عشقك إدماني

Parte 26

شاف من مراية ونطق :وش نتوما  تبقاو لا نتي ركبي لا نتي ركبي وش انا وحش غنوكلكم
هبطات إسراء وفتحات الباب بلاصة قدام وركبت دارت سمطة
وهي مراضية تشوف فيه كانت كتشوف من نافذة لحداها. ومنبعد ديمارا إلياس وبقا ماشي وهو يقولهم
عطوني عنوان فين غاديكم عطاتو صوفيا عنوان فين دارهم وبقا ماشي مسافة طريق تاوصل قدام دار صوفيا وهي تهبط إسراء وسدات الباب بجهد
ونطقات صوفيا : شكرا حيت وصلتينا
اما إسراء مشات نيشان  تنقر دار
بقا متبع لهم عين حتا فتح لهم مصطفى وركب هو وديمارا نيشان دارو
دخلو البنات داخل وإسراء باين على وجهها علامة انزعاج
مصطفى : شكون هذاك لوصلهم
صوفيا : هذاك ولد خالة صحبتي حيت طاكسيات ميكيكونو فهاد وقت ووصلنا
مصطفى : اه هكاك اوا دخلو بدلو عليكم وسيرو تنعسو
وهي تنطق رحمة : إسراء مالكي شواقع
إسراء : والو خالتي غير عييت
رحمة : ياكما شافوكم بطريقة مستحقرة
إسراء : لا ضريفين بالعكس رحبو بينا
رحمة : اه اوا حمدالله
صوفيا : يلاه صبحو على خير اندخلو نبدلو ونعسو
دخلو البيت حيدات إسراء قفطان هي وصوفيا وبدلو عليهم لبسو بيجامات ومسحو ماكياج
إسراء : صوفيا عندك شي فاصمة نديرها فرجلي حيت هذاك طالو عطبني
صوفيا : اه عندي هاكي
دارت فاصمة فرجليها وفرشات بلاصتها باش تنعس
ضوفيا : إسراء مديش على بالك هذاك حمار صافي متعصبيش راسك
إسراء : انحاول اصوفيا ولكن عييت نتقبل كلشي الا شيواحد اقولي انني والديا مربونيش منتقبلهاش والا لصق فيا تهمة شفرة والا وهاذيك
عنقاتها صوفيا وقالت لها
صوفيا : شوفي اصحبتي نساي عليك هاد اليوم حتا انا عصبني يلاه دبا نعسي ومتفكري فوالو
إسراء : وخا يلاه صبحي على خير
نعسو حيت غدا غا الأحد يعني غايصبحو شابعين نعاس