عشقك إدماني

parte 145

تفتح الباب و دخل عندها وكشوف فيها مصدوم كفاش داك فستان تلبس عليها هي  فقط زينها بطريقة جذابة مع علم فستان مكيبان منو تا مفاتينها كان ساتر لكن عطاها مظهر روعة  وهو هايم فيها كجات عليها اما هي غكتشوف فيه وشادها توتر وكتفرك في  إيديها بتوتر كتمشى جهتها توقف قبالتها وشد إيديها بجوج ولمسهم بإيديه وهو كشوف فيها بديك الاطلالة  ونطق : عمري كن اسحابلي غتجي هكا ݣاع منخليك تخرجي لايصدقو اشوفو فيك كما كنشوف فيك انا
فقط كتستامع لو وقلبها كضرب بجهد وحنيكاتها تزنكو وقرب عندها وطلع ذقنها فصباعو وهو مجنن عليها وحنا راسو شويا وطبع قبلة اللطيفة على شفايفها وبعد بضع سنتيمات ونطق  هو هايم في عشقها : عمري رخفي عليا شويا  اشهاد زين كامل لولا فيك نهار على نهار كتزاد عشقي ليك توليت مهووس بيك ازينة البنات
اسراء غكتستامع لو ومزنكة وقلبها كهتف بجميع مشاعر الحب بمجرد كلمات منو خلاها تنسى انه غوت عليها  وهو حاضي تفاصيلها ونطق من بعد مدخلو فقبلة رومانسية وجبد من جيبو واحد بواط فتحها قدام عينيها وهي كتشوف تجبد سلسلة الالماس  بسيطة وراقية وموضوع فيها اللؤلؤ  فالوسط كيبري ونطق : عمري نلبس هالك
إسراء دارت إيدها على فمها ونطقات وعينيها كلمعو : واو حبييتها وخداتها من عندو وكتشوف فيها ونطقات : ااه لبس هالي واو
بعد مدارت وردات شعرها لجنب ولبسهالها وهي مبتاسمة وكتقلب فيها بإيدها حمقاتها ودارت عندو طارت عليه بتعنيقة وقبلاتو فشفايفوووبعدات ونطقات : شكرا ياأحلى زوج
إلياس : بصحتك احبيبتي نتي تستاهلي كثر من هكا
هي فقط كتشوف فيه ومبتاسمة  ونطق : سمحيلي اعمري حيث قلقتك وخليتك تبكي
إسراء : عادي مسمحاك موقع والو احبيبي
قرب منها وطبع قبلة فوق جبهتها وقبل شفايفها ودخلو فقبلة رومانسية من بعد مفصلو قبلة ونطق :  مشينا اعمري 
إسراء حدها امأتلو براسها ونطقات :فين غنمشو
شاف فيها وبتاسم عنكش شعرها ونطق : مفاجأة هذي اعمري و عنقها عندو بجنب وخرجو من بيت هابطين مع دروج وهو كيبقا يعنكش فشعرها ونطقات إسراء بتذمر : واصاحبي تخلي شعرنا رانا مقادينو زعما  وش باغيني نمشي  مشعكة
إلياس : قولي راجلي حبيبي ولا حياتي ، نتي كفاش صاحبي مالنا عشران ولا شنو
إسراء هزات كتافها بطريقة طفولية وسبقاتو تجرها من إيديها وجابها جنبو ونطق : هادي هي بلاصتك اعمري
  وخرجو من فيلا فتح لها الباب اللوطو  تركبات وركب حداها ودمارا نيشان الوجهة الافخم ريسطو Golden fish  وإسراء غاحاضية طريق ومرة مرة تشوف جهتو وتبتاسم  وهو حاضيها بنص العين  تخدا إيديها وسط إيدو وهو كحس بإيديها رطبين وصغاريين مقارنة مع إيديه هو ومرة مرة كقربها لفمو وكحط شفايفو على راحة إيدها وهي كتحس بقشعيرة كتملكها ملي كحط شفايفو سخان على ملمس إيدها بعد عدة دقائق كانو وصلو وجهة ونزل من اللوطو وفتحلها باب وشدليها إيديها ونزلو ودخلو مطعم بقات إسراء كتشوف بإستغراب حيث بالها مطعم خاوي يلاه بغات تنطق تجا واحد رجل ونطق : مرحبا مرحبا تفضلو معايا طبلة ديالكم واجدة  حدو امألو براسو ومشاو تابعينو لطبلة ديالهم لكانت مزينة بالورد والشموع  جر ليها كرسي تجلسات وجلس هو قدامها وهي كتشوف مستغربة وش هذا إلياس ولا شيحد اخر وكتشوف فالمطعم لكبان خاوي غار هوما لكاينين ونطقات بعد تردد وهو  حدو مبتاسم عارفها فاش كتفكر : دبا قوليا علاش غاحنا لكاينين هنا وانت مال تصرفاتك غريبين فشكل هدشي
إلياس ضحك ونطق : مال حبيبة ديالي معجبكش هدشي لدرت
إسراء : لا زوين بالعكس حمقني واو معمري ضنيت غنجرب هاد شعور
إلياس شد إيديها عندو ونطق : اي حاجة بغاتها عمري تولي ديالها نتي تستاهلي اي حاجة
إسراء بتاسمات ونطقات : عرفتي شناهيا الحاجة لمندمتش عليها
إلياس كشوف فيها كمعشوق ونطق : شناهيا اعمري
إسراء : هو انت احبيبي  مندمتش حيث تزوجت بيك انت احسن حاجة وقعاتليا
إلياس قرب إيديها لشفايفو وقبلها في راحة إيدها ونطق : انا كذلك مندمتش حيث نتي شيحاجة سبيسيال ازين ديالي خليتيني مهووس بيك
نطقات قوليا : علاش حنا وحدنا لهنايا
إلياس : حيث احبيبة ديالي درت لحجز لهاد مطعم
وشويا بداو كعزفو بالموسيقة رومانسية كلاسيكية  ناض من على كرسيها وهي حاضياه وتقدم عندها وحنا شويا وقدم إ يديه ونطق : تبغي ترقصي معايا
حدها امأتلو براسها وهي كذلك  مدات إيديها وهو يشد إيديها وجابها الوسط وبداو في رقص رومانسي وهو حاكمها من خاصرها وهي حاطا إيدها على كتافو وكتمايلو مع موسيقى بكل خطوات تسالات موسيقى وجلسو فبلاصتهم وبداو كياكلو  ومع إسراء كحمقوها فواكه بحر وكتاكول وكتبنن ونطقات :  واو هدشي بنين بزااف
إلياس : بصحتك اعمري
من بعد مكملو خرجو من ريسطو وإسراء غكتهدر وتعبر : واعر بجهد واو بقا ديني هاد بلايص كحمقوني
إلياس حاضيها ومبتاسم ونطق  : لبغيتها اعمري هي لغتكون
وعنكش شعرها وفتح لها اللوطو وركبات عاد هو ركب  ومشا دمارا نيشان وجهة فيلا كانت ساعة كتشير 10 ديال الليل
فورا موصلو طلعو بيت  دخلات ونطقات : ااه بغيت غنعس
نطق : لا اعمري مكاين نعاس دبا انا بغيت ناكلك دبا
إسراء سرطات ريقها ونطقات : ااه وخا صبر عليا غاشويا
إلياس بتاسم ومشا تكا فوق سرير ونطق : خوذي راحتك اعمري ولكن برب لاعقلت عليك 3 ايام حرمني منك
إسراء : وانا على قد حال وتانيا حاملة الا مبقيت فيك ايبقا فيك ولدك
إلياس : وخا معليش انحاول نتكايسو عليك
ومشات هربانة دوش دوشات وبغات تخرج وهي تشوف بلي نسات لباسها مجابتو ونطقات : تفو اويلي تلباسي مجبتو 
وبدات كتسلت بشوية وهو شاد تيلي وكشوف انفاص لدوش خرجات متسلتة لدريسينغ وهي لاوية عليها فوطة توقف قدامها ونطق : فين هربانة احبي
تخلعات ونطقات متوترة  : راه.... غادا... نلبس ..حوايجي
إلياس : بلاش متحتاجيش احبي
يلاه بغات تدوي ومخلا فيها فين تكلم تطبق شفايفو عليها وغاصو لعالمهم الحب والشهوة والعشق .....
وقضاو ابطال الليلتهم ونعسو في حضن بعضياتهم وهما متصالحيين وناسيين الخصام  لوقع بيناتهم