عشقك إدماني

Parte 64

مصطفى ستأذن منهم مشا يصلي فجامع وبقاوهما جالسن كتبادلو الحديث تنطقات رحمة
رحمة : بنتي قولي إلياس هاد 15 يوم لبقات ميبقاش إجي
إسراء : علاش هههههه
رحمة : حيث نتي دبا عروسة وخاصك تغبري أيامات باش إطيح عليك سر
إسراء : اااه ، وخا انقولها لو
من بعد ناضو صلاو عشاء وتم داخل مصطفى وجابو العشاء وتعشاو مجموعين عاد جمعو طابلة ومشا كل واحد البيت فين ينعس كما العادة بيت لفيه صوفيا وإسراء
صوفيا : شنو غتقوليلو
إسراء : معرفت غنقولو ميبقاش إجي
صوفيا : منيتك
إسراء : مالك
صوفيا : خاصك تعليم كفاش تهدري مكاد ويكون عندك اللسان الحلو ياصكعة، بقا فيا غاراجلك مسكين بمن تزوج
إسراء : مالك كجيتك باش إيبقا فيك هو بغاني هكا
صوفيا : سيري بعدي مني وجاوبي على ذاك تلفون إصوني نوصيك هدري بالأداب
إسراء هزات تلفونها مع دايراه سيلونس بقا شحال كصوني شي 5 صونيات تارقاتو هو نيت كصوني جوباتو معطلتوش
إلياس جاوب بصوت معصب : مالك ازمر مكاتجاوبي شهاد الفعايل ديال نمي
إسراء كطرطب جو : سمحلي راه تلفون خليتو سيلونس وكانت جالسا معاهم فالبيت لاخور وهو خليتو فالبيت لكنعس فيه
إلياس : مرة أخرى تخليه سيلونس غنتفاهم معامك
إسراء : وخا ، اه إلياس بغيت نقوليك بلي خاصني هاد أيامات منبانش يعني متلينا انتلقاو
إلياس : علاش بسالامة هاتشي
إسراء : هوما قالو بلي عروسة خاصها متبانش حيت باش يطيح عليها سر نهار العرس
إلياس : ااه دبا انا 15 يوم منشوفكش مقلتي يوم مقلتي 3 أيام وش عرفا شناهيا 15 يوم
إسراء : واه راه هادي هي عادات ماعندي مندير أصلا دغيا 15 يوم دوز
إلياس : لا شوفي شي حل أخر ماشي تحرمي عليا شوفة فيك مبلانش
إسراء : وامكاين تاحل خاصك تصبر
إلياس : ياك وخا ضروري غنشوفك كرهتي ولا بغيتي ميمكنش نصبر15 يوم
إسراء : ومهم نتا دبر محينك
إلياس : وخا ، وخا هكاك راه ضروري من مغامرات حيت كنبغيك زعما نتي مكتبغينا ضحي شويا تخلينا نشوفوك غدا
إسراء : ولا ميمكنش قالولي ممنوع
إلياس : ياك وخا ماشي مشكل الحب هتشي تخلصيه من بعد قريب ان شاء الله غتخلصيه
إسراء : مفهمت وش نعطيك فلوس تخلص
إلياس مات بضحك وبقا كضحك : واميمتي ههههه معامن مزوج
إسراء نطقات مستغربة : وافهمني مالك كضحك
إلياس : غادي تفهمي تتكوني بين إيديا
إسراء : سير بعد مني مفهمت شكتخربق عليا
إلياس : ههههههه اوا شغندير لك مكلخة صافي
إسراء : بعد مني انا ممكلخاش
إلياس : الحب تقلقتي راه غكنضحك معاك
إسراء : اه وخا
إلياس : نتي مغتقولينا شي كلمة زوينة والو تاكلمة كنبغيك مجوبتي عليها كتجاوبي على لقالك راسك
إسراء : واه تنحشم
إلياس : نتي كتحشمي ميمكن!!
إسراء : مالي شتيني وجهي مقزدر لهاد درجة
صوفيا كتسمع ليها شكاتقول كتقول مع راساتها هاد صحبتي زيرو مشاعير روهي تنطق عند وذنها فين كتكلم معاه : وانسيب راه بصح وجهها مقزدر وخا تقولك هكاك راه مقزدرة نيت
إسراء حيدات تلفون من وذنها وخلات خط دايز ونطقات : نتي فرقي مني، لهيه شدخلك عندي
صوفيا : ياك الالة وخا قيديها عندك
إسراء : نتي خلينا نهضرو مع سيد نرسيو الامور
ورجعات تيلي عند وذنها
اما إلياس كسمع فهاد مخلوقات
إسراء : ألو
إلياس : دبا انا وليت سيد ماشي راجلك وخا أبلاتي راه غنتحاسبو نيت وقيديها وغتخلصيهم وحدة بوحدة
إسراء : مهم بسلامة غنمشي نعس
إلياس : سيري وكان الله يعطيك العقل مربحنا معاك والو
إسراء : اااه مهم اراجلي العزيز تصبح على خير وقطعات عليه يلاه بغا يجاوب
اما هو كفرنس بوحدو ملي زعمات شويا عليه
إسراء : أوف تفكيت
جات عندها صوفيا : اوا ساليتي مع الحب قلبك رسيتو الامور
إسراء : وصوفيا فهميني ياختي قالي راه كجمع الحسابات وغنخلصهم وحدة بوحدة شنو كعني هتشي
صوفيا : اوه حبيبة معرفاش شغاتخلصي هههههههه في الليلة داخلة غد ليه تولي عرجة
إسراء بحالا فهمات بلان : أويلي قولي والله اشداني نتزوج كنت مريحة مع رساتي وش ميمكن نتراجع
صوفيا : لدرتيه درتيه اوا تكمشي ابنيتي ميمكنش للأسف وكن قالنا تخطبتو نقول عادي تفسخي الخطوبة ولكن اصحبتي ضربتو العقد يعني تزوجتو
إسراء : اااه تفو عليه ضحك عليا وانا كي هرمة موافقة دارلي خطبة مع العقد
صوفيا : نتي سيري تنعسي، راه مزال مشفتي والو حر ديال تقل فالحمل والولادة وتربية والمسؤولية
إسراء بغات تبكي : ويلي كاع مفكرت تفو
صوفيا : هههههه مالك بغيتي تبكي
إسراء : سيري بعدي مني نتي وريتاج سبابي بقيتو عليا تزوجيه متزوجيه ها أنا دبا اش تبعني ومبقا والو ومعندي فين نهرب،. غدا غنتاصل بيه ونقولو يلغي زواج ونطلقو شبغيت انا شي مسؤولية
صوفيا : وش داويا منيتك وش مكتبغيش إلياس
إسراء : وراه كنبغيه ، إلا كنت مكنبغيه مغنتزوج بيه هو ضريف وزوين وضحوكي
صوفيا : اوا مالكي ران كان ضحك معاك راه راجلك غيوقف معاك وهتشي كاع متحسو بيه راه قال قبيلا اكضحك معاك نتي صافي كالك بغيت نطلق
إسراء : وراه خفت
صوفيا : ومعندك مناش تخافي
دخلات عندهم رحمة
رحمة : باقي منعستو أبنياتي
وشافت إسراء لوجهها ولا صفر
رحمة : بنتي مالك
صوفيا : ههههه لهلا يوريك اماما قاتلك خايفة من مسؤولية ومقداش عليها وذكرات لها كلشي من غير داكشي لقالها إلياس
هزات إيديها وحطات علي ظهر إسراء ونطقات : أبنتي راه كلشي غيدوز معندك مناش تخافي وراه كاملين عيالات دازو من هاتشي وهاهوما بولادهم ورجلاتهم وماشي نتي لوحدك غتحملي مسؤولية وبقات كتفقهها وكتشرح ليها وتفهمها
إسراء رتاحات من كلام رحمة ونطقات : شكرا كنت مخلوعة وكنقول مع رساتي فين كان عقلي مفكرت
صوفيا : ههههه ناري صافي هبيلة
إسراء : متبقايش ضحكي عليا تاتشوفك نهار عرسك وش غتخلعي ولا لا
رحمة : يلاه أبنياتي صبحو على خير وسيرو تنعسو
غد ليه صبحات دار عامرة عائلة صوفيا كلها جات باش يساندو فرحة إسراء وإعاونو رحمة فتوجاد العرس لولات إسراء محسوبة عليهم وحسات بدفئ عائلة وتمنات فخاطرها كون غا والديها بقاو حايين إشوفو بنتهم ولات عروسة وإساندوها وإفرحو لفرحتها
لدازو أيام فتوجاد وكل نهار إسراء كديرولها ماسكات. والحنة مخلطة بالعشوب تلطخ بيها ذاتها والكريمات وصوفيا حتاهيا مخلات ماسك لعارفا دارتو لإسراء ويخرجو اتقداو ليها شنو تجيب وجابولها ذهب مهم تحضيرات العروسة وديما إتصالات بين إسراء وإلياس اما إلياس حتاهو وعائلتو مشغولين فتوجاد جاو عائلتو كاملين مساندين فرحتو ويوجدو فين غيدبرو عرس فكازا نيت عند خالتو وتاصلو بنور وتجي لكن مبغاتش كانت مشغولة فقط اكتافت انها تبارك لخالتها
وصل نهار قبل العرس فين عروسة خاصها تمشي الحمام وتحيد عليها كامل الوسخ ديال مسكات ومشات معاها صوفيا وشي بنات عم صوفيا كبر منها ولقدها فالعمر وحتا رحمة مشات معاها
وعيطو الكسالة ناقتها تاصافي إسراء طلبات شرع
ولبسات وبقاو ماشيين معاها بزغاريت وصلوها دار
وديك الليلة دارو فيها الليلة الحنة وعطالله الغناء وشطيح وهاشعبي مهم نشطو البنات والعيالات بيناتهم وصل الليل كلها فرش ونعس وشي مشا دارو من هوم جيران
اصبحنا واصبح ملك لله لناضت إسراء وصوفيا والعائلة صوفيا ناضو بكري فصباح بكري مع ديك 7 ديال صباح فطرو مع عائلة في جو الضحك وتقشاب مرة مطلعينها على العروسة لزيانت بل كثرة مسكات وغلاضت شويا من بعد لقاو خزاين فين غيديرو العرس وصلات وقيتة 11 ديال نهار هزات صوفيا لباس لغيلبسو باش يجو نيشان وإيبدا العرس من بعد مشاو كوافورة وصلهم العم صوفيا دخلو رقاو ديجا مولات كوافورة كتسناهم
كوافورة : تعطلتو
إسراء : اوا رانك عرفا مع تحضيرات
كوافورة :مشاء الله حمقوني عينيك وحتى صجبتك وجهها زوين
إسراء : هههه ياك بعدا
ومن بعد بدأت فعملها كدير لها مكياج العروسة ومن بعد نفش شيئ صوفيا كتقاد مكياج عند واحد كوافورة مساعدة ديالها وهتمو بيها وحتى ضفار مكملو حتى ديك 2 ديال نهار من بعد مقدات شعر ومكياج ولبسو قفاطن ديالهم
صوفيا جات عندها وكتشوف فيها بإنبهار
صوفيا : واو جيتي زوينة العفريتة
إسراء : بصح زعما غادي نعجب إلياس
صوفيا : نتي ماشي غتعجبيه غطيريلو العقل وليتي تهبلي
إسراء : حتا نتي جيتي زوينة مشاء الله
مكياج إسراء