عشقك إدماني

parte 133

كملو البنات حصصهم وخرجو كما العادة مجمعين الا ريتاج مخنزرة معجبها الحال تنغزاتها صوفيا ونطقات : ومال زين مقلق ومخنزر معجبو الحال
ريتاج : خليني عليك اصوفيا راني معصبة
جوهرة : ونتي عصبك خويا اناري ونتي فكي غوباشتك
إسراء نطقات: ولاهلا قوليهالها وراه سيد عتارف لك خاصك تكوني فرحانة شقالك تاني قوليلي من غير نتي معششة فدماغي قولي يلاه
ريتاج ضيقات عينيها فيها ونطقات : اسبحان الله اشريفة اصلا متلاش عاجبني جالس كتحكم فيا وكخليني ندير حوايج بلا خاطري وكنتوتر قدامو راه كخلع هاد خينا معرفت فين كان عقلي دبا صافي ريتاج ليست معجبة بمعتصم
جوهرة : ولا اصحبتي راني باغيا نكون اللوستك  ويلاه داك خويا اولي اديها فمراتو وينساني انا باش نعيش حياتي
ريتاج : اتي سيري هو صراحة غزا فيك
إسراء : قولي ابنتي قولي شقالك تاني باش نعرف ندرس الحالة
جوهرة  من بعد مشافت اللوطو ديال خوها ونطقات : يلاه بسلامة انا مشيت راه خويا كتسناني
ريتاج طلعات عينيها فاللوطو ونطقات : خزيت صافي مبغاش ينزل حشمان مسكين
صوفيا : يكما بغيتيه ينزل واجي عندك واتعاودو نفس سيناريو
ريتاج : الله يحفظ
جوهرة  نطقات : الهربة معاكم نتوما ههههه
ودعاتهم ومشات بإتجاه اللوطو ديال خوها وركبات معاه ودمارا نيشان غادي لفيلتهم وكان صمت سائد مكان تنطقات
جوهرة : خويا وش انت هذا زعما
معتصم كشوف فطريق وشافت بنص عين جهتها ونطق : هدري  مالك كتهجاي الحروف
جوهرة سرطات ريقها : ودبا انا شدني فضول زعما وش انت شنو بغيت من ريتاج صحبتي وش هذا فهمتي ياك
معتصم نطق : ماشي سوقك فهادشي وداك فضول حيديه منك وديها فقرايتك متخلينيش ندير شي فعل ماشي هو هداك
جوهرة ضربات الطم ورجع صمت سائد المكان
اما عند البنات نطقات إسراء:  وهدري  اتبقاي ساكتة
صوفيا : عرفتو شنو خاصنا شي جلسة باش تقولنا هاد خيتي شنو وقع
إسراء : مزيان جو عندي اصلا إلياس وراجلك غيتغداو وغيمشو يخدمو منها تعمرو عليا ونهدرو
صوفيا : انا بعدا ماعندي تامشكل
إسراء : ونتي اريتاج اش قلتي
ريتاج : لبالكم ديروه بلاتي نعلم ماما ونمشي معاكم
صوفيا : صافي علميها
صونات عليها ريتاج ونطقات : الو ماما
ليلى لكانت جلسة فوق كنابي وشادا كتاب فإيدها ونطقات : نعام ابنتي اشواقع
ريتاج : بغيت نقولك بلي هاد عشية انكون مع إسراء صافي
ليلى : وخا ابنتي وخا
ريتاج قطعات معاها وجات عندهم وخبراتهم بلي واقفات بقاو مجمعين تجا عمر وإلياس
وإسراء ركبت فاللوطو مع إلياس
اما فاللوطو ديال عمر صوفيا قدام حدا راجلها واللور ريتاج ونطالقو نيشان لفيلا ديال إسراء
بلاصاو  وخرجو من اللوطو ودخلو فيلا وبقاو مجمعين تاتحط الغداء وتغداو في جو مرح وضحك ونشاط عاد خرج إلياس وعمر مشاو خدمتهم بقاو البنات جلسو فصالون تنطقات
صوفيا : يلاه هدري شنو وقع
ريتاج : اوف مبغيت نذكرو عصبني
إسراء : غتهدري ولا غنشير عليك هاد الفاز فراس عصبتيني
ريتاج  تنهدات ونطقات : دبا ملي عيطلي قالي بلي زعما كان كتسناني نسيفطلو مساج وقالي شنو كتحاولي ديري وانا درت راسي غبية وقتلو معرفاش علاش انت عطيتني شي نمرة بحال هكا
إسراء : عاودي شقالتي  وش نتي طايحا على راسك اش هاد الكذبة مفروشة اصحبتي قولي بعدا نسيتك مدرتكش فبالي بحال هكا
صوفيا : مهم ماعلينا كملي وكان كملي
ريتاج : وصافي وشتوه شنو دار وملي بقيت كنعايرو قالي قدي هدرتك وميعجبك الحال وكذااا....
إسراء : وكملي اصحبتي كملي
ريتاج : مهم نفاعلت حيث عصبني وغوت عليه وقتلو شوف لك شي بنت اخرى وبعد مني وانا كان عليا نرسم حدود بيناتنا باش مطاولش عليا وكذاا
صوفيا : هايهاي هدشي كامل قلتيه وشنو قالك تاني
ريتاج : قالي بلي مكاينش حدود وانه انا دارني فبالو وبلي انا ديالو مفهمتش كقصد
إسراء : واو حبيت هايهاي على سي معتصم تاهو ولا يقول ديالي هههههه
صوفيا : وناري واو وتاسيد راه باغيك اساطة راه كموت عليك ديري معاه شي حل وديرولنا شي عراسية فاعلة تاركة بغينا غانشطو
ريتاج : والبنات ومتلاش عاجبني صافي مليت
إسراء شافت فيها مصدومة : كفاش متلاش عاجبك ونتي نهار ومطال مصدعانا بيه معتصم ديالي مدهاش فيا انا بغيتو انا منعرف اش ودبا سيد ملي ولا باغيك قالك متلاش عاجبك اشباغا
ريتاج : هو صراحة بغيت نعيش الأكشن
إسراء : اربي اصوفيا عطيني ديك صندالة ولا داك فاز لحداك نشيرو على راسها تاشمن الاكشن ونتي غايدوي معاك غاذوبي كازبدة
صوفيا : هههههه وناري ولاهيلا قالك بغا نعيش الاكشن الا بغا الاكشن سيري عيشيه فالهوليود ولا البوليود ولا شكيتسما  
ريتاج : بعدو مني مغاتفهمونيش انا بغا زعما يغير عليا ويلاحصلني كنهضر مع شي دري يهرس ليا تلفون
إسراء: ههههه احنينتي باقي معرفاه غار جربي وكان غتندمي على عيشتك تولي عايشا كل نهار الاكشن  هذا الا مخلطك تانتي ، انا إلياس وخا ضريف معايا وكعاملني بحنان وهذا ولكن نهار نتعكس معاه ومنسمعش هضرتو وناري راه كولي كخلع راه ديك مرة سخفت ابيه خلعني
صوفيا : امتا نتي شي 3 مرات سخفتي إنا وحدة فيهم
إسراء : ونهار خرجت بلا خبارو وتاراه خلعني وديك زعامة كامل لفيا تقضاو
ريتاج : ااه صراحة ولد خالتي كان كخلعني ، ولكن هاد خونا راه كخليني نشعر بتوتر قدامو وراه كفاش واقف قدامي كتجيبلي رعب وباغيني ايبقا عجبني صافي سالا إعجابي بيه
إسراء : هو منصحك يابغيه يابعدي متلاعبيش بيه راه راجل يقتلك ومتهنيهش فرجولتو وديريه حمار بودنين
ريتاج جبدات تيلي تشوف وش سيفطبها مساج ولا لا ونطقات : شوفو كاع مسيفطلي تامساج يكما كتسناني نسيفطلو
صوفيا : بالي فهاد اللحظة لسايكو ومتناقض هي نتي اريتاج معرفنا وش بغاه ولا مبغاهش جينا نيشان
إسراء : ولاهلا انا حرت مرة تقوليلي بغيتو مرة تقوليلي صافي البنات مبغيتوش نتي شدي طريق وحدة وهنينا باش نعرفو راسنا من رجلينا
ريتاج : ودبا انا حرت هو اه راني معجبة بيه عرفتي على كل كلمة كفاش كخرجها من فمو بتباتة ورزانة وسيد شارب عقلو ماشي بحال دوك براهش لكنهدر معاهم  وياك وكريزما وطولة وتاكخليني منزادش معاه الهضرة ولكن انا بغا نعيش الاكشن فهمتو ياك بغيتو يرغمني نبغيه ونكون دافعا كبير والا مبغيتش اخطفني ياك ونعيشو الحب قبل زواج وفهمتو ياك ولا لا
صوفيا دارت فيها ديك نظرة ديال منيتك : ابنتي خرجو عليك مسلسلات وقصص شوفي شويا واقع براكا عليك من قصص الخيال متليتيش تقرايهم قالك اخطفك اميمتي مت 🤣 والعداوا معاك نتي
إسراء نطقات مستهزءة : ايه كملي وتجيبي كرش من حرام قاتلك نعيش الحب قبل زواج ابنتي هذا لطلبتيه عند الݣور اما هذا راه مغرب وهذا لبغاه راجل مغربي قح ياغتسݣمي معاه فطريق يغيخلي عشك والا مخلاش عشك كل واحد يمشي فطريقو وديك حب قبل زواج بدايتها اصلا حرام  ديري عقلك وهنينا قالك الاكشن  داكشي لبقا
ريتاج :  ومنيتك مالي شايط عليا راسي باش نخليه اقيسني فالحرام اويلي منيتكم راه غاهدرت وصافي
صوفيا : اوا مانعرف ياختي اصلا لهلا يحوجك راه غتعيشي اكشن مع معتصم
إسراء : ويه قوليها راه خوتاتو مدوز عليهم رعب
ريتاج :صافي فهمنا اصلا هادي هي موتيفاسيون  عندكم جالسين كتخلعوني ، ايه والا هدرت انا شغانقولو انا راه مغنبينش راسي معجبة بيه سمعتوني
إسراء : دباراسك انا معليا الا شفتك في طريق ماشي هي هاديك نبهك وصافي ونصحك
بقاو البنات مجمعين وحطو كسكروط كياكلو عاد ناضو رجعو دروسهم ولمفاهما وحدة شيحاجة كشرحوهالها
تاتم داخل إلياس وعمر حدهم جمعو معاهم شويا وخرج عمر مدي مراتو وريتاج معاهم اللور وصلوها دارهم وهوما مشاو لوجهتهم
اما إلياس وإسراء بقاو كتفرجو فشي فلم وكهدرو وعايشيين مع احداث الفلم وكما العادة إسراء هزا كوفتير فإيدها كتبنن وإلياس مجنن عليها تهزها بين إيديه وطالع بيها وهي كتغوت : ونزلني ونزلني ياوا فين غادي بيا
إلياس : اشش هانينا راجلك مبقاش صابر
إسراء فهماتو وتزنكات وطلعو قضاو ليلتهم مع بعض
عند ريتاج فورا مادخلات دار جلسات مع والديها شويا واغلب هضرتهم على تحضير العرس ديال نور ومروان  لكغايكون لاخر ديال شهر خلاتهم مجمعين وطلعات بيتها دخلات دوشات وخرجات لاوية عليها فوطة وفوطة صغيرة فإيدها كتنشف شعرها تاجهات درسينغ ختارت منو دوبياس بزرق وبيجامة سخونة لبساتهم بالخف وخلات شعرها مطلوق انشف راسو وصلات صلاتها لفاتتها وتكات فبلاصتها شادة تيلي فإيدها توصلها مساج من عندو
____ سلام عليكم
ريتاج شافت مساج عضات على شفايفها وقالت مع راسها خليه منجاوبوش وطلعاتلو vu  وخرجات من واتساب كتفرج فيديوات تابدا كصوني عليها أبيل وبقات مترددة ونطقات بينها وبين نفسها : اوف اشغندير وش نجاوبو ولالا
بقا شحال كصوني تجاوبات ونطق هو لتاكي فبلاصتو وبيسي فوق رجليه خدام فيه ونطق بنبرة حادة : مالك مكاتجاوبيش شهاد تبرهيش ديال والو
ريتاج بقات كتسمعلو عاضا على شفايفها حمقها صوتو وفقط صوت انفاسها لكتسمعو ونطقات بنبرة خافتة حدو كتسمع  : شكون معايا اخويا معرفتكش