عشقك إدماني

parte 103

صوفيا تقبلات معاها ونطقات بجدية :اوا سمعيني مزيان راه خاصك تبتي وتزكاي وبقاي حلالي داك فم وساهية فيه و تعبريه راه راجل مكيبغيش البنت لدل راسها وتبين اعجابها بيه كوني عاطية قيمة راسك سمعتي وكوني لالة مولاتي ماشي تبيني اعجابك بيه واقول هذي طاحت فيا وادير فيك مبغا وتوكظي معايا
ريتاج : اه عندك صاح راه ختك زهوانية شفت زين تلفت ههههه
صوفيا : وباز وجهك قاصح
تاشويا تا تم جايهم عمر ونطق : نتوما مكتقضاوش من جماعا ولا شنو
صوفيا طلعات فيها عينيها ونطقات : واه جيتي على سلامة انت لتعطلتي
عمر : يلاه زيدي نوصلك دار باش نمشي خدمتي وبسلامة ا ريتاج
ريتاج كتغمز فصوفيا باش تقول بلي غيمشو عند إسراء تنطقات صوفيا : عمر راه بغيت نمشي انا وريتاج عند إسراء
عمر : وش نتي ولداك إسراء وناسياك ولا شنو منهار جيتي وحنا ماشيين عند إسراء
صوفيا : راه مجات اليوم وبغينا نطمأنو عليها ياكما مريضة
ريتاج : ااه اخويا تشوشنا عليها لا تكون واقعة لها شيحاجة زائد مهضراتش معانا
عمر : زيدو وكان زيدي ونتي اريتاج علمي شيفور امشي غتمشي معانا اوك
ريتاج : وخا خويا
مشات علمات شيفور بلي غار امشي وصونات على مها دقائق باش جوبتها ونطقات
ليلى : نعام اريتاج مالكي
ريتاج : ماما راه انا هاد عشية مع إسراء
ليلى : ومغتجيش تغداي
ريتاج : لا ماما ابصحة انا انتغدا معاها
ليلى : وخا ابنيتي سلمي علي إسراء وصوفيا
ريتاج : مبلغ
وقطعات معاها عاد تجهات عندهم ركبات معاهم فاللوطو دمارا نيشان لفيلا ديال إلياس
اما عند إسراء وإلياس قرو يدوزو نص نهارهم ادورو وتغير إسراء جو وقررو اتغداو عاد يمشي اوصلها فيلا باش يمشي خدمتو
اما عند بنات وصلو ونزلات ريتاج كتسنى بعيد على اللوطو وصوفيا نزلات ونطق : وش مغتهبط معانا
عمر : لا اسيرو نتوما انا خاصني نمشي الخدمة
صوفيا : والغدا مغتغداش
عمر : اصلا كنت انوصلك دار ونمشي خدمة الغدا انتغدا على برا
صوفيا : ااه الله يسر ليك
عمر : امين يارب يلاه سيري خليتي صحبتك تسنى
صوفيا : يلاه تهلى
و دمارا هو نيشان خدمتو وهي مشات عند ريتاج رقاتها واقفا ونطقات
صوفيا : زيدي ندخلو نشوفو هديك ختنا مالها
ريتاج : يلاه
نقرو تفتحات لهم خادمة ويلاه بغات تنطق خادمة دخلو كجرو وكعيطو بالغوات بقات خادمة اكتشوف ومشات كوزينة تكمل شغالها حيث عرفاهم صحاباتها لذلك معندهاش حق تمنعهم
صوفيا : وإسراء وإسراء
ريتاج : وصمكا صافي
صوفيا : اجي نمشو نسولو خادمة
ريتاج : زيدي وكان
دخلو كوزينة عندهم ونطقات احد خادمة : نعام الالة اش حب خاطر
ريتاج : فيناهيا إسراء
خادمة : راه خرجات هي وسي إلياس
صوفيا : ااه هوما يخرجو وحنا جايين نتجراو نشوفوا مالها غيبت اليوم وهي مقابلا دوران تبارك الله وزيد في ذالك ونعم صحبة
ريتاج : هانتي كتشوفي
ونطقات صوفيا موجه كلامها لخادمة : وش البارح وقعات شيحاجة
خادمة : صراحة كان سي إلياس معصب
ريتاج قطعاتها : ها لقلت ليك هاديك غا هبيلة باينا ولد خالتي مشا يدفنها
وخادمات اكشوفو وهي تنطق صوفيا : واسكتي نتي قاطعتيها بغينا انفهمو القصة وشافت في خادمة ونطقات : كملي اختي كملي شوقع تاني ياكما قتلها
خادمة : صراحة جرا علينا سي إلياس لذلك منعرف شوقع
ريتاج : ااه هكاك اذن ولد خالتي بغا يقتلها بسرية تم
صوفيا : نتي منيتك هذاك مسعور ديال راجلها اقتل راسو وميقتلهاش هي
ريتاج : ويه راه ايقتلنا انا وياك اصحبتي الا خسرنالها خاطرها
صوفيا نطقات موجهة كلامها لخادمة : وكفاش بانولك اليوم مخاصمين ياك
خادمة : لا بالعكس بانو كوبل واعر حبيتهم الله يخليهم لبعضياتهم
صوفيا : امين يارب
وخرجو من كوزينة تاجهو صالون
ونطقات صوفيا: واه العجب اصحبتي
ريتاج : مفهمت شدني فظول
بقاو تم كحللو تنطقات صوفيا : وصافي نوضي نمشو نقوللهم يجيبولنا مناكلو
ريتاج : يلاه
مشاو تجاهو كوزينة اخبروهم باش يوجدولهم غذاهم وللبو لهم طلبهم بعد دقائق تحط الغداء فوق طابلة وتقدمو اتغداو
اما في جهة اخرى عند عائلة جوهرة مورا متغداو كلها طلع بيتو ياخوذ قيلولة
جالسة جوهرة فالبيت وكتفكر وش بصح إسراء بنت خالها خاص ضروري تأكد وعدة افكار كزورو عقلها شي ل قاطع شرودها ملي دخلات عليها مها زينة ونطقات : بنتي ندخل
جوهرة بإبتسامة عريضة : دخلي اماما دخلي لاش كطلبي اذن اويلي
دخلات عندها وجلسات فوق نموسية حداها فين جالسة وكدوز بإيديها على شعر بنتها وجوهرة احاضياها ونطقات زينة : بنتي وش شاغلا بالك شيحاجة نتي مكتخفي تاحاجة على ماماك ياك ابنتي
جوهرة تنهدات ونطقات : ماما انا حايرة بزااف
شافت فيها زينة ونطقات مستغربة : مالك اش واقع ابنتي شنو محيرك
جوهرة : دبا كنت عودتليك على بنات لتعرفت عليهم جداد
زينة : ايه امالهم
جوهرة : صدقات وحدة منهم بحال والو بنت خالي
زينة شافت فيها بصدمة ونطقات مصدومة : كفاش عرفتيها بنت خويا شكون هادي
جوهرة : ماما هي عندها نفس كنيتك وكنيت خالي يعني صدقات بنت خالي
زينة : ياربي صبرني نتي غاشفتي نفس كنية وقلتي بنت خالك هاذي تي شويا لباس
جوهرة : لا اماما سمحيلي قتلها شنو وقع خالي
زينة حطات ايدها على راسها : غتخرجيلي عقل نتيا شكون قالك تخرج سر لقتليك لبراني معرفناها نيت بنت خالك ولا لا
جوهرة هبطات عينيها تحت ونطقات : سمحيلي اماما سمحيلي
زينة : وخا ماشي مشكل عوديلي شنو كان رد فعلها
جوهرة : هي صراحة تعصبات بزااف وبانت متأكدة بلي خالي صدق هو باها وقالت كتكرهنا ملي حنا كنشوفو فمظاهر وانا بقا فيا الحال حيث نبرة كفاش هدرات بالحرقة على والديها محملتش راسي اماما علاش جدي ادير بحالهاكا بخالي وش مأكدة بلي جدي باه نيت
زينة : اشكاتقولي انتي مشفتي جدك باش مسكين مرض ملي غبر خويا متلاش جا هذي 6 سنين وكان واعدنا بلي غيرجع ومرجعش ونطقات بنبرة حزن انا صراحة تفرقت على خويا عثمان وهو شاب وانا شابه الاعمار كتجري وماليه اثار توحشت خويا قوليلي ابنتي بغيت نشوفها باش نعرف خبار على خويا
جوهرة : ماما راه طلباتني سميت خالي وتصويرتو
زينة مسحات دموعها لكانو كتساقطو ملي تفكرات خوها ونطقات : وخا ابنتي نمشي نجيب تصويرة خويا ونجي وصافي
جوهرة : وخا اماما
مشات زينة بيتها بقات كتقلب فلباسها ترقات تصويرة فيها هي وياه وبقات كتشوف تصويرة وكتمسح على وجهو ونطقات : ااه اخويا احنيني مشيتي وحنا اللور اللور وبا الله يهديه هاهو مرض وطاح فراش
وخرجات من بيت ومشات بيت لفيه جوهرة ومدات ليها تصويرة ونطقات : ان شاء الله تكون نيت بنت خالك
جوهرة : ماما جدي وش غيتقلق
زينة : غار سيري خبريه بهاد خبر مغاديش ايتقلق ، شفتي ماما الله يرحمها جداتك ملي مشا ولدها ماتت بسكتة قلبية ودموعها هبطو بغزارة
جوهرة ناضت عندها ومسحاتلها دموعها ونطقات : صافي اماما دموعك غالية متهبطيهمش راه غتبكيني حتا انا ومعتصم وبابا وغيتقلقو الا شافوك كتبكي مغيعجبهم حال
زينة : اجي عنقيني احنينتي
جات عندها جوهرة عنقاتها ونطقات : يلاه ابنتي نهبطو عند جدك
جوهرة : وخا اماما انهز كاب ديالي ونهبطو
زينة : يلاه
جوهرة شدات تصويرة دارتها وسط صاكها ديال كتوبها باش متنساش
وهبطات مع مها عند جدها لكان جالس فصالون وكسبح وهو يطلع فيها عينو ومع جوهرة هي صغيرة فدار هي عزيزة عندهم بزااف ونطق : اجي عندي احفيدتي اجي
جات عندو جوهرة وعنقاتو وجلسات حداه ونطقات : با جدي بيخير صحيحتك لباس
علي : حمدالله احفيدتي حمدالله لقاهرني هو ولدي 6 سنين مشفتو وندمت حيث وقفت فطريقو وجريت عليه شحال مرة ومعرفتو ميت ولا حي
جوهرة نطقات : صافي اباجدي قريب غتلقا مع ولدك وغادي نرجعو عائلة زوينة
وزينة كتسمع لهم نفس سيناريو كوقع ملي متلا جا خوها وماتت مها
علي تنهد تنهيدة عميقة ونطق : ملي جريت على ولدي وسمعتو اقصح كلام وكان عندي أمل إجي ويعاود اطلبني ونسامحو ولكن هو غبر كانت اخر مرة نشوفو قبل 6 سنين وكان كبغي اخبرني بأي حاجة ولكن مكنت كنعطيه فرصة كانو عينيا معميين كنت كنشوف غمظاهر وكنت موعد صاحبي بلي ولدي اتزوج ببنتو ولكن ملي عارضني تعماو عينيا وموراها جداك ملي غبر مقدرات تستحمل وصابت بسكتة قلبية وهبطات دمعة سخونة ومساحتهالو جوهرة ونطقات : باجدي قالتلك بلي قريب غنتلقاو مع خالي
علي : مأكدة ابنتي كفاش عرفتي هتشي
تاشويا نضم ليهم معتصم ونضمات لهم غيتة وكذلك راجل زينة للأب جوهرة وغيثة ومعتصم وجلسو كستمعو
جوهرة كتخبرهم على إسراء ورد فعلها وكلشي متعلق بيها
هو ينطق معتصم : كفاش اجوهرة مأكدة من هتشي كتقولي
غيثة نطقات : مفهمتش وش صحيح هتشي
جوهرة : اه مالي غنكدب راه صحيح هتشي وغدا غنديلها تصويرة باش نحيدو شكوك
علي : ولكن قلتي هي كتكرهنا ياك احفيدتي
جوهرة : معرفت اباجدي نخلو الوقت يحكم
بقاو اغلب حديثهم علي عثمان وإسراء
اما عند بنات مخالو مدارو لعبو فأرجوحة تغداو بقشو وفلاخير شدهم ملل وبقاو جالسين تسمعو حس اللوطو جات ونطقات ريتاج : واخيرا جاو
صوفيا : وندمت لاش جيت اوف
تاتمو داخلين وصوت ضحاكتهم مسموع كما العادة إلياس معنقها جنبو داخلين وهو يشوف فيهم إلياس ملي وقفو قدامهم ونطق : جيتو الحلاقم تعطلتو كاع مجيتو ، لاش جايين
ريتاج وصوفيا اكشوفو فيهم وإسراء اكضحك على تعبيرهم ونطقات ريتاج : لا اولد خالتي لا حشوما كاع تقولينا هكا
صوفيا دارت عند ريتاج ونطقات : شتي وكتقوليلي بلي ولد خالتك كيبغي البشر
إسراء : هاي البنات امتا جيتو
ريتاج : ياه على ماركة كدايرة
صوفيا : نتي البغلة الحمارة الحية وحنا جايين مخلوعيين حيث محضرتيش ونتي جالسة كتسراي لي وباز وجهك قاصح
إلياس : ادوك قماقم نتوما بعدو من مرتي سوقكم فيها تحضر ولا متحضر
إسراء : ههههه ناري قتلتوني بضحك
إلياس قبلها
والبنات تزنكو معرفو فين يخشو وجههم و ونطق : يلاه اعمري تهلاي فراسك وتهلاي فولدنا انا غنمشي خدمة
إسراء : وخا احبيبي تهلا فراسك شكرا بزااف على خرجة كانت واعرة
البنات بقاو اكشوفو متوقعوهاش من إسراء ونطق
إلياس : نتي غار أمري و وانا نفد ويلاه تهلاي فراسك وجهه هضرتو البنات ونطق اييه نتوما تهلاو فمرتي وتقلقوها منعقل عليكم
ريتاج : صافي تهنا
صوفيا : وانسيبنا انت توصينا على إسراء ولا شنو
إلياس : مهم انا قلت الله يعاون
خرج من عندهم وديمارا نيشان خدمتو
اما البنات بقاو كشوفو فيها شي شوفات ممفهومينش
إسراء : نتوما امالكم
صوفيا : هايهاي على ختنا ووليتي تقولي حبيبي كاع
إسراء ربعات إيديها ونطقات : لاحولا ولاقوة الا بالله العلي العظيم راه هذاك راجلي ونقولو لبغيت اويلي
ريتاج : وتقدم ملحوظ لاباس لاباس
جراتها صوفيا وريتاج تجلسوها فصالون باش تعاودلهم شنو وقع