عشقك إدماني

parte 108

من بعد مخرج إلياس وإسراء ادورو اغيرو جو وتنقص فيه إسراء ظغط تنطق إلياس : عمري نمشو نديرو فحص نشوفو صحة ولدنا
إسراء لإبتسامة نطقات : صراحة اخليها مرة أخرى
إلياس : شنو واقع
إسراء : ديجا بحث قالوا ممزيانش كثرة أشعة ويلاه جنين مفاتش شهر
إلياس : اه ابون فهمت
إسراء : اه داكشي
إلياس قبط إيديها فإيدو وباسها بحنية ونطق : فين بغا عمري تمشي مزال
إسراء : صراحة عييت غار نرجعو دار صافي
إلياس : وخا مشاهيا شيحاجة نجيبهالك
إسراء : لالا مشهيا غار داك كوفتير جييوليا
إلياس حدو حرك براسو وهو يديماري نيشان المول هبط من اللوطو وجبلها شنو بغات ومع سقاطة لبغات حافظها مزيان شنو كتبغي شنو لا
عاد تاجهو نيشان لفيلا كانت هديك ساعة 6 ديال عشية
دخلو طلعو نيشان البيت إلياس دخل ادوش اما إسراء دخلات دريسينغ تختار شنو تلبس لبسات عليها بيجامة ديال دار بالكحل وفيها نونوس فالوسط بلبيض ومشات جهة لباس إلياس ختارت منو سورفيت ولباس داخلي وحطاتو فوق نموسية اما هي تكات فوق نموسية وهزات واحد كتاب فإيدها كتقراه وسقاطة حداها كتاكول فيها تاتم خارج إلياس من دوش حدو لاوي عليه فوطة طلعات فيه عينيها إسراء وهبطاتها بزربة اما هو حدو ابتاسم بجانبية و هز لباسو وتاجه دريسينغ البس عرفها كتحشم متقدر تشوف فيه لبس عليه فوطة كنشف بيها شعرو واتاجه جلس حداها تنطقات إسراء : ارى ديك فوطة نشف ليك شعرك
إلياس : اخليك
شداتها من عندو إسراء وبدات كتنشف شعرو وتخرق فيه فإيديها هو حاضي تقاسيم وجهها مرة تبتاسم مرة تعصب تنشفات لو شعرو ومدات لو فوطة ونطقات : صافي كملت
هو يحط فوطة جنبو وجلس حداها وهز بيسي ديالو خدام عليه اما إسراء تكات فوق كتفو ومرة تشوف في بيسي شنو كخدم ومكنوسوطري وفإيديها كتاب مرة كتقرى فيه مرة كطلع عينيها تشوف تقاسيم وجهو لمبينا فيه جدية
تنطقات : إلياس وش انت كانت عندك خدمة علاش ممشيتيش
إلياس : نو ماشي شيحاجة كثيرة
إسراء : اه هكاك
وشافت فبسي مفهمات فيه والو ونطقات : هتشي عندك معقد مفهمت تاوزة
إلياس مزال خدام وجاوبها : معندك لاش تفهمي ديها فكتابك
إسراء : وخا كتقمعني وخا
إلياس : لا مقمعتك موالو
إسراء مرداتش عليه وبقات كتشوف فداك كتاب كتقراه تغفات ونعسات فوق كتفو اما هو محس بيها نعسات يلاه بغا يبدا اشرحلها ترقاها نعسات ونطق : ياودي يا نعاسة
وهو يحط بيسي على جنب وحطها بشوية فوق لوسادة قاد ليها نعاسها ورجع تاني سند ظهرو وشد بيسي بقا خدام فيه شي ساعة هكاك
تاكمل وهبط تحت باش يهز قرعة ديال ماء تسمع صونيت فالباب وكانت خادمة ماشيا تفتح تنطق : اخليك سيري شوفي شغلك
خادمة حنات راسها نطقات : وخا اسيدي
تاجه الباب افتح ونطق : اجيتو الحلاقم اليوم نرجعكم وش تبقاو تجو كل نهار معندكم الهم وهو يفتح الباب هو يشوف قدامو رقا مرأة فسن اربعينات لابسة عليها جلابة فالموف وزيف بنفس اللون وحاجة فسن فأواخر سن خمسينات وبداية ستينات لابسة كذاليك جلابة وبلغة فرجليها والحاج فسن اواخر ستينات لابس عليه فوقية وبلغة فرجليه ونطق مستغرب : مرحبا وسهلا وش كتسولو على شيحد
نطقات نزهة خالة إسراء اخت توأم خديجة : سلام عليكم اولدي وش هدا هو عنوان ومدات ورقة لكانت كتبات فيه إسراء عنوان ونطق : اه هو هذا عليمن كتسولو
نزهة : كنسولو على بنت ختي وختي وش كاينين بعدا
حاجة فاطمة : اوليدي انا بغيت نشوف بنيتي وحفيدتي
حاج اكشوف ونطق إلياس : وش كتسولو على إسراء
نزهة : ايه هاد سمية إسراء رمزي الا عقلت قالت هالي نهار تلاقيتها فسوق
إلياس : اه دخلو دخلو مرحبا وسهلا دار داركم
حاج مهدي : الله يخلف عليك اولدي هو قوليا انت شكون انا كنعرف بنتي خديجة عندها بنت وحدة قالو سميتها إسراء
إلياس ماشي معاهم داخلين صالون ونطق هو محادي الحاج مهدي : انا راجل إسراء
دارت عند فاطمة ونطقات : وايلي حفيدتي مزوجة مشاء الله مشاء الله
وزغرتات تزغريتة لين صمكاتهم وصلا إسراء ناضت طافحة ونطقات : بسم الله الرحمن الرحيم شكون هدا لكيزغرت هادو حلاقم جاو تاني اصدعوني ميخلو انعس حاد على خاطرو ورجعات تنعس تاني واخا طار منها نعاس
اما تحت ستقبلهم إلياس دخلو صالون لفيه فراش عصري وجلس مقابل معاهم ونطقات نزهة : فيناهيا خديجة شفتها مكيناش
إلياس عرفها كتهضر على ام إسراء معرف مايقول ونطق : انا نمشي نعيط لكم إسراء
حاجة فاطمة : وخا اوليدي سير عيط ليا على حفيدتي وتاخديجة ودارت عند نزهة ونطقات وسمو هو راجلها مبقيتش عاقلة شاي
نزهة : اااه عثمان سميتو والله لا متحمسة نشوف ختي ونعنقها
حاج : الله على ابنيتي شحال توحشتها نتاسمحو معاها بعدا هي ونسيبي ونرجعو براكا من فراق وانا مسامح بنيتي
حاجة فاطمة دمعو عينيها ومساحتهم فشال لالبسة ونطقات : الله على بنيتي الله شحال توحشتها وحفيدتي مشاء الله كبرات وتزوجات
إلياس احاضيهم كفاش كهدرو على مها وباها هوما راه شبعو الموت وخلاهم والخادمات كوجدو ضيافة على حقها وطريقها اما هو طلع بيت رقا إسراء ناعسة ولكن هي ماشي ناعسة حيث طار نعاسها ملي سمعات تزغريثة حاجة فاطمة وبدا كفيقها : إسراء نوضي يلاه
إسراء حلات عينيها ونطقات : انا فايقة شكون هدي لزغرتت تحت
إلياس : راه غتكوني كتعرفيها
إسراء : واقيلا اتكون صوفيا ولا ريتاج
إلياس : لا لا ماشي هوما
ناضت جالسة ونطقات مبتاسمة : وش خالتي إيمان جات ولا مي رحمة
إلياس سرط ريقو ونطق : لا لا ماشي هوما
إسراء : ودوي خلاص شكون هوما
إلياس: واعديني مغتوتريش وتقلقي
إسراء : هضر
إلياس : خالتك وجداتك وجدك جاو بغاو يشوفوك
إسراء ضحكات بهستيرية ونطقات : هههههه انت وش كطنز عليا ولا شنو
إلياس : راه مكطنز موالو راه ديك خالتك لشفتيها فسوق نهار خرجتي بلا علمي
إسراء عقدات ملامحها كتحاول تفكر تاتفكرات ونطق متوترة : ناري ناري ميمكنش نسيت ويلي كفاش غنخبرهم ويلي ويلي
إلياس تحنى عندها وشد فكتفها ونطق : بشوية اشش كالم هدري بالعقل معندك مديري خاصك تخبريهم
إسراء كتجمع شعرها اللور ومتوترة معرفات مدير تنطقات : اوف اميمتي كفاش غنخبرهم عوني إلياس عفاك
إلياس : انا معاك اعمري يلاه نوصي راه كتسناو
ناضت حدها جمعات شعرها وغسلات وجهها وهزات كاب طويل لبساتو عليها وهبطو بجوج تحت
غار شفتها نزهة ناضت واقفة ماشيا عندها وعنقاتها وبعدات منها شوية ونطقات فرحانة ونطقات : اهلا ابنتي اهلا ببنت ختي وبزيونات
إسراء بإبتسامة كتحاول تخفي توتر : اهلا اخالتي لباس عليك بيخير
نزهة : حمدالله ممتيقاش بلي غنشوف ختي بعد اعوام
إسراء سرطات غصة فحلقها ملي سمعات كدوي على مها بلي بغا تشوفها وتجهات عندهم باست فوق راس حاج مهدي وكذالك حاجة فاطمة لشداتها وجلساتها حداها وشادة فإيدين إسراء ونطقات حاجة فاطمة مدمعين عينيها مقادها فرحة وكتسنى غتشوف بنتها ونطقات : حفيدتي لباس عليك اوا كاين شي وليدات
إسراء هبطات عينيها تحت حشمانة ونطقات بصوت خافت : ااه انا حاملة
زغرتات فاطمة لين صمكاتها وفرحانة : الله يثبت حملك يارب ونشوف ولد بنت بنتي ولا بنت بنت بنتي ياسعدي يافرحي
إسراء مبتاسمة وكتشوف جاها جو غريب ونطقات نزهة : اوا ابنيتي كتقراي ولا لا
إسراء : اه اخالتي كنقرا
حاج مهدي : مشاء الله الله يوفقك معرفتينا وقيلا شكون حنا
إلياس : لا لا راه عرفاكم إسراء
إسراء : اه عرفاكم ديما كانت كتعاودلي ماما عليكم وانها متوحشاكم بزااف انت جدي مهدي وشافت جهة فاطمة ونطقات انتي جداتي فاطمة وانتي خالتي نزهة توأم ديالها
حاج مهدي : ايه ابنتي ايه
حاجة فاطمة : اقوليلي ابنيتي فيناهايا مك وباك تاشتهم مكاينينش
إسراء نطقات : وخا انقولكم فيناهما كلشي ولكن نتوما خاصكم تقبلو صافي
نزهة : ااه وش ختي وش وقعلها شيحاجة
إلياس : تهدني هاهيا إسراء اتعاودلكم كلشي