عشقك إدماني

parte 100

إلياس : يلاه قتلك
إسراء : وخا هانا غنمشي صبر شويا
مشات طلعات فوق عند البيت ودخلات دريسينغ ختارت منها كسوة بإيديها واصلا تال تحت ركبة ومشدودة من خصر باللون عكري ولبسات ميني طالون بالنفس اللون وهزات صاك صغير فإيديها دارت فيهم مسائلها ووجلسات تقبلات مع المراية كتقاد شعرها بوكلاتو من تحت وهي تكتافي فقط فلكخون ومرطب شفاه ونزلات عندو تحت رقاتو جالس شاد تيلي فإيديه وطلع عينو وشاف فيها ونطق : شهادشي لابسة
إسراء : كفاش شهادتي لابسة راه لابسة لكلبسو الناس
إلياس :و طلعي بدليها يلاه
إسراء : واه راه ساترة راه طالعة غاشويا انت كتقولي بدليها
إلياس مخنزر فيه ونطق بحدة :كنظن بلا ما نعاود كلامي
إسراء نطقات بزعاف : معنبدلش هي مغنبدلش اوك
إلياس نطق ببرود : إذن مكاينش الخروج ونتيسر انا خدمتي
إسراء نطقات بغوات : بناقص كاع منها خارجة معاك لدرناه واحلة معاك
ناض إلياس شد ها من دراعها وعينيه مخنزرين متقابلين مع عينيها لتاهي بدورها مخنزرة ومعجبها الحال نطق بحدة كارز علي حروف : صوتك ميتعلاش عليا سمعتي
إسراء حسات بألام فدراعها ونطقات : وطلق مني طلق المرض عصبتيني
هو يرخيها إلياس مشات إسراء كتجري مع دروج وهو ينطق : بشوية لاطيحي
مدتهاش فيه إسراء دخلات البيت وضرباتو بجهد ونطق هو من تحت : هرسيه نتي كاع شكاتحاني
اماهي سدات عليها باب بساروت وجلسات فوق نموسية مربعة إيديها مخنزرة ونطقات بينها وبين راسها هي معصبة : تفو الماركة كدايرة مسعور لاخور والله تنخرج ضد فيك يلاه باش تعرف معامن انت سكتليك بزااف تفو كنكرهك وبقات شحال فبيت
اما إلياس تحت عمبالو بلي غتسمع هدرتو وتبدل ويخرج هو وياها بقا شحال كتسنا تاجمع الوقفة طلع البيت رقاه مسدود وهويبنطق : إسراء فتحي براكة من تبرهيش يلاه
إسراء مجوباتوش اصلا دايرة لكيت فوذنها وكتفرج اما هو ينطق بغوات وهو كضرب فالباب : وبربي متفتحي هاد الباب يا تنهرسو
إسراء وخا سمعاتو مجوباتوش اما إلياس عصباتو بالبيان عاد كان ناشط عكرتلو جو وبقا كضرب فالباب تهرسو ودخل هاجم إسراء غطلعات عينيها تخلعات منو و هو عينيه حمرين بالعصاب وهو كتقدم عندها وهي مصدومة كتشوف فيه توقف مقابل معاها ومد يديه اما إسراء غمضات عينيها عمبالها غيضربها  تحيد اللكيت بزعاف من ودنيها وهو تلفون من إيديها  ورماهم فوق نموسية  ونطق معصب بالبيان : شهاد ضد لولا فيك ابنت الناس وش بغا تخرجيني على طوعي وش كتقالبي عليا راه بربي ومتقادبتي مع طريق راه غتشوفي مني جحيم
إسراء كتسرط فريقها تنطقات : بعد مني الهمجي لاخور زدتي فيه عمبالك درما انبقا نسمع منك شكون انت كنعرفك
إلياس شد من ذقنها كارز عليها وهي مقصحة كتحاول متبينش ومخنزرة فيه ونطق مغدد : انا راجلك وخاصك تسمعي كلامي والا مسمعتيه معاك هدرة اخرى وفعل اخر تقاي شري حسن ليك ملي نفولك بدلي لباسك بدليه ماشي تتفضي وتغوتي لباسك اكون مستور انتي مرتي وشرفي وانا مغيار منبغي تكون ظاهرة منك والو سمعتيني
إسراء مقصحة ولكن دافعة جبهة ونطقات : انت مسطي مريض نفسي خاصك تعالج حيث بزااف هتشي على غيرة
إلياس ابتاسم بإستهزاء وطلق من ذقنها ومشا بعد منها ماشي جيهة الباب وهي احاضياه بعينيها ودار عندها ونطق : سيري تكمشي حسن ليك الا كنت مريض انتي لمرضتيني فمخي ريحي حسن ليك
وهو يهبط وهز كونطاكط دبالو وخرج من فيلا ديمارا نيشان لخدمتو اما هي بقا بلاصتها كتشوف فنقطة وحدة وجمعات رجليها عندها ونطقات بينها وبين راسها : ابلاتي عليك اراجلي العزيز عمبالك ديما نبقا نسمع هدرتك والله تنخرج الا مخرجتني موجود معامن نخرج والديا الله يرحمهم معمرهم دارولي هاد الحالة
وهزات تيلي و صونات على البنات تجوبوها ونطقات
إسراء: البنات مساليين عشية
صوفيا : نتي قولي بعد غار لباس بيخير
ريتاج : ويه كتشوفي ياختي صواب والو
إسراء : رانكم كنتو معايا غصباح وقتلكم وش مساليين عشية جوبوني راه طالعالي قرضا فراسي متعصبونبش تانتوما
صوفيا : انا بعدا مساليا انقولها غار عمر وراه مغيرفضش طلبي
ريتاج : انا بعدا ديما مساليا ، علاش شنو واقع اإسراء
إسراء : بغيت نخرج ونعيش حياة مليت
صوفيا : نتي بلاتي وش مسعور ديال راجلك خلاك زعما تخرجي معانا
ريتاج :وش خلاك ولا لا هدري
إسراء : ويمشي اتكعد انا مالي بيه ضروري خاص ناخوذ اذن منو اوا هاك اخرج وادور ميخلي بلاصة وانا محبوسة هنا بين الحيوط
صوفيا : وديك لبقرة سيري طلبي اذن من راجلك
ريتاج : اهياتا وش نتي بقواك عقلية
إسراء نطقات معصبة : صافي سيرو بعدو مني نتوما كاع سيرو عبدوه تريكة ناقصة
صوفيا : وديك بهلة راه مغنخرجوش معاك  الا معطاك اذن داك  راجلك
ريتاج : وديري عقلك اصحبتي راه الا خرجتي بلا خبارو رانك مشيتي فيها تصدقي ديرة اجهاض
إسراء : الله يحفظ اصلا هو كاع مغيضربني ومغسخاش بولدي وبيا  وتانيا نتوما مسوقكومش غتخرجو معايا ولا لا
ريتاج : لا هي لا تبتي لارض وهني وشعب 
صوفيا : تركني فدارك وهنينا
إسراء : تريكة ناقصة متنفعو مضروا
وقطعات عليهم مخلاتهم تايكملو كلامهم ونطقات : مالو ايخلعني بغينا نجربو نخرجو راسنا بحال شحال هادي
وقدات لباسها وجلسات متقابلة مع مراية ونطقات : ياك قلتي فيا ضد هانا نوريك ضد اسي كوميسير بشحال كتقام وغتندم
وبقات كتقاد فوجهها لعطها رونق روعة وهبطات تحت وخرجات من فيلا بغات تخرج من الباب كبير توقفها احد لكارد
__ :لالة راه ممنوع عليك تخرجي
حيظات نظاظر شمس من عينيها ونطقات : نعام شكون لمنعني من خروج
__: سي إلياس منعك
إسراء بينها وبين نفسها مشكلة صافي شغاتقولو بنادم حتا لكارد موصيهم ونطقات : راه غادة عند إلياس نيت
__: وخا الالة انعيط نسول وش طلبك تجي عندوا حيث هدشي اوامر
إسراء نطقات : لا متعيطلوش
__: لكن ضروري الالة خاصني نعيطلوا
إسراء : قصدي بغيت ندير لو مفاجأة راه الا عيطتلو دبا مغتكونش مفاجأة
_: وخا يمكن ليك تخرجي
إسراء : شكرا
فتحلها الباب وخرجات ونطق احد لكارد : لالة
إسراء تعصبات ونطقات كتحاول تبرد وهي مخنزرة : نعام وش كاين شي مشكل
__: نفول شيفور اوصلك بلاصة فين بغيتي
إسراء : مكاين لاش ممحتاجاش شيفور
__: وخا الالة
اما هي من بعد مخرجات رجعات نظارات ديال شمس على وجهها وابتسامة انتصار مزينة ثغرها ونطقات : اخير انعيش يومي بلاحكام بلا والو ،ااه باش غنبداو اليوم اوه بالي شوبينغ هههه
وخدات طاكسي نيشان المحلات وبدات كتدخل من محل لمحل لعجباتها كتشريها  داز وقت حتى خرجات من داك شارع ليه محلات  وقصدات سوق بغات تشري الفواكه وبقات كتعبر تم تاطلعات عينيها  باش  تخلصو وهي تصدم ملي شافت المرأة كتشبه لمها بزااف كتعبر حداها  ونطقات بينها وبين نفسها : اويلي ميمكنش اكون شبه عادي ابدا ميمكنش اويلي تاكفاش هتشي
وهو يمدلها مول سلعة داكشي لعبرات وخلصاتو وبقات حاضية المرأة وكتشوف فملامحها لتقريبا بحال ماماها مسخات شوفة فيها
تاشويا المرأة دارت عندها ورقات إسراء ساهية فيها وهي تنطق : بنتي وش كاين شي مشكل
إسراء : والو اخالتي غانتي كتشبهي لماما بزااف
المرأة جاها شك  : بصح شنو سميت ماماك 
إسراء : سميتها خديجة
المرأة تصدمات وهي تنطق : بلاتي ابنيتي دقيقة
إسراء : وخا خالتي
جبظات من صاكها واحد تصويرة ومداتها لإسراء ونطقات : ابنيتي وش هذي هي ماماك ياك
إسراء غار شدات تصويرة وشافتها رقاتها نيت مها ونطقات مستغربة وكتلعثم فهضرتها  : ااه ااه  هاذي هاذي  ماما علاش  علاش هي عندك تصويرتها مفهمتش ؟!
مرأة  بدات كدمع ونطقات : هذي راه ختي عفاك قوليلي فيني ماماك راه توحشتها وملقيت كغندير نشوفها ومعرفاش فين مشات لما قوليلي فيناهيا
إسراء مصدومة كفاش هذي خالتها وش هوما توأم كفاش معرفاش ماماها ماتت ها عدة تساؤلات كزورو عقلها ونطقات : كفاش نتي دبا خالتي صافي براكة وش كل نهار كنتلقا مع عنصر جديد وجات ماشيا مرأة مفهمات والو تاتبعاتها وشداتها من دراعها ونطقات : عفاك ابنيتي انا مزواكة ديني نشوف توأمي  راه هاد سنوات كاملين ماشفت ختي وماما دموعها نشفو من خذها على حرقة بنتها الله يعطيك منويتي فخاطرك لما غير قوليلي فين كاينا ماماك عييت منقلب عليها اثر وبابا غضب على ختي ولكن هاد سنوات كنقلبو عليها من بعد متندام علينا الحال
إسراء كتشوف فيها ودموع كهبطوا غزارة من عينيها عاد كانت فرحانة ودبا كتفكر كفاش تقوليها راه ختك ماتت كفاش غتقول هاليها ونطقات بعد صمت طويل ونطقات بصوت هادئ  وهي مزيرة على إيديها كتحاول متنهراش فهاد وقت بظبط ممناسبش  : وخا وخا
مرأة  فرحانة : أخيرا انشوف ختي الله يعطيك منويتي ابنتي فخاطرك مشاء الله على بنت ختي كبرتي وزيانيي
وهبطات عينيها تحت  ونطقات بحزن مكسي وجهها  خسارة محضرناش ليكم خسارة العمر ضاع وجتمعناش ان شاء الله هاد وقت لبافي لنا نتجمعوا  وطلعات عينيها ونطقات من اليوم انا خالتك نزهة ونني شنو سميتك ابنتي
إسراء عيات متحاول تحبس دموعها تهبطو غزارة من عينيها ونطقات بصوت مغبن : انا إسراء متشرفين اخالتي نزهة نخلي لك راحة دبا ان شاء الله عما قريب نتلقاو
نزهة : وخا ابنيتي وخا تعطيني عنوان باش نجي راه منقدرش نصبر الا مجيت نشوف ختي
إسراء كتحس بالخنقة خصوصا كفاش كتهصر على مها ومتحمسة تشوفها وكحرقها قلبها بغات غتوصل دار وتفش قلبها بالبكاء مقداس تزيد حدها جبدات ورقة وستيلو وكتبات لها عنوان بزربة ونطقات : الباب مفتوح اي وقت جيتي يلاه بسلامة
نزهة : وخا نعنقك ابنتي نشم اريحة ختي فيك
إسراء كتشوف فيها وعينيها كهبطو بدموع عيات متصبر ولكن غالب الله ونطقات : وخا يمكن ليك
عنقاتها وبعدات نطقات : تهلاي ليا فختي عوينة وحدة عندي
إسراء مجوبتهاش دارت نظاظر ديال شمس من بعد ممسحات دموعها  دياولها وبقات ماشيا بزربة تاخدات طاكسي وعطاتو العنوان
اما إلياس فخدمتو تاصل بأحد لكارد غخبروه بلي إسراء ناض معصب وناوي لها على خزيت مشا وصل قبل منها ونطق مغوتو : ياك كتشدي ضد ها خرجا بلا خباري  
وكاىز  على إيديه لبانو عروق إيديه وعينيها حمرين  كخرج اعصابو مخلا شي  مشخشخو وهرسو لا كراسها لاطابلة لا فاز وهو معصب بلا قياس خادمات ماتو بخلعة تنطق : خرجو تكعدو ديوركم الله
خرجو خادمات كقفقفو  تابانتلو داخلا وباش داخلا بلباس لي مبدلاتوش والعكر حمر ومكياج  تعصب ببيان اما إسراء غاشافتو قدامها تخلعات متوقعتهاش خصوصا كفاش معصب كخلع ونطق هو كتقدم عندها وكهضر بواحد هدوء مخيف : فين كنتي
إسراء مجوباتوش وهي بقا كترجع اللور تاقاس ضهرها لحيط وهو قدامها ماقادا تاتشوف فيه ونطق مغوت عليها : خرجا بلا خباري وبهاد شرويطة  للابسة وباش زايداها  بهاد اللوحة تشكيلية لفكامرتك  دوي هدري ولاسرطي اللسانك
إسراء مكثرات ظغوط لوجهات اليوم وخصوصا ديك خالتها كفاش متحمسة تشوف ختها وكفاش غتخبرها بلي ماتت وهي براسها ممتحملاش ونطقات بصوت خفيت حدها كتسمع بينها وبينو  : عفاك سكت مقداش على الغوات لفيا كافيني
إلياس نطق هو كضرب إيدو الحيط : ملي مقداش علي الغوات لاش دايراها بيديك وهز صبعو بقا كوجهو لراسها ونطق وش هنا عندك عقل كفكر ولا غاعجينة دوي فين كنتي هدري ومعامن خرجتي
إسراء نطقات بصوت مغوت ودموعها كهبطوا غزارة من عينيها  : وباراكا وعييت اعباد الله انا غلطت انا ندمت حيث خرجت عفاك خليني معنديش جهد لسمع غوات والاعصاب خليني عليك
إلياس شد من كتفها مزير عليهم وباقي معصب ونطق بصوت مغوت : غتسمعيني وبسيف عليك سمعتي ولا لا وبلا مديري فيها دراما داك فشوش ديالك طلعلي فراسي وش باغاني نفوت فيك شي دقة ولا شنو وداك دموع تماسيح بلا ماديريهم عليا ومغاديش تفكي مني حتا نوريك كفاش متشوريش معايا
إسراء حيدات إيدو من كتفها بزعاف ونطقات وصوتها مغبن بالبكاء : وبعدو مني وعطوني تساع صافي انا مبغيت والو بغيت غنموت ونرتاح ونتبع والديا لجا خاصني انا نتحملو متليت حاملا هتشي
وجلسات بالارض جامعة رجليها عندها ومغطية عينيها وكتبكي بهستيرية ومكياج كامل لكانت مصاوبة فوجهها ساع مع دموع
إلياس كشوف فيها كفاش منهارة ندم حيت تعصب عليها ولكن كقول مع راسو مكاين تاسبب لتخرج بلا خباري وتقدم عندها وجلس حداها ونطق : صافي سوت براكا من البكاء انا مغنديرلك والو سكتي يلاه
إسراء كتبكي بالحرقة وهي كتفكر كفاش غتخررهم بموت مها او بالاحرى حياولها جروح والديها لمعمرهم غيتعوضو حيث كتحس انها معندها تامعنى بلا بيهم
إلياس جبدها عندو وعنقها وهي ستحلات حظنو خلاها تزيد فوتيرة بكاءها
إلياس نطق : نوضي نغسلك وجهك كفاش ولا وتعوديلي شنو مبكيك هكا
إلياس ناض ونوض معاه إسراء داها حمام ونطقات : اخليني عفاك خرج
إلياس خرج من حمام وخلاها هي فحمام دخلات وقفلاتو عليها بقات كتغسل وجهها وحاضيا مراية كتشوف فوجهها كفاش عينيها منفوخين بالبكاء وجهها حمر تاشويا بدات كتحس بضبابة فعينيها مشات شوية جهة الباب باش تفتحو تا حسات بإختلال توازها تاسخفات فاقدة الوعي
اما إلياس بقا كتسناها تخرج من حمام تشويا خاف لاتكون واقع لها شيحاجة عيا مايفتح الباب والو مقفول ونطق : إسراء إسراء الله يرضي عليك فتحي الباب
ولا رد عيا ميهدر تاقرر اهرس الباب غار فتحو رقاها سخفانة تخلع معرف ميدير جا عندها وجلس على ركابيه وهز راسها بين إيديه  وكهضر بهستيرية : عمري غاكاضحي نوضي يلاه براكا من اللعب
: ونوضي يلاه مالك طايحا فلارض نوضي انا حبيبتي قوية نوضي
وكضرب بإيديه فوجهها بشوية باش تنوض ولا رد تهزها بين إيديه وخرج من حمام خارج من فيلا غاشافوه لكارد فتحولو الباب تحطها اللور وسرحها
وداز قدام وركب وكسيرا نيشان مستشفى وهو حاضيها يعينيه كفاش مغيبة صرو قلبو عليها ونطق : عفاك اعمري فيقي متخلعنيش عليك سمحيلي بزااف متحكمتش فغضبي كان عليا نسكت ملي طلبتي مني نسكت
: فتحي عينيك يلاه
وماشي مكسيري ومخلوع عليها تفرانا بجهد تدات بيه اللوطو وجابت بيه كلشي لتم سافو جيهة اللوطور خرج منها بزربة فتح الباب اللور وهزها بين إيديه وهو كجري بيها  داخل وكنطق بعصبية : وسربو و فينكم ومرتي كتموت
تاجاو بلبياص وهزها وحطها فوق بياص وهما مدينها فيها وهو تابعها وشاد فإيديها وكهضر لهسايرية : عفاك اعمري لا مافيقي غير كوني ليا بيخير نتي ماشي ديال هتشي