسية بالفرحة ياختي خلاتني معاقلاش شكندير
صوفيا : وشقاتلك ختك
ريتاج : بالطبع بقات كتسولني شكون وضطريت نقولها كلشي
جوهرة : اااه
وبدات ريتاج كتعاودلهم كلشي لطرا معاها البارح شي ساعة وهوما كهضرو توصلات 12 عاد جا معتصم لختو باش يديها رقاهم جالسين تم فظليلة وزاد عندهم من بعد متسالم معاهم طلع عينو فريتاج بتاسم لها وهي حاضياه فعينيها تنطق
معتصم : واحد دقيقة اريتاج نهدر معاك
ريتاج نطقات مترددة : ااه علاش
جوهرة نسات راسها ونطقات : وتيسيري امرات خويا مستقبلية شوفي خويا شبغاك
معتصم شاف فيها مخنزر ونطق : وخا على مك كتجسسي تال دار ابلاتي
جوهرة حطات ايدها على فمها ونطقات هي كتشوف فيه بالبراءة: لا اخويا مكنتجسس
ريتاج ضحكات فخاطرها عليها ونطقات : هانا البنات دقيقة وجاياكم
إسراء نطقات: سيري وكان سيري ودقيقة اجي
معتصم لمشا جهة فين مبلاصي اللوطو ديالو ركب فيها ونطق : طلعي
ريتاج شافت فيه ونطقات هي مربعة إيديها : علاش غنطلع معاك خليني هنا حسن نهدرو فيه
معتصم ميل راسو جنب ونطق : اسمعي راه مكنعاودش الهضرة طلعي يعني طلعي
ريتاج سلمات الامر وطلعات معاه دمارا نيشان كقلب على شي الكافي باش يجلسو يهدرو فيه على خاطرهم تكسرات صمت ملي نطقات ريتاج : بلاصي اللوطو نهدرو هنا حسن
دار كما قاتلو ودارت عندو ونطقات وهي مربعة إيديها عندها وكتشوف فيه : اوا فاش باغي تهدر معايا
معتصم نطق : كنت سولتك البارح وش كتحسي من جيهتي بشيحاجة ومجوبتنيش
ريتاج بدات كتوتر ونطقات هي كتحاول تخفي توترها ولكن غالب الله معرفات متقول : امم هاء مفهمتش ، كفاش زعما
معتصم مسح على جبهتو ونطق : مالك كتهجاي ، هدري نيشان سولتك جاوبي
ريتاج تنهدات ونطقات من بعد مخفات توثرها. وحولات تبان عادي : علاش بغيت تعرف زعما
معتصم بتاسم بجانبية ونطق : باش نعرف البنت لبغيتها وش باغاني ولا لا
ريتاج توردو حنيكاتها ونطقات وهي كتفرك إيديها: اااه بصح خاصك تعرف
معتصم نطق ضاحك : ههههه وياك عرفاها وجاوبينا باش الا كنتي تانتي باغياني نجيب والديا ونخطبوك ونتزوجو فأسرع الوقت
ريتاج كانت ساهية فضحكتو تاصدمها بهضرتو و نطقات مصدومة : اويلي وش منيتك راه بابا مغاديش يخليني نتزوج دبا تانكمل قرايتي
معتصم : باك معندك لاش تشطني عليه انا غنهدر معاه
ريتاج عارفا ولكن بغات تأكد : علاش انت كتعرف بابا ؟!
معتصم لبتاسم ونطق : بالطبع راني عارفو راه باك معرفة قديمة
ريتاج شافت فيه بصدمة ونطقات : هي انت بصح كتعرف بابا
معتصم حدو حرك راسو
ريتاج بقات شحال ساكتة ونطقات هي متوترة : شوف معتصم انا راه بقا صغيرة على زواج صبر عليا نسالي قرايتي وديكساعا اجي خطبني غار عماين شباليك !!
معتصم شاف فيها ونطق :وخا الالة نصبرو معاك
بتسماتلو ونطقات : شكرا ، ااه يلاه ايكونو البنات كتسناوني منتعطلوش قد هاكا
معتصم مسح على شعرو ونطق: مقلتليش وش بغاني ولا لا راه كنتسنا
ريتاج شافت فيها بعينيها كلمعو ونطقات : ااه حتا انا راه باغياك كما باغيني لذلك انت مكتشوفنيش فرحانة حيث اخيرا إنسان لكنبغي ولجربت نبغي اول مرة حتا هو كبادلني نفس شعور
معتصم بتاسم لها وهو فرحان من داخل ديالو ونطق هو حاضي تفاصيل وجهها بعينيه : اخيرا سمعناها منك كنت خايف نكون فارض راسي عليك وخا هكاك كن كنتي مكتبغينيش متلا مغاديش نتخلا عليك و غنخليك تبغيني بزز على خاطرك
بتاسمات بخجل ونطقات : يلاه حرك اللوطو خلينا نمشو
حدو امألها براسو ودمارا نيشان وجهة جامعة مسافة طريق تكانت غاجوهرة لكتسنى بوحدها
تهبطات ريتاج عندها ونطقات : جوهرة فين مشات صوفيا وإسراء
جوهرة نطقات : يلاه مشاو
ريتاج : ااه ابون اجي وش سول عليا ولد خالتي حيث كنمشي انا لاخرة
جوهرة : لا لا متخافيش راه كان شيفور باقي مجا ودغيا نقدات موقف إسراء قاتلو راه داها شيفور
ريتاج تنهدات بإرتياح ونطقات : اوف كنت خايفة ولد خالتي يشوفني بنظرة خايبة. مهم بسلامة
جوهرة : بسلامة
تجاهات جهة شيفور ركبات معاه
اما عند جوهرة تجهات كذلك عند خوها وركبات معاه
مسافة طريق تكانت وصلات ريتاج فيلتهم بلاصا شيفوراللوطو وهبطات متجها جهة بوابة فيلا دقات تفتحاتلها خادمة حياتها براسها ودخلات وهي كتسمع حس الهضرة والهراج فدار مشات نيشان صالون تشوف وش بصح خالتها لجات حيث سمعات صوتها وقفات عند صالون كتشوف إيمان ورانيا وعمران جاو من سفر وجالسين لباين عليهم يلاه جاو نيشان عند ليلي
لمعو عينيها بحماس ونطقات بجهد فرحانة بوجودهم : خالتي هذي نتي اخالتي
شافت فيها إيمان ونطقات ضاحكة وهي فتحا إيديها مستعدة تحضنها عندها ونطقات : اجي عندي ابنت ختي لبريهيشة ديالي اجي
لاحت ساكها وتجهات كتجري عندها تلاحت في حضنها كان عناق حار بعد مدة عاد فصلو عناق وتجهات عند رانيا عنقاتها كذالك ونطقات : رانيا امتا جيتو اختي
رانيا بتاسمات ونطقات : جينا عاد دبا جيناكم نيشان مدزنا كاع على خويا
ريتاج نطقات وعينيها كلمعو بفرحة : مرحبا بيكم توحشتكم
ومشات تجهات عند عمران لعنقاتو كذالك كتعتبارو بماتبة الأب ديالها
وجلسات حدا خالتها ونطقات : واه احسن مفاجأة درتي اخالتي ملي جيتي قلت وقيلا مغاتجي الى عرس
إيمان وهي كتمسح على شعر ريتاج وكتشوف جهة نور ونطقات موجهة كلامها لنور : علاش منجيش ونور بنتي بغات تزوج مبروك عليك أحبيبتي الله يكمل عليك بالخير
نور بتاسمات ونطقات بخجل : امين اخالتي
إيمان نطقات موجهة كلامها رانيا : ونتي ابنت كرشي امتا غنفرح بيك
رانيا طلعات عينيها فيها ونطقات بكل نرجيسية : ماما هذي راه رانيا لكتبغي نفسها كثر معندها مدير بشي زوج الا مكانش بحال خويا او اكثر منو حيث انا مغنقبل بتاشيواحد وخا يكون نازل عليا غابشوية مغنرضاش اماما انا كنشوف راسي أعلى من كلشي
عمران نطق بحدة : رانيا وش لهاد دراجة كتأمني بطبقات ولاشنو حيدي عليك هاد فكرة يكفي اكون زوج صالح وعارف بينو وبين الله وقادر اعيشك مزيان حنا مكنطلبوش مستحيل الا بقيتي بهاد فكر ابنتي معمرو غيشوف فيك شيواحد حيدي منك هاد الغرور والانانية
ليلى بغات تلطف جو : اوا ماعلينا مهم ياكما تكرفستو فطريق
إيمان : لا لا اختي حمدالله مرقينا تتكرفيس
ليلى : اوا حمدالله ملي نحطو الغدا طلعو رتاحو وحيدو عليكم التعب ديال سفر
إيمان نطقات : لا لا غنمشو عند إلياس وإسراء نجباو عليهم
عماد نطق : رتاحو بعدا وغنعيطولهم العشاء إجو
إيمان : اوا ملي هكا صافي توحشت ولدي و مرات ولدي على مزيناتها ضريفة
رانيا غار سمعاتها قلبات عينيها ونطقات بسخرية : ااه مسكينة ضريفة بزااف ديك مرات خويا مكتهزش العين مسكينة
نور عايقا بيها وتجهلاتها
بداو خادمات كحطو الغداء اما إيمان ناضت دوز اتصال لإلياس
عند إلياس وإسراء لجالسين فصالون وإلياس هاز فإيديه بيسي خدام وإسراء لفجنبو كتاكول فسقاطة لجاب لها وراسها على كتفو مرة مرة كتشوف فالبيسي شنو كخدم تابدا تلفون كصوني هزو ورقا نمرة مو جوبها
إلياس : الو الواليدة بيخير
إيمان : حمدالله اولدي حمدالله كداير انت وكدايرا إسراء لباس عليها
إلياس : حمدالله رانا بيخير الواليدة ونتي لباس عليك ورانيا بيخير عليها واليد لباس عليه كدايرين مع صحة
إيمان : حمدالله كلنا بيخير غار بغيت نقولك راه جينا انا وباك و ختك المغرب رانا عند خالتك
إلياس : وايلي وعلاش متجي عندي نيشان
إيمان : عرفت اتكون خدام اولدي كنت غنجيك دبا مي خالتك مخلاتني قاتلي تال غدا ونجي عندكم
إسراء لطلعات راسها وتقبلات معاه ونطقات : وايلي خالتي إيمان جات دوز هالي اإلياس راه توحشتها
إلياس حيد تلفون من ودنو ونطق : بلاتي اإسراء واحد شويا نعطيك
إسراء : وخا
ورجع تلفون ونطق : مرحبا بيكم الواليدة فيما عجبك جي دار دارك هادي الله اودي
إيمان نطقات : عارفا اولدي عارفا غار قاتلك خالتك اجي تعشا عندنا انت وإسراء
إلياس : وخا ماعندي تامشكل
إيمان : دوز ليا إسراء نتكلم معاها
إلياس حيد تلفون على وذنو مدو للإسراء شدات من عندو تلفون ودارتو على وذنها ونطقات : خالتي لباس عليك توحشتك
إيمان : اهلا ابنيتي اهلا تأنا توحشتك وغبرة هادي ملي جيتي نتي ولدي امريكا متليت شفتكم
إسراء : تانتي غبرتي اخالتي علاش متجي عندنا
إيمان : اوا ابنيتي الوقت وصافي مع رانيا خدامة وعمران كذالك
إسراء : داكشي لكاين ياكما تكرفصتو فسفر
إيمان : حمدالله وصلنا بيخير وعلى خير اوا ابنتي مزال مهداكم الله تجيبولي شي حفيد
إسراء تزنكات ونطقات : تانجي اخالتي ونقولك هههههه
إيمان : فرحيني ابنيتي فرحيني
إسراء : اه صافي تهناي
إيمان : يلاه بسلامة تاتجي نتي وإلياس العشاء
إسراء : بسلامة سلمي عليهم
إيمان : بسلامة ابنتي بسلامة
وقطعات معاها
ونطق إلياس : إسراء الا مشينا تم ديري عقلك
إسراء طلعات عينيها فيه ونطقات : انا دايرة عقلي حمدالله
إلياس : مهم انا هدرت مابغيت نفس شيئ يوقع بينك نتي وختي كما وقع ملي مشينا أمريكا
إسراء تنهدات ونطقات : شوف اإلياس انا راه مكنتعدا على حاد ولتعدا عليا مكنسكتلو الا عطاتني هيا تساع انا عطياها تساع وموقراها ولكن باش تبدا تعايرني وانا نسكت ألا اإلياس متفقناش هكا
إلياس تنهد ونطق : عارف اعمري عارف تاهي غنهدر معاها وحتارمو بعضياتكم مكاين لاش هاد مشاكل وصداع راس
إسراء حدها اماتلو براسها ونطق ملي شاف طابلة ديال الغداء وجدات : يلاه حطي ديك سقاطة وزيدي توكلي
إسراء : وخا
حطات ديك سقاطة كما قالها و مشات غسلات إيديها وكذالك هو عاد تجاهو طابلة تغداو بجو مرح عاد خرج إلياس لخدمتو وإسراء بقات كتراجع دروسها لين ملت ومشات خدمات تلفازة و ختارت منو فلم معين وبدات كتفرج وكتاكول فديك سقاطة وهي عايشة مع الفلم
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
