عشقك إدماني

Parte 83

خرجات من دار صوفيا من بعد متودعات مع رحمة ومصطفى عاد ركبات مع إلياس دمارا نيشان إقامة بدون ميهدر معاها ولا تهدر معاه عاد نطقات من بعد مكسرات الصمت : والله تاحشومة عليك اإلياس
شاف فيها بنص عين ونطق : اشكاين مالنا تاني
إسراء : ومخليتني تانشطح على خاطري خليتهم باقي في نشاط
إلياس جاوب ببرود : وانا مالي
إسراء تعصبات من برودو ونطقات : ياه على بنادم معقد صافي
إلياس : خليني ناشط قبل منتعصب وندير فيك شي كارثة
متلات زادت معاه إسراء تاكلمة
اما عند عمر وصوفيا شدو طريق نيشان رباط
صوفيا شافت جهتو لكان حاكم إيدو فإيدها ونطقات
عمر نطق : اخيرا اغزالي وليتي حلالي
صوفيا : هههه ومتحشمنيش
عمر : فين مشات صوفيا نقزدرة بهالية لمقابلا غاماكلة ونعاس سات هاد نهار مكالات والو ومتبتة ومترزنة
صوفيا : لاحولا ولا قوة الا بالله العلي العظيم ولينا تابتين مشكلة ولينا مقزدرين مشكلة ولينا نتصرفو فالعفوية مشكلة انا مفهمت
عمر ضحك على ملامها : هاد صوفي ديالي هو لباغي خاطيني انا حشمة
صوفيا : اصلا حنا بجوج تلاقينا مقزدرين
عمر : هههه ياك بعدا
وبقاو شادييت فطريق فالهدرة واتعاودو
اما عند إسراء وإلياس ساد صمت فاللوطو،
مسافة طريق تاكانو وصلو إقامة نزل من اللوطو وفتح لها ونزلات هي كذلك وزاد معنقها اما إسراء فرحات من داخلها ملي رجعات عادتو عرفات البارح بلي كان نيت مقلق منها طلعات عينيها فيه وابتسامات لو حتا هو بدلها ابتسامة وطلعو فسانسور دخلو إقامة
دخلو بيت ديالهم تنطق إلياس ملي بدا كينصل قميجة
إلياس : يلاه زين ديالي انا غنمشي ندوش اوك
إسراء : وخا سير بين موجدت ليك لباسك
بتاسم لها إلياس ودخل ادوش عليه وإسراء مشات دريسينغ وجداتلو لو سروال توب بالكحل مع تريكو صوف بالبنومارين واكيد لباس داخلي وحطاتهم فوق نموسية
وبدلات لباسها لبسات كسيوة صيفية بالموف وخلات شعرها كيما مصواب ممساتوش
وجلسات كتفكر بلي اخيرا انها غترك هاد مدينة لكبرات فيها ودوزات فيها طفولتها ولفقدات فيها اب ديالها وام ديالها ورقات صوفيا وعائلتها بجنبها لتعرفات على ريتاج وعلى  راجلها فهاد مدينة لغادي تمشي معاه وتستاقر فرباط تم فين كان ساكن هو
من بعد تم خارج من دوش رقاها دايرا إيدها على حنكها وفشرود لدرجة بدل حداها ومعارتش اهتمام مولفا ملي كيبدل حداها كتخرج لكن هي جسد حاضر وعقل غايب بقا حاضيها بعينيها تجلس جنبها وبدا كحركها باش تنوض من شرودها دارت عندو
إسراء : ااه إلياس امتا خرجتي
إلياس : خرجت قبيلا فين كنتي ساهية
إسراء : ااه غار كنت كنفكر وصافي
إلياس : وخا نعرف عمري فاش كان كفكو
إسراء : صراحة ملي كنتفكر بلي غنترك هاد مدينة لكبرت فيها وتربيت وغنمشي مدينة اخرى صراحة صعيبة معرفت وش غنولف ولا لا
إلياس  تقدم وعنقها عندو ونطقز: غتولفي حبيبتي وعلاش مغتولفش هاهوما صحاباتك غيقراو حداك وتانيا ماشي غنمشو بمرة ومتليناش نرجعو ضروري غنرجعو ولا لا
إسراء : عرفا غار عرفني فيا تخمام بزااف
إلياس : معندك لاش تفكري هكا 
بقاو شحال كهدرو تناضت إسراء ومشات تقد العشاء وإلياس كعاونها عايشين اللحظة
إلياس مشا يجيب العشاء ومعاوناه إسراء حطوه فوق طابلة عاد  جلسوا  فوق كرسي وبداو كياملو تنطق 
إلياس : عرفتي شنو تفكرت
إسراء شادها فضول : لا، شنو تفكرت
إلياس : نهار اول اللقاء لنا
إسراء : ناري نهار كوميسارية
إلياس : بغيت غنعرف وش ايديك شايطا عليك
إسراء : راه داك نهار تعصبت بزااف كون مفيشيت غضبي كون تسطيت، اصلا مزيان ملي فشيت فيها غضبي جالسة كتعوج عليا تم 
إلياس  ضحك على كلامها ونطق :  حمقة صافي
إسراء : ههه  وراه كتاشفت صراحة بلي الحياة قاسية، كون تعرف علاش تعصبت كون غاتعصب كثر مني
إلياس : مهم معلينا يلاه لباغا تنعسي راه خاصنا نوضو بكري
إسراء :  ناري تقالت غنعس ونتا كتقول ليا غنوضو بكري
إلياس : وداك فياق بكري لدوزتيه عليه هاد 5 ايام ونايضا مع 6 ديال صباح وش نتي دجاج
إسراء : والحملس كنت كنفرح ملي كنمشب نقربلها على صوفيا ونصدعها
إلياس : زيدي وكان زيدي
هزات ماعيين وعونها دارتهن فلاماشين ومشاو البيت تكا فبلاصتو وتخشات حتاهي خدها وعنقها جهة صدرو وإيدو لاخرة كتلعب فشعرها وهي ناعسة على صدرو وكتسمع دقات قلب ديالو وكتبتاسم تاداهم  نعاس  فحضن بعضياتهم  
جاء نهار جديد
اصبحنا واصبح ملك لله
إلياس ناض بكري مشا دوش عليه توضأ  ولبس عليه سروال دجين مع قميجة زرق فاتح ومشا صلا صلاتو فجر وصبح ومشا كوجد فطور وستفو فوق طابلة ومشا عندها البيت وجلس حداها ومدوز إيدو بحنية على وجهها وعلى شعرها لذاح علي وجهها وكحيذو من وجهها   وإسراء مزال خامرة  مجايبا كاع الخبار وهبط بدا كقلبها كل إنش فوجهها وهي تقول جثة صافي و بدا كحركها بشوية ونطق
إلياس : إسراء إسراء  تي نوضي تهزي هذا كامل نعاس فيك
عيا مينوض فيها والو اما هي دارت جيهة لاخرة
و نطق : ياودي ياودي معامن انا البارح محميا سوق واليوم خامرة بنعاس
جا عندها مرة 3 كنوض فيها ومشا كفتخ شراجم وهي تعنكشات بنعاس وفتحات عينيها   بشوية على اثر شعاع لجاي عينها نيشان ونطقات : سد شرجم  راه صدعني شعاع
إلياس كشوف فيها ومبتاسم بإستهزاء ملي كانت هي كدير هكا وتقلق حيث مناضش دبا العكس  ونطق : نتي نوضي تهزي يلاه
إسراء : فين غنوض خليني نعس الله يرحم باك
إلياس : غتنوضي ولا ندير شرع إيدي
إسراء فهماتو وناصت جالسة ونطقات : الله اودي غنوض اصلا هذا وقت فياق 
إلياس : لاحولا ولا قوة الا بالله العلي العظيم سبري وكان دوشي وصلي صلاتك ولبسي لباسك وزيدب تفطري
إسراء : وخا
مشات هزات لباسها لغتلبس وجداتو فوق نموسية ودخلات دوش اما هو هز دوك لفاليز تما وهبطهم حطهم فالكوفر فاللوطو وطلع بقا شاد تلفون
اما هي من بعد مدوشات لبسات سورفيت باللون كحل فيها كتابة بالبيض وساترة  لبسات عبايتها صلات بيها وحيداتها ومشات  كتنشف  شعرها تنشفاتو عاد  سرحاتو بالبلاك وجمعاتو ديل حصان وخلات قصيصة منسدلة على جبهتها ودارت مرطب شفاه ولكخون ديال شمس ولبسات سبرديلة اديداس كحلة وهزات ساك بالكحل دارت فيها مسائلها  وجات عندو رقاتو جالس غار شافها جايا  بدا كطلعها بالاعجاب ورضا على داكشي لابسة وعلى انها ندارت مكياج وكتسمع هدرتو عجبو الحال  وناض جرلها كرسي وجلسات مبتاسمة لو هو بادلها ابتسامة وبداو كفطرو ونطقات
إسراء : عرفتي نهار على نهار كتبهرني فيك هههه
إلياس : اوا انا نهار على نهار كنتأكد بلي واخذ حمقة
إسراء : ياك المرضي انا كنشرك وانت كتعيبني وخا عقل فيها
إلياس : ولكن وخا هكاك مكاين بحالك
إسراء : صافي بلا متصبغ فيا
إلياس : كملتي ماكلتك يلاه
بداو مفطرو تاكملو وتعاونو هزو ماعيبن غسلاتهم إسراء وستفات ماعيين عاد خرجات من موزينة رقاتو كتسناها ونطق
إلياس : زين ديالي مشينا
إسراء : اه يلاه
ودرعليها بإيدو وخرجو متمازحين مع بعضياتهم  من إقامة من بعد مسدها وهبطو فسانسور تفتح اللوطو وفتح لها الباب وطلعات وطلع موراها  وكسيرا نيشان  شاديين طريق لمدينة رباط