ريتاج : يلاه البنات بسلامة تسالمو معاها ومشاو هما كما العادة دار ونطقات صوفيا
صوفيا : اسراء بحالاش كضني هاد صاحبو
إسراء : شعرفني لو حتا هو باينا اكون بحال داك خونا وخا تشكرولي ريتاج معمري غنتيق
صوفيا : وصافي اصحبتي شحال قلبك حاقد
إسراء : زيدي زيدي انا ماقلبي حاقد والو
كما العادة نقرو دار فتحلهم مصطفى مشاو بدلو لباسهم كلسو ونطقات صوفيا
صوفيا : بابا فين مشات ماما
مصطفى : راه مك مشات تجبا على جدتك
صوفيا : اه هكاك كون غاتسنات شويا توحشت جدتي نجبا عليها
مصطفى : مرة اخرى ان شاء الله ورمضان مبقا والو ادخل نعرضو عليها تفطر معانا ولا حنا نمشو نفطرو عندها
صوفيا : ايه ابابا
وجدو البنات كسكروط كياكلو
ومشاو دخلو البيت اجبدو كتوباتهم احفظو كما العادة خصوصا هاد شهورة عامرين غا متحانات
رجعات رحمة من عند مها ودخلات دار
نطق مصطفى : اوا كدايرة مك لباس عليها
رحمة : حمدالله اسول عليك الخير
فيناهما البنات
مصطفى : راهم دخلو البيت احفظو
رحمة : اوا هكاك الله يوفقهم
اما عند البنات كحفظو حيت جهوي بقالو غاش٨رين ومقاتلين
اما جتا ريتاج فكتحفظ بغا تفرح والديها
نمشو عند إلياس لكالس هو صاحبو فالقهوة
عمر : وصاحبي دبا نتا دخلتيني نقري وانا معمري فحياتي قريت
إلياس : وبحالي بحالك داكشي علاش غنتعاونو
عمر : اوا يكون. خير ان شاء الله. بغيت نعرف إلياس من امتا حن قلبك تقري
إلياس : هكاك غير بقات فيا ريتاج ومبغيت نخسرلها خاطرها
عمر : سبحان الله كَرْ اصاحبي مموالفا لك ولا قول اوكان وحدة من صحاباتها لتم عجباتك
إلياس : خلينا عليك اصاحبي داكشي لبقالي انا راه كنالك مبغينا نخسرو خاطر خالتي وهي عزيزة عليا وحتا ريتاج عزيزة عليا وكنعتابرها ختي صغيرة وشحال مرة كنت كنراجع معها
عمر : صافي ههه غاكنصحك معاك
توادع إلياس مع عمر ودخل دارو كما العادة دوش ولبس شيحاجة خفيفة وبدا كخدم على مسائلو عاد من بعد ستسلم نعاس
اصبجنا واصبح ملك لله لكان يوم سبت
ناضو البنات كما عادة قامو بنفس روتين ومشاو الليسي تلقاو مع ريتاج كما عادة كهدرو ويضحكو دخلو قسمهم قراو حصص لعندهم وتمو خارجين وقفتهم ريتاج
ريتاج : اه البنات عشية عيجيكم شيفور مع 3 ديال عشية صافي
صوفيا : صافي ريتاج وشكرا ليك
إسراء : شكرا ريتاج
ريتاج : متشكرونيشياك حنا صحابات يلاه نخليك بسلامة
إسراء : يلاه اديوس
مشاو دخلو رقاو رحمة جالسة كتنقي فزرارع باش تصايب سلو وشباكية
صوفيا : سلام عليكم
رحمة : عليكم بسلام
إسراء : خالتي شنو كديري
رحمة : غير كنقي زرارع باش نمشي نطحنهم عشية عند مول عطار باش نصايب سلو وشباكية حيت مبقات غاسيمانة ادخل رمضان
إسراء : الله يعاونك اخالتي
رحمة : امين يلاه سيرو بدلو لباسكم وصلو صلاتكم وهزو الغداء دبا يدخل مصطفى من خدمة
صوفيا : وخا ماما
مشاو بدلو عليهم وصلو صلات وهزو الغداء دخل مصطفى هاز معاه شي ديسير ناضت صوفيا دات ديسير غسلتو ودارتو فطبسيل تغداو ومن بعد جمعو ماعيين وغسلوهم وجمعو البيت ودخلو بيتهم اجمعو كتوباتهم والبسو لباسهم كما العادة إسراء وصوفيا لابسين قوبيات وسروال دجين إسراء جامعة شعرها سفنجة وصوفيا دايرا كوب شوفال
شوية سمعو شيفور جا
صوفيا : بلاه ماما وبابا هانا مشيينا عند ريتاج كما قلت لك بلي غيقرينا ولد خالتها وصاحبو
رحمة : الله يجازيهم ويكثر من امثالهم
مصطفى : يلاه زيرو ريوسكم وقراو مزيان
إسراء : وخا اعمي
وخرجو ركبو مع شيفور وصلهم فتحات ريتاج لهم الباب
ريتاج : اهلا دخلوا دخلو نيت ولد خالتي وصاحبو يلاه جاو
رقاوهم كالسين فصالون سلمو على عماد وليلى وطلعو مع ريتاج البيتها البلاصة فين حفظو ديك مرة
ريتاج : يلاه جبدو كتوباتهم
جبدات إسراء وصوفيا كتوباتهم وتلاخيص لكانو كديرو
دخل إلياس وعمر
عمر : سلام عليكم( وهو يشوف بشك جيهة إسراء) . نتي فايت جيتي كوميسارية مضاربة مع شيحد خسرتيلو وجهو
شافت إسراء ونطقات : اه نتا هو هذاك كوميسير لمدخلني بزز حبس
عمر : اشمن بزز نتي مخليا بنت خريطة فوجهها لاباس رقاو هي لضربتك
صوفيا : وايلي معانا هنا خادمين في بوليس مشينا فيها إسراء
إلياس : هنونا زيدو تقراو وبراكة من هدرة راه كضيعو الوقت
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
