جاو بنات شدوها ريتاج من جيهتها بليمن وصوفيا فليسر ونطقات إسراء كتشوف فيهم بإستغراب : انتوما امالكم لاش شاديني هكا بحلا بغا نهرب
صوفيا : زيدي زيدي وغتفهمينا كلشي
ريتاج : يلاه بغيت كلشي بدقة تاحاجة متخفا
إسراء : وخا طلقوا مني اتريكة ناقصة
طلقو منها وجلسات فوق سداري وجلسو حداها وهي في وسط بيناتهم
صوفيا : يلاه كنسمعوك ملي قلتي غتخرجي بلا خبارو شنو سبب
إسراء بقات كتشوف فيهم
تنطقات ريتاج : وهدري خلاص نبقاو نتسناوك تفكري
إسراء : باش غنبدا ليكم البنات البارح الاحداث ميمكنش
صوفيا : عودي اصحبتي من لول شنو وقع ملي قررتي تشدي ضد وتخرجي بلا خبارو
ريتاج : اجي وش خرجتي بلا خبارو بينا قتلك راه ولد خالتي عدوه لشد معاه ضد
إسراء : اوا سكتو خلوني نعاود لكم
ريتاج وصوفيا : هانا ساكتين
إسراء بقات شحال كتشوف وكتفكر احداث ديال البارح وديك خالتها لجات على غفلة خايفة تجي وتبغي مها شغاتقوليها كفاش غتخبرها بلي ماتت هذي 4 سنين ونطقات بعد صمت نطقات والبنات احاضيين شنو غتقول : البارح عادي كان إلياس بغا افوج عليا ونخرجو وبدلت عليا ولبست واحد لبسة مزيرة وقصيرة
ريتاج قطعاتها مخلاتها تكمل كلامها : ايه كملي اوجه النحس
صوفيا : شديتي ضد ياك فين كان عقلك نتي قالك بدلي يعني بدلي وهني شعب مال مك فيك شدان ضد وراسك قاصح
إسراء : وش نتوما سارطين كاسيطة اواه سكتو شويا خلوني نهدر ولا متليت معاودة ليكم
عنقاتها ريتاج وصوفيا بجنب ونطقات
صوفيا : نتي رانك الحب غكملي
ريتاج : واكملي نتي عرفانا فضوليين
صوفيا وريتاج بعدو منها ونطقات صوفيا: ااه داكشي وغنقولك شدارت هاد ختنا فصباح
إسراء شافت فريتاج ونطقات : علاش شنو درتي نتي
ريتاج موجهه كلامها ل صوفيا : نتي متستري والو كلشي بغا تقوليه ستري ماستر مفضحة لاخرة
صوفيا : اوا نخبيو على صحبتنا حشوما كاع
إسراء : هنونا ، هدري شنو درتي
ريتاج : هالعار اميمتي لما سكتي اصوفيا اليوم تنحريني اإسراء
إسراء نطقات بجدية : واه متعصبونيش الا مهدرتي مغنعاودش ليكم شنو طرا معايا
ريتاج : هي لقالت هي تعاودلك انا مابيا علاقة
صوفيا شافت فيها نظرة منيتك ونطقات : اوا هاد ختنا بقات كتشوف فراجل وتعبر فيه بعينيها بحالا بغا تشد عبار وتفصل ليه بكل روح رياضية عينيها بقاو متبتين عليه
إسراء دارت عندها وخنزرات فيها ونطقات : نتي معندكش حشمة فقاموسك والو اتريكة ناقصة ناس كحشمو مهبطو عينيهم مكيطولوش شوفة اااه و ياكما عاق بيك
ريتاج مجوبتهاش جالسة على اعصابها لتجيب فيها شي دقة إسراء ونطقات صوفيا : عاق بيها وقالها وش انا اللوحة تشكيلية عييت منغمز فيها تهبط عينيها وتجي عندي وهي مكتسمعش
ريتاج : وصافي اصوفيا صافي متزيديش العوافي مهم خرجت موقفي
ناضت عندها إسراء ونطقات مغوتة : هاذي هي تربيتي اشكانقولك انا ها كلشي ضربتيه فزيرو ها ونتي مك جالسة تعبري فيه محشمتيش
ريتاج : وصافي اصحبتي كالم مهم عتقت موقفي والله مدا مجاب غار عصبتو وصافي
عوداتلها شنو قاتلو
وجلسات حداها إسراء وجبدات وذنها عندها نطقات ريتاج متألمة وصوفيا كتفرشخ عليها بضحك ونطقات : وطلقي يرحم باك طلقي واي وذني وطلقي وعداوا
إسراء : سكتي راه مزال منتفتك وخرجت حري فيك اشنو كنقوليك انا كنقوليك تبتي لارض وعزة نفس ومديهاش فيه خليه هو يجي عندك ماشي نتي تبداي تعنبي عليه فعينيك هدري ها ولا شنو بغا ديري
ريتاج متألمة : وصافي فهمنا عفاك طلقي متليت نعاود
طلقات منها إسراء ونطقات ريتاج : والله تحشوما عليك شوف كردتي وذني حمراء
إسراء : هاذا انذار باش الا عودتيها مرة اخرى غنتفك راه ديجا هدرت ونطقت صحاباتي ميكونوش مدلولات . ، عزة النفس فهمتوا
صوفيا : وانا شجابني الهدرة لاش كتقولي فهمتو
إسراء: مهم هدرت وصافي ريتاج هاودني منك
ريتاج : وصافي فهمنا راه حتا انا مرضيتش والله
صوفيا : مهم معلينا يلاه عوديلنا شنو درتي البارح تريكة ناقصة
ريتاج : جالسة كتربي فيا والبارح شدا ضد وبغا توكليها فعظامك
إسراء : لا ختي راجلي مكيضربنيش غاكغوت ويقرب ويضربني بربي تنولو نطلعوا فمحاكيم ونزلو
صوفيا : صافي المشرملة هنينا هاذي نتي بغا تولي الأم محال مسؤولية متبرية منك
ريتاج : ويه بغيت انعرف ولد خالتي كفاش صابر عليك
إسراء: والله تنقولها للإلياس بلي قلقتوني
صوفيا : اوا جري سكتسناي مالنا يخلعنا مسعور ديال راجلك حتا انا راه عندي راجلي ويحامي عليا اوا هاك
ريتاج : هههههه اميمتي جالسة مع هبال نتوما ابقاو ذكرولي رجالتكم راه معاكم واحدة بايرة وحدانية لذلك هنونا
إسراء : سكتو شحال فيكم ديال هضرة انا راه مريضة
صوفيا بقات كتطلعها وتنزلها : من فين مريضة
ريتاج : كذابة ياختي انتي مريضة !اين هو المرض انا لا أراه
إسراء : راه كنت البارح فسبيطار
صوفيا : اويلي ياكما جهضتي
إسراء : ماحنا على فالك اختي الله يحفظ لي ولدي ولا بنتي ويتزاد ساليما اشهاد فال
صوفيا : ولكن لاش كنتي ناعسة فسبيطار
ريتاج : عوديلنا كلشي باش تفهمو راه مبقينا فاهمين والو
إسراء : مهم قتلكم ملي مبغيت وشديت ضد دبزنا شويا انا وياه ومتليناش خرجنا ديكساعا صونيت عليكم ومبغيتوش وانا نخرج وحدي نفس لابسة لكنا ضربنا عليها و مبدلتهاش وزدت درت مكياج وخرجت ندور بوحدي
ريتاج : واختي باز نتي كتقلبي عليه هو يعيا ميولي معك زوين ونتي معكسة
إسراء : واه هرمونات اصحبتي عندي مخربقين
صوفيا : نتي اتفوتي فوتي تسبيها في هرمونات وملي رجعتي كلتيها فجلدك ياك
إسراء : لا ، سمعوني مشيت انا نرقا واحدة مرأة وتخيلو طبق الاصل على ماما
صوفيا : اهيا ناري وش خالتي خديجة حيات من موت ولا شنو
إسراء : سكتي متقولي تاشيحاجة صالحة معرفت هداك عقل عندك ولا عجينة مكتفكريش غامكدمة
ريتاح : ياكما تكون خت مك هاذي
إسراء : تماما صدقات خالتي توأم
صوفيا : وبحالاش عرفتيها خالتك راه موجود شبه
إسراء : راه هدرت معاها وقتلها بلي كتشبهي لماما وهي تجبد واحد تصويرة ديال ماما تخيلي قتلي بلي ختها توأم
شهقات صوفيا وريتاج
ونطقات صوفيا مصدومة : كفاش عودي هي دبا مك خت ديك المرأة ومن توأم مالفوق اش هادشي
ريتاج : وايلي وفين كانت هاد اعوام
إسراء هبطات عينيها وتساقطو دموعها والبنات احاضينها ونطقات بصوت حزين : هي معرفاش بلي ماما ماتت تخيلو كفاش كانت كتزاوك فيا باش تشوف ختها وبلي كانو كقلبو عليها سنين هذي ومرقاوس اثرها مكانش كسحابلهم بلي مشاو مدينة اخرى فرحات بزااف بيا وبغا تشوف ماما و مقدرتش نصبر عييت نكون قوية ولكن حاولت نبان قوية
ريتاج : اشش اصحبتي شوفي عينيك ولاو كخلعو بالبكا منفوخين
صوفيا عنقاتها عندها ونطقات : صافي اختي كلشي غيكون هو هداك غر شوية صبر وصافي
بعدات منها إسراء ونطقات بصوت منكاسر : راه بغات تشوف ماما تخيلي كفاش غنخبرهم بلي ماما ماتت علاش بانو فحياتي علاش ميكونوش معايا ملي مات اب ديالي وام ديالي تادابا عاد بغاو ايبانو باش اخربو حياتي علاش اعباد الله علاش وحطات إيديديها على وجهها بدات كتبكي بهستيرية
ريتاج : اسراء اصحبتي كوني قوية عفاك على قبل جنبن
صوفيا هزات راسها ونطقات : شوفي فيا راه مزيان لبانو باش بنت ولا ولدك اعرفو عندو جداتو خلاتو عماتو من مو ولا لا سمعيني مزيان سيري غسلي وجهك واجي راه حنا كنعرفو إسراء قوية مخصاكش تنهازمي ذكري ديما قول ربي "عسى ان تكرهوا شيئا وهو خير لكم,وعسى ان تحبوا شيئا وهو شر لكم"
إسراء همهمات براسها وناضت معاها ريتاج غسلات لها وجهها وجلسات معاهم فصالون ونطقات بصوت هادئ والبنات كسمعو ليها : انا مصبرتش وحدني خليتلها عنواني وجيت بسرعة بغا غنبكي ونفش على قلبي ولكن رقيت قدامي إلياس معصب وبدا كغوت عليا علاش معلمتوش ودرت لفراسي، ومنكترت ظغوطات متحملتس وبقيت كنبكي بهستيرية إلياس مفهمش شنو بكائي وتغاضى على عصبيتو وعوني نغسل وجهي ولكن انا مخليتوش ادخل معي تم شدتني ظوخة وسخفت معقلتش على راسي تارقيت راسي فسبيطار
وبدات كتعاودلهم شنو خبرها طبيب على قلق
صوفيا عنقاتها بجنب : الله على ختي دوزتي نهار صعيب وحنا محاسينش بيك سمحيلي بزااف
ريتاج تقدمات عندها وعنقاتها تاهي وبعدات ونطقات : شوفي اإسراء دبا ردي بال صحتك وولدك لفبطنك سمعتي
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
