عشقك إدماني

parte 117

نهار جديد
اصبحنا واصبح الملك لله
مع كان نهار سبت لا إلياس خدام لا إسراء قارية صبحو ناعسين تفاقت إسراء مع ديك 10 ودوشات ولبسات سورفيت فالرمادي ساترة  ونشفات شعرها جمعاتو شفنجة وهزات عبايتها صلات صلاتها وحيداتها عاد نزلات تحت باش تخلي إلياس ناعس و رقات فطور واجد وجلسات كتفطر وهي قنطانة تسمعات صونيت فالباب ويلاه كانت خادمة ماشيا تفتح تنطقات : اخليك انا غنمشي نفتح
خادمة : وخا الالة
إسراء ماشية متخطياها وتلفتات عندها : إسراء الله يخليك
خادمة بإبتسامة : وخا إسراء
إسراء : هكاك
ومشات خادمة الكوزينة وإسراء مشات  فتحات الباب  وهي ترقا قدامها خالتها نزهة  لابسة جلابة بالموف وشال مرخوف على شعرها وجداتها فاطمة بجلابة خضر غامق وشال بالخضر كيبان من تحت زيف حياتي  وجدها مهدي لابس فوقية بالبيض وبلغة و  معاهم جوج بنات وحدة كتبنان طويلة على لاخرة شبه قليل لكبان بيناتهم
نطقات إسراء : اهلا اهلا  و مرحبا بيكم نهار كبير هذا زارتنا البركة
ومشات عنقاتهم وسلمات عليهم بواحد بواحد ونطقات
حاجة فاطمة  : اهلا ابنيتي كيبقيتي شويا مسولنا فيك
إسراء : حمدالله الجدة حمدالله ونتي لباس عليك
حاجة فاطمة : حمدالله
ودخلتهم صالون
إسراء مشات تخبر خادمة اوجدو ضيافة شنو اطباق مغربية  لديرو فالغداء وجات عندهم ونطقات من بعد مجلسات حدا حاج مهدي : اهلا جدي و كداير ياك  بيخير صحيحة لباس
دوز على شعر إسراء ونطق : حمدالله ابنتي حمدالله ونتي بيخير لباس عليك
إسراء : حمدالله اجدي
ودارت عندهم وفرحة باينة  في عينيها انها ولات بعائلتها ونطقات  ونتوما بيخير
نزهة : حمدالله ابنتي نتي غاكوني بيخير وحنا رانا بيخير
إسراء بإبتسامة كتشوف فبناتها لجالسين تاهوما وكشوفو فيها  مبتاسمين لها : اوا خالتي نزهة معرفتينيش ببناتك على مأظن وحدة كتقرا فالباك وتانيا فسنكيام
ونطقات نزهة  : اوا إسراء هاذو بناتي 
إسراء دارت عندهم وبتاسمات لهم : شكون فيكم الكبيرة ههههه
نطقات اية لكانت لابسة قميجة بالزرق غامق وسروال دجين واسع شويا ومسرحة شعرها  عسلي على شكل كوب شوفال وملامحها مابين  ناعمة وحادة : انا هي كبيرة من ختي ههههه باقي عندي جوج خوتي كبار واحد فيهم سميتو لؤي هو الكبير وموراه  أنس وأنا سميتي أية وعمري18  سنة وكنقرى فالباك هاد العام دعي معايا بالنجاح اختي ونتي
إسراء ناضت جلسات حداهم ونطقات : متشرفين أنيسة أية ههههه والله يوفقك وقراي مزيان باش تجيبي المونسيون
أية : امين ياربي ونتي معرفتنيش براسك
إسراء : وايلي مقتلك ماماك والو عليا
ودارت عند نزهة ونطقات : خالتي ياك اخالتي معرفتنيش عليهم ومذكرتنيش كاع محشوماش
نزهة : هههههه حشا ابنيتي بالعكس راه عارفينك مكترت مذكرناك ههههه
أية : ههههه اكنضحك  معك نتي إسراء بنت خالتي خديجة الله يرحمها وعمرك 20 سنة ومزوجة وحاملة كجاك تعريفك على نفسك ولكن معرفت وش كتقراي ولا لا
إسراء ضربات على كتفها ضربات خفيفة ونطقات  : هكاك رانك دبا عرفاني ااه كنقرا فتخصص ادارة الاعمال
أية : مشاء الله مشاء الله كتباني قراية
إسراء : لوحلتي فيه ومعرفتيلوش اجي عندي نعاونك فقرايتك
أية : انولي ديما نصدعك ههههههه
إسراء : مكاين لاصداع لا والو
ودارت فشافت فالبنت لحدا ختها أية لكتبان هادئة وحيدة لساكتة فيهم ماتبقا راه كجمعو وهي تنطق : فنيكيشة مسمعناش صوتك
وئام شافت فيها وابتاسمات لكانت شويا عامرة على ختها ولكن قصيرة شويا على أية ولكانت لابسة قوبية فالكحل وسروال بوي فراند  وشعرها كذالك عسلي ودايرالو ضفرة على جنب وملامحها ناعمة  وطفولية  ونطقات : لا انا ماشي فنكيشة اإسراء انا راه كبيرة
إسراء ضحكات ونطقات : اوه وشحال فعمرك نشوف وش كبيرة ولا لا
وئام عوجات شفتيها بجنب ونطقات : اممم انا وئام كنقرى فسانكيام عمري 16 سنة شتي عمري 16 سنة يعني كبيرة
إسراء عقدات حواجبها ونطقات : وايلي ولكن بالي بلي باقا فنيكيشة
وئام : ولا حݣرة هادي اإسراء وايلي تسميني فنيكيشة
أية : ههههه ورانك تاتوصلي 18 عاد نسميك كبيرة ياك اإسراء
إسراء : اه داكشي رانكم باقين صغارات
تنطقات نزهة : اوا تعارفتو صافي كجوك بناتي اإسراء
إسراء : ههههه غزالات مشاء الله
نطقات حاجة فاطمة : اوا ابنيتي فيناهو راجلك
إسراء : اااه  راه ناعس انمشي نوضو مع كان خدام البارح داكشي علاش كتشوفو تعطل فنعاس
حاج مهدي : اخليه ابنيتي انعس
إسراء : لا لا هاني دبا جاياكم
خلاتهم وخادمات كوجدو ضيافة على اكمل وجه فوق طابلة تانطقات وئام لأية : صراحة حبيت شخصيتها كتبان مرحة
أية : اااه حتا انا حبيتها  ضريفة  وزينة مشاء الله وكفاش ضحكات معانا انا كسحابلي اتكون متكبرة وعجبها راسها مظنيت هكا
وئام : ويه ضريفة بزااف دخلاتلي خاطري  واتخيلي  تكون عندي صحبتي بحالها
أية : راها بنت خالتنا شكون بحالنا قهرنا حنا غالوحدة  حمدالله عندنا بنت خالتنا وضريفة ماما صابلها تشكر فيها هي وجدة وجدي
وئام: اااه بصح معرفت راجلها بحلاش غيكون
أية : باينا غيكون حتاهو تيتيز بحالها ههههه
اما فوق دخلات البيت ورقاتو ناعس على كرشو ولوسايد مدورين عليه وجلسات حداه فوق ناموسية كدوز إيدها على شعرو مرة على اللحيتو ونطقات بصوت خافت : إلياس فيق براكا من نعاس يلاه
إلياس لا رد وناضت من حداه  ومشات كتفتح ريدوات ادخل شعاع  تعنكشو ونطق  وهو باقي مغمض عينيه ودايرو إيدو عند عينو : سدي دوك ريدوات وهنينا
إسراء تقدمات عندو وجلسات : لاء نوض يلاه براكا من نعاس شوف تباركالله انا نضت بكري
إلياس دار ديك جيه وخلاها كتهضر بوحدها وهي تجي عندو من ديك جيه بقات كتخربقلو فشعرو وعنكشاتو  بالمعقول تشدها من إيدها وقلبها ونطق من بعد مرجع شعرو اللور حيث كان طايح على عينو ونطق : اشغندير فيك ادوي
إسراء سرطات ريقها ونطقات : مدير فيا والو غاتسنا حيد حيد خليني نمشي 
إلياس نطق من بعد مغمزها : لا ممحيد نتي لقلبتي عليا
إسراء بدات كدفع فيه هو داير كجماد وداير فيها نظرة لاعوبة ونطقات : وحيد خليني صافي لاهلا تنوض كاع احيد
إلياس : لا اعمري قررت نكمل على داكشي لدرناه البارح  شباليك
إسراء طرطقات فيها عينيها ونطقات بزربة  : وكون تحشم اويلي راه بغيت نوضك حيث جدة وجدي وهنا وخالتي كذلك وبناتها وسولو عليك فالتحت اما كاع منجيك
إلياس شاف فيها ديك نظرة ديال والله منشدك ... تحنا يهز تريكوه لكان تحت عند نموسية اما هي ستاغلات فرصة وهربات  من بعد مقدات لباسها لتعنكش وشعرها  ونطقات : ومتعطل راه كسولو عليك
إلياس : سيري هربي دبا ، وقيديها عندك
يلاه بغات تفتح الباب ونطقات : شنو درت انا مدرت والو
إلياس من بعد ملبس تريكوه وناض جاي جيهتها وكهضر : وايلي معرفاش اماهي  فتحات الباب  بزربة قبل ميكمل كلامو ويقنطها وخرجات من بيت  وقفات عند دروج كترد نفسها  وكتنش على وجهها : اوف مسخوط لاخور غيخرجها مني مقزدر
وهبطات من بعد مردات نفس اما هو بعد مهبطات بقا كضحك عليها ودخل دوش عليه ولبس سروال سليم كحل مع قميجة كحلة ونشف شعرو  وهبط عندهم تحت رقاهم مجمعيين وكهضرو واتعاودو وإسراء جالسة حدا البنات كتهضر معاهم  ودخل ونطق : سلام عليكم ومشا باس فوق راس حاج مهدي وحاجة فاطمة وجلس حدا حاج مهدي 
ونطقات أية موجهة كلامها للإسراء : هايهاي على بنت خالة وديتي تيتيز نيت
إسراء : ههههه وجمعي عينيك احنينتي انا راه مغيارة
أية : وصابلك تغيري ورانك مدية تيتيز ابنت الخالة
وئام : ههههههه حضي رزقك 
إسراء : راه هو لخاصو يحضيني ماشي انا نحضيه هههههه
أية : وصراحة ااه
وئام : اسراء وش عنك صحابات
إسراء : اااه عندي
أية : وش هوما بحالك بعدا يكما عجبهم راسهم ومتكبىات
إسراء : علاش انا غيكونو صحاباتي متكبرات ههههه
وئام : ااه اوا صافي خاصك تعرفينا عليهم
إسراء : ضروري ههههه
دغيا إسراء رتاحات معاهم وبقاو كهضرو وإلياس مجمع معاه حاج مهدي ومرة مرة إسراء تهدر مع حاجة فاطمة ونزهة وحاج مهدي تاتحط الغداء وتجمعو على طابلة كياكلو ويهضرو من بعد مكملو غداهم  وجلسو فصالون وتنطقات حاجة فاطمة : بنيتي إسراء
إسراء : نعام اجدة

أ