عشقك إدماني

parte 147

شاف في جوهرة ونطق: ركبي
ركبات جوهرة قدام واللور غيثة ودمارا نيشان وجهة فيلا إلياس وإسراء مسافة طريق تكانو وصلو دخلو مع بوابة تبلاصا معتصم اللوطو ونزلات جوهرة وغيثة عاد هو نزل من بعد مسد اللوطو وتاجهو الباب دقات جوهرة تافتحات لهم خادمة ونطقات بإبتسامة : مرحبا مرحبا نهار كبير هذا كتقلبو على مدام إسراء وسي إلياس
جوهرة حركات لها بإبتسامة ونطقات : ااه إسراء كاينا
خادمة شارت بإيديها ونطقات : تفضلو تفضلو جلسو بين معيطت ليها اما سي إلياس كاين فالخدمة دبا يلاه كان وصل مدام إسراء ومشا
جوهرة : ااه وخا قوليلها راه جات جوهرة راه غتعرفني
خادمة : اكيد
غيثة غاكتشوف وكتنباهر من هاد تصميم وافكار شيطانية كدورو فعقلها ونطقات بصوت مهموس بينها وبين نفسها : قريب هاد فيلا تكون ديالي هي وإلياس والا مخرجتك منها اليتيمة منتسماش غيثة
توجهو لصالون وموراهم غيثة جلسو وبداو خادمات كوجدو ضيافة على اكمل الوجه اما خادمة لرحبات بيهم طلعات فوق دقات البيت تنطقات إسراء وهي كتراجع دروسها ناضت بتثاقل وفتحات الباب غرفتها ونطقات : نعام ألمياء
لمياء نطقات بلباقة : مدام إسراء راه جاو عندك ضياف تحت وقاتلي بلي وحدة منهم سميتها جوهرة
إسراء نطقات : ااه وخا هانا نازلة دبا حطو ضيافة بين ماجيت
لمياء : اكيد امدام راه خادمات كديرو خدمتهم
وهبطات من عندهم اما هي عݣزات تجمع كتوبها وناضت مشات دريسينغ ختارت منو سورفيت ساترة باللون رمادي وفيها كتابة بالبيض والكحل حيث كانت لابسة غاكسيوة خفيفة وقصيرة بدلاتها ولبسات سورفيت وقدات شعرها جمعاتو وخرجات من بيت هابطة بشوية عليها مع دروج حيث منع عليها طبيب تبقا تجري فدروج توصلات عندهم ونطقات بابتسامة مشرقة لزينات ثغرها : اهلا اهلا نهار كبير هذا ملي جيتو عندي
ناضت جوهرة عندها ونطقات : ههه كنت معك غار فصباح
إسراء سلمات عليها ونطقات : وايه عرفت
وناضت غيثة بإيتسامة صفراء ونطقات وهي كتبين محبة ديالها لإسراء ،: اوا ملي مجيتيش عندنا آبنت خالي قلنا نزوروك
إسراء سلمات عليها ونطقات : نهار كبير ملي جيتو عندنا
وسلمات على معتصم باليد وجلسات معاهم فصالون بقاو مجمعين وكتعاودو على والدين إسراء ونطق معتصم : واه ديكساعا كنعقل على خالي عثمان باقي صغير عندي شي 5 سنين فين بغا يتزوج بماماك وناض صداع وخرج خالي من دار ديكساعا
إسراء نطقات بتفهم : اوا الله يرحمهم ياربي هذي هي دنيا تواحد مرقاها كيف بغاها
جوهرة : امين يارب
معتصم : داكشي لكاين اختي
وجمع وقفة ونطق : يلاه غنخليك وبلغي سلامي لإلياس
إسراء ناضت تاهي ونطقات : جلس اخويا معتصم جلس فين غادي
معتصم : لا لا ختي انا دبا عندي خدمة
إسراء بتاسمات ونطقات: الله يعاونك
معتصم حدو امألها براسو مشا خرج وهي جلسات مع البنات وغيثة اكتحنزز وكتخنزر فإسراء وإسراء ردا لها البال غار ميكة عليها تنطقات جوهرة : اوا إسراء بديتي مراجعة اصحبتي ولا بحالي باقي مابديت وسيمانة جايا الامتحانات
إسراء : عاد كنت بديت كنلخص دوك دروس باش نحفظهم اخليها على الله
جوهرة : ااه الله يوفقنا ياربي
إسراء : امين يارب
تنطقات غيثة وهي كتنيش إيديها على وجهها : اووف الصهد بزااف هنايا
إسراء : راه ديجا مشعولة كليما بالعكس دار باردة
جوهرة : حتا انا ݣاع محسيت بالصهد فيناهو الصهد اغيثة
غيثة : نو انا ماشي بحالكم دغيا كنسخن وخا كليما باردة ياك !! مي صهد بزااف
إسراء اكتشوف فيها مجوبتها وجوهرة نطقات : منيتك ااختي راه مكاين تاصهد ههههه
غيثة مجوبتهاش وناضت حيدات جلابتها وبقات بديك كسيوة لمعريا كثر مامغطيا وجلسات وإسراء كتشوف فيها بإستغراب ومطلعا حاجبها فيها وغيثة كتشوف فيها ونطقات بابتسامة صفراء : عرفتي يلاه دبا بردت اوف على صهد
إسراء : ااه مزيان ولكن ملي اجي إلياس لبسي جلابتك ابنت العمة
غيثة خنزرات فيها وربعات إيديها ومجوباتش وإسراء كتميل براسها يمين وشمال ونطقات بصوت مهموس : لاحول ولاقوة الا بالله العلي العظيم الله يهدي هدشي
لغانقول
غيثة : قلتي شيحاجة ابنت خالي
إسراء شافت فيها ونطقات : ماقلت والو اشغانقول في نظرك
جوهرة نطقات : ختي منيتك لبسي جلابتك راه غيجي خويا إلياس وحشوما تلبسي هكا
غيثة : اوا تايجي مالكم معمركم شفتو شي بنت لابسة لبسة بيرفيكت وجايا على طايتها وعاطيا عين مالكم حاسديني
إسراء ضحكات وغيثة اكتشوف فيها بإستغراب ونطقات هي كتحاول تجمع ضحك : منيتك الأخت نحسدك انا على هاد شرويطة اختشي هاد شرويطة للابسا اديال لبغا تعجبي راجلك ولا تمشي تسهري بيها فالبار الا كنتي نيت ماشي بنت الناس اما باش تلبسيها قدام خلق الله راه ممربيا ماتوزة الهربة معاك وحق الله ههههههه
غيثة بقات مخنزرة ونطقات بالغضب : اسمعي انا محترماك متقلليش عليا احترام انا متربية شنو فيها الا جلست مع البنات هما مالك دبا نتي كتحشيلي الهدرة هاا
جوهرة نطقات كتحاول تلطف الجو : صافي البنات مالكم اويلي ديرو عقلكم صافي
غيثة : انا دايرة عقلي ، لاخرة لمعرفت مالها
إسراء اكتشوف تنطقات جوهرة : اوا إسراء بدات كتبان عندك كريشة
اسراء بتاسمات ونطقات وهي كتمسح إيدها على بطنها ونطقات : واه دبا في طور النمو
غيثة ميقات فيها ومحملا وضع وكتحلف عليها فخاطرها ونطقات جوهرة : مزال معرفتي جنس ديال جنين وش يكون ولد ولا بنت وكتفكرو فشي سمية
إسراء : باقي غار ندخل فشهر رابع نقدرو نعرفو جنس جنين اما سميات باقي محددنا انا و إلياس شنو غنسمو قلنا غار يجي بالصحة وسلامة ياربي
جوهرة : الله يثبت حملك ياربي ويسهل ولادتك
اسراء: امين يارب
بقاو مجمعين ويهدرو اكثرية غار جوهرة وإسراء لشاديين جماعة اما غيثة كتسنى على احر الجمر إلياس اجي
تاشويا سمعات إسراء حس اللوطو ديال إلياس ونطقات : ابنت العمة لبسي حوايجك راه حبيبي جا ومجات تخرجي معرية بحال هكا ولا يشوفك هكا
مجوبتهاش وخلاتها إسراء مشات تلقى لإلياس اما جوهرة نطقات : غيثة وش عرفا شنو كديري اشهاد حماق لبسي لباسك منيتك
غيثة : جوهرة هنينا ماشي سوقك فيا وش انا كندخلك فشؤونك ماشي حيث ديتك معايا تندميني
جوهرة نطقات : دباراسك شغلك هذاك
اما إسراء تلقات إلياس وعنقاتو ونطقات : توحشتك اراجلي العزيز
إلياس بقا كشوف فيها مستغرب : عمري طالعا لك سخانة
إسراء : مالك منتلقاش لحبيبي وعمري وحياتي هاا
إلياس : من حقك الالة
إسراء جراتو من يدو جهة دروج ونطقات : مفراسك شكون جا عندي
إلياس : شكون ؟! جاو عندك دوك الحلاقم ديال صحاباتك
إسراء : ولا حشوما تقول هكا راه ماشي هوما
إلياس : اوا شكون
إسراء :بنات عمتي جوهرة وغيثة
إلياس : ااه مزيان مرحبا بيهم
إسراء طلات براسها شويا جهة صالون بانت لها باقي هديك ملبسات جلابتها ونطقات مبتاسمة لإلياس :يلاه احبيبي سير دوش
إلياس : وخا هانا طالع دبا
إسراء: وخا
ومشا طلع مع دروج لجهة بيتهم توصل ودخل نصل حوايجو ودخل يدوش اما هي مشات جهة صالون ونطقات : وساطة ولبسي حوايجك راه عيب تبقاي هكا قدام راجل غريب عليك
غيثة شافت فيها ونطقات بغرور : ومالكي خفتي إلياس اتعجب بيا اصلا مغيرقاش زين بحالي
إسراء شافت فيها بشرارة غضب وكتحاول تستوعب هدشي لقالت ونطقات : شناهواا وقيلا مسمعتكش مزيان كنتمني نكون كذبت مسامعي حيث راه بربي تكوني كدوري بي راجلي ياتنحرك يا منخلي فيك عضم صحيح
جوهرة شافت جهة غيثة بصدمة وضرباتها بإيدها ونطقات بالهمس : غيثة شنو هدشي ل قلتي ؟!
ردات بالها شنو قالت ونطقات وهي كتبتاسم إبتسامة صفراء : اويلي اإسراء راه غضاحكة منيتك انا مالي مسطية نشوف فالناس مزوجين اويلي
إسراء خنزرات فيها ونطقات : اوا كنتمنى
وخرجات من صالون مشات طلعات بيت توجد لباس للإلياس اما خادمات بداو كحطو الغداء فوق طابلة ونطقات جوهرة كتوبخ غيثة : غيثة شنو كتحاولي ديري ياكما كدوري على خويا إلياس تقاي الله
غيثة : منيتك اجوهرة علاش غندور بيه راه غاضاحكة معاها اويلي كتكبرو مواضيع
جوهرة : اوا هذاك ماضحك ماتاوزة
تاشويا هبطو وإسراء شادة فإلياس نطقات : يلاه زيدو نتغداو
وجات جوهرة وغيثة لملبسات ݣاع جلابتها وإسراء غاكتخنزر وحولات دير راسها ممسوقاش وإلياس كشوف غافإسراء لحكماه من إيدو تقول غيهرب وعرفها غتكون حاكمتها الغيرة ونطقات غيثة بصوت محلون : سلام إلياس لباس عليك
جوبها ببرود ومشاف ݣاع جهتها مقابل إسراء كقاد خصلات من شعرها لنازلين على وجهها وكردهم ورا وذنيها وغيثة كتقلا ابوحدها : حمدالله
إسراء مخنزرة فيها ونطقات : قدي هدرتك لاش كترقيها
مدتهاش فيها وجات بغات تسلم على إلياس وهو يبعد وشاف فيها مخنزر فيها تحكمها الاحراج ونطقات كتحاول ترطب جو وكتمسد إيدها ورا عنقها بتوتر. : ااه نتغداو هههه الغداء زوين
إسراء مدتها ݣاع فيها و جلسات وجلس حداها إلياس ومقابلا معاهم جوهرة و عاد جلسات جلسات غيثة حدا جوهرة