عشقك إدماني

Parte 90

إلياس حاضيها بنص عين ومركز مع طريق وهي كتاكول بلهفة من سقاطة لجاب ليها 
مسافة طريق كانو وصلو فيلا ديالهم هبط إلياس من اللوطو وفتحلها الباب ونزلات هي بقا كتاكول وشادها من دراعها  ونطق
إلياس : بشوية عليك مكنتيش بحالهاكا
إسراء شافت فيه ونطقات : ااه علاش انا تبدلت ولا شنو حتا البنات قالولي تصرفاتك غريبين
إلياس : راه تبدلتي بزااف مفهمت شنو سبب تغيرك
إسراء : اه حتا انا معرفتش
إلياس : وضروري اعمري خاصك تعرفي شنو سبب تغيرك
ومد يدو حطها فوق بطنها وهي كتشوف فإيدو لمحطوطة فوق كرشها وبغات تنطق تسكتها ونطق : اششش متهضريش حتا نكمل كلامي
إسراء احاضياه ونطق : يمكن ايكون هنايا جنين من طرفنا ولا لا يعني خاصنا نتأكدو وش انتي حاملة ولا لا جميع احتمالات وتصرفات كأدو انك حاملة
إسراء : هاء كفاش حاملة مفهمتش انا محاملاش اصلا باقي الحال باش نحمل غار مرقيت متقول
ودخلات خلاتو تم معصب عليها ونطق
إلياس : اجي لهنا نتفاهمو كفاش مبغاش
وجلسات فوق كرسي كترد نفسها ونطقات : ويلي تفرشت خاصني نتأكد باش نديرلو مفاجأة
إلياس تم داخل ووقف عند راسها وهي حسات بيه ونطق بحدة : ملي نكون كنهدر معندكش الحق ودخلي وتخليني فنص كلامي، وشنو سبب لكتقولي باقي الحال
إسراء : ااه انا عيانة غنمشي نعس
ناضت ماشيا ونطق : وقفي تطلعي رجليك اتكردو ليك  جلسي تتغداي وديكساعا سيري  تنعسي
إسراء : ااه وخا هانا انجلس
جلسات فوق سداري وهو من لهيه كتسناو يوصل وقيتة الغداء ويحطوه الخدامات  وهي جالسة حاضياه اما هو معصب وخدام على بيسي مشافش جيهتها
اما عند ريتاج تمات داخلا لفيلا ديالهم صونات فتحتلها خدامة يلاه بغات تدخل توصل باها وهي دور مشات  عندو مبتاسمة وهو باقي يلاه هبط فاللوطو وبدلها إبتسامة وسلمات عليه  ونطق
عماد : بنتي كدايرا مع القراية بيخير ياك كتقراي مزيان 
ريتاج : بيخير ابابا ضروري غنقرا مزيان
تمو داخلين كتخبرو ريتاج على الكلية لكتقرا فيها وهو كيستامع لها وكنصحها تقرا وتفوق وشوية استقرات ريتاج عينها على نور لحدا مها ليلى ونطقات بصوت مرتافع
ريتاج  مصدومة وكتشوف وممتيقاش ختها جات اخيرا ونطقات حاطة إيدها على فمها ومبتاسمة : نور وش هذي نتي نور
نور وقفات وشافت فيها وابتسمات ليها  ونطقات : ريتاج اجي عندي اختي اجي  شحال توحشتك
مشات كتجري عندها ريتاج عنقاتها وبقاو شحال منعانقين اما عماد شافها وقف حدا ليلى ولكانت هي واقفة كتشوف فبناتها وفرحانة ونطق
عماد : ليلى هذي امتا جات وشنو كدير هنا شنو قلت انا معندي بنت تدل راسها
ليلى: اويلي اعماد اشش دبا تسمعك البنت راه بنتنا هذي وكبدتنا بالطبع غتجي دار واليديها حشومة راه ندمانة
هاد حوار كامل سمعاتو نور وكتحاول تخفي حزنها وبعدات شوية منها ريتاج
ونطقات : امتا جيتي انور توحشتك بزااف اختي
نور  كتسرط الغصة لفحلقها باش متبكيش ونطقات : جيت غاقبيلا فصباح حتا انا توحشتك بزااف
وشوية بعد سلام طويل مع ريتاج مشات وقفات قدام بابها ومعرفات وش تعنقو ولا تبقا تشوف ونطقات : بابا توحشتك بزااف توحشتكم كاملين
عماد اكشوف فيها هو مكره من داخل اسامحها ولكن باغي اعاقبها باغي اعرف نيت ندمانة على داكشي لدارت ولا مزال باغا تكمل في غلطها  شافتو متكلمش جات تعنقو تبعد ودار بيدو سطوب  ونطق : شكون نتي اه نتي ديك كنتي بنتي قبل مدلي راسك
اما نور غسمعاتو شقال هبطات راسها تحت  وكتعض فشفتيها كتحاول تكتم دموعها وهتشي كامل داز قدام ريتاج وليلى وليلى كتغمزو وكتقولو حشومة وهو ممديها كاع فيهم كشوف فنور
ونطقات ريتاج : بابا راه ختي ندمانة
عماد : سكتي اريتاج سكتي ملي نكون كنهدر ميقطعني حاد
ريتاج ضربات طم وبقاات كتشوف ومحسرة على ختها   وكمل كلامو : رجعي فين جيتي هاد فيلا لهنا وفيلا لفكازا معندهمش حق استقبلو بنت بحالك المدلولة طيحتي راسي لرض
نور عيات متكثم باش ميخرجوش دموعها تنفجرات فالبكاء وهي تهبط على ركابيها وشدات رجل والدها ونطقات : عفاك ابابا سمحليا انا غلطت وندمت انا كون يرجع بيا زمن ويخيروني بين نقتل راسي ولاندل راسي وندير راسي اضحوكة بالطبع نختار نقتل راسي عفاك لما سمحلي والله ابابا لاندمانة بزااف مقادا تنشوف وجهكم عفاك سمحليا ابابا
قربات عندها ليلى  ونطقات : نوضي ابنتي من لارض نوضي
دارلها عماد بإشارة باليد بلا متقرب وريتاج تأثرات بدات حتاهي كتبكي مع ختها تشد نور من إيدها وطلعها ونطق : براكا من دموع براكا  علياش كتبكي و دايرا هتشي كامل
نور ونطقات بصوت باكي ودموعها كهبطو بغزارة  : عفاك ابابا انا ندمانة انا غلطت وكان عليا مندلش راسي ونعطي قيمة ليا عفاك ابابا  شنو ندير باش تسمح ليا اي حاجة بغيتيها ندير هالك ونفديك بروحي غار سمحليا ابابا
عماد  بقات فيه وعيا ميقاوم ولكن حن قلبو على بنتو كفاش ندمانة وكطلب سماحة و ضمها عندو ونطق هو كمسح على ظهرها بكف إيدو : صافي ابنتي انا مسامحاك مذكريش القتل بفمك ابنتي نتي راه كبدتي وش كاين شيواحد اسمح فكبدتو انا ابغيت انعاقبك
نور بعدات شوية نطقات بلهفة : بصح بصح ابابا متليت مقلق مني مسامحني بصح ابابا واو انت سامحتني ممتيقاش وبدات كتنقز ومشات دراعاتلو
ليلى وريتاج كشوفو فيهم ومأثرين وكمسحو دموعهم بإيديهم ونطق عماد
عماد : اكيد مسامحاك نتي راه نور عينيا نتي وريتاج وفتح عناق وعيط ريتاج باش تقدم عندو تلاحو عليه بناتو وليلى كتشوف وفرحانة لبنتها كانت هزا الهم كبير على قلبها وتزاح اخيرا قدرات بنتها تشوف حياتها وتنسى هوسها بإلياس و رقات حب حياتها نضمات هي كذلك العناق رباعي
وجلسو ونور كتخبر ابها بأمور خدمة وهو مفتاخر بيها بلي ملي وصلات شركة ديال تصميم فصدارة وليلى كتشكر فيها ونور كتسول على ريتاج فين وصلات فقراية وشنو وقع فغيابها وهي كتفكر بلي  حمل مسامحة ابها ليها زاح كتفكر كفاش تخلي إسراء تسامحها هي ولد خالتها باش تعيش هانيا حيث ندمات رقات راسها كانت اكتخربق 
اما عند إسراء وإلياس  وإسراء بقا جالسة حر جمر ونطقات : اوف هذو تعطلو امالهم وفيا جوع
شاف فيها إلياس بنص العين وتجاهلها بحالا مهضراتش
ونطقات : شوف انت راه بغيت نهدر معاك
إلياس نطق بدون ميشوف فيها نطق ببرود  : راه عندي سميتي
إسراء : مهم انا غنقول البنات اجو عندي باش نخرج معاهم ندورو شويا ونرجعو دار
إلياس : لا معندك فين تخرجي وتخرجي رجليك اتكرضو الا بغاوك البنات اجو عندك
إسراء : كفاش خروج تمنعني منو علاش
إلياس : ريحي لارض وتركني معندك فين تخرجي
إسراء : اوف بناقص انت كاع منع عليا اوكسيجين هتشي لبقا
إلياس : بداي تعيري تم داك اللسان غنقطعو لك من جدر
مشات خرجات معصبة مجوباتوش تنطق
إلياس : مبغاش تغداي
إسراء : كول فيه سم
إلياس : راه غنجي نمرمقها معاك هنينا
طلعات مع دروج وكتعاير فيه مخلات معيور معيرتو بيه وسدات عليها الباب وتكات
إسراء : تفو باغا نخرج باش نجيب داك اختبار الحمل وهو  مانع عليا خروج ياه على معقد لاخور
إلياس بقا كيتسناها وهيدوزات اتصال بين صوفيا وريتاج وكتهدر معاهم  وريتاج كتعودلهم على ختها وانها ندمانة وصوفيا وإسراء كتجاوبها وكجمعو ، تحت شاف  لين عيا بلي مغاديش تهبط وهو يطلع باش يهبطها تغدا بزز عليها وينقص منها داك الفشوش  فتح الباب مع هي منغامسة كتهدر وزايدا صوت على إثرها نطقات : ادوك اخوات راه كنقوليك داك معقد راه مبغاش اخليني نخرج
مع قالتها هو متكي على باب وكسمع عليها ورافع حاجبو ونطقات
صوفيا : دبا الأخت بحالاش غنتأكدو شغنجو نديرو عندك
ريتاج :ويلاه انا بغا ندوركم فرباط ونساريوك ولكن خصارة
إسراء : اسكعو ادوك الخوت خلوني نهدر شحال فيكم ديال هدرة
ريتاج : هدري يلاه
صوفيا : كنسمعوك اوجه النحس اهدري
إسراء : دبا نتوما غتجو عندي
صوفيا : شبغينا عندك
إسراء : غتجو هي غتجو سمعوني قبل ميجي إلياس ونتفرش
صوفيا : يلاه هدري
إسراء : غتمشو صيدلية غتجيبو داك العجب سميتو هو
ريتاج : اختبار الحمل الله يعطيك الجهل
إسراء : دبا لاش كدعي عليا
صوفيا : وعلاش متجيبيه نتي
إسراء : والاخوات انا شكانقولكم من صباح انا هاد رباط ممخالطهاش زائد هذاك ممخلينيش نخرج لذلك نتوما غتجيبو وغنتأكد باش نقاد مفاجأة ونفرحو ان شاء الله ونفرح حتا انا
صوفيا : صافي اساطة انشوف مع عمر ونطلبوبتش يخليني نجي عندك
ريتاج : يلاه سيري تغداي مخليتينا نتغداو على راحتنا
هتشي كامل سمعو إلياس وفرحان من داخل عمبالو بلب مباغياش ولاد ولكن دار راسو يلاه بغا يدخل
اما هي شافتو قطعات بزربة يلاه غتبتاسم وتفكرات بلي مخاصمة معاه
وهو كشوف وحاضيها كفاس زعمة راه مقللة وهو يتقدم عندها ونطق : زيدي تهبطي تغداي
إسراء قالبة  عينيها عليه ومربعة إيديها ونطقات : مبغيتش
إلياس : يلاه زيدي منعاودش كلامي
إسراء : ولا قلت لا
إلياس : دبا نتي لاش مقلقا
إسراء : اوه معارفش
إلياس : لا معارفش خاصك تخبريني شنو مقلق حبيبة ديالي نشوف شنو نصلح
إسراء : اوه اوا خاصك تعرف
إلياس : ااه قولي نتي مقلقة بيك بغا تخرجي مع دوك مسطيات بحالك
إسراء : بزااف عليك صحاباتي انت لي مسطي ماشي هوما واصلا لاش جاي عندي جالس كتهدد فيا عمبالك غنديها فيك الا هددتني
إلياس  ابتاسك لها إبتسامة ذوباتها ونطق هو كعنكش فشعرها : وراه نيت  كتجي معك تقليقة ازين
إسراء شافت فيه بسخرية ونطقات معصبة : نوض من حدايا جاي اباش تعصبني وكتقولي حلاوة كطلع ااسكر مكاين لقدك كطلع سكر
إلياس : صافي اعمري متقلقيش عندك تبكي لينا بحال صباح على كوفتير وش كاين شي عاقل ابكي على كوفتير
إسراء : سير بعد مني هتشي مغتفهموش حادك غضحك فيا سير خدمتك وهنيني يلا
وبقا كضحك معاها وكطلعها عليها  وهي معصبة تاشويا ونطق : صافي عشية نخرج مراتي زوينة
إسراء تفكرات بلي عشية جاينها البنات ونطقات : لا متليت بغا نخرج اصلا دايرا مع البنات اجوني اونسوني
إلياس : وش هدوك صحباتك ميخلونيك مترونكي مع مرتي ضروري خاص اجو
إسراء : سير بعد لهيه خليني نهبط نتغدا
إلياس :وكون درتيها من اللول
إسراء هبطات تحت رقاتهم وجدو طبلة وحاطينلها لها داكشي لكعجبها دجاج بدغميرة ونطق
إلياس : يلاه جلسي تغداي
جلسات إسراء وبقات كتشوف فدجاج بدغميرة محملتوش وإلياس بدا كياكول ونطق : راه كيعجبك هذا كولي يلاه
إسراء : شكون قالك كعجبني هتشي
شويا تقلبات خاطرها ومشات كتجري طواليط  وتابعها إلياس مخلوع عليا ودخلات طواليط بدات كترد لفجوفها كامل وهو واقف وشاد شعرها بيدو تكملات  وغسلها وجهها بالماء ومسحو ليها وهي رجعات صفرة وحلقها كحرقها بكثرة ردان وسخفانة
إلياس : شوية اعمري نمشو  نشوفو طبيب افحص لك حالتك
إسراء : لالا اخليني انا بيخير دبا يفوتني الحال