عشقك إدماني

parte 109

حاجة فاطمة نطقات : عوديلي احفيدتي ملي مشات بنيتي وكبدتي
نزهة : يهديك الله اماما غار خبرينا إسراء كلشي لعرفا
إسراء سرطات ريقها كتحاول تشجع راسها تهدر مي مقدراتش تهمس لها إلياس : نتي قوية اإسراء غار تشجعي وهدري والا وحلتي فشيحاجة نكملها عليك
حدها امأت لو ونطق حاج مهدي : عفاك ابنيتي هدري
إسراء سرطات ريقها ونطقات : معرفت اجدي وجدتي وخالتي باش غنبدا
نزهة جات جلسات حداها وربتات على ضهرها ونطقات : غاهدري ابنتي نعرفو مال ختي فيناهيا وباك فيناهو
إسراء: لعرفا لعوداتلي ماما ملي قرات تهرب هي بابا جاو كازا
قطعاتها حاجة فاطمة نطقات : قولي هكاك ابنتي وانا شحال قلبت على بنتي ماليها أثار وهي مشات كازا
إسراء حاولت تصطانع القوة ونطقات بهدوء  : وخا ولكن نتوما علاش تخليتو على ماما موقفتوش معاها وخليتوها تهرب عاد دبا باغيبن تعرفو بنتكم
حاجة فاطمة دمعو عينيها ونطقات : والله شاهد معمري سمحت فكبدتي هوما ولاد لحرام هانو بنتي وانا مقدرتش نتحمل اهانتهم لبنتي هوما مهتمين غابمظاهر شنو فيها الا وافقوا على زواج ولدهم حسبي الله ونعم الوكيل فيهم
حاج مهدي : انا غالط نهار قتلها مغنوافق على زواجها تايجاو عائلتو راضيين لكان لعطا الله عطاه وحنا جينا نصلحو غلطنا
نزهة : ختي كانت ديما بالي معاها انا كنت كنهدر معاها ولكن مكنتش عرفا بلاصتها ولكن هاد 6 سنين نقطع تواصلي معاها وبغيت نحماق ولكان مصبرني هو انه كنتكلم معاها فتليفون ولكن عييت معاها تخبرني بلاصتها مبغاتش
إسراء هبطات عينيها تحت ودمعات عينيها ومسحاتها بالخف وإلياس حاضي كلشي فعينو وبدا كربت على ظهرهاو إلياس وهمس لها : عمري الا مقدراش تهضري بلا متكملي وطيحي لي هنايا بشي كريز
إسراء همسات لو : انا قادرة نكمل هوما خاصهم اليوم اعرفوا كلشي
نطقات هوما حاضيينها كفاش كتحاول تبان قوية وخا هكاك باين توتر من خلال إيديها لكترعدو ونطقات : انا بغيت اليوم نعاودلكم كلشي وميقطاعني تواحد صافي
نزهة : الله اودي ابنت ختي قولي كلشي
حاجة فاطمة : عوديلي ابنيتي شنو قاصيتو هاد دنيا صعيبة بزااف
إلياس فقط جالس وكستامع لهم ونطق
الحاج مهدي : كملي احفيدتي كملي
إسراء تنفسات مزيان ونطقات : ملي جاو والديا كازا بابا مكان ككسب والو كذلك ماما خرج بابا يخدم فيما كانت شيحاجة ديال تمارة دخل خدم فيها باش يقدرو اكريو وبالطبع كراو فحي شعبي وتم انا جيت الحياة حليت عينيا على بابا وماما كتقاتلو مع الوقت وانا اي حاجة شفتها عند البنات كنبقا عليهم تكيجيبوهالي ومعرفاش بحر الوقت وبابا دخلني نقرا فمدرسة عمومية عادية حياة كنتقاتلو اجريو مع الوقت باش يشرولي دفاتر والكتوب باش تأنا نقرا بحالي بحال وليدات فسني مهم كنقرا كنلعب ولكن عرفتو شناهيا حاجة كانت ناقصة عندي
نزهة : شنو كان ناقص عندك ابنتي
إسراء دمعات عينيها ونطقات بصوت مكسور : كاع وليدات كان عندهم عائلاتهم الا انا وكنسمع الهدرة فسني صغير كتهمو ماما بشرافها وكلها شنو كقول مع علم هوما مزوجين ومدارو تاشيحاجة حرام وكنت كنرد عليهم ولكن هوما كقلولي سيري انتي والديك هربانين لا صغير لا كبير  سمعت عندهم الهدرة وماما متحملة وبابا كذلك، ضربات على صدرها ضربات متتالية وعينيها دمعانين كتبكي ونطقات بصوت مغبن عرفتو و  سمعتو شناهيا اقصح حاجة تواجهها ولا لا  هيئ هيئ هيئ 😭😭😭 هوما عانو بزااف وانا معاهم ونتوما عاد بالكم بنتكم علاش متوقفوش معاها وتمنعوها تهرب علاش شنو فيها الا بغات من قلبها علاش هتشي حشوما عليكم 
وهبطات تحت هي كلها كترعد وكتبكي تخلع عليها إلياس هبط مستواها ونطق : عمري شوت براكا من البكاء
سندها تحطها فوق سداري وجات خادمة كتجري جايبا الماء بدا كشربها وكضرب  فوق وجهها ضربات متتالية
و جدها وجداتها وخالتها تخلعو عليها وجبداتها عندها خالتها لصدرها ونطقات هي كتمسح لها على راسها وعينيها دمعانين ملي سمعات هتشي كامل داز على ختها وعلى بنت ختها ونطقات : صافي ابنتي صافي هاحنا معك غنعوضوك وخا فات لفوت ولكن صافي حنا رقيناكم مغنسمحوش فيكم
حاجة فاطمة مسحات دموعها وهي كترعد ونطقات : عفاك ابنتي مديريش حالة فراسك هكا متنسايش انك حاملة
حاج مهدي : ردي بال صحتك ابنتي
إلياس نطق ممسوقش همو غامرتو ونطق: شويا اعمري وجبدها من عند خالتها ودرع ليها هو كمسح على وجهها وقبلها فجبهتها وفحنكها
وخالتها وجدها وجداتها بقاو كشافو حشمو بلاصتو  هو اما إسراء معرفات فين تخشي وجهها ونطقات هامسة ليه بعد متهدنات ورجعات أليز : اويلي إلياس شكدير راه هوما معندهم هتشي
إلياس دورها عندو ونطق بحنية وخا مخنزر معجبوش الحال لحبيبتو يوقع لها هكا  : ردي بال راسك ولولدنا اعمري متعصبيش راسك تاحاجة متحتاج هكا الا مقدراش تكملي  تال تكوني مستعدة وأليز كملي لهم
إسراء بعدات منو شويا وخا باقي مدرعلها ونطقات : انا بيخير قادرة نكمل ونطقات نزهة : الله يخليكم بعضياتكم اوليداتي
حاجة فاطمة : حفيدتي تهلاي فراجلك مشاء الله  راه كيبغيك وكخاف عليك ومتعكسي شاي معاه لقالها ليك قولي وخا
إسراء بتاسمات نطقات : وخا انتهلا فيه هههه
حاج مهدي : هكاك الله يرضي عليك ابنتي وانت تهلا فحفيدتي
إلياس : كون هاني الحاج راه إسراء راه هي حياتي تخطاني نمشي فيها
إسراء هبطات عينيها حشمانة
حاجة فاطمة : الله يرضي عليك اولدي
نزهة : كملي ابنتي كملي
إسراء طلعات راسها تنفسات مزيان ونطقات لهدوء  : دازو ايام ولات عندي 14 سنة وفداك نهار مقدراتش تحكم فدموعها ونطقات  مات بابا فحادثة سير مات سندي ومات لكان اي حاجة بغيتها كتقاتل وكجيبها لي ملي مات داك نهار ميمكنش كفاش شفت بابا مغطي بليزار بيض وبلي غيدفنوه متيقتش كانت كنقول غاكذوب بابا ميمكنش اخليني ويمشي راه هو حياتي هو ماما
شدها إلياس من إيديها وإيديها كمسح دموعها ونطق بحنية : هدا قضاء وقدر الله دعيلو برحمة اعمري دعيلو برحمة 
شهقات حاجة فاطمة نطقات : اويلي حسبي الله ونعم الوكيل  الله يرحمه ياربي وبنتي وبنتي مطرالها والو ياك طمنيني عفاك بنتي باينا اتوقع لها شيحاجة ياك
نزهة : الله يرحمه فهاد نهار ويوسع عليه يارب وختي وختي شنو وقعلها وش وقعتلها شيحاجة عفاك هدري
ابنتي باينا ختي حماقت ملي مات راجلها
حاج مهدي : سكتو شوية قوليلي احفيدتي وش بنتي وقعاتلها شيحاجة
إسراء مسحات دموعها ونطقات بصوت هاديئ : سمعوني قتلكم متقاطعونيش
حاجة فاطمة مدمعين عينيها ونطقات  : كملي احنينتي كملي الله يرحمه فهاد نهار اش هاد حياة قاسية ياربي شوف من حالنا ياربي 
إسراء : ملي مات بابا، ماما بقات شحال فسبيطار كانت شويا تحماق انا كنت فحالة صدمة
حاجة فاطمة نطقات وهي كتبكي  وكتعاتب الحاج : بسبابك خليتيني نتفرق على بنتي بسبابك انت وتفكيرك العوج غاشوف شطرا لبنتي
حاج مهدي : ندمت افاطمة ندمت وحط إيدو على راسو ومسح دمعة الا هبطات من عينيه ونطق : الله على كبدتي كانت شويا تسطا
نزهة مسحات دموعها ونطقات : عفاك اماما صبري راه نتي فيك سكر دبا يطيح لك سكر تاني حتا انا راه ممتيقاش بلي هتشي داز عليكم كامل ان شاء الله ايام جاية نكونو مع بعضياتها ونعوضوكم ونشبع من ختي شحال توحشتها
إسراء بقات كتشوف وعينيها حمرين بسبب البكاء وهي باقي مقتلهم كاع بنتهم بلي ماتت وسرطات الغصة لفحلقها ونطقات : احم احم
إلياس نطق هامس لها : إسراء وش شوية الا مقدراتش بلا متكملي
إسراء حدها حركات راسها ونطقات بصوت مغبن بالبكاء  : مهم ماما تحملات على قبلي دوزنا دوك عماين فعذاب  ولكن ملي وصلت 17 سنة ماما مرضات ولات ضعيفة بزااف وجهها صفر وماكلتها قليلة وليل كامل وهي كتوجع مكديهاش نعاس 
نزهة وفاطمة دموع كتساقطو بغزارة منهم ومهدي غشاد راسو وعينيه حمرين هتشي لكسمع على كبدتو لعاشت هاد عذاب ميمكنش  ونطقات نزهة : قوليلي ختي برات ياك طمنيني ياك
إسراء نطقات بهستيرية وهي جالسة لارض ومغطية إيدها وجهها وإلياس جالس حداها كربت فوق كتافها معرف ميدير  : هيئ هيئ هيئ  لا مبراتش ماما لا ماما مبراتش مشات وخلاتني ماتت و  فرقات حياة حتاهيا مقدراتش تصبر ومشات وخلاتني بوحدي وتبعات بابا والديا ماتو بجوج اعباد الله هيئ هيئ ماتو معشتش معاهم مبغاونيش مشاو خلاوني  بوحدي 😭💔
جبدها عندو إلياس وخلاها تكمل بكاءها فصدرو وكمسح على شعرها 
حاجة فاطمة وحاج مهدي ونزهة تنزل عليهم خبر كصاعقة بقاو كشوفو مصدومين تربط لسانهم بغاو يكذبو الخبر ممتيقينش هتشي لسمعو