عشقك إدماني

parte 112

دخلات صوفيا وحاجة فاطمة وحاج مهدي ونزهة لغرفة تجهات عندها صوفيا وقفات عند راسها ونزهة جات حدا صوفيا من ديك جيه اما حاجة فاطمة والحاج مهدي بقاو واقفين شوية بعاد تطلعات فيها عينيها إسراء ونطقات : صوفيا تانتي هنايا
جات عندها صوفيا وعنقاتها ونطقات من بعد مفصلات عناق : اه اختي علاش كتقلقي راسك بحال هاكا شقتليك انا ياك كنقوليك ردي بال راسك وقلق معندو باش يفيدك راه غادي غادمري صحتك وتعصبي راسك هكاك ورانك فمرحلة حساسة اصحيبتي
إسراء : كنحاول اختي نبعد من قلق وهاد مرة انعطي راحة راسي
نزهة : سمحيلنا ابنيتي حنا سباب فهتشي لوقعليك كون محنا كون دبا بصحتك
إسراء بتاسمات ونطقات : بالعكس انا محظوظة حيت تعرفت عليكم واخيرا ولات عندي عائلة ومنها نتفكر ماما الله يرحمها
حاجة فاطمة تقدمات عند راسها وبدات كتمسح على شعرها ونطقات من بعد مسحات دموعها : ااه ابنيتي احفيدتي ردي بال راسك وبعدي من قلق حاولي على راسك رانك ماشي بحدك والله يثبت حملك يارب
إسراء : امين يارب
حاج مهدي تنهد تنهيدة ونطق : بنتي شويا لباس ياك بيخير
إسراء : بيخير اجدي بيخير نتوما ردو بال صحتكم
حاج مهدي : ههه شكون كنصح نصحي راسك ابنيتي نتي لردي بال راسك وصحتك راه الا مشات الصحة مشا كلشي
إسراء حدها أمأت براسها ودارت عند صوفيا ونطقات : نتي كفاش عرفتي انني فسبيطار
صوفيا : إلياس كان صونا على عمر كانو محتاجين دم ليك حيث تعرضتي نزيف وصافي ملي سولني عمر على فاصيلة دم وانا كانت عندي نفس فاصيلة وناضت وقفات ونطقات وهي كتشوف راسها لابسة بيجامة ديال دار : شوفي هههه خرجت بلاعقل حدني هزيت كاب ديالي
إسراء : عرفتي نتي راه تكون عندي ختي ومتكونش بحالك انا محضوظة بزااف حيث تعرفت على انسانة بحالك وليتي صحبتي وليتي ختي وكثر كاع
اما حاجة فاطمة وحاج مهدي ونزهة اكشوفو فيهم وكيبتاسمو لصداقتهم
صوفيا : صافي اساطة هنينا انا عدويا داك صواب زايد وشافت فيها مضيقة عينيها ونطقات : دوي البقرة دوي معرفتينيش على عائلتك وامتا عرفتيهم
إسراء : نتي حتارميني الله ينعل ميحشم زعما راه غنولي ام وجالسة كتقوليلي بقرة
صوفيا : ونتي اش فيك ميحتارم مهم جاوبيني
نزهة : ههههه فكرتوني غا فبناتي ولادي ويضلو اتعيايرو
إسراء شافتها فيها مستغربة ونطقات : ياك اخالتي ياك
نزهة : مالك ابنيتي
إسراء نطقات بطنز : شفتك مخبيا علينا ولادك وبناتك شتك مبغيتيش تعرفينا عليهم ولا شنو بلان
نزهة عرفتها كطنز عليها ونطقات : لالا ابنت ختي بالعكس ابنيتي فرحات عليا نعرفهم على بنت ختي شكون لبقالي انا من ختي من غير بنتها ولكن خسارة كون مانك متزوجة كنت زوجتك واحد من ولادي
صوفيا : هههه ناري ويسمعك راجلها هداك راه مسعور وعصبي
إسراء : نتي بعدي من راجلي راه هداك تاج راسي شتيني كنعاير راجلك انا
صوفيا : صافي اضحكنا معك وهي تنطق موجهة كلامها لنزهة راه بقا واحد صحبتي بايرة مسكينة
نزهة : اوا ملي هكا مزيان نزوج وليداتي
إسراء نطقات موجه كلامها صوفيا : تسمعك ريتاج تنحرك يابنيتي ياصوفيا
صوفيا غيرات موضوع ونطقات كلامها موجه لنزهة : مشاء الله كتشبهي خالتي خديجة الله يرحمها كون مخالتي خديجة ماتت نقول غاخالتي خديجة
نزهة هبطات عينيها بحزن ونطقات : حنا توأم ولكن هي الله يرحمها ياربي
صوفيا كسرات جو ونطقات : شحال عندك من وليدات
نزهة : عندي ربعة جوج وليدات وجوج بنيات
إسراء : هكاك شحال عمرهم
نزهة : ولدي كبير راه خدام فكندا عندو شي 26 سنة ولدي لوراه كقرا فالكلية طب عامو 5 فيه وعندو 24 سنة
اوا بنتي لوراهم كتقرا فالباك عمرها دبا 18 وبنتي صغيرة كتقرا فسانكيام عمرها 16 سنة
صوفيا : مشاء الله مشاء الله
إسراء : مشاء الله الله يخليهم ليك شوقتيني نتعرف عليهم
نزهة : ان شاء الله فقريب
وبقو كجمعو بيناتهم اما إلياس وعمر مشاو دخلو مكتب لطبيبة خاصة بإسراء كتبات لو الدواء لغتاخوذ إسراء
وخرجو من عندها ومشا إلياس ملىء استمارة خروج وخلص تكاليف عاد مشا يجيب لماكلة للإسراء باش ترد الطاقة ولباس لتلبس حيت لباسها راه تلف ويجيب دواء اما عمر مشا تاجه دخل عندهم الغرفة ونطق
عمر : الله يجيب الشفاء اختي
إسراء: امين يارب
بقاو معاها كجمعو معاها تاجاء عندها إلياس محمل بداكشي لعجب الإسراء ونطق : وخا تخلوني معا مراتي شويا نطمأن عليها
إسراء بقات كتشوف فهاد مقزدر لقدامها محشم مرمش هي تنطق حاجة فاطمة: ايه اوليدي خوذو راحتكم
وخرجات حاجة فاطمة وحاج مهدي ونزهة موراهم كتحبس فضحكة
اما صوفيا وعمر بقاو كشوفو فيه تنطق : ونتوما مغتخرجوش
عمر : لاحولا ولاقوة الا بالله العلي العظيم
إسراء : مدوهاش فيه ، اويلي اإلياس
إلياس : مالي شدرت صافي عطيناهم الوقت كافي شافوك جمعو معاك اخلوني معاك شويا
عمر ميت بضحك على صحبو وإسراء معرفت متقول تنطقات
صوفيا : وانسيبنا و تهلا ، وشافت فإسراء وجهات كلامها ليها : اااه شوفي نتي ردي بال راسك وتهلاي فولدك تصدقي تاني دايرة شي كارثة فراسك هاودني منك
إسراء : تهناي وابقاو معانا تاتمشو دار
عمر : لا لا منصيبوش الله يجيب شفاء مرة اخرى
إسراء : امين يارب
وخرجو من عندهم عاد نطقات
إسراء : ياربي وش انت صواب زيرو مقزدر صافي والو
إلياس : براكا من هدرة زيدي تاكلي زيدي
وجلس حداها وبدا كفتح فساشيات كيوكلها
اما عندهم ملي خرجو نطقات نزهة ضاحكة : ياربي على راجل عندها
حاجة فاطمة: اوا حنا عيقنا ههههه سيد باغي انفارد مع مرتو
حاج مهدي : هههه جلسو تاتخرج حفيدتي ونطمأنو عليها وعاد نمشو دارنا حنايا
حاجة فاطمة : ااه لاتكون تحتاج مساعدتنا
نزهة : يهديك الله اماما مكتشوفي خادمات مشاء الله وديك فيلا تقولي قصر مشاء الله
حاج مهدي : هو بعدا فاش خدام نسيبنا كاع معرفنا
نزهة : منعرف ابا مسولناه
حاجة فاطمة : انا ظهر لي نسيب خدام شي خدمة نيت كدخل فلوس
حاج مهدي : براكا من نميمة مهم مهلي فحفيدتي وعوضها على داكشي لداز عليها
نزهة : ويه وخا بقا فيا الحال ملي ماتت ختي لكن قضاء وقدر الله هو هذا
حاجة فاطمة : الله يرحمها يارب فهاد نهار
اما داخل عندهم من بعد موكلها ونطقات : حمدالله والشكر لله
إلياس : بصحتك اعمري
إسراء : الله يعطيك الصحة
ناض وتاجه جاب حداها لباسها لشراه جديد فساشية ونطق : وش قادة تلبسي ولا نلبسك
إسراء طلعات فيه عينيها وشدات ساشية من إيديه : اه انشوف الاقدرات
يلاه بغات تلبس مقدراتش ونطقات : إلياس اسير عيط خالتي نزهة تعاوني نلبس
وهو يشد من عندها ساشية ونطق : لا معند تواحد حق اعاونك تلبسي انا نلبس مراتي بيدي
إسراء طرطقات فيه عينيها ونطقات : وش انت مسطي اويلي الحماق ارى الهنا
كتعافر معاه باش تشد شاسية من إيديه
إلياس نطق بحدة : زكاي هنينا قتلك انا نلبسك يعني انا لبسك متخلينيش نعاود كلامي
إسراء سقلات عرفاتو تعصب بداك جواب لجاوبها سلمات الامر
وبقا كلبسها وهي حشمانة منو تقول معمرو شافها ولا قرب لها وهو ينطق : انا بغيت نعرف مك لاش حشمانة راني شايفك
إسراء : سكت بعد مني صافي متليت بغا تلبسني
إلياس : هههه لا صافي هربتيني
إسراء معوجة سيفتها فيه
وبقا معاها تلبسها سورفيت سخونة بالبيض ونطق : دبا صافي كملنا ازين ديالي اخليلي حشمة
إسراء بدون رد فعل وكتشوف ومزنكة وبقات ساهية فملامحو تاشويا هز ها بين إيديه ونطقات مغوتة : هبطني اسي هبطني راه قادرة نمشي على رجلي
إلياس مدهاش كاع فيها مخرجها من غرفة وهي حشمانة ونزهة بقات كتشوف وكتضحك وحاجة فاطمة وحاج مهدي معرفو فين يصدو وجههم اما إسراء صافي معرفات فين ندير بوجهها ومرة مرة طلبو بعينيها يهبطها وهو داير لفراسها
اما اللور تابعينهم ونطقات
حاجة فاطمة هامسة لنزهة : وش هو لبدل ليها
نزهة : وشكون غيكون من غيرو
حاجة فاطمة : هاد جيل ميحشم ميرمش اولي احاي اما هو ماشي وهز فإيديه إسراء كيف ريشة بين إيديه تخرج من مستشفي وجات نزهة فتحات الباب قدامي وحطها فيه وقدلها سانتير عاد تاجه قدام اما حاج مهدي وحاجة فاطمة ونزهة طلعو اللور ودمارا نيشان لفيلا اما إسراء احاضيا طريق تاشويا كبالها لكيبيع حمص وهي تنطق مغوتة : وقف وقف يلاه وقف
ونطقات حاجة فاطمة : امالك ابنيتي وش وقعالك شيحاجة
حاج مهدي : بسم الله عليك ابنتي
وإلياس فرانا ومتسائل ونطق : مالك اشواقع
إسراء بقات كدوز لسانها على فمها ونطقات : الله يرحم ميمتك هبط جيبلي الحمص مشهياه
إلياس مسح على راسو ونطق : وش هتشي كامل على قبل حمص وخالعا وقت هكاك
نزهة بقات كضحك : هههه الوحم وميدير
إسراء ربعات إيديها ونطقات بصوت كيوت : وجيبلي عفاك لبغيت ولا مغاديش نمشي من هنا
إلياس مكره اقنطها ولكن ستغفر الله و
هبط من اللوطو ومشا متاجه لداك لكيبيع حمص