عشقك إدماني

Parte 65

وخا هكاك رانيا لفيها ممهنيها
دخلات إسراء سلمات على عائلة صوفيا وحتى عائلة إلياس ومنهم نيت رانيا محملا تسلم عليها
وسلمات على إيمان
إيمان : أجي حدايا أبنتي الله يرضي عليك
إسراء حشمانة : وخا خالتي
ومشات جلسات حداها وكهدرو وبدأت إسراء كتهدر معها دخلات لها خاطر وحتى إسراء دخلات الخاطر إيمان
وحداها صوفيا وملهيه ريتاج إيمان من ديك جيه حداها رانيا غكتشوف ومحملاش الوضع
إيمان : اوا ابنيتي فاش كتقراي هاد العام
إسراء : يلاه خديت الباك ودفعت المدارس
إيمان : الله يوفق، كملي قرايتك متهمليها
إسراء : إيه اخالتي قرايا هي كلشي
وبداو العيالات فنشاط ومن بعد بداو كوجدو الغداء وعيطو رجالا منهم نيت مصطفى ومنصور عم صوفيا ولدو حتاهو  وعمران وعماد ونور الدين وعمر وإلياس  فصالون اسربوهم والعيلات منهم نيت رحمة وليلى وايمان وجدات صوفيا  وشي من عائلات إلياس عماتو وجداتو  فبيت اخور
بداو كسربو الخدامات لكانو تم حيت عيطلهم إلياس باش يوجدو الغداء
اما صوفيا مشات بغات تغسل إيديها تلقات حتى عمر باغي يغسل إيديه وتسناتو تاغسل إيديه
عمر ونطق : سبحان الله هاد صواب لفيك
صوفيا : وبراكا ماتبدا الثاني شحال فيك
عمر : وخا خاليها فيك
ومشا لصالون اما هي غسلات إيديها توجهات البيت 
من بعد ماتغداو خرجو رجالا اشغالهم وبقاو العيالات  تاتودعو معاهم جدات صوفيا وعمتها ومن بعد حتى عمات إلياس وبعض عائلات
بقاو غار ليلى وايمان وريتاج ورانيا وصوفيا ورحمة
تاتدوعو معاهم رحمة وصوفيا
رحمة : يلاه ابنتي خليناك على الخير وتهلاي فراسك  وفراجلك
إسراء  دمعتها على خدها : سمحولي عذبتكم معايا ودخلتوني داركم ودرتوني بحال بنتكم
رحمة : رانك بنتنا وتبقاي بنتنا وخا ماشي من لحمنا ودمنا 
إسراء بدأت كتبكي منوع مكحملش وداع
رحمة : اديك الهبيلة راه نبقاو نزروك وتزورينا منخطاوكش ابنتي براكا من البكا
جات صوفيا تلاحت على إسراء كتعنقها : وبراكا اصحبتي  إجي دبا راجلك انوض علينا هايلالا علاش بكيتولي مرتي هههههه
إسراء ضحكات وسط دموعها ونطقات : مسخوطة نتي هههه
صوفيا كتحاول تحكم فدموعها :ونتي رانك بقا معانا فكازا راه غشهر وتغبري وتجي
إسراء قالت بحزن : محال نرجعو كازا قالي إلياس بلي مورا شعر العسل غنمشيو رباط
صوفيا : واه بصح
إسراء : غادي نزوركم ضروري
رحمة : يلاه خليناك على الخير
ومشات معاهم توصلتهم الباب وتودعات معاهم وباقي كتبكي وجهها تجلخ بمكياج لدرولها البنات
صوفيا : وبراكا اصحبتي من البكا بحال معمرنا غنشوفوك شوف حالتك
إسراء بقا كتبكي مساخياش بلي غيمشو
رحمة :براكا ابنتي من البكا خاصك تكوني فرحانة
إسراء : وخا
وعنقتهم وتودعات معاهم ليبقا معاها غار رانيا وإيمان وريتاج وليلى
اما هوما مع هبطو بقاو كتسناو طاكسي لديهم حتا وقف عليهم عمر
عمر : يلاه ركبو نوصلهم
رحمة : منعذبوكش اوليدي
اما صوفيا كتمتم فخاطرها : اوف هذا منين خرج
اما عمر حاضيها ونطق : اطلعو مكاين عذاب مكاين والو
رحمة : وخا اوليدي الله يجازيك
طلعات رحمة قدام وصوفيا اللور وطول طريق عمر حاضي صوفيا فالمرايا وهي كدور فعينيها اما رحمة كتشوف وساكتة توصلهم ونزلو
رحمة : زيد اوليدب دخل
عمر : لا الله يخلف
رحمة : زيد دير معانا كسكروط
صوفيا : لاش كطلبيه اماما راه مبغاش صافي
رحمة خنزرت ونطق : سكتي شكون هدرك
صوفيا : وخا
دخلات دار اما عمر مبغاش ادخل وتوادع مع رحمة ودخلات دار رقات صوفيا كتبدل عليها ومصطفى باقي مجا من خدمة
رحمة : يلاه سيري وجدي الباك ميوكل
صوفيا : وخا انبدل ونوجدلو
اما ملي خرجو من عندها مشات عندهم وتلقات لها ريتاج ونطقات
ريتاج : اجي معايا إسراء البيت نقاد لك وجهك اويلي كرجعتيه
إسراء : اخليك اريتاج انمشي غنغسل وجهي مقادة على مكياج
ريتاج : وها لباليك
مشات إسراء غسلات وجهها ورجعات عندهم جلسات حداهم
إيمان : اوا خليناكم على خير انمشو حنايا
إسراء : ابقاو فين ماشيين
ليلي : لا ابنيتي حنا غنمشو
وبالفعل مشاو وهي تنطق رانيا : ماما انا انبقا معاها  وعاد نجي
إيمان : زيدي قدامي خلي المرأة وراجلها بوحدهم
رانيا : عفاك خليني نيت نتعرف على مرت خويا ولا لا اماما
ليلى : زيدي اختي اخليها راه غتجي هي وريتاج
، ريتاج بقاي معاها وجي مع رانيا
ريتاج :وخا اماما
وبالفعل مشات
اما إلياس مشا خدمتو اقضي لعليه وباش يخوذ كونجي لشهر العسل وتاصل بإسراء باش يعلمها
إسراء كانت جالسة معاهم تسمعات تلفون كصوني وستأذنات منهم
مشات لبيت لاخور
إسراء : الو إلياس فينك
إلياس : رانك عرفا راه دبا كنقضي خدمة لعليا وباش نشد شهر كونجي
إسراء : وخا معاش غترجع
إلياس : مع ديك 12 ديال الليل ، قولي الواليدة تبقا معاك
إسراء : لا عادي راه نيت دبا معايا ختك وريتاج
إلياس : وخا مزيان يلاه نخليك وردي بال راسك
إسراء : وخا حتا نت
وقطعات معاه ومشات بدلات عليها لبسات بيجامة خفيفة وخلات شعرها اتنفس على راحتو وخرجات عندهم
رانيا : اوه دبا نتي وليتي مرات خويا وخا محملتكش تزوجي بيه
ريتاج : رانيا إلا كنتي غتجلسي تقولي هكا غاسيري اختي
إسراء : اخليها ريتاج نشوف شغاتقول
ودارت كتشوف ونطقات : ايه اختي كملي  وقلتي محملانيش
رانيا : اه راه نيت مكنحملكش مصاب كون تزوج خويا شيواحدة فمستواه
إسراء : والا مكنتي مكتحملينيش بزعطا
رانيا : كفاش
ريتاج : هنونا مقادين على صداع ونتي رانيا هنينا
رانيا : انا ساكتة ولكن نتي مغاديش نخليك بقا مزوجة فخويا غادي نطلقك منو
إسراء : اوه بصح علاش بسالامة هاد حقد كامل
رانيا : هههههه راه قتليك مدخلتيش خاطري غار طامعة فخويا معرفت كفاش كليتي عقلهم
إسراء بتسمات بجانبية ونطقات بسخرية : ياك ما متزوجة بيك ومفخباريش
ريتاج : يلاه رانيا هانك شديتي علياش كتقلبي
رانيا غار كتغدد محملاتش كفاش ترد عليها بحال هكا : وخا الالة الا مشتت شملك منتسماش
إسراء : وخا كنتسناوك ااه ومتعطليش
رانيا : اوف يلاه ريتاج عصبتني
ريتاج غمزات إسراء ونطقات : صدقتي مساهلا اساطة ههههه
إسراء : سيري وكان دي عليا هاد ختو قبل منريشها
وبالفعل خرجات من عندهم اما هي بقات جالسة كتشوف ومشات شعلات تلفازة كتقلب على شي فيلم تفرج فيه بين مجا إلياس
اما رانيا مع هبطات طلعات فطنوبيل وطلعات حداها إسراء
ورانيا معصبة بقات ماشيا مكسيري
ريتاج : ورانيا خفي سرعة راه غاديري بينا شي حادثة الله يستر
وفرانات ونطقات معصبة
رانيا غوتات : سكتي براكااا
ريتاج : مالك كتغوتي علاش دايرا هاد الحالة كاملا زعما على قبل ختي ، إلى كان علي قبل ختي راه نساتو وانا عرفا ختي مزيان
رانيا : نتي ماشي سوقك سمعتي متبقتيش دافعي على ديك إسراء شتي كفاش كتجاوب معايا بقا كاع مسخنات بلاصتها
ريتاج : ومن حقها تجاوب بحال هاكا نتي بقا تقولي لها محملاكش ومنعرف اش
رانيا : نتي ممعاكش هضرة خرجي هبطي عليا يلاه كسحابلي عندي بنت خالتي لين نشكي عليها وتوقف معايل
ريتاج : وخا هي لولا انا هابطا
وبالفعل هبطات ولاخرا مشات مكسيريا مسرطات ليها كفاش إسراء تجاوب معاها
اما ريتاج شيرات لطاكسي ومشات نيشان دارهم ودخلات
إيمان : ريتاج جيتي فيناهيا رانيا
ريتاج : ااه خالتي رانيا وصلاتني هنايا وقالت غتلقا مع شي صحاباتها
إيمان : ااه حيت كنتاصل بيها مكتجاوبش
ريتاج : معرفن يمكن اكون طقا ليها
ليلى : متشطنيش راسك اإيمان
من بعد مبردات رانيا رجعات عندهم
إيمان : اشهاد الوقت ارانيا فين كنتي
رانيا : احم ماما كنت مع صحباتي
إيمان : يلاه سيري وجدي لباسك، غدا فصباح مع 5 غادي نمشو نيويورك
رانيا : ياد غنمشو
إيمان : مالك بغيتينا نبقاو هنا راه خدمة كلها لهيه
رانيا : وخا هاأنا انطلع نجمع حوايجي
إيمان : يلاه سيري
مشات طلعات البيت لكتنعس فيه وتم تجمع حوايجها تدخلات عيها ريتاج
ريتاج : احم رانيا مساليا
رانيا : دخلي ريتاج وسمحيلي كنت معصبة قبيلا
ريتاج : عادي راه بعيت نتوادع معاك ونقوليك خلي عليك إسراء نتي معرفاش شنو دوزات فحياتها
رانيا : عفاك متبقايش تجبديلي هاديك
وتودعات معاها ومشات بيتها تنعس
اما إسراء بقات كتسنا تاسمعاتو كفتح  فالباب ناضت كتجري عندو
إسراء بإبتسامة : اوف اخيرا جيتي تعطلتي بزااف
إلياس عنكش ليها شعرها ونطق : توحشتيني
إسراء : أرى تجاكيطة نعلقها ليك وسير دوش بين ماجبدت ليك لباسك
إلياس : هايهاي اشهاد اهتمام
إسراء : سير مالي منهتمش بحلالي يلاه سير راه سخنت ليك دوش
إلياس : وخا الالة هاني ماشي ولكن قبل عطيني بوسة
إسراء : اتمشي
إلياس قبل مايمشي سرق منها قبلة ومشا خلاها هي كتبرق فعينيها ونطقات : ماسخ صافي
ومشات دخلات بيت نعاس وجدات لو سروال توب بالكحل وتيشرت وبالطبع لباس داخلي وحطاتو فوق ناموسية
وخرجات كوزينة طيبلو
اما هو دخل دوش حيد عليه ريحة العرق ورقا لباسو موجد ولبس عليه مع ابتسامة ومشا رقاها كضور فكوزينة كطيب مشا عندها بلا الحس عنقها وهمس ليها : شكيدير الحب
اما إسراء حسات بتبوريشة ونطقات : كنطيب
إلياس : وخا الحادكة نشوفو شغاطيبي
إسراء : هي لمشيتي وجلستي لهيه وتخليني ركز
إلياس : وخا الخيبوعة نشوف شغاتصنعي وخا مبغيناكش طيبي لنا
إسراء : ياك دبا انا خيبوعة وخاا عقل فيها
إلياس : ههههه صافي ازوينة متقلقيش
ومشات هي كتقشر بصلة وعينيها عمرو من دموع حالتها حالة وشعرها عصبها
تاخرج إلياس مشا البيت وجبد بانظة ديالها وجا عندها من اللور وجمع ليها شعرها و
إسراء : هكاك صدعني شعري
إلياس : وملي عرفا صدعك بقاي جمعيه
وجبد كنينيكس من جيبو وقالها دور عندو مسح ليها وجهها وعينيها
وقالها
إلياس : سيري تركني لهيه انا نطيب
إسراء : لا لا اخليك نتا عيان ومسخسخ من خدمة
إلياس: ماشي مشكل سيري جلسي وشوفي راجلك كفاش كطيب راه نتي اول وحدة دوقي طيابي
إسراء : بصح واو
إلياس : اه راه كنعرف ندير شحال من حاجة راك مجرباني البارح
إسراء : سير بعد مني ماسخ لاخور مكسحابليش انك منحرف وتمات خرجا من كوزينة وجهها مزنك
إلياس : واجي مبغاش تشوفي كفاش كنطيب
إسراء : لا بلاش انا راه فصالون كنتفرج حتا طيب وعيطلي باش ناكول
إلياس : ايه وخا الالة
مشا هو كطيب هو طاجين على سعدو وعدو وخلاه تم كطيب وجا عندها وصالون ورقاها منغامسة كتفرج
تاجلس حداها ونطق : الحب عطينا الوقت نتي مقابلا هاد زعنتر
إسراء تقفزات : ااه نت امتا جيتي ياك خاليتك فكوزينة
إلياس : عرفتي انا مشهيك 
إسراء : راه العشا وقيلا تحرق
ومشات هربانة الكوزينة اما هو كضحك عليها
إسراء وقف وكترد نفس : اوف غنسخف اويلي كان داخل سوق راسو ولا كيقول غار مسخ
اما هو قال : ومالي ممنحقيش
إسراء : بسم الله الرحمن الرحيم ياك خليتك فصالون
إلياس : مالك شفتي جنون
ومشا متخطيها إشوف طاجين وطفا عليه اما هي نطقات
إسراء :رانك نيت بحال جنون بقا دير اصاحبي الحس شنهار غنموت بالخلعة
إلياس : سيري دي الخبز والماء وانا نجيب طاجين راه طاب
مشات دات الخبز والماء وجاب الطاجين وجلسو فوق طابلة ونطقات
إسراء : الله على ريحة كتشهي
وحطو فوق طابلة وبداو كياكلو وإسراء كتبنن وتشكر فطيابو
ومن بعد هز ماعيين وعوناتو تقالت
إسراء : ارا نغسلهم
إلياس : سيري وكان خلي عليك ماعن، راه دباطاجين تكال ودبا انا غنوكلك
ومشاو البيت وقضاو ليلتهم
اصبحنا واصبح ملك لله إسراء ناعسة اما إلياس  ناض وصلى و وجد لها فطور مشا كنوضها
إلياس : إسراء نوضي يلاه
إسراء : امم
إلياس : الحب نوضي باش نمشيو
إسراء : وخا انوض
ومشات دوشات وتوضات وصلات وخرجات لقات فطور واجد
إسراء : هههه راه غادي تفششني نولي نوض خاصني رقاك مطيب ليا ههههه
إلياس : بصحتك الا مطيبت ليك شكون طيب ليمن
إسراء : هههه
وبداو كفطرو وقالها
إلياس : يلاه سيري وجدي لباسك
إسراء : وخا لباسي واجد بقا نيت فالفاليزة
وجمعو ماعيين دارتهم فلاماشيين خلاهم اتغسلو مشات البيت تجمعو وبغات تبدل تا تم داخل إلياس : باقي مبدلتي
إسراء : ااه دبا نبدل
هزات حوايجها غادية طواليط وهو يشدها من إيديها ونطق : بدلي حدايا هنا
إسراء : ااه خليني نبدل لهيه
إلياس : ههههه سيري وكان مشات كتزرب تبدل عليها حتاهو لبس عليه ورش عطرو وقاد ساعتو وخلا شعرو شويا هابط على عينو

اما إسراء بدلات عليها ومشطات شعرها خلات وجهها مدارت لو والوا او بالأحرى مكتعرف دير مكياج

خرجات عندو رقاتو عطي بظهر بغا يهز فاليزات
إسراء كتشوف فيه بالانبهار دار كشوفها ياهية ونطق : ياكما عجبتك، شتي انا عار راسي وسيم
إسراء : احم زيد يلاه نمشو ومشات متخطياه
هو هبط فاليزات ودارهن فالكوفر وطلع وسد الباب إقامة وهبطو بجوج
وركبو فاللوطو دارو حزام السلامة وكسيرا نيشان شاد طريق
إسراء : ياكما غتعيا فالسوگان
إلياس : لا عادي مولف
إسراء : اه وخا ، خدمنا نتمزكو
إلياس خدم لها موسيفةقى كلاسيكية
إسراء :اويلي نتا كتمزك هتشي
إلياس : علاش معجبكش
إسراء : لا بدل
شافت لين عيات معجبتها تموسيقى  لتم وطلقات بلوتوت ودارت موسيقى لعجبها كتمزك وتغني بجهد كاع ممسوقا
إلياس خنزر فيها ونطق : غني بشويا
إسراء : اه وخا سمحليا تحمست هههه
وبقاو مشيين فطريك توصلو رباط ورتاحو فيها وتغداو وفعشية خداو طريق طنجة وبقاو ماشيين وكهدرو ومرة اتغزل بيها إلياس وهي تحشم ومرة ترد عليه تاغفات ونعسات جا هو يدور رقاها نعسات