عشقك إدماني

parte 154

تادخلو العرسان بزغاريت وبالصلاة والسلام عليك ارسول الله
كلشي لففيلا نتابه جيهتهم وهوما داخلين مواتين لبعضياتهم ونطقات صوفيا : ماشاء الله جاو مواتين لبعضياتهم حمدالله ربي جابلها الخير داكشي لكتمنا
ريتاج نطقات وهي كتسترجع ذكريات ختها لكانت لايحة راسها على إلياس  ونطقات وهي مبتاسمة وكتشوف سعادة لعلى ملامح ختها وغاضاحكة : بصح حمدالله ربي ماخيبها عوضها الله  ،شحال قصات ختي وعانات ولكن الله ماخيبهاش حمدالله
إسراء بتاسمات ونطقات : حمدالله كلها ومكتابو ورزقو عند الله
جوهرة : واه بصح
بضع دقائق تاطلعو العروسة فالعمارية وكلشي فرحان لفرحها عاد نزلات وتاجهات جلسات حدا عريسها فالبرزة اما البنات جالسين كجمعو وكتعشاو بجو مرح تبدا كصوني تلفون ريتاج وهزاتو وشافت سميت معتصم وقطعات عليه وشافت فيها صوفيا وضحكات ونطقات : نتي مالك قطعتي عليه
ريتاج رجعات اللور وربعات إيديها ونطقات : باش يتعلم اغوت عليا ويجري عليا صافي الله يعاون متليت انا بغاه
إسراء : وباز ياختي ههههه
وبدا كصوني تيلي من جديد ونفس شيئ كتقطع عليه  وكتحلف عليها فميساجات وكتقراهم وكتخليه vu بدون متجاوبو اما هو لعلى برا واقف قدام مسبح معزول وحدو على إلياس وعمر وعمران وعماد وبعض رجال وشاد تيلي فإيدو بغا يهرسو وغاكيسوط بوحدو من الاعصاب وهو يرجع تاني صونا على ختو جوهرة ونطق بحدة : سمعي قولي ديك لحداك تخرج عندي ولا بربي ياتنريب جد بوه هاد العرس
جوهرة لكانت جالسة حدا ريتاج وزايدا صوت ونطقات هي مجوابا خوها : وخا خويا هان....
مخلاها تاتكمل تاقطع عليها وشافت فيها جوهرة  ونطقات : يلاه امرات خويا زوينة سيري تكلمي داك خويا رانك سمعتيه
إسراء نطقات ضاحكة : اهيا ناري على ولد عمتي تافين ايبان راجلي قدامو الله اكبر جماعة مصاعير تجمعنا معاهم
ريتاج نطقات  : وش ضروري نمشي عندو انا خايفة غاصوتو خلعني االبنات 
صوفيا نطقات  طانزة : نتي غاصوتو  خلعك خلي وتكوني  نتي بين إيديه هههههه
ريتاج شافت فيها بعدم فهم ونطقات : كفااش مفهمتش
إسراء غمزات صوفيا ونطقات : كاينة كاينة انا وياك اصوفيا لدزنا من خلعة ديال بصح ههههه
ريتاج شافت فجوهرة جوهرة شافت فيها ونطقات : حتا أنا مفهمتش اختي بلا ماتشوفي فيا
صوفيا شافت في ريتاج : نتي باقا هنا تي نوضي جمعي لوقفا وشوفي داك مصعور قبل ميدخل هنايا ويديرلك شوهة يابنيتي ياريتاج
ريتاج غتفكرات بلي كتحلف عليها ونطقات بالخوف : لا لا منقدرش اخلوني بنات الا تاصل بيك اجوهرة قوليلو ريتاج ماتت
جوهرة ضحكات ونطقات : وهيا ناري تي نوضي يلاه اصحبتي راه لباس لصبر هاد مدة نوضي يلاه
ريتاج ناضت ونطقات  وهي مدلية شفايفها بطفولية : وخا هانا ماشيا 
مشات من حداهم ومتاجهة لجهة كوزينة لفيها الباب كخرج على مسبح وحدها كدير خطوة خطوة وضامة نفسها بالخوف وشوية وهي تقاد وقفتها ونطقات بينها وبين نفسها : مزيان تبارك الله مالو يخلعني هو لفيه مشكل ماشي انا  ، يجي انا  يتبعصص عليا 
وهي تاجه عندو غاخرجات من بوابة لكتخرج على مسبح وهو يبالها كمشي وكجي بالعصبية سرطات ريقها ورجع قلبها كضرب بجهد وهي كتشوف كفاش كيبان معصب ببيان من خلال عينيه لمخنزرين وعاقد حواجبو وهاتف لشادو بالعصبية فإيدو تبانو عروق إيديه  وتجهات عندو ونطقات بصوت خافت  : معتصم ..
معتصم لدار شاف فيها ومخنزر ونطق مغوت عليها : اشهاد تبرهيش ياك كنقول لمك معمرك تجاهلي اتصالاتي شنو كتحاولي ديري هاا
ريتاج لتاهي بدورها خنزرات فيه ونطقات بعصبية : كفااش ماشي انت لجريتي عليا  قبيلا ومغوت عليا ،ياك مباغي نستقبل اتصالاتك بالاحضان ولا شنو هاا
معتصم دور راسو يمين وشمال ونطق بنبرة عادية : سمعي ابنت الناس قبيلا ملي جريت عليك كانو حدايا رجال وانا مغنبغي مراتي مستقبلية يشوف فيها  لي سوا ولي ميسواش وتانيا لاش دايرا هاد حالة فوجهك 
ريتاج كتحاول متبتاسم وتحافظ على جدية لفوجهها ونطقات بحدة : ماشي سوقك
جرها من إيديها تالصقها مع صدرو حاوط خصرها بإيديه ونطق وهو هايم فعينيها لكجذبوه وهمس ليها فوذنها تخلا ذاتها ترعش بين إيديه : شنو لماشي سوقي
ونطقات وهي كتدفعو بإيديها وهو داير كصخرة : حيد بعد مني ايجي شيواحد اشوفنا تاحيد عفااك
رجع نظراتو حادة ونطق : نطقي شنو لماشي سوقي 
سرطات ريقها وهي كتبلل شفايفها بلسانها  لنشفو ليها وهو حاضيها وحابس راسو بزز لا يبوسها  تنطقات هي  : عفااك بعد عليا طلقني راه غيشوفنا شيحد بعد عفااك بعد
بعد عليها عرف راسو لبقاو بهاد الحال غيتجاوز معاها حدود وهو مواعد  راسو ميقربلها تايتزوجو  ودار ايديه فجيوبو وشاف فيها ونطق : يلاه دخلي ومنرقاش مك كضوري هنا وملي نصوني عليك جوبيني مفهوم
ريتاج سرطات ريقها ونطقات : ااه وخا صافي مفهوم
وهي دور راجعا لفيلا وقلبها عاد بدأ كهدأ من ضربات متسارعة ودخلات مطبخ وسندات نفسها على كونطوار ونطقات وهي كتنهد وماسكة قلبها  : اووف ياربي سلامة اووف طيرها مني خلعة مجعور لاخور اميمتي معامن طحت
من بعد متهدنات وظبطات نفسها تاجهات فين جالسين بنات وجلسات معاهم وشافت فيها جوهرة ونطقات وهي مبتاسمة بخبث  : اوا امرات خويا مستقبلية شنو دارلك خويا ههههه
ريتاج كتسترجع ذاكرتها شنو وقع قبل قليل وبدأت كتبتاسم غابوحدها وشافوا فيها بشك وهي تنطق صوفيا : ممم هي باسك ازغبية دارها صافي ولا قولي نيت مولفين مكم تشلقيم
يلاه بغات تنطق ريتاج وهي تنطق إسراء : اويلي احاي اجي لمك نتفك ياريتاج اويلي اميمتي اويلي ربيت بكري.
ريتاج بقات كتشوف فيهم بنظرة ديال ياه على بنادمات  : وابلاتي اخوت تاكفاش باسني راه ما باسنيش نتوما مال مكم عقلكم فيه غار  المسخ مكتحشموش 
صوفيا ربعات إيديها وصغرات عينيها فيها ونطقات : اييه وشنو درتو هاد الوقت كامل  ؟! ملي مكنتوش كتباوسو ونتوما مكم مقنطين راه تبعت مك وشفتو شادك من خصرك
جوهرة : واه امرات خويا مستقبلية شفتك صوفيا وصوراتك لينا وإسراء كتحلف عليك  هايهاي على خويا معتصم مبقاش ساهل
إسراء : ايييه اريتاج ابلاتي عليك الا معاودت فيك تربيه منتسماش اسراء اخلينا دبا هانيين ابلاتي ورا هاد العرس الا مشبعت فيك غدايدي منتسماش إسراء زعما دايرين فيك الثقة مبقاتش الحشمة لا نتي بقالك غتعراي لو الحمارة الجحشة  لاخرا ابلاتي على مك دوزت انكم تصاحبتو ولكن لهاد درجة الا
ريتاج كتسمع ليها وبتاسمات ونطقات : منيتكم ياه نتوما ياد حللتو لفدماغكم اصلا منخليهش اقيسني الا مكانش راجلي وش نتوما شويا لباس
صوفيا هزات تلفونها ودخلات بلاصة تصاور كليكات على تصويرة لصوراتها هي ومعتصم  ونطقات : اوا شنو هدشي لفصورة  باش كتفسري هدشي مالو قريب منك لهاد درجة
ريتاج : اهيا ناري شكديرو تبقشيش
خنزرات فيها إسراء ونطقات بحدة : جاوبي باش كتفسري هدشي
ريتاج رجعات اللور وربعات إيديها وكتشوف فيهم بتلاعب ونطقات : اوا تهدنو امالنا بحلا بغيتو تعدموني
إسراء : جاوبي !!
ريتاج رجعات نظراتها جدية ونطقات : ودبا كنا كندابزو اوا من بعد جبدني من إيدي تلصقني معاه ولكن راه هو ماشي انا  ،انا راه عييت نبقا ندفعو ومبغاش تبقيت كنطلبو عاد رخاني متشوفوش فيا بحال دايرة جريمة صافي عفاكم
إسراء : مهم ماعلينا إجي خلاص اخطبك و تزوجو وهنونا اشهاد مراهقة متأخرة لجاتك اريتاج عصبتوني انا بعدا
ريتاج : ااه تهنيتي راه غنقولو إجي مورا عرس ختي اخطبني
جوهرة : مزيانة اللوستي
دازو يومين بعاداتها وتقاليدها ونشاط جا الوقت فين تودعهم العروسة وتمشي مع راجلها 
ليلى كتعنقها وتبوسها وهي مسخياش بكبدتها ونطقات وهي كتمسح دموعها : الله على كبيدتي وغتمشي وتخليني امتى كبرتي ابنيتي عاد كنتي قد كميشة فإيدي
نور كتمسح دموعها وعنقاتها وهي كتبكي في حضنها وإسراء وصوفيا واقفين بعيد كشوفو الاجواء وإسراء كتفكر كن كانت مها باقا على قيد الحياة ومكرهاتش تاهي  متفارقش حضن مها وصوفيا كتشوف فيها وحاسة بيها فاش كتفكر وهي تربت فوق ظهرها ونطقات هي مبتاسمة فوجهها : هي دبا فمكان افضل
حدها امأتلها براسها و إلياس معنقها وكشوف
اما عند نور لمقدراتش تسكت من بكا تجا عماد ونطق : الله يهديكم اشهاد الحالة دايرين ، ليلى ديري عقلك بكيتي ليا بنتي ، اجي عندي اكبدتي
تجهات عندو وعنقاتو كذالك وبعدات ونطقات و هي كتمسح دموعها : مقدرتش نسخا بيكم
تجهات عنقات خالتها وسلمات على راجل خالتها وسلمات عليهم كاملين وبقات شحال معنقة ريتاج وهمساتلها : امتا ناوي يجي معتصم خلاص اخطبك
جوهرة همساتلها كذلك : غالبا بعد 15 يوم هكاك ياك غتكوني اختي يااك
نور بتاسمتلها وعنكشات شعرها ونطقات : ومالي نخلي ختي بوحدها اكيد غنكون حاضرة
وتجهات عند إسراء سلمات عليها ونطقات : وتهلايلي فهاد  وليد  إياد وتهلاي فراسك اختي
إسراء بتاسمات ونطقات وحطات إيدها على بطنها : غنتهلا فيه وحتانتي تهلاي فراسك اختي
دازت سلمات عليهم كاملين وهي مسخياش بيهم وتجهات ركبات مع مروان وتاجهو لعشهم وحياتهم زوجية