رحمة : مديهاش فيها ابنتي راه احمقة هادي
صوفيا : ياك اماما ياك هتشي باش تستقبلي بنتك وخا
رحمة: اجي عندي البهلة شكون يسخا بيكم خليتو عليا دار خاوية
عنقاتها صوفيا ونضمات لهم إسراء ولا عناق تلاتي عاد فصلو عناق ونطقات
رحمة : اقوليلي اإسراء فين عرفتي عائلتك انا مبقيت فاهمة والو
إسراء : قصة طويلة امي رحمة تال الليل ونعاودليك
رحمة : اااه هكاك ،
إسراء : مي رحمة وش كنتي عرفا قصة ماما فاش هربات هي وبابا وش بصح عائلة بابا مبغاوش ماما ورفضوها حيث هي ماشي من طبقة الأغنياء
رحمة كتستف الماعين وصوفيا مقابلا براد اتاي اتشحر وإسراء كتستف مع رحمة مسمن والفواكه الجافة فطبيسلات خاصة لضيافة ونطقات رحمة بعد متنهدات تنهيدة : اش غنقوليك ابنتي انا كنت عرفا هتشي
إسراء خلات داكشي لفيديها ودارت عندها نطقات : بصح وعلاش معمرك جبدتيلي موضوع صدقت عرفا هتشي من براني
رحمة : ماماك ابنتي مخلاتنيش نعاودلك ، ولكن هتشي عودتولي خديجة الله يرحمها بلي بغات باباك و هو بغاها كذالك ولكن اهل باباك كانو ضدهم فزواج حيث جدك من باك بغا يزوج ولدو لبنت صاحبو وملي عرف بلي كيبغي خديجة وهي كانت خادمة متقبلش الامر وقالو اتخير يا اتزوج ببنت صاحبو واملاكو تكون فإيدو وميتحرم من تحاجة وينساها عليه ولا يتبعها ويخلي املاكو وقع واحد عقد بلي معندو حق فحتا حاجة
صوفيا نطقات : وش بصح اي شحال قلبو قاصح بزااف لهاد درجة محنش فولدو شنو فيها هوما بغاو بعضياتهم اتزوجو
إسراء تهندات تنهيدة ونطقات : خسارة بسبابو ماما وبابا كانو كسمعو الهدرة من براني وخا مزوجين ومديرين تاحاجة فالحرام ولكن شغنقول حسبي الله ونعم الوكيل فيه
رحمة : بنتي وش عرفتي عائلة باباك
إسراء : تالليل ونعاودلك كلشي وتانتي تعاوديلي شنو كانت كتعاودلك ماما عليهم
رحمة : وخا ابنيتي نيت ندو ضيافة منتعطلوش على الناس
هزات رحمة سرباية فيها براد اتاي والكيسان وموراها صوفيا هازا جوج طبيسلات فإيديها عاد إسراء تابعها بطبسيل فإيديها
وبداو كوجدو فوق طابلة حطو ضيافة على أكمل الوجه وجلسو ونطقات
رحمة : مرحبا بيكم بقاو ديما زورونا هاكا راه قتلنا غالوحدة البنات مشاو رباط لكانو معمرين علينا الدار
حاجة فاطمة : هذي هي حياة ابنيتي حتا انا قلت مصاب رقا بنتي خديجة ولكن رقيتها ماتت الله يرحمها ويوسع عليها
رحمة : دعولها برحمة والمغفرة تاهي راه داز عليها شحال من حاجة عنات منها
نزهة : وخا هكاك ختي خلاتلي بنت ختي كنذكر اول اللقاء لينا
إسراء بتاسمات ونطقات : بصراحة كتشبهي لماما بزااف لدراجة شكيت وش ماما رجعات الحياة
نزهة : كنت تشوفي فرحتي ملي ذكرتي خديجة علاوي ولكن ليبقا فيا متودعناش معاها كن غارضينا بزواجها وخا كنا راضيين
حاج مهدي : انا كنت راضي بزواجها نهار كن جاب عائلتو ، ولكن هي هربت وخلات عائلتها ومشات وخا هكاك انا كنت غاقبلت ومغضبت عليها كن كاع متعيش بعيدة عليا وتبقى تحت عيني ونحضر سبوع حفيدتي ونهز حفيدتي فإيدي
إلياس : الحاج هذا راه مكتاب القضاء والقدر الله دعولها برحمة وخا هكاك مكنتش غنتلقا مع إسراء
حاجة فاطمة : كان عندي ديما سؤال اولدي
إلياس : ايه احاجة سولي
حاجة فاطمة : فين تعرفتي على حفيدتي اول نهار
إسراء سرطات ريقها كدور عينيها فأرجاء لايفضحها وهمساتلها صوفيا : نهدر ولا تهدري نقولولها فكوميسارية ههههههه
إسراء خنزرات فصوفيا ونطقات بصوت خافت هامسة لها : غتسكتي اصوفيا ولا غنوريك
يلاه كان غيجاوب إلياس وهي تهدر إسراء بزربة : جدتي فين غايتعرف عليا راه كان كقريني
حاج مهدي : كفاش ابنتي كقريك ياك هو عاميد شرطة مابقيت فاهم انا والو
إلياس خنزر فإسراء ونطق : لا الحاج اول مرة نتعرف عليها تعرفت عليها فالكوميسارية
كلشي شاف فيها بصدمة من غير صوفيا وعمر كانو عارفين وإسراء كتحلف على إلياس بعينيها
حاج مهدي نطق بصرامة : نتي اش قربك ل كوميسارية
رحمة : كفاش كوميسارية علاش ماشي تلقاك نهار عيد ميلاد ريتاج صحبتكم
وئام : وايلي نتوما فتو مرحلة الأكشن هههه شفتي أية وصدق مسلسل هذا
أية : ويه مسلسل نيت
خنزرات فيهم نزهة متلاو زادو تاكلمة ونطقات
نزهة : وخا تشرحيلنا كفاش كوميسارية
إلياس : الاخوان ميمشيش بالكم بعيد
حاج مهدي : سكت اولدي خليها هي تهدر شكدير هي فكوميسارية
صوفيا همسات للإسراء: هدري وصحبتي نتي عادي غضاربتي مالك ظرتي شيحاجة ماهياش نتي دافعتي على راسك
إسراء همسات لها وهي مخنزرة فإلياس : وخا عليه شوهني ميقدر اذكر شيحاجة منفعة
صوفيا همساتلها : وهدري كلشي كيشوف فيك معندك لاش تحشمي رانك عرفا تربيتك
رحمة نطقات بصرامة : براكا متهدرو بيناتكم نتوما جوج هدري نتي فهمينا شقربك كوميسارية
إسراء سرطات ريقها ونضفات حلقها ونطقات : دبا ملي ماتت ماما داك عام شحال طلباتني مي رحمة وبا مصطفى وصوفيا نمشي معاهم ولكن مبغيتش قلت انعول على راسي
حاج مهدي : ايه كملي
إسراء : مهم انا راه عرفا تربيتي شكنسوا يعني بلا ماتبقاو تشوفو فيا هكا بحلا دايرة جريمة قتل
ضرباتها صوفيا وهمسات لها : بالاداب اصحبتي شهاد لافاصون كتهدري
مدتهاش فيها ونطقات : ومهم كنت كنقلب على خدمة ولكن تاواحد مكيبغي اخدمني
مهم بديت خدمة فواحد قهوة سرباية فيها
رحمة : ابنتي نتي كتموتي على عذاب شنو فيها الا مشيتي معانا الوجدة نهار خدم مصطفى عام تم معرفت شنو قالك راسك
إسراء : كنت بغا نعول على راسي ولكن صافي ملي رقيت غادي نطيح فمشاكيل وانا باقي مفت تاسن قانوني وعرفين زنقة شنو فيها صافي جيت عندكم
رحمة : كنت درتيها من اللول وخا عرفين تربيتك ولكن بغيت نعرف شنو مشيتي ديري فكوميسارية وش شيواحد دارلك شي مونتيف
إسراء : انكمل باش تفهمو
حاجة فاطمة: كملي ابنيتي
إسراء : وملي خدمت سرباية رجعت خدمت خادمة فواحد فيلا لكانت خدامة فيها ماما مهم امور جيدة وخا كنت كنتعرض تحرش وديك بنت مولات دار كتبقى عليا تعوج تم مهم كنسلك مباغاش نضارب
إلياس بحدة : كفاش كتعرضي تحرش
إسراء : وداكشي قديم خليني نكمل لهم باش ميدو عليا فكرة غلط
نزهة : كملي ابنت ختي كملي
إسراء : مهم الامور جيدة وديت معايا واحد زيزوار باش ميتقربلي تاواحد وزيد مصاريف الكراء والمعيشة كانت حياة مأساوية
صوفيا ربتات فوق كتفها ونطقات : دبا نساي كلشي يتعوض وشوفي حياتك كولات مزيانة
إسراء : داكشي لكاين
حاج مهدي : هدري شنو وصلك كوميسارية نتي
حاجة فاطمة : هدري عمبالنا اخلاقك مزيانة ساعة نتي مشيتي عتبتي كوميسارية والحبس هاا
إسراء نطقات بإنفعال : كفاش نتوما دبا كظنو بلي انا غندير شيحاجة خايبة ملي شاكيين فيا لاش جايين عندي وكتقلولي حنا عائلتك وغنعوضوك منعرف اش
إلياس نطق بحدة : إسراء احترام راهم جدودك شرحيلهم ولا نشرحلهم انا
إسراء : انت غاسكت انت لجابدلي هاد صداع كامل مكتعرف تسكت ولا تقول شيحاجة اخرى ماشي كوميسارية
إلياس كحاول اتحكم فأعصابو ونطق : راهم خاص يعرفو عائلتك شنو عانيتي ولا لا
رحمة : صافي ابنتي مضاربوش اويلي كملي ابنتي شنو وقع حنا تايقين في تربيتك وعرفين معدنك ابنتي
إسراء نطقات بهدوء : انا دخلت كوميسارية حيث ضاربت حيث كنت معصبة وفتت درجة الاعصاب
حاج مهدي : شنو لخلاك تعصبي وضاربي
إسراء : حيث بكل بساطة كنمشي قهوة باش نخدم وكقوليا داك مول قهوة متليتيش خدامة ياك وملي كنقولو علاش كقولي خاصك تلبسي المعري باش تخدمي بالطبع انا رفضت هدشي مخالف تربيتي وهو يقولي اقتراح
حاجة فاطمة : شنو كان اقتراح
إسراء : راه باينة شبغا
إلياس وقف ونطق معصب : كفاش شكون هذا لطلب منك هتشي بربي تنريبو لو سنانو هدري يلاه فيناهو
عمر : تهدن اصاحبي هتشي راه فات حنا راه مجيناش نهدرو فالماضي هنونا
إلياس مدهاش فيه وقف قبالة إسراء لجالسة كتشوف ونطق : وش مغتهدريش هدري يلا متصرعينيش
صوفيا كضرب دراعها لإسراء باش تهدر ونطقات هي : ونسيبنا هتشي راه فات ماشي وقتو راه قبل متولي مرتك شعندك مدير
إلياس خنزر فصوفيا و نطق بحدة : هدري قتلك وريني فيناهو ولا انمشي بوحدي نلقاه بيدي و علاش مقلتيلي هتشي
إسراء دارت إيدها على راسها ونطقات : ياربي صبرني ياربي صبرني راه هتشي فات شنو غادير كاع غترقاه رحل مالك غتقتلو ولا شنو صافي هنينا عفاك
عمر وقف قدامو وجلسو ونطق : وصاحبي كتعرف تخدم منطق ولا شنو
إلياس مزير على راحة إيدو ونطق بحدة وهو مخنزر : سكتنا
إسراء: مهم خلوني نكمل
نزهة : كملي ابنتي كملي
إسراء : صافي وملي رجعت دار معصبة ومشيت ديك خدمة لاخرة ديك بنتها بقات كتسبلي ماما وكتسبني وصافي انا تعصبت وانا نخسرلها وجهها وصافي مشيت كوميسارية ولكن فوتت غساعتين وخرجت حيث رقاوها هي لضرباتني لولا
حاجة فاطمة : اااه ابنيتي شحال داز عليك سمحيلي ابنتي على سوء الظن
إسراء بقات كتشوف مرداتش عليها
حاج مهدي : بنتي مديريش فينا بحال هاكا راه ملي سمعت كوميسارية راه بالطبع فهمتها شيحاجة ونتي مشرحتيلناش
إسراء نطقات بحدة : معندكومش حق تحكمو على تربيتي حيث نتوما مكنتوش معايا ملي كنت كنعاني لذلك تاواحد معندو دخل فماضي ديالي ونتي اجدة باش تقوليلي هاد هدرة متجيش دبا تصبغي فيا وتبداي فيا شحال عانيت ومعانيت اااه انا عانيت ولكن كنحمد الله وكنشكرو على اقل لتايقين فتربيتي
كلشي شاف فيها كفاش معصبة محملاش بلان ونطقات
حاجة فاطمة حشمانة منها : ابنتي والله مقصدت سمحيلي على سوء الظن بيك ابنتي وراه ملي سمعت كوميسارية معرفت شنو اتكوني درتي
إسراء تجاهلتها مجوبتهاش وبقات مربعة إيديها مخنزرة وإلياس شد تيلي فيدو سيفطلها ميساج
إسراء سمعات حس ميساج فتلفون فتحاتو رقاتو من إلياس كاتب ليها : شوفي اعمري حشوما تهدري بحال هاكا راه يالله عائلتك كتعرفو عليك
إسراء جوباتو : بعد مني انت ، انت سباب مشكل
إلياس : وخا عليك البرهوشة ، تال إمتا بغا تخبي
إسراء : ماسي سوقك
ألياس شاف فيها مخنزر عاود كتبلها : وبربي تليتي تهدري بحالهاكا تنوريك هدري مݣاد حسن لك رانك عرفاني ملي كنتعصب
إسراء طلعات فيه عينيها وخنزرات فيه وخلاتلو vu اما عندهم جو مكهرب تنطقات صوفيا بصحكة صفراء وكتشوف جو مكهرب
صوفيا: تفضلو كولو مرحبا وسهلا
رحمة نطقات بعد تهنيدة : إسراء ابنتي جدودك يلاه كتعرفو عليك مجاتش تهدري هكا صافي ابنتي بردي
إسراء: سمحولي
حاجة فاطمة دمعات عينيها ونطقات : سمحيلي ابنتي سمحيلي مقصدت نشك فتربيتك ولكن اللسان معندو عضم ابنتي
إسراء ملي شافتها دمعتهت ناضت جلسات حداها وبدات كتمسح لها دموعها ونطق بصوت حنين : صافي اجدة متبكيش سمحيلي والله مقصدت نغوت عليكم سمحيلي اجدة اويلي شوفي عينيك كنسفتيهم اجدة
عنقاتها عندها حاجة فاطمة كتربت فوق كتفها ونطقات : بنتي انا لسمحيلي مكنت معاكم نتي وماماك سمحيلي ابنتي
حاج مهدي نطق : سمحيلنا ابنتي عفاك ابنتي لما سمحيلنا
نزهة دمعات عينيها ونطقات : هادشي كامل داز عليك ابنت ختي ومكناش معاك انا حشمانة من راسي بزااف
أية : سمحيلي اإسراء كن كسحابلي عندي بنت خالتي والله منخلوك تلجأ زنقة
وئام : قاصحة بزااف ضروف صعيبة بزااف كفاش وليت قوية هكا
إسراء فصلات عناق ونطقات : وصافي عفاكم اويلي غتبكوني وش بغيتو تبكوني
حاجة فاطمة: لاواه ابنتي لاواه منبكيوكشاي سمحيلنا
إسراء :علياش غنسامحكم مدرتولي والو عادي نتوما قلتو لماما اجيب والديه وراضيين بزواجها ولكن هي هربات صافي طويو صفحة الماضي فكرو دبا فالحاضر معاكم انا وفالمستقبل غيكون معايا ولدي ولا بنتي و صافي عفاكم مديروش جنازة راه كلشي دبا فات كلشي كتعوض وماضي كيبقا غتعاويد وانا
راضية بشمن عطا الله وشوفو تبارك الله ولات عندي عائلة كبيرة ها مي رحمة وبا مصطفي وجدة فاطمة وجدي مهدي وخالتي نزهة ولاد خالتي وجدتي رغية شوفو تبارك الله مالكم على هاد تشاؤم
إلياس بتاسم لها عرفها كتعصب ودغيا كترجع وقلبها حنين وهي بدلاتو إبتسامة ونطقات
حاجة فاطمة: حمدالله ابنتي حمدالله الله عوضنا بيك احسن وافضل حفيدتي وحنينة
أية : ياك اجدة وانا وئام ماشي حفايدك
إسراء : ههههه اجو عندي اجنيات المغيارات هادي راه جدتي بوحدي ماشي جدتكم غانتوما
وئام : هههههه صافي حنا ماشي مغيارات ولكن جدة شتك بحلا كديري فرزيات
حاجة فاطمة : حشا وندير فرزيات
صوفيا : هههههه الله يخليكم ديما مجموعين ودبا حمدالله
رحمة : زيدو تاكلو تلاهينا بالهضرة
تشويا سمعو صونيت مشات كطير صوفيا تفتح الباب تكيبالها قدامخا مصطفى طارت عنقاتو وهو معنقها جنب وداخلين
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
