عشقك إدماني

Parte 47

من بعد مبدلو لباسهم كلسو حدا رحمة تانطقات رحمة: يلاه اينياتي سيرو وجدو العشاء دبا يدخل مصطفى من صلاة العشاء
مشاو وجدو عشاء دخل مصطفى تعشاو من بعد مسالو العشاء جمعو ماعيين وغسلهم
ومشاو كلسو حداهم فالبيت تانطقات صوفيا
صوفيا : ماما وبابا راه ريتاج دبا ماماها عرضات هلينا باش نديرو حفلة مجموعين وبغاوكم تحضرو معانا
رحمة : لا ابنياتي غاسيرو نتوما
مصطفى : غاحضرو نتونا حنا منصيبوش
إسراء : وخا غدا نعلم ريتاج
من بعد بقاو كالسين كهضرو فمواضيع مختلفة  ومشاو البنات بيتهم انعسو وعلمو ريتاج بلي والديهم مبغاوش احضرو ومن بعد  فرشو بلايصهم ونعسو
اما عند ريتاج طلعات الفوق بدلات لباس وتمات نازلة تحت عندهم رقاتهم مجمعوعين
ريتاج : سلام ديرولي بلاصة حداهم نكلس
رانيا : اجي اجي كلسي حدايا
بقاو كهضرو حتا قالت ليلى
ليلى : اوا بنتي شقالولك صحاباتك غيحضرو وهوما والديهم
ريتاج : قالولي بلي هوما غيحضرو ولكن والديهم مغايحضروش
ليلى : اوا خاصهم ضروري احضرو منها نتعرف عاى والدين صحابات بنتي
ريتاج : اوا معاندي ماندير الا ممبغاوش
ليلى : وخا وش عندك رقم ام ديال إسراء وصوفيا ( ريتاج خبراتهم بلي إسراء وصوفيا خوت)
ريتاج : وخا غدا نطلبها منهم
عماد : اه اوا صافي مزيان
من بعد بقاو كلسين كهضرو تشويا سمعو حس صونيت ومشات خدامة فتحات الباب وتمات داخلا نور من باب مع الفاليز ديالها وكتمشى بأناقة لبسا عليها

ومشات كتجري عندها ريتاج عنقاتها
ريتاج : نور معلمتيناش باب نتي جايا
نور : اه مكانتش غنجي تال شهر جاي ولكن ملي قلتيلي جبتي 17 ضروري خاصني نحضر
جات ليلى وعنقاتها هي وعماد وحتا إيمان ورانيا تسالمو عليها وسولوها  على احوالها
إلياس : اهلا نور لباس عليك
نور : لباس حمدالله ونت بيخير واه توحشتكم
رانيا : حتا انا توحشتك وش لهاد درجة عندك خدمة كثيرة
نور : اوا شغاندير الحبيبة هذي هي خدمتي
رانيا : اوا الله يوفقك 
مدات نور الفاليز لخادمة باش ترتبهالها في بيتها وكلسات معاهم حتا حطو العشاء وتجمعو على طابلة اتعشاو ومن بعد كل واحد ناض لبيتو يرتاح وينعس اما إلياس خرج وخدا اللوطو ديالو نيشان  مكان اقامتو ودخل دوش وخرج ولبس عليه شورط باللون رمادي وتريكو نص كوم فالكحل فيه كتابة بالبيض ودخل تكا فبلاصتو تاستسلم نوم ديالو