عشقك إدماني

parte 121

دخل مصطفي ومعنق جنبو صوفيا وهي كتهدر معاه
صوفيا : اوا بابا لباس عليك كداير مع الخدمة
مصطفى: حمدالله ابنتي رانا نسلكو ونتي وش بيخير ولفتي
صوفيا : حمدالله ابابا ضروري نولفو
حدو امألها براسو وهما غاديين جهة صالون
توقف مصطفى عند صالون ونطق : سلام عليكم
جات عندو إسراء عنقها وسلم عليها عاد مشا سلم على إلياس وعمر عناق رجولي وداز الحاج مهدي هو كذلك اما نزهة وحاجة فاطمة ووئام وأية غار حدو سلم عليهم من بعيد عاد جلس حدا صوفيا
ونطق مصطفى: كدايرين مع طريق ياكما تمرتو
عمر : حمدالله اعمي طريق مزيانة
مصطفى : حمدالله
بقا مجمع معاهم تنطق حاج مهدي : سي مصطفى مع مهدي جد إسراء من مها
مصطفى : متشرفين الحاج مهدي متشرفين معاك مصطفى
حاج مهدي : عرفتك اسي مصطفي وشكرا ليك بزااف على اعتناء لكم بحفيدتي
مصطفي : لا متقول هكا راه إسراء بنتي بحالها بحال صوفيا زيد تربات قدام عينيا هي وصوفيا بحال خوتات وكثر كاع ملي كان حيات عثمان الله يرحمو ويوسع عليه كان ديما إسراء عندنا فدار وصوفيا معاها هي فدار مكيتفارقوش
حاج مهدي : الله يخليكم بعضياتكم ابناتي قلالت صداقة بحال هكا
إسراء : امين اجدي
صوفيا : امين يارب راه إسراء الله شاهد راها ختي لمعطاها لي الله
إسراء بتاسمات وكتشوف فصوفيا : بصح هي كثر من ختي
رحمة ناضت الكوزينة باش توجد العشاء وتبعاتها صوفيا وإسراء كوزينة كعاونها تنطقات رحمة
رحمة : ابنتي سيري جلسي ممزيان لك شقا
إسراء : اخليني امي رحمة ندير بعدا شيحاجة
رحمة : اوا بنيتي مهلي فيك إلياس ولا وخا عرفاه مسكين اديرك فعينية وانا شايفا بعيني حبو ليك
إسراء تزنكات يلاه بغات تنطق وهي تنطق
صوفيا : وايلي اماما هذا سؤال راه ممخلي مداير على قبلها ههههه وتخيلي اماما انا وريتاج كيقولنا. تقلقو مرتي منعقل عليكم ههههه
رحمة : وانا هضرتك ابنتي وش نتي سميتك إسراء
إسراء : شدي يا صوفيا كطيري من مقلة شكون قالك تهدري بلاصتي هاا
صوفيا نطقات : صافي هانا ساكت اشداني نهدر
رحمة : اوا هدري ابنتي
إسراء : كما قتلك صوفيا ههههه
رحمة : ونتي اصوفيا مهلي فيك عمر ولا لا
صوفيا : مهلي فيا اماما مهلي
رحمة : امتا تانتي تجيبيلي حفيد
صوفيا : و ماما راه يلاه شهرين باش تزوجت بغيتيني نحمل دغيا
رحمة : وشفيها هاهيا إسراء ربع شهور باش تزوجت وحملت وجاي فنيكيش
صوفيا : وماما انا راه تافقت انا وعمر منحمل تانسالي 3 سنين ديال قراية ديالي
رحمة : بقينا معاك تم الله يعطي ولد الناس صبر معاك
صوفيا : ومقداش على مسؤولية تنشوف إسراء وش قدا على مسؤولية لبعقلها بشوية
إسراء : مالك حكرتيني راني بعقلي نتي لطاير ليك فريخ
صوفيا : اوا شتي داكشي علاش قوليها رحمة
رحمة لواتها معاها قرصة وصوفيا كتوجع وإسراء ميتة عليها بضحك ونطقات رحمة : تقادو الكتاف ابنتي ياك انا وش مك ولا صحبتك باش تعيطيلي بسميتي هكاك الله يقلل حياك ابنت كرشي ومخلات
صوفيا كتألم : وصافي اماما وااع وطلقي غنتشوهو وماما صافي مي رحمة ماما متليت نقولك رحمة صافي طلقي
وطلقات منها رحمة وصوفيا وكتشوف جهة دراعها : وماما وحشوما شوفي كزرقتيلي إيدي وانا مزوجة ويلي
رحمة : هكاك اصلحلك باش مرة وأخرى تنطقي ماما ولا مي ماشي سميتي حافية
صوفيا كتحك فدراعها : وخا اماما وخا
إسراء : ههههه وناري عبرات عليك
صوفيا : قلبات عينيها لهيه كتعوج فيها وإسراء كتعوج فيها حتاهي
رحمة كتشوف فيهم وقالت : لاحول ولاقوة الا بالله العلي العظيم معرفت انا وش عندي بنات روض ولا بنات قريب غيكونو امهات
إسراء : وهي لكتعوج فيا امي رحمة شوفيا شكدير فيا
رحمة دارت عند صوفيا يلاه صوفيا بغات تعوج فصوفيا ونطقات : متشوفيش فينا بحالهاكا حنا باقيين صغرات ياك البقرة
إسراء : ايه الدبة
رحمة نطقات موجهة كلامها للإسراء: شحال قلتي ابنتي عندك
إسراء : عندي شهر امي رحمة
تنطقات رحمة : الله يثبت حملك ابنتي
ودارت عند صوفيا ونطقات : سيري ابنتي جيبلها كرسي تجلس
يلاه كانت ماشيا صوفيا وهي تنطق إسراء : اخليك امي رحمة راه عييت من نبقا جالسة وإلياس كيبقا اقولي مخاصك اطلعي فدروج حماق هذا
صوفيا : ويصلحلك يلاه تبتي بحال الناس نتي ماشي كتجري فدوك دروج
رحمة : غزا فيك ابنتي دروج واعرين تكايسي بلاتي عليك ورانك ماشي بوحدك مع ولدك
بقاو مجمعين فكوزينة وكقادو العشاء متعاونين
اما فصالون كانو مجمعيين تاأذن مغرب خرجو رجال ايصلو فالمسجد بقات غنزهة وحاجة فاطمة وئام وأية
نطقات حاجة فاطمة : إسراء ابنتي اجي
خرجات من كوزينة تزقفات عندهم فصالون ونطقات: نعام اجدة بغيتي شيحاجة
حاجة فاطمة : ايه ابنيتي بغيت نتوضأ نعتيلي دوش فيناهو
إسراء : ايه اجي معايا
وراتلها فين توضأ ومشات جلسات معاهم فصالون ونطقات
نزهة : اوا ابنتي فين كنتو ساكنين
إسراء : فدار لمتقابلا معانا من ديك جيه تنوريهالك
نزهة : ودبا مافيها حاد بغيت نشوفها
إسراء : لا راه قتليك اخالتي بلي كنا كاريين
جات حاجة فاطمة توضات وراتلها القبلة فين تصلي وعطاتها سجادة فراشتها وصلات مغرب اما نزهة مشات كتوضأ وإسراء جلسات حدا وئام وأية ونطقات : اوا البنات كجاتكم حياتي ملي وريتهالكم
أية : صراحة مسلية
إسراء عقدات حواجبها ونطقات : تاكيفاش مسلية هههه
أية : معرفت ولكن اجي اختي قوليلي شي تيتيز فحيكم كاين
وئام نطقات : ديها فالباك ديالك
تنضمات لهم صوفيا : هاي اجو عندكم تصاور خوتكم شدني فضول كفاش ايكون شفنا ولد عمتها لطيح صحبتي وخوتك معرفت شكون غيطيحو
إسراء : اديك البغلة جمعي عينيك رانك مزوجة احنينتي
صوفيا : وماشي ليا
ناضت إسراء ونطقات ملي شافت رحمة خرجات من دوش بداو كصلو تجهات حتاهيا توضأ تصلي اما صوفيا جلسات مع البنات كورولها تصاور ونطقات
أية : شكون ولد عمتها
صوفيا : وقصة طويلة تاني كما تعرفات عليكم غتعرف على عائلة باباها
وئام : اااه ابون فهمت
صوفيا : وهايهاي وتيتيز عندكم فهاد عائلة مع قولها دخل عمر داخل هو لول صالون عاد مصطفى تابعو لمشا نيشان كوزينة احط فيها ديسير لجاب وموناضا وحاج مهدي وإلياس كجمعو برا وإلياس كسلم على الناس لكعرف تم ونطق هو داخل ملي سمعها : كفاش
حيث صالون كانت فيه غاصوفيا وئام وأية اما البيت لاخور كصلو فيه النساء
صوفيا بقات كدور فعينيها ونطقات : ااه قلت زعما وتيتيزات البنات مقصدت والو
عمر : الله يجعلني نتيق ، نوضي تهزي سيري البيت لاخور
صوفيا بينها وبين نفسها تهاذا مالو تقلب هكا ونطقات : وخا وخا
ناضت تبعوها البنات ومشات هي توضأ وتصلي صلاتها عاد دخلو إلياس وحاج مهدي وجلس معاهم مصطفى وجلسو كجمعو اما البيت لاخور فيه العيلات كجمعو مرة مرة رحمة تنوض تشوف العشاء وش طاب تأذن العشاء ومشاو صلاو صلاتهم عاد بدات كتحط رحمة العشاء فطباسل طاووس لكان عبارة عن الدجاج المحمر بدغميرة واما إسراء وصوفيا وئام واية حتاهوم معاهم فالكوزينة كستفو ديسير فطباسل ومقشبيين بيناتهم بضحك ونطقات
إسراء : سمعك يالحمارة سمعك ياكنقولك رانك زهوانية
صوفيا : ومنيتك انا راه ميمكنش نخون راجلي راه غاقلت بلي تبارك الله تيتيز مشتت فعائلتكم وجا هو مع هاد كلمة
إسراء : ونتي كتهدري بجهد
صوفيا : عونوني البنات شنو ندير باش نراضيه راه زعف عليا
إسراء : ضبري محاينك من عندي انا بعدا. ياك نتي مثقفة وكتعرفي تحزار
صوفيا : ونتي لخاصك تعاونيني اإسراء كفاش كتراضيه عونيني صافي انا داكشي لكنت عرفا نزلتهم مع هاد عمر متلات عندي تاخبرة تقضاو ليا اختي
إسراء : وشوفي غابالسان الحلو والكياثة وطيبيلو داكشي لكعجبو وهانك راديتيه وداكشي لاخور رانك عرفاه
أية : ياربي اعطيني مثل معانتكم
صوفيا : ههههه وناري
إسراء : ونتي ديها فداك فالباك ديالك انا ملي كنت فالباك ممسوقا كاع زواج
صوفيا : سكتي ماشي إلياس جاك فوسط عام قالك مورا الباك اجي اخطبك هاا
إسراء : وصافي ونتي مشتي راسك لجا يخطبك بلا علمك
وئام : وايلي ميمكن بلا خبارك اصوفيا ناري
أية : اميمتي كنتخيل رد فعلك اصوفيا
صوفيا : ويه وكنت ناعسة مابيا ماعليا تكتنوضني ماما سربي ماسىربي لبسي ديري فعلي انا مفراسي ميتعاود وكنقولهم اشواقع
إسراء: واصونات عليا ملي عرفات فدقيقة تسعين اميمتي داك نهار كنت ناعسة مفيقاني عتقي ماعتقي
أية : ناري علاش نتي فين كنتي اإسراء
إسراء: كنت فشهر عسل
وئام : واو فين مشيتي
صوفيا : هاد جنية مشات اليونان كان عندها العشية وانا عندي 3 ديال صباح مصونيا عليا قاتلك صوفيا راني فاليونان وكتقولي بوجهها حمر راه معنديش ضلمة بقا فنهار
أية : اشهاد الغباء
تنطقات رحمة : انوضو تهزو ونتوما مقابلين لي جماعا يلاه هاكو دو سربو رجالا بغاو يتعشاو
بدات إسراء وصوفيا كدو الخبز وموناضا وحدة كدي عيالات وحدة رجالا تناض إلياس هز من عندها داكشي ونطق : سيري البيت متعيي راسك لبحالك راه خاصو يجلس ماشي يبقا ادور
إسراء : وخا هانا ماشي
جلسو فالصالون رجالا كتعشاو وفالبيت العيالات كتعشاو
تاكملو العشاء عاد ناض إلياس وعمر بغاو يمشو
إلياس : سيادنا خليناكم على خير
صوفيا كتشوف فعمر وكتسني إسراء تهضر مع إلياس باش يخليهم ايباتو
اما رحمة حلفات على نزهة وحاجة فاطمة وبناتها ايباتو معاها
إسراء : سيري اصوفيا هدري مع عمر باش انا نهضر موراك
صوفيا : سيري نتي انا راه مغيبغيش خصوصا راه كيبان متخاصم معايا
إسراء : وخا هانا ماشيا نقنعو نتي قنعية تانتي يلاه
مشات وقفات لإلياس ونطقات: إلياس غنقولك شيحاجة وقول ااه
إلياس كشوف فيها مستغرب ونطق : كفاش
إسراء تنهدات تنهيدة وسرطات ريقها ونطقات : زعما قبل منقول ديك شيحاجة وافق
إلياس مسح على جبهتو ونطق : هههه منيتك هدري خلاص خلينا نعرفو ديك الحاجة لغتقولي نشوف وش نوافق ولا لا
دارت عند صوفيا وصوفيا كتؤمي لها بعينيها باش تزعم وتهدر
إسراء: اجي معايا البيت
إلياس كشوف فيها بإستغراب ومشاو البيت لكانت كتنعس فيه صوفيا وإسراء وردات الباب ونطقات بغنج وهي شاد شعرها فإيديها وكتلويها في صبعها : عمري حياتي تاج راسي رزانة وشهامة حبيبي كبيدة ديالي
إلياس حاضي تفاصيلها باغي ينقض عليها وكستغفر الله ونطق هو عرفها كدير هاد حركات الا بغات شيحاجة : ختاصىري اإسراء قبل مندير لك شيحاجة هنا
إسراء جمعات راسها ونطقات بزربة وهي كتفرك إيديها مرة تشوف فيه مرة تهرب عينيها : شوفي انا بغيت نبات هنا ياك وراني ديما معاك وخاصك توافق عفاك عفاك
إلياس مصغر فيها عينو ونطق : لا زيدي قدامي مرأة حدا راجلها
إسراء مرعة إيديها ونطقات بنبرة طفولية : ولا بغيت نبات ولا ندير شوهة هنا يلاه خليني نبات يلاه
إلياس : قتلك لا يعني لا سمعتي نتي حدايا غتنعسي حدايا وشكون غيبقا يشوف فعينيا فصباح ويقولي تقابل مع شمس
إسراء : اااه نسيت ولكن واعدت مي رحمة باش نعاودليها
إلياس : وراه مغنقدر نعس بلا بيك
إسراء عنقاتو ونطقات : عفاك احبيبي عفاك خليني نبات والله تنعوضك صافي عفاك
إلياس تنهد تنهيدة ونطق : نتي راه كتخلي شيواحد اقبل بلا خاطرو اشغندير فيك ادوي
إسراء : ههههه وافقتي ياس
يلاه بدات تنقز وهو ينطق إلياس : اديك الحمقة وش نتي بعقلك بغا تنقزي منيتك
إسراء : ههه مديش عليا فرحة ههههه
إلياس عنكش شعرها ونطق : ومتسهري بزااف وتغطاي مزيان راه كنعرف داك الغطا ديالك كيف داير وتلفونك اكون مفتوح ملي نصوني ولا نسيفط ميساج جوبيني
إسراء دارت تحية عسكرية ونطقات : حاضر اشاف
إلياس : ههههه لاحول ولاقوة الا بالله العلي العظيم
وجات تمخششات فيه تبعدات وشدات فدراعو وخرجو من البيت وإسراء ضحكة على وجهها ولقات صوفيا حتاهي قنعات عمر
ونطقات من بعد مبعدات حدا إلياس : صوفي خلاك
صوفيا : اااه ونتي
إسراء : زاهية الوقت ونشاط
إلياس : اشنو قلتي
إسراء ببتسامة بلهاء : هههه والو
إلياس : يلاه خليناكم على خير
مصطفى : جلسو باتو معانا
عمر : مصالحا اعمي غدا ان شاء الله نجوكم
رحمة : اوا جو غدا ندير كسكسو الصداقة على مرحومة خديجة نجددو رحمة عليها
حاج مهدي: ان شاء الله الله يتقبل منا ومنك
رحمة : امين ، الله يرحمها يوسع عليها
خرجو عمر مشا إقامتو ايبات فيها وإلياس وحاجة مهدي مشاو الاقامة ايباتو حتاهوما اما مصطفي مشا نعس كنعس بكري
وحاجة فاطمة ونزهة وئام وأية وإسراء وصوفيا ورحمة جلسو مجمعين وإسراء عودات رحمة كلشي وعوداتلهم على اللقاء بمعتصم وجوهرة وبقاو مجمعين تالعيلات بغاو وينعسو اما إسراء وصوفيا ووئام وأية دخلو البيت لكانو كنعسو فيه إسراء وصوفيا وفرشو حدا بعضياتهم وبقاو مجمعين مقصرين بكارطة تاصونا عليها إلياس وجوباتو
إسراء : الو
إلياس : باقي منعستي نتي يلاه نعسي سهير لا مكتسمعيش الهدرة خلصيها وحدة بوحدة
إسراء: صافي هانا غنعس
وقطع عليها إلياس بقات اكتشوف تنطقات
صوفيا : نعسي احنينتي نعسي هههه
إسراء بقات مكملة اللعب معاهم
بعد مدة عياو البنات من اللعب وتكاو فبلايصهم ونعسو