عشقك إدماني

parte 140

نور شافت فيها ونطقات وابتسامة سخرية على وجهها : والو مكنفكر فوالو غار هاد عطار كباليا مسكين جاي فبلاصة معزولة كفاش زعما
رانيا بتاسمات ونطقات: متشطنيش عقلك اوكي حيث غتمرضي
ودمارت نيشان وجهة فيلا
والصمت سائد المكان تنطقات نور  بنبرة هادئة: رانيا
رانيا مركزة مع السوݣان ونطقات : اممم نعام أنور اشباغا 
نور : مأكدة بلي مكيدور فعقلك والو راني هضرت معك البارح متخلينيش نحفي حجرة معاك
ريتاج خلات تليفون من إيديها وعقدات حواجبها اما رانيا بغات تهضر تنطقات ريتاج منزاعجة وعقلها دغيا ستوعب  : مالكم اشواقع ، رانيا ياكما باغا ديري شيحاجة للإسراء راه منعقلش عليك سمعتي راه غنسا انك بنت خالتي
رانيا خسرات سيفتها وحولات متبينش غضبها ونطقات بهدوء عكس الغضب لمن داخلها لبغا تحيح عليهم : دبا نتوما مالكم اويلي منيتكم اولا انا ماشي شريرة لهاد درجة نأادي الناس وي بصح فلول معجبنيش الحال مي دبا انا فرحانة وغيكون عندي ولد خويا شكون بحالي دونك متبقاوش تشوفو فيا بهاد منضور بلي انا انسانة خايبة بزااف
نور بتاسمات بسخرية ونطقات بإستهزاء : وي احبيبة نتي مشاء الله قلبك طيب وكتبغي الخير
ورجعات نطقات بنبرة عادية : وانا كنعرفك مزيان ارانيا وحدة بحالك محال تأادي حيث لككون من عائلتي مخاصوش اأذي حنا تربينا عمرنا نضلمو شيواحد ولا نأذيوه وخا نكونوا  كنكرهوه
ريتاج مدات مجابت
اما رانيا نوعا  ما هدرتها قاصتها من داخل وحساتها بتأنيب ضمير وحولات متبينش ونطقات : وي معلوم حنا تربينا هكاك ونعمه تربية
نور تنهدات ونطقات : وكنتمنى هاد تربية متمشيش بسبب الحقد والغل والحسد وغيرها من صفات سلبية
رانيا عيات متكبح فغضبها ونطقات بحدة  وهي مخنزرة : لاياش بغا توصلي انور
نور لحظات الغضب وبتسامات ابتسامة انتصار انها قدرات ديرلها تأنيب ضمير ونطقات بهدوء : ماعندي فين نوصل مالكي معصبة غابوحدك تكلماي وفري الاعصابك حيث غتحتاجيهم من بعد
رانيا كرزات على سنيها وكتمات غضبها  وسكتات متلات جوباتها وريتاج اكتشوف وصافي مفاهماش مالهم كهدرو هكا ونور فقط مبتاسمة وكتبلاني فعقلها 
مسافة فطريق تكانو وصلو عند بوابة فتحولهم لكارد ودخلات تبلاصات اللوطو  فين كحطو طموبيلات ونزلات منها نور وريتاج سبقوها اما هي جلسات فاللوطو كتحاول تنفس غضبها ونطقات وحقد عامي عينيها وجبدات خنيشة ديال العشوب كتشوف فيهم ونطقات مخاطبة نفسها  : اليوم الا محرقت قلبك منتسماش رانيا نتي لقلبتي عليا ولكن ازين ماشي دبا غنطيحو لك الولد باقي شوية الوقت تانقربو نرجعو بحالنا ديكساعا غادي تكوني تفارقتي معاه احبي
وهي ترجع دوك العشوب ساكها وبقات شحال وكتنفس باش طبق خطتها الاولى
اما نور وريتاج سبقوها بداو كدقو تفتحاتلهم خادمة ودخلو وستقبلاتهم إسراء بترحيب سلمات عليهم ونطقات : اهلا اهلا زيدو دخلو مرحبا بيكم
ريتاج  نطقات  بضحك وهي ضربها لكتفها : ممولفاش ليك اساطة هاد صواب كامل كترحبي بيا هايهاي على لالة إسراء
إسراء ردات ليها دقة ونطقات : الله ينعل ميحشم الله يعطيك العقل قولي امين ، شكون قالك انا كنرحب بيك كنرحب بنور
نور ضحكات : جماعة الحماق صافي ههههه هانا سبقتكم عند خالتي
ومشات خلاتهم ونطقات ريتاج : ياك الحاجة قمعتيني وخا وخا ديريها فين تجيك
إسراء : اميمتي اميمتي معك نتي ومسوطيا فمخك مهم حمدالله جيتي ونتي ختك وتعمرو عليا نرقا معامن نجمع
ريتاج صغرات عينيها ونطقات : على راجلك ممعمرلكش العين ياك دوري دوري تقولي راجلي
إسراء : اوا ياختشي هو مغاديش  يجمع معايا جموع النساء
ريتاج ميقات فيها ونطقات : وقولي وكان باغا نميمة
إسراء : سيري وكان سيري
ريتاج مشات من حداها اما هي وقفات حدا الباب تلاقا مع عدوتها اللذوذة وجات رانيا كتمختر بكل الانوثة وصلات عندها ونطقات بسخرية : اوا مرات خويا توحشاتني ولات تلقى ليا عند الباب باش تسلم عليا
إسراء شافت فيها مخسرة سيفتها ونطقات بسخرية :اوا لباس خطوة زوينة هادي كتعتارفي بلي انا مرات خوك هههه ازين هههه
رانيا : ميقات فيها ونطقات : متوحشتينيش ازين
إسراء نطقات: اوا اللوستي مسمومة قلبي مكيتوحش المسمومات العقيسات ديال الخلا
رانيا : بزااف عليك انا عرفتي رجليا لهوما رجليا مغاتوصليهمش احبي حيث انا نيفويا طالع بزااف اإلا بغا تخشاي معانا فهاد مجتمع الطماعة ديال خلا المتشردة اليتيمة معندك ماماك وباباك كتبقاي غلاصقة فينا
إسراء ضحكات ونطقات: ههههه اميمتي ياه شحال كنكره معوقات بحالك زيدي دخلي االلوستي سوسة زيدي
رانيا : مكنتسناش بحالك ترحبي بيا حيث هادي دار خويا
إسراء بقات اكتشوف فيها ونطقات : وش سارطة مك كاسيطة واه صوتك ديرونجاني  و شحال فيك ديال العياقة خاوية
إلياس لكان جاي سمعها ونطق بحدة : إسراء اشهاد لافاصون باش كتهدري هاا
إسراء يلاه بغات تنطق وهي تنطق رانيا وهي كتشكيلو وكتبوحط  عليه : شفتي اخويا شفتي هي هي كتبقا تقولي هاد هضور وقاتلي انا مسمومة ومكنسوش وشريرة ومعوقة مخلات مقالت فيا وهي لكتعدا اخويا شفتي
إسراء بقات كتشوف  لتبوحيط شكديرلو وكدور راسها يمين شمال لهاد موليكة لقدامها ونطق إلياس مغوت على إسراء : عتاذري يلاه اش هادشي لكديري فيه فين زايدة ها فين زايدة مك كتقلبي على مشاكل نتي وصداع راس اشهاد تبرهيش ديال المرض
إسراء معجبهاش الحال بقات كتشوف فيه وعيونها دمعانين  حسات بالحݣرة فهاد اللحضة ورانيا بتاسمات ابتسامة حدها تبان دليل على الانتصارها
إيمان ونور وريتاج وعمران كانو جالسين كجمعو ويضحكو تاسمعو الغوات وناضو كجرو عندهم ونطق
عمران : اش واقع هنا مالكم
رانيا بدات كتبكي دموع تماسيح ونطقات : بابا وماما إسراء ديما كتعايرني ومكتخلي فيا لين نسات وكتبقاو تلوموني انا ملي كندافع على راسي
إسراء نطقات مغوتة : كفاش  انا كنعايرك انا ماشي نتي لعيرتيني وجايبالي معيور علاش منتشكا يلاه
إلياس لنطق مغوت على إسراء : مزال زايدة فيه سكتي حسك منسمعوش راني سمعت كلشي على وذني وخا لمك ابلاتي عليك  يلاه عتاذري لها
إيمان : رانيا وش بصح هدشي
رانيا : ااه ماما علاش متيقينش انا ماشي بنتك هاا
إيمان : اوا لاواه ابنتي اسراء بنت مدارت والو وتبداي تعايريها حشوما ݣاع هدشي
عمران : حشوما عليك ابنتي إسراء حشوما هدشي
إلياس : يلاه عتاذري اشهاد مرض ديال والو فريع المخ صافي
إسراء بقات كتشوف تا الا دفعات على راسها كلشي ضدها وحولات تمنع دموعها وتكبحهم وجهها فقط هدوء لمكسي عليه  عكس داخلها لمكرهات تغوت وتبكي لهاد الحݣرة لتعرضاتلو
اما ريتاج نطقات : لا اولد خالتي إسراء راه مغاديش تعايرها
نور : ااه راه ضروري رانيا اتكون عيراتها
رانيا : نتوما مشفتوش شنو كانت كتقولي وكتعايرني ومخلات فيا لنسات كتبقاو غار رانيا دارت رانيا فعلت رانيا ديري عقلك رانيا براكا من مشاكل مالها هي ملاك ها حشوما عليكم
إيمان : صافي ابنتي ديرو عقلكم براكا من هاد تبرهيش رانكم زعما بعقلكم وكبارات نساو هدشي زيدو
إلياس نطق بحده: إسراء عتاذري قتلك كلامي منعاودوش والا معيجبك الحال
إسراء نطقات بهدوء : مدرت تاشيحاجة غلط لغنعتاذر عليها
إلياس زير على قبضة إيديه وعينيه ماليين شرارة الغضب ونطق مغوت وكشاكشو خارجين : ومك وش باغا تصرعيني راه بربي تانفوت فيك شي دقة ولا شنو عتاذري قتلك يلاه فششناك لين طلعتي فوق راسي عائلتي خط حمر يلاه عتاذري
إسراء مرضاتش ونطقات مغوتة : ومغاديش نعتاذر انا مدرت تاشيحاجة لغنعتاذر عليها تاهي راه عيراتني ماشي تبوحط عليكم شويا تبقاو عليا انا عتاذري ماتعتاذري
إلياس كرز على إيديه ونطق : قتلك عتاذري
إيمان تدخلات ونطقات : صافي هنونا اويلي زيدو دخلو براكا من غوات
ومشات إسراء سابقاهم وتبعاها نور وريتاج كهدنوها واما رانيا ابتسامة انتصار على محياها ونطقات بصوت خافت : اوا قربنا مبقا والو وتمشي فخطرة خاص اداك الولد اتحيد
إيمان نطقات : مديرش فبالك اولدي النساء هوما  هادو وإسراء حاملة وهرموناتها مخربقين
إلياس اكيسوط ونطق : وراه خاصها متبقاش تعاير وهاديك راه ختي لعايرات ومشاكل صافي فريع المخ
رانيا جلسات حدا إسراء ونطقات هامسة لها : كجيتك ازين مبقا لك والو تمشي من دبا انقولك بسلامة المتشردة رجعي فين كنتي
إسراء خنزرات فيها وكحوات من حداها مافيها ليجاوب مع شيحد
نور حاضية مشهد وكضور فراسها وريتاج كانت ملاهية مع تلفون
اما عند إيمان ونطقات : ساعف اولدي ساعف راه هرموناتها هوما هادو
عمران : ساعف إلياس وتكايس على مراتك
إلياس زاد فيهم وهوما دخلو وراه بقاو مجمعين اما إسراء وإلياس شي مكيشوف فشي وهي تنوض إسراء عند خادمات تعلمهم احطو الغداء وبداو كحطو وتاجهو كاملين اتغداو من غير إسراء اكتنقب ماعندها خاطر بقا فيها الحال بجهد  بغا غتبكي وتفش قلبها  حسات بالحݣرة ومتوقعاتش إلياس ادير فيها هكا وبقات اساهية وكتشوف تنطقات
إيمان : كولي ابنتي كولي مكليتي والو
إسراء طلعات عينيها فيها  بتاسمات لها كتحاول تبين بلي هي عادية  ونطقات : هانا اخالتي كناكول
وشافت فيهم واحد فواحد من غير إلياس مشافتش جهتو ݣاع وهو حاضيها بعينيه ومخنزر   ونطقات : كولو نتوما كولو ومرحبا بيكم مرة اخرى بقاو جو عندنا ديما
عمران بتاسم ونطق: ان شاء الله ابنتي ان شاء الله وتانتوما اجو عندنا
حدها امأتلها براسها
اما رانيا كتشوف فيها مخنزرة كفاش كدير داك صواب
ورجعات اكتنقب وشهية تسداتلها