عشقك إدماني

parte 158

ونطقات رانيا  بهدوء عكس الانهيار لكان فيها قبيلا : شنو دليل لعندك امدام نور وبغا سيادتك تشوهيني قدام خويا وعائلتي
نور بتاسمات ونطقات بسخرية  : بغيتي تعرفي شنو دليل ل عندي ولا الادلة لعندي امادموزيل رانيا منصوري
رانيا عضات على شفايفها بغضب ونطقات بحدة : نتي فيك غار الهضرة ماعندك تادليل ضدي
هي لرفعات احد حواجبها ومربعة إيديها  وإبتسامة ماكرة مزينة ثغرها ونطقات  بهدوء : وخا وخا اليوم بيا وبلا بيك الا متشوهتي قدام خوك وباك ومك وكرهوك منتسماش نور
رانيا نطقات بعصبية مغوتة  : عندك دليل جبديه متبقايش تخربقيلي بالهضرة وزابور ديالك خليه عندك
وجات ماشيا مخطياها توقفات رانيا  ملي جبدات نور تسجيل صوتي وخدماتو لكانت كتهدر فيه رانيا هي ل تصدمات ورجعات عندها بزربة و صدمة كاسيا وجهها والخوف بدا.كسيطر عليها   ونطقات بتلعثم : ش....شنو ...شنو ه...ههدشي ااانور  ششنو ه..ههدشي ...مفهمتش...
نور قربات منها وهي كتمشي بكل ثقة وبقا مخدمة تسجيل صوتي وبتاسمات بشر ونطقات بسخرية : اوه رانيا مشالك نطق  وليتي كتهجاي ولا شنو ، اوه معرفتيش شنو هدشي
رانيا بقات ساكتة وكتسرط فريقها وكتفرك إيديها بخوف و  توثر كملات نور كلامها ونطقات بهدوء مخيف عكس السخرية لكانت هضرات بيها قبل قليل : هذو غنوريهم لخوك ومك وباك وعائلة كاملة غتعرف شكون نتي وبلي قلبك كحل وبغا تقتلي ولد صغير لمعرفناه وش دبا غيحيا ولا غيموت ولكن اليوم غتفضحي الا متبراو منك عائلتك منتسماش نور
وجات ماشيا راجعا داخلا مستشفى تلحقات بيها رانيا كتجري وهي تشدها من ذراعها وعلامات الخوف كاسيا وجهها ونطقات بترجي ودموع بداو كتسربو من عينيها دمعة مورا دمعة  : عفااك نور وقفي خلينا نهضرو عفاااك متمشيش تشوهيني عفااك
نور دارت عندها ونطقات بإستهزاء  : عمبالك بهاد دموع غادي تخليني منمشيش نفضحك ولا شنو رانك غالطة امادموزيل رانيا هاذي لقدامك نور مكتحكمهاش العاطفة نتي درتي علاش وخاصك تعاقبي
رانيا وقفات قدامها وهي كتبكي بهستيرية وصوتها مغنن  : لا لا لا لا عفاك انور ندير اي حاجة الا تخسر علاقتي مع والديا وخويا انا عرفا راسي غلطت عفااك متمشيش و تشوهيني عفااك  نور كنترجاك اختي مديريش فيا هكا عفااك
دفعاتها نور لجنب ونطقات بغضب : حيدي لهيه مغضحكيش عليها بهاد دموع نتي شريرة وبقا دمري حياة جوج ناس بغاو بعضياتهم انا عرفك ارانيا مزيان  وعارفاك
ومشات متخطياها وهي تبعها رانيا بزربة وهي تحنى وهبطات  على ركابيها شدات فرجليها وبقات نور مسمرة فبلاصتها متوقعاتش رانيا غتقدر تحنى راس لهاد درجة وهي تنطق رانيا وهي كتبكي بهستيرية ولداز كشوف فيهم : عفاااك انور عفاااك متمشيش تفضحيني انا غالطة وندمانة عفااك  مبقاش نقرب جيهتهم عفااك متفضحينيش اي حاجة بغيتيها انور نديرها غامتفضحيني عفااك الا خويا وعائلتي الا خسرتهم غنتسطا انا منقدرش نتقبل ان عائلتي كرهوني عفااك
نور سرطات ريقها وحولات تحيد رجليها من قبضة إيديها ونطقات بحدة : حيدي ارانيا إيدك حيدي ، راه وخا ديري لدرتي غنفضحك منقدرش نسكت على المنكر لدرتي محشمتيش ها شنو دارتلك لبنت مسكينة وشنو دار لك خوك باش تحزنيهم لهاد درجة  وعمبالك غنسكت ومنفضحكش شكون نتي بسلامة باش منفضحكش 
رانيا عضات على شفايفها بغضب وناضت وقفات وتقابلات معاها ونطقات بهدوء  وهي كتحاول تلعب بالعاطفة نور : نور راه الا مشيتي حتى فضحتيني قسما بالله تانقتل راسي انا مغنتحملش نشوف والديا وخويا ككرهوني انا غلطت وغرني شيطان معرفاش  شنو كندير تيقيني انا ندمانة تاخويا معصب مني والا مشيتي دبا خبرتيه غيقتلني وماشي ݣاع غيقتلني ولكن ديك نظرة ديال خذلان  لغتبان فعينيه مبغيتش نشوفها 
نور كتشوف فيها بتعبير جامد ونطقات بصوت هادئ  : وش ندمتي بصح ولا غا بغاني نتيقك وتكملي فمنكر لكديري
هي لنطقات وهي كتمسح دموع بكمايمها : والله تاندمانة  انور ندمانة معرفتش كفاش تدرت هكا معرفت فين كان عقلي عفااك متمشيش غادمريني انور الا عائلتي وخويا الا هوما عفااك الله يخليك متمشيش وتفضحيني نديرلك اي حاجة عفااك
نور تنهدات وجهها جامد بدون تعبير ونطقات بهدوء : خاصك توعديني بلي متليتي غاديري تاشي فعل 
رانيا فرحات من داخل  يلاه رجع فيها الامل وهي تكمل نور كلامها خلا رانيا داك الامل لعندها فقداتو : وخا هكاك مسامحتش ، الا مشا توقع الاجهاض  قسما  بالله تانفضحك ودعي ارانيا دعي ميوقعش الاجهاض وميتحققش مرادك حيت الا وقع الاجهاش تساوي فضيحة  وشوهة  امام اخوك وامك وابوك والعائلة
سرطات ريقها بالخوف ونطقات وهي املها مبقاش : نتي ياك قلتي وعديني وكذا علاش دبا قلتي هكا نتي مصرة تفضحيني محشوماش عليك
نور لكانت هادئة فجأة نفاعلات وتقابلات معاها ونطقات بعصبية : كفاش دبا كتلوميني انا ولا شنو  شكون  لي  حشوما عليه وش انا ولا انتي هدري يا عديمة الانسانية هدري
رانيا بقات ساكتة وقلبها كضرب بجهد تنطقات نور بهدوء : كما قتلك الا مشا تجهض الجنين غنشوهك ودعي ميوقع لو والو ويبقى في رحم مو سالما
ومشات داخلة ورانيا تبعاها وحابسة البكية وكتلعن في  زهرها  تاتمو داخلين وشافوهم مجتمعين ونور مشات اتجاههم اما رانيا بقات واقفة بعيد عليهم مسندة ظهرها على الحيط وكتحاول تبان مكالمية وكدعي فخاطرها 
اما نور نطقات بتساؤل : انظرا
إيمان تنهدات ونطقات : لفيها الخير يابنتي هي لغاتكون باقي مخرجو من عندها دبا ساعة ونص هوما تما
نور طبطبات فوق كتفها ونطقات : اكون خير اخالتي
اما صوفيا لجالسة حدا عمر ومحسرة لحالة إسراء  غطلعات عينيها وجات فرانيا وناضت بغا تمشي عندها تشدها عمر من إيديها ونطق : فين غادا
صوفيا نطقات معصبة  ودموع محصرين فعينيها : اليوم غنوريها انوريها كفاش  تبغي تقتل  ولد ختي وتوصل لصاحبتي وختي لسبيطار لمعرفنا تال دبا  شنو وقع
عمر جرها تجلسات ونطق : جلسي اصوفيا براكا من شوهة راه المكتاب لوصلها هنا ماشي هيا
صوفيا  نطقات مغوتة تاكلشي شاف جهتها : طلق مني اليوم نوري طاسيلتها كفاش توصل لختي سبيطار طلق مني
حيدات ايدو بزعاف من ايديها ومشات متاجهة لرانيا  هي غشافتها وبدات كترعد ونطقات بينها وبين نفسها : نمشي نهرب قبل ماتجيني هاد  الهمجية لاخرة
اما عمر تبع صوفيا وشدها من ذراعها تدورها عندو شي لخلا رانيا تستغل فرصة وتهرب من قدامها  ونطق : صوفيا ديري عقلك الله يرضي عليك
صوفيا لنطقات بعصبية : طلق مني اعمر طلق  منبقاش ندوي بزااف طلق الله يرحم باك طلق
غاطلق منها ودارت رقات بلاصة لكانت واقفة فيها كتصفر ونطقات : هربي دبا هربتي ولكن غابلاتي عليك الا محدات ليك اسراء ضسارة لفيك انا غنحدهم ليك
وتجهات مع عمر جالسة بلاصتها وكتنهد وإلياس تم جاي وقف وكتسنا وكدعي فخاطرو ميوقع لهم والو
تاشويا خرجات طبيبة من بلوك غاشفوها وقفو قدامها ونطقات طبيبة  بزربة : الله يخليكم نتوما عائلة إسراء
إلياس تقدم عندها ونطق : ااه  حنا  شنو وقع لمرتي وولدي هضري
طبيبة : انا منقدر نقوليهم  دبا  اسيدي والو على حالتها لبغيت  نقول راه مريضة تعرضات لنزيف ومحتاجين ولابدا دم شكون لعندو  فاصلة o-  اتفضل معايا اتبرع ليها
صوفيا نطقات بلهفة : انا  انا عندي فاصيلة o- 
طبيبة  امأتلها براسها ونطقات : تفضلي معايا
ومشات تابعاها صوفيا ونطقات : الله يخليك خبرينا ياكما وقعات شيحاجة لولد وختي إسراء
طبيبة : انسة منقدرش دبا نخبرك بوالو 
صوفيا سكتات وتبعاتها لبلاصة فين غتبرع اما لاخرين بقاو واقفين وكتسناو  تنضمات لهم خالة إسراء وجداتها وجدها وجلسو كتسناو معاهم كذلك فورا معلموهم بإسراء فسبيطار جاو كتجاراو اما رحمة ومصطفى شاديين طريق مورا مصونا عليهم عمر
فالخارج رانيا لجالسة في الجردة ديال مستشفى وكتغزز في شفايفها بتوتر وكلمة فقط لكتقول هي : مشيت فيها لاخرة ليا
توقفات عليها غيثة لخلات عائلتها دخلات مستشفى وشافتها هي جالسة وحدها ومتوترة وتجهات عندها وجلسات حداها ورانيا كتشوف فيها وهي تنطق غيثة : راه خاصك تفرحي مالك متوترة هكا مبقا والو ونتهناو من داك ولد  وغيبقا غنجري عليها ونجي بلاصتها
رانيا بداو دموعها كتسربو ونطقات بخوف : غيثة هاذي لاخرة ليا انا صافي خويا وعائلتي مبقاو ايحملوني وخصوصا ملي غنتفضح صافي مشيت فيهاو
غيثة عقدات حواجبها ونطقات بدون فهم : مفهمتش شنو ل لاخرة ليك حنا درنا لخاصو ادار مالكي كتبكي ياكما بقات فيك
رانيا : اش غاتبقى فيا والمشكلة كبرى هي نور
غيثة : كفاااش نور مفهمتش شنو علاقتها انا مفهمت والو شرحيليا
رانيا مسحات دموعها وتنهدات وبدات كتعاود لها كلشي وغيثة كتشوف فيها بصدمة وحطات ايدها على فمها ونطقات :كفااش امتى سجلاتك هي
رانيا : اشنو عرفني انا امتى سجلاتني لعرفا الا تجهض الولد غنتفضح سمعتيني غتخبر كلشي لخويا عندها دليل سمعتي دليل 
غيثة غمضات عينيها وحلاتهم بعصبية ونطقات : كفااش دبا حنا تقولنا غنتهناو منها ومن  داك ولد ودبا خاصني نبقا ندعي انا باش مايتجهض ولد  ااه تحاجة ممسݣمة اشهاد المرض ونتي ارانيا علاش غبية لهاد درجة وش نتي مكلخة وانا لي حمقة تابعاك فهبالك مكلخة لاخرة
رانيا خلاتها تكملات كلامها وقفات ونطقات بعصبية  : لزمي حدودك اغيثة راه ماشي اي وحدة كتهضري معاها هادي  لقدامك رانيا سمعتيني ولا لا
ناضت غيثة وقفات قدامها ونطقات مغوتة : شكون نتي ها رانيا رانيا شكون رانيا رانك غاإنسان ماشي شي بطلة خارقة لغتبداي تفرعني عليا عندك خمسة حروف  فالسمية ودايرا بيها هيلالا
رانيا كتحاول تبرد ولكن وصلات طوب اعدى حاجة عندها هي واحد ابدى اغوت عليها  ونطقات هي كذلك مغوتة لداز كشوف فيهم : هادي لمعاك رانيا منصوري الا متبعتيش شنو كنقول غتبقاي على ضس حيث تاخويا مغيكونش ليك وانا لكنقرر سمعتيني ودخليها دماغك مزيان ماشي خليتك تزعمي عليا وتبداي تفرعني ، وحاجة اخيرة سميتي قبل ماتنطقيها شللي بيها فمك  اوك و متنسايش شكون عطاك امل شكون خلاك تحيي دك الحب ديالك كن ماشي انا غتبقاي الكئيبة حزينة على حبك لخويا
ودازت ماشيا من حداها تجراتها غيثة من ذراعها ونطقات بهدوء : صافي ارانيا بردي سمحيلي حيث نفاعلت عليك
رانيا بقا مخنزرة فيها وحيدات  ايدها من ذراعها وربعات ايديها ونطقات بالغرور : اوا هكاك عرفي مزيان ازين ديالي شكون انا ومعامن كتهدري حيث انا الفوق ونتي تحت اوك
غيثة غمضات عينيها وحلاتهم بنفاذ صبر ونطقات وهي كتحاول تبقا مهدنة : وي عارفا  وعرفا شكون صافي 
رانيا شافت فيها بالسخرية ونطقات بتكبر  ومبتاسمة ابتسامة استهزاء : اوا هكاك كن ماشي انا مغتكونيش نتي وانا لعندي الحق شنو ندير لعليك امادموزيل غيثة هو تبعي ارشدات ديولي واخر مرة صوتك اتعلى عليا حيث هاد مرة منضمنش ليك شنو ندير
غيثة : ااه اخر مرة امادموزيل رانيا صوتي مغيبقاش اتعلى عليك ،، غير هو  لبغيت نقوليك ماشي مشكل حتى الا متجهض الولد راه قادرين نفارقوهم خاصنا غنديرو يد فاليد
رانيا تنهدات وسرطات ريقها ونطقات : كنت كنتمنى اجهض الولد دبا كنقول ميوقع لو والو باش منتشوهش
غيثة شافت بالحقد ونطقات  وهي كتبلاني فعقلها  : متخافيش حتى الا وقع  الاجهاض ونور بغات تفضحك مغتقدرش ههه
رانيا شاف فيها بشك  ونطقات بدون فهم : مفهمتش كفاش غديري لها
غيثة بتاسمات بسخرية ونطقات : ملي قتلك انك مكلخة تعصبتي اوا راه فغيمون نتي مكلخة عندك تعصبي ازين ديالي ههههه
  ودازت ماشيا داخلا مستشفى وخلات رانيا مخنزرة ومعاجبها الحال ورجعات جلسات فوق كرسي وهي كتحلل فهضرة غيثة شنو قصدات