عشقك إدماني

parte 131

صوفيا نطقات : ياختي حبيت واو
إسراء : مهم زيدو زيدو نراجعو راه عدنا امتحان سيمانة جاية جبتو كتوباتكم
صوفيا : لا انا مجبتهمش
ريتاج رمشات عينيها فيها ونطقات : حتا انا واصلا باقي الوقت
إسراء: اشمن باقي وقت منيتك  زيدو تقراو غاجماعة الكسالة لمعايا انا 
ريتاج : وصافي سيري طلعي جيبي كتوبك  باش نقراو
طلعات إسراء جابت كتوبها وهبطات عندهم وبداو فمراجعة دروس
تاأذن ظهر وناضو صلاو وجمعات إسراء كتوبها وعاد جا إلياس وعمر
ومشا عمر وصوفيا وريتاج تايتلقاو فجامعة
بعد مدة تغداو إلياس وإسراء في جو مرح عاد خرجو من فيلا وركبات معاه ودمارا نيشان لجامعة  وودعها عاد تاجه لخدمتو اما هي مشات وقفات مع بنات رقاتهم ديجا جاو ونطقات
إسراء : هاي الحلوفات البقرات الدوبات
ريتاج : اتي حتارمينا انتي هي دبة وبقرة وحلوفة
صوفيا : ويه عطيها اصحبتي
تبعد دقائق جات جوهرة عندهم ومع خوها ونطقات : هاي فتايات
ريتاج : هاي
إسراء بتاسمات ونطقات: هاي لباس عليك
جوهرة : حمدالله
وريتاج متبعة عينيها لمعتصم وهي تقرصها صوفيا ونطقات هامسة لها : امالك قرصتيني وش شايطين عليك إيديك ولا شنو
صوفيا همسات لها كذالك : اجمعي عينيك نتي شوهة
معتصم لشار ريتاج بيدو ونطق  : نتي واحد دقيقة نهدر معاك
ريتاج كتشوف فيه مصدومة معرفات متقول وجوهرة كذالك مصدومة من خوها
إسراء طرطقات عينيها ونطقات : اويلي اولد عمتي اشبغيتها
معتصم : إسراء  انا بغيتها دقيقة وغترجع متعكسيش الله يخليك
إسراء : اااه وخا وخا  ، ريتاج شوفي شنو بغاك واجي بزربة
ريتاج بقات كتشوف ونطقات : اااه ولكن شنو باغي مني انت
معتصم مسح على شعرو ونطق : بغيت نهدر معك دقيقة 
ريتاج : ااه وخا
البنات دخلو جامعة وبقات هي واقفة مربعة إيديها ونطقات : كنسمعك شنو باغي
معتصم ميل راسو بجنب ونطق : هدري مݣاد حسن لك
ريتاج طلعات فيه عينيها ونطقات : وخا الا مباغي تقول تاحاجة خليني نمشي راه عندي الحصة
معتصم نطق : اري تلفونك
ريتاج نطقات مستغربة : شنو باغي بتليفوني
معتصم نطق بحدة  : اريه قتلك منعاودش كلامي 
ريتاج مداتلو تلفونها وهو يشدو  من عندها ودخل رقمو وعطاها تلفون وهي كتشوف يلاه بغات تنطق وهو ينطق : رقمي عندك بيناتنا تواصل
وتم ماشي وهي بقات شادا تلفون وكتقلب فيه وشافتو قيد نمرتو كتب عليها معتصم وعضات على شفايفها وعينيها كلمعو بفرحة بغا تنقز تعبر على فرحتها  ونطقات بينها وبين نفسها : اناري انكون اكنحلم واو عندي رقمو
وهي دور رقاتهم دخلو ودخلات هي كذلك لحصة
ودازو ربعة ديال سوايع قراو حصصهم خرجو ونطقات إسراء : اجي نتي شنو بغا منك
جوهرة : ااه هدري شنو بغا خويا منك
صوفيا : وهدري اصحبتي لاش ساكتة
ريتاج : اااه مبغا مني والو اش يبغي
جوهرة يلاه بغات تنطق وهي تشوف معتصم ككلاصوني عليها ومشات بتجاهو وركبات معاه ودمارا نيشان لوجهتهم عند بنات واقفين ونطقات
إسراء: ااه مغادوزيهاش عليا اريتاج هدري شنو بغا منك
صوفيا : هدري وكان هدري حنا عارفين دوك فعايل
ريتاج نطقات متنهدة وهي كتذكر موقف معاها  : اوف البنات كفاش غنشرح
إسراء : وهدري خلاص
ريتاج : مهم قالي عطيني تلفونك ومبغيتش نعطيه ولكن من بعد عطيتو
صوفيا نطقات مستغربة : واه اشبغا يدير بتليفونك زعما خايفة تكوني تكلمي مع دراري وبغا يقلبلك تيلي زوينة هادي
إسراء تفرشخات بضحك ونطقات : هههههه اميمتي ومدرتو مزال  بطاجين مايتحرق اشبغا تلفونك
ريتاج : وراه قيد  رقمو وقالي بيناتنا تواصل
صوفيا : لا لا كطنزي اصحبتي
إسراء : وش مأكدة يكما خلطتي الواقع مع الخيال
ريتاج : ياربي صبرني معاكم
وجبدات تيلي من ساكها ودخلات جيهات إتصال  وبيناتلهم رقمو  ونطقات : شفتو هذا هو رقمو ياك شفتوه وقولولي  كنضحك انا ماكنضحك
إسراء شدات من عندها تيلي وهي كتشوف فرقمو  ونطقات دايرا إيدها على فمها   : ولاهيلا وسيد زربان
صوفيا : واه داكشي كنشوف ، اجي نتي اشغاديري
ريتاج : اوف انا حايرة البنات وش زعما نهدر معاه عادي ولا شنو ندير ولا نخليه اوف وكون اخدا رقمي ومعطانيش رقمو انا حرت مكنبغيش نكون انا سيفطلو لولا
إسراء نطقات: هو  صراحة متسيفطيلوش دبا ازين
صوفيا : كفاش اإسراء متسيفطلوش كاع ولا شنو
ريتاج : كفاش زعما منهدرش معاه ݣاع ولا شنو قصدتي
إسراء: ريتاج سمعيني متسيفطيلوش دبا شحفيه حيث راجل مكيبغيش شيحاجة ساهلا خاصك تشحفيه سمعتي
ريتاج : مفهمتش كفاش نشحفو وضحي هدرتك
إسراء: امم اولا نتي مغتسيفطيلوش دبا ولا منبعد هو لخاصو يسيفطلك حيث الا سيفطليه دبا غيقول هاد بنت كتموت عليا وخا نقولو معتصم انسان محتارم وضريف ورجولة وكذا ولكن حنا غرضنا باش يتزوجك ماشي يدور بيك هو براسو معارفش علاش ولا كدور بيك نقولك علاش حيث عرفا مزيان انا  سبب
صوفيا : واصدقتي مطورة اصحبتي وانا كنقول نسيبنا كفاش ميت عليك ونتي كنتي اشدا معاه ضد واو
ريتاج تصدمات ونطقات : ااه يلاه فهمت اإسراء هو دبا ملي تجاهلتو يلاه بدا كتبعني وبدا بلي باغييني يعني غنشحفو ومغاديش نسيفطلو ومنهدرش معاه ياك هدشي قصدتي
اسراء: هكاك رضا رانك متبعا نصائحي
وقف عليهم إلياس وعمر ونطق إلياس :  متقولولي متبعين نصيحة هاد حمقة ديالي راه غتلوحكم فالواد
إسراء: ياك اإلياس ياك حشوما كاع
إلياس جرها مدرعلها ويد كخربق لها فشعرها ونطق هو ضاحك : زيدي الحمقة ديالي زيدي نتي كتعطي نصائح ديالاش  هاد نصائح زعما
إسراء حيدات إيدو على شعرها وقدات شعرها لتعنكش وهوما ماشيين جهة اللوطو ونطقات : واه كنعطيهم على قراية
إلياس ضيق عينو فيها ونطق : امم على قراية الله يجعلني نتيق
بقات كدور فعينيها جاب الله مسمعهاش
اما صوفيا حتاهي ركبات مع عمر ودمارا نيشان لفيلتو
وريتاج كذلك ركبات مع شيفور
عند إلياس وإسراء مورا مركبو فاللوطو دمارا نيشان لوجهتو تنطق إلياس : عمري فين بغا دوزي هاد العشية
إسراء لمعات عينيها ونطقات : اااه ديني لبلاصة الالعاب ياك وبغيت بيتزا مشهياها وياك انواع حلويات ياك  وتانفكر ونقول
إلياس نطق ضاحك :نتي قدك قد اللعب  هههههه
إسراء : واه امالك مالي منلعبش اصلا انا بقا صغيرة وبغيت نلعب
إلياس : لعبي وكان شكون ردك
إسراء هزات كتافها  بحركة طفولية ونطقات : اوا انت قلتليلي وش انا قد اللعب
إلياس نطق مبتاسم : راه نتي كتخليني دايخ بيك اش غنديرلك ابنت الناس هدري
إسراء : مديرلي والو هههه سربي راني متحمسة نلعب
بعد دقائق وصلو لواحد جردة خاصة بالالعاب إسراء غاشافت الالعاب  لمعو عينيها ورجعات طفلة  وبدات  تجرب من هادي لهادي وإلياس حاضيها بعينو وكضحك على هبالها ومتبعها بتحركاتها ومرة مرة كمشي عندها ترد بالها على ود الجنين
دازت عندهم ديك العشية بهبال ديال إسراء ومرة مرة إلياس اشاركها الهبال ملي تبدا تغبن عليه إسراء العب معاها فشي اللعبة ودايرلها خاطرها وختمو نهارهم فواحد ريسطو وإسراء كتشهى وكحضرولها إلياس وملي كوصل عندها كتنقب منو وتخليه ونطق : إسراء ياك تشهيتي هدشي يلاه كولي ولا عينك كبيرة
إسراء : وصافي إلياس مبغيتوش كلت كلت بغيت لاݣلاص مشهياه ديال شكلاط
إلياس مسح على شعرو ونطق : يلاه الا مكلتي هتشي مكاينش لاݣلاص
إسراء : وخاا حشوما عليك
ومن بعد مابسيف باش كالت شويا جابلها داكشي لبغات  وهي كتبنن وهو حاضيها ومجنن عليها
عاد خرجو من ريسطو نيشان لڤيلاتهم ونعسو في حضن بعضياتهم