عشقك إدماني

parte 127

جوهرة : عرفتو البنات انا كذلك محظوظة بصداقتكم
صوفيا  بتاسمات لها ونطقات : حتا حنايا اجوهرة
بقاو كهدرو بيناتهم تجا إلياس وعمر
إسراء: يلاه بسلامة البنات انا غنمشي
صوفيا : حتا أنا
إسراء نطقات كلامها موجه لريتاج : ريتاج شفت شيفور ديالكم مجاش
ريتاج : غاسيرو ايكون اتعطل فطريق
إسراء: اه وخا يلاه بسلامة
يلاه كانو غيمشو
تنطقات زينة  لخرجات من سيارة ديالها ونطقات وهي جايا عندهم : تسناي ابنتي تسناي متمشيش
دارت عندها إسراء مستغربة وكتسأل شكون هادي لكانت مرأة أربعينية شويا بداو كبانو عليها تجاعيد ولكن مهلية فراسها لابسة جلابة بلخضر فاتح  مزينة بالعقيق خفيف وشال فوق راسها مع سندالة بلا فيها حجيرات فالوسط  وريتاج كتشوف فيها هي وصوفيا مستغربين شكون هيا  وكذلك إلياس وعمر واقفين اكشوفو تجات عندها جوهرة ونطقات : ماما شنو جيتي ديري هنا
زينة نطقات كلامها موجه بنتها مهموس : نسيتي شنو تافقنا
جوهرة : ههه نسيت نسيت
صوفيا نطقات كلامها موجه لجوهرة : وش هادي ماماك اجوهرة 
جوهرة : اه هادي ماما
مشات عندها صوفيا وريتاج وكذلك إسراء سلمو عليها وهي تنطق
زينة : إسراء بنتي انا عمتك خت باباك
إسراء سرطات ريقها ونطقات : ااه عرفت عرفت
زينة : اوا انا جيت باش نديك تعرفي على عائلتك من باباك وبغيت نشوف خويا توحشتو بزااف
إسراء بقات كتشوف مجوبتهاش تنطق إلياس : ان شاء الله الالة ان شاء الله حنا غنمشو دبا
ونطقات زينة : ابلاتي شكون انت اولدي
إلياس : انا راجلها الالة
زينة بتاسمات ونطقات : مشاء الله هي بنت خويا مزوجة
إسراء : ااه حنا غنمشو دبا يلاه بسلامة
زينة : ابلاتي اإسراء باقي مهدرت معاك وباَّ بغا يشوفك لهو جدك  علاش متجي عندنا جوهرة شحال مرة قتلك يلاه ونتي مبغيتيش علاش بنتي علاش 
إسراء تنهدات ونطقات : سمعيني اعمتي انا ديك دار ممرحباش بيا
زينة عقدات غوباشتها ونطقات : علاش ابنتي كتقول هكا اشنو درنا ليك حنا وتقول هاد هدرة بالعكس دار دارك هاديك وباب مفتوح لوجهك ديما
إسراء : ديك دار جريتو على بابا منها وكذلك ماما لمتقبلتوهاش و مبغيتوهاش حتا انا ماعندي مندير بشي بلاصة لماما تهانت فيها وداك جدي الا بغا يشوفني اشوف شنو دار لولدو
زينة هبطات عينيها تحت وكتسمع لها
جوهرة لنطقات : إسراء والله جدي ضريف ملي غتعرفي عليه غتولي نتي مقربة لو ومتهدريش بحالهاكا عليه
زينة طلعات عينيها ونطقات : عندك صح ابنتي فكل كلمة قلتيها ولكن باَّ راه ندم وماما ماتت حيث مقدراتش تصبر على فراق خويا وباَّ ملي متلا سمع خبار عليكم تصاب بمرض القلب ولكن تيقي بيا ابنتي حنا رانا مرحبين بيك ملي قتليا جوهرة تلقات معاك فرحت انا معمري كنت ضد زواج خويا بماماك  ولكن لوقع وقع نساي هدشي وبداي معانا صفحة جديدة ولما لا حتا خويا ومراتو بغيت نشوفهم
صوفيا همسات لريتاج : اناري اختي نفس اسطوانة عوتاني هدو معرفينش ولدهم مات ولا اس
ريتاج همسات لها : انا لبقا فيا من هتشي كامل هي إسراء شحال قدها تصبر ومتنهارش هي كل حدث كذكرها حرقة موت والديها
إسراء لسرطات ريقها وإلياس كهدنها بعينيه وهي تنهد تنهيدة خارجة من اعماق قلبها ونطقات بصوت هادئ  : عمتي عندي هدرة بزااف لنقولكم ولكن راه من واجبي خاصني نقولكم هتشي 
زبنة : يلاه معانا ابنتي انا جيت اليوم نديك ومنها نهدرو ونتعرفو عليك
إسراء امأت لها ونطقات لإلياس : يلاه نمشو عندهم تبغي
إلياس : انا معندي تامشكل رجلي  على رجلك
بتاسماتلو ومشاو جهة اللوطو طلعات إسراء وطلع موراها إلياس
اما فاللوطو ديال زينة طلعات هي وبنتها وسبقوهم باش هوما يتبعوهم لبلاصة فين كاين فيلا ديالهم
ودمارا إلياس اللوطو ومشا تابعهم لوجهة
اما عند صوفيا وريتاج ونطقات
صوفيا : ريتاج شفت شيفور ديالكم  مجاش
ريتاج : ااه دبا يجي غيكون ازحام غاسيري اصوفيا انتسنا تايجي
صوفيا : لا لا تايجي شيفور ديالكم عاد نمشو
ريتاج : اسيري اصحبتي سيري وجدي لغدا راجلك ترقايه خدام فعشية
صوفيا : اه عندك صاح ، ولكن يكما غتوقلعك شيحاجة حيث دنيا خاوية هنا
ريتاج : ههههه وناري اصوفيا سيري ياتا سيري اش عندو ميوقع شيفور دبا غنصوني عليه الا شفتو معطل بزااف غنمشي فطاكسي
صوفيا : وخا لبالك يلاه تهلاي تالغدا
ريتاج : يلاه بسلامة
مشات صوفيا ركبات فاللوطو رقات ديجا عمر كتسناها ومشاو نيشان وجهة لدارهم
اما ريتاج غاديا جايا فديك شمس
تفرانات  اللوطو عند رجلها 
رجعات ريتاج اللور وشدات  إيدها جهة قلبها ونطقات  مغوتة : وبسم الله رحمان رحيم ، والحيوان وش مك مكتشوفش عور انت وش عور
اما هو لنزل من اللوطو وطلعات عينيها وتصدمات من شوفتو هو لي  وقف قدامها ونطق : زيدي طلعي نتي شتك ممشيتش داركم
ريتاج سرطات ريقها ونطقات : معتصم
معتصم كمسد جبهتو بتعب ومسند على اللوطو ونطق : ااه معتصم  هذا يلاه طلعي معنديش وقت
ربعات إيديها ونطقات : لا خويا شكرا متوصلني منوصلك
معتصم : طلعي قتلك براكا من ضد
ريتاج : ومبغيتش بناقص صافي سير شوف متقضيلك بقا احاضيني انا معندك الهم
معتصم ميل راسو بجنب وتاجه وقف قبلاتها ونطق : هاد ساعة عندي غانتي فهاد فالحساب
وقرص خدها بشوية
ريتاج لحسات بتوتر تملك منها  من خلال هضرتو لنطقها موجهة ليها وقربو ليها وبعدات  بضع خطوات باش دير مساحة بيناتهم وجبدات تيلي وهي كتمسد رقبتها بفعل توتر لكتشعر بيه ملي وقف قريب لها وبدات كتصوني على شيفور مجوبهاش وهي تصوني على مها وهي كتمشي وكتجي وشعرها كطير معاها فكل تحركاتها وهو حاضي تفاصيلها كاملة كفاش متوترة كفاش شعرها كديه ريح وملامحها لناعمة وطفولية بعض شيئ
تجاوبتها ليلى : الو ريتاج
ريتاج : على سلامة اماما علاش مكتجوبينيش
ليلى : غير كنت فكلينيك
ريتاج : اناري اماما علاش شنو واقع
ليلى : غار شيفور مراتو  عيانة وصافي جينا نزوروها نشوفو كبقات ااه نسيت مقلت ليك بلي شيفور مغيجيش ايديك شوفيلك شي طاكسي واجي
ريتاج : اااه وخا اماما قوليلو الله يجيب شفاء
ليلى : وخا ابنتي وخا
وقطعات معاها
ريتاج لتنهدات ورجعات تيلي لساكها وقصدات غادا تقطع لشارع
تشدها معتصم من دراعها وهي كتشوف فيه ونطقات : طلق من إيدي اشكدير انت وش انت شويا لباس حماقيتي لا
معتصم  لطلق منها ونطق : طلعي حسن لك نوصلك داركم راه مغترقايش طاكسيات بلا ميكون راسك قاصح
ريتاج : خليني عليك اخويا خليني بعد من طريقي
معتصم : انا ماشي خوك وطلعي براكا من هضرة
ريتاج لفرحات من داخلها ولكين دغيا خفات ضحكتها لتفرش تاني ونطقات : شنو باغي مني انت ؟!
معتصم مجوبهاش هو براسو معارفش شنو كدير تم وعلاش باغي يوصلها ومشا طلع فاللوطو وخلاها هي بقات اكتشوف تجات بغات تفتح اللور وهو يقفلو ونطقات : مالك قفلتيه فتح لنا
معتصم لشير لها قدام ونطق : طلعي هنا
ريتاج : اوا بلاش محزرناكش توصلنا
تمات ماشيا
تهو هبط من اللوطو مشا تبعها بعصبية وشدها من دراعها تلصقها مع صدرو ونطق معصب وهي اكتشوف فيه ودغيا حنيكاتها حمارو ونطق : ومال مك راسك قاصح قلنا لك طلعي يعني طلعي
ريتاج لدفعاتو عليها ورجعات اللور علين مطاحت دغيا شدات توازنها ونطقات بحدة : اخر مرة ترفع عليا صوتك سمعتي وبعد مني
معتصم لمسح على راسو بعصبية ونطق : وش ابنت الناس باغا يتلݣاولك شماكرية ولا شنو صافي طلعي وهنينا خلينا نوصلوك داركم ونتݣعدو حنا شغالنا
ريتاج سرطات ريقها ومتنكرش بلي زاد عجبها بلي هو معصب ونطقات : وخاا وشكرا اخويا
معتصم عصباتو ديك كلمة خويا ولكن تجاهلها ومشا قاصد اللوطو طلع وطلعات هي قدام  ودمارا نيشان لفيلا ديال اهل ريتاج تنطق معتصم
معتصم : عطيني عنوان ديال داركم
ريتاج : الحي *****
معتصم حدها امألها براسو ونطقات هي متوترة وكتفرك بإيديها : شوف عفاك حطني بعيد شويا على هاد حي
معتصم شاف فيها مستغرب ونطق : علاش !!
ريتاج سرطات ريقها ونطقات : حيث بابا الا شافني جيت معاك غينحرني واخر مرة تقولي نوصلك متوصلني منوصلك كن ماشي طاكسيات ݣاع منركب معاك
معتصم بتاسم بجانبية ونطق : اوك الالة  على خاطرك  
ريتاج حاضياه بنص العين وهو عايق بيها ودغيا كتهرب عينيها عليه ملي كشوف فيها  تبعد دقائق كان وصلها حطها شويا بعيد على دارهم وهبطات  ونطقات : شكرا اخويا
معتصم لعض على سنانو ونطق : مكاين لاش تشكريني ، وانا راه ماشي خوك ديريها فبالك
وهي سدات لباب
ومشات كتزرب فخطاويها وقلبها كضرب بجهد وهي فرحانة بغا غتنقز ولكن الظروف لاتساعد ذلك  وهو حاضيها بعينو تدخلات داك حي وهو يقلب دورة نيشان لوجهتو
اما هي غار مشا ضربتها بجرية توصلات فيلاتهم وفتحلها عساس الباب ودخلات رقات باها عاد بلاصا اللوطو وخرج منها ونطق : ريتاج فين كنتي ابنتي تعطلتي
ريتاج شدات فدراع باباها ونطقات من بعد مسرطات ريقها  : بابا بقيت كنتسنا شيفور وصافي ملي عرفت مغيجيش وركبت في طاكسي
عماد : وعلاش موصلك تال داركم وشفتك جايا على رجليك من لهيه
ريتاج تزنكات ونطقات : لا ابابا قتلو غابداية هاد حي واصلا هو كان هاز واحد بلاصة موصلها لهيه وصافي قتلو غاحطني هنا
عماد : ااه وخا
ودخلو بجوج الدار
اما عند إسراء وإلياس فورا موصلو لفيلا ديال  اهل الاب إسراء
جلسو فصالون وجابو ضيافة على اكمل وجه ونطق
علي لنطق : نهار كبير هذا ملي جيتو عندنا بقا خاص غاولدي عثمان ومراتو تكمل عائلتنا
إسراء تزيرات ملي سمعات كهدرو على والديها هوما معرفينش بلي ماتو شحال هذا وسرطات ريقها ونطقات بهدوء  : انا جيت هنا باش نقولكم كلشي وندير واجبي