عشقك إدماني

parte 115

بعد اربع ساعات خرجو البنات من الجامعة وبقاو كجمعو ونطقات جوهرة : إسراء اليوم غنقوليهم عليك
إسراء : اممم اوك
جوهرة : دبا الا قالك باجدي تجي عندو وتزوريه غتجي ياك ؟!
إسراء: تايقبل بيا بعدا ونشوف وش غنجي ولالا
جوهرة : لا باجدي هو لقالي نتأكد وبالطبع غيبغي يشوفك وحنا راه عائلتك وهذيك فيلا فيلا ديالك تانتي
إسراء لمسات جبهتها وتنهدات تنهيدة وطلعات عينيها شافت فيها ونطقات بهدوء : شوفي انا هاديك فيلا مكنتعبرهاش فيلا ديالي وتاني هذا جدك ماشي لميتقبل ولدو يبغي اتزوج لبغا ويجري عليه هذاك راه ماشي جدي واصلا شغيدير بيا حيث انا من طبقة فقيرة ومتوسطة وانا مفتاخرة بيها حيث هي الا تربيت فيها
جوهرة هبطات عينيها ونطقات بحزن : باقي هزا احكام مسبقة يعني معمرك اتعتبرينا عائلتك ياك
صوفيا نطقات بغات تنقذ موقف : لا ماشي هكا اجوهرة
وكتغمز إسراء باش تهضر اما هي مربعة إيديها وكتشوف ونطقات
ريتاج : لا ميمكنش متبغي اسراء عائلتها عطوها غاشوية الوقت صافي
جوهرة طلعات عينيها ومطقات : جوبيني
إسراء : ديا ماعندي تاجواب
جوهرة : وخا نسولك
إسراء : اوك سولي
جوهرة نطقات بهدوء وكتشوف فعينين إسراء وجهها كيوحي بجدية : إسراء خالي عثمان ومرات خالي خديجة فيناهوما ؟!
صوفيا وريتاج كشوفو مصدومين متوقعوش هاد سؤال وهازين الهم كفاش غتجاوب إسراء تنطقات
إسراء متصدماتش من سؤال حيث متوقعة ذلك ونطقات بهدوء : مزال بيناتنا هدرة ومن خلالها غتعرفو فيناهوما والديا
جوهرة مفهماتش شنو كتعني بهدرتها
تاجا معتصم ونطق كلامو موجه لختو لكتبان مصدومة كتحاول تستوعب كلامها : مالك انتي اشواقع
جوهرة بملامح مبهمة كتحاول تستوعب كلام إسراء ونطقات : لا اخويا مابيا والو
معتصم كشوف فيها فشك اما ريتاج وصوفيا وإسراء اكيشوفو وإسراء اكتنهد ونطق معتصم : واش واقعة شيحاجة هنا
نطقات صوفيا : لا اشغيوقع
ريتاج همسات للإسراء : وهدري اختي
إسراء شافت فيهم ونطقات : مواقع والو اخويا معتصم غر كنا كنهدرو عادي ياك اجوهرة
جوهرة : ااه يلاه بسلامة البنات نتشاوفو اتنين غدا سبت مكيناش قراية ياك
صوفيا : ااه
ودا ختو وبقا كشوف شوفات غير مفهموين فريتاج وهي دارت راسها ممسوقاش والبنات غاكشوفو تامشا ودارت عندها صوفيا ونطقات
صوفيا : سبحان الله مبدل الاحوال شتك كاع معبرتيه مجوبتيه موالو
إسراء : داكشي كنشوف ريتاج وش بصح مبقاش عجبك راه وليت كنشك
ريتاج تنهدات تنهيدة ونطقات : البنات قررت نتجاهلو ومنعبروش خليه هو يجي عندي منبقاش انا كل مرة فاضحة راسي
صوفيا تصدمات فيها وإسراء بتسمات وضرباتها بشوية على كثفها ونطقات : اوا هكاك الله يرضي عليك دبا عجبتيني
صوفيا : هههه ريتاج وليت كتعقلي حمدالله درتي عقلك
ريتاج : اه رقيت عندكم الحق ماشي انبقا نشوف فيه ونفرش راسي
إسراء : بصحتك سوليني انا لمجربة راه راجل مكيبغيش البنت خفيفة وتبقا تشوف فيه وتبين اعجابها غيظنك مدلولة وخا نتي ماشي مدلولة مهم كتفكير وصافي نتي بينيلي بلي نتي صعيبة وبزااف
ريتاج : ههههه هتشي غندير وايلي اسراء كاملا طيحات ولد خالتي على زنافرو ولكنا نقولو محال اتزوج
صوفيا : ويه صدقتي مساهلا اإسراء ومنك نتعلم
إسراء : الله يعفو حيدو من طريقي راه راجلي جا الله يعاون
ريتاج : ياه على ماركة غاشفتيه قلبتي وجهك وانا من قبيلة جاني شيفور وممشيت
إسراء : شغندير بيك انا سيري تزوجي راه كتبقاي فيا ابنيتي
صوفيا : ويه سيري اتبقاي تعيشي معانا جفاف عاطفي
ريتاج : سيري بعدي مني لهيه انا راه مقادا على مسؤوليات وبغا مزال نتزعط ونخضر عويناتي
إسراء ميقات فيها ونطقات : لاحول ولاقوة الا بالله العلي العظيم الله يعطيك عقل وش نتي عندك فندق فداك قلب ولا شنو
صوفيا : الله يعفو عليك اصحيبتي
ريتاج : مالي انا مضروبا على راسي نبقا نصبح على واحد ونمشي عليه
إسراء صدمات فيها ونطقات : وات ديو ساي ايكان بليفن دات ( ماذا قلتي انا لا اصدق ذلك )
صوفيا : ريتاج راه نهار اتبغي راه غيبالك غاهو اباقي مبغيتي احنينتي
ريتاج بغات تبدل موضوع ونطقات : مهم تهلاو راه الخطبة هاد ايامات ديال ختي وموراها شهر امكن اتزوجو وعندكم متجو راه بغينا نشطو
إسراء : بالطبع غنجي الله اودي عندكم ديرو دوك مزيكات حامضين ماديال شطيح ماديال تاوزة
صوفيا : ويه نهار عيد ميلادك ملي درتيهم
ريتاج : اشمن كاين غار شعبي واراك شطيح ورديح
إسراء : هكاك و حمستيني
ريتاج : اهياتا عندك تقوليلي غتشطحي
إسراء : وش منيتك منشطحش
صوفيا : لاحول ولاقوة الا بالله العلي العظيم وش عرفا شكاتقولي رانك حاملة ازمر وطبيب اوصي اقول حركة بزااف الا
إسراء : وصافي زدتو فيه بغيتوني نبقا اناعسة انا
ريتاج : دباراسك شوفي مع راجلك الا خلاك اجي عكريلي إسراء شافت فصوفيا ونطقات : ونتي امتا عرسك لغديريه فعطلة
صوفيا : اوا تاتجي عطلة اصلا تفقنا انا وعمر متليناش غنديرو عرس غير حفلة نجمعو فيها عائلة وصافي
ريتاج : اه هكاك يعني غنرجع معاكم كازا
إسراء : مهم كاين نشاط ياك بغيت غنفوج على قلبي
إلياس عيا ميبقا اتسنا تجا عندكم وحيد نظاظر شمس من عينية ونطق : نتوما مكتقضاوش من جماعة ولا شنو
إسراء : هههههه يلاه بنات بسلامة تهلاو
صوفيا : نيت هاهو جا عمر يلاه بسلامة
ريتاج :الله يعاون
وكلها و تاجه لفيلتو
معتصم وجوهرة انفوا دخلو فيلا تاجهات جوهرة تبدل لباسها وكذلك معتصم
خرجات جوهرة من شومبر ديالها وتلقات معتصم شاف فيها ونطق معلي حاجبو : إسراء مخبراتكش خالي ومرات خالي فيناهوما غريب الأمر
جوهرة سرطات ريقها بحلا بدات كتفهم ولكن بعدات افكار سلبية وشكوك ونطقات : لا خويا سولتها وقاتليا بيناتنا باقي هدرة وغتعرفو فيناهوما
معتصم تصدم ونطق : يمكن يكون وقعلهم شيحاجة
جوهرة : لا مكنظنش اخويا محال
معتصم : اوك غتخبريهم بلي صدقات بنت خالنا نيت
جوهرة : اه اخويا ضروري خاص اعرفو
هبطو من دروج تاجهو عندهم رقاو مجتمعين باش اتسناو الغداء يوجد رقاو نيت زينة وعلي وراجل زينة وغيثة جالسين كهدرو تادخلات جوهرة ومعتصم عندهم
جوهرة تاجهات عند جدها باس ايدو ورايو ونطقات : باجدي بيخير
علي : بيخير ابنيتي
وتجهات سلمات على زينة وباباها وغيثة ومشات جلسات حدا جدها كذلك معتصم سلم عليهم وجلس ونطقات : كنت بغا نهضر معاكم البارح ولكن مكتابش حيث ضياف
غيثة : ابون جوهرة فاش كنتي بغا تهضري معانا
جوهرة : ملي قلتولي نسول إسراء صحبتي وش نيت بنت خالي ولا لا
زينة : ااه شنو قالت ابنتي
علي نطق : وش حفيدتي هدري
معتصم : اه صدقات بنت خالي عثمان رمزي مها خديجة علاوي
غيثة مصدومة وكتشوف : وات قلتي إسراء رمزي بنت خااالي عثمان مأكدين لكتقولو
جوهرة : ااه راه مأكدين اختي اجوهرة راه بنت خالنا
زينة : حمدالله قريب غنتلقا مع خويا توحشتو بزااف
راجل زينة نطق : هانك شفتي راه غتلقاي مع خوك متمحنيش راسك
حدها أمأت براسها
جات خادمات باش تقوليها بلي الغدا وش يحطوه تنطق علي : خلوه منبعد تنقولكم وجدوه ونطق
عليمرة تانية ملي مشاو خادمات : بنتي قوليلها تجي عدنا
جوهرة سرطات ريقها ونطقات :باجدي قلتها لها
زينة بفرحة : شنو قالت ابنتي بغات غتجي غار معرفاش لوكاليزاسيون ياك
جوهرة : لا ماشي هكاك اماما هي مبغاش تجي بقا واخذة موقف منا
غيثة : اوا هاك لهلا يجيبها كاع مالنا خاصنا غاهي عوجة كدايرا قتلك واخذة موقف مالنا نبوسو ليها رجليها اعع على ماركة
كلشي دار خنزرو فيها ونطق
معتصم بحدة : غيثة هنينا
غيثة هبطات راسها ونطقات : وخا خويا
جوهرة : اسراء اغيثة ماشي شريرة وعجبها راسها هي ضريفة بزااف لدرجة عنقاتني وقتلي بنت العمة خاصها غاشوية الوقت تولف علينا
زينة : اكون خير راه بنت خويا هاديك غندير كثر من جهدي تولف معانا
علي : وش هي شحال عمرها
جوهرة : مهم انعطيكم تعريف عليها مهم سطحي حيث انا راه مكتعاودلي والو وحتا عائلة ماماها قالت تعرفات عليهم مهم معرفاش شنو قاسات شنو دوزت لكنعرف انها جات من كازا
زينة قطعاتها ونطقات مصدومة : اشنو كيفاش هي من كازا علاش خويا مكانش ساكن فرباط
علي : اشش زينة سكتي شوية متقطعيش البنت
معتصم : جدي وش عارف خالي عايش فكازا ولا شنو ؟!
علي : انا اخر مرة جا عندي عرفت ملي قالهالي وغرس ايدو فشعرو لفيه شيب ونطق بصوت مضيوم وحزين : انا كنت باغي نعاقب ولدي باش ميتزوجش صدق هو هرب هو مراتو كازا انا ندمان معرفت فين كان عقلي هاهو ولدي معرفتو حي ولا ميت
غيثة : عادي اجدي انت مدرتي تاشيحاجة غالطة عادي انك بغيتي لخالي للأفضل ماشي يتزوج بخادمة ويجيبلنا العار قدام مجتمع احسن حاجة هرب
معتصم ضرب إيدو مع طابلة ونطق مغوت : وش غتهنينا نتي ولا لا وش عرفا شكاتقولي بغا تسمعي سكتي ولا نوضي سيري بيتك وهنينا
جوهرة : تهدن اخويا وسمحلي باجدي على كلامها
علي مسح على شعرها ونطق : مدرتي والو ابنتي وطلع عينو فغيثة ونطق : اخر مرة نسمعك كتهدري بهاد شكل
غيثة بقات كتشوف ونطقات زينة : نتي ابنت كرشي صدقتي اللفعة فين جبتي هاد هدرة هنينا وخلي ختك تكمل كيما تكون هي بنت خويا هداك خويا وهاديك مراتو
با غيثة نطق : عتاذري
غيثة تنهدات تنهيدة : وخا سمحولي
بدات كتنفخ مبغاوش اعطو امر اهتمام ونطقات جوهرة : مهم عمرها دبا 20 سنة مزوجة ودبا حاملة ببيبي صغيور ههههه
زينة علامات دهشة على وجهها ونطقات : واو بنت خويل حاملة اللله يثبت اربي حملها والله يصلحو ليها ياربي
علي : امين يارب ،. احسن خبر علمتيني اجوهرة قوليها نهار اتنين تجي عندنا
جوهرة بقات كتشوف تنطقات
زينة :صافي انا غنمشي باش نجيب جوهرة ومنها نيت مغتردهاش فوجهي
معتصم : احسن حاجة حيث كتبالي متردة مبغاتش تجي يمكن عمبالها مغتستقبلوهاش
غيثة كانت ساهية ومسمعاتش الحوار ان إسراء حاملة تفاقت من سوهتها وطلعات عينيها فيهم ورقاتهم باقي كهدرو عليها ونطقات هامسة حدو كتسمع ليها : هتشي لبقالينا غالغريب اوف