عشقك إدماني

parte 159

غيثة خلاتها تما جالسة فوق كرسي كتفكر و دخلات هي مستشفى وتاجهات نحوهم وهو يبالها إلياس كمشي وكجي وكحاول ااضبطي اعصابو وتجهات نحوه ونطقات بنبرة ناعمة وخا محملاش تقول هاد الهضرة  : إلياس مديرش فبالك غتكون بيخير هي وولدك
طلع عينو فيها مخنزر ونطق بحدة : دوري تق * من قدامي
سرطات ريقها ومشات من حداه  تجهات بعيدة عليهم واقفة تما تنطقات نور لكانت حاضية بلان وبتاسمات وجمعات ابتسامة ونطقات :  اوا اغيثة قربي الغزالة لاش واقفة بعيد
غيثة تجهات عندها ونطقات : والو غاوقفت تما وصافي
نور حدها امألتلها براسها
تتمات جايا صوفيا ومحاديها عمر حيث يلاه تبرعات  الدم ليها وجلسات فكرسي كترجع طاقة وكتشرب فالحليب ومخنزرة فغيثة
بضع دقائق تخرجات طبيبة وهي كتهبط فكمامة توقف عندها إلياس  ونطق بعصبية  : انضرا وش نبقاو نتسناو هنا راه بربي تقوليلي ولدي مشا ولا مرتي وقعاتلها شيحاجة والله لا عقلت على جد بوكم
طبيبة نطقات بهدوء : تهدن اسيدي مكاين لاش الغوات والعصبية تهدن الله يخليك
إلياس كرز على سنيه بعصبية  ونطق بغدايد : هضري ولا نخلط مك هضري اشمن الهدوء ولا المرض
عمران وقف قدامو ونطق : إلياس دير عقلك تهدن
طبيبة شافت فيهم ونطقات بهدوء : مهم لبغيت نقول ليكم  على سلامتكم راه حمدالله موقعش الاجهاض
صوفيا شافت فعمر ونطقات بفرحة : حمدالله سمعتي اعمر ولد موقعلو والو حمدالله حمدتك ياربي وشكرتك
طبيبة قطعاتها بهدوء ونطقات  : احم ولكن راه خطر باقي كاين انعاود ونكررها  الخطر باقي كاين جنين باقي ماثابت فبلاصتو حيث ديك العشبة لشربات خطيرة على جنين كان غيوقع الاجهاض ولكن حمدالله درنا لعلينا وتدخلنا فوقت مناسب و سبحان الله الجنين كان متشبت في رحم مو غير هو هاذ الفترة لبقات على حملها تبقا ناعسة على ضهرها وممنوع انها توتر ولا تعصب حركة بسيطة تقدر تجهض لذلك عتنيو بيها وردو بالكم معاها وحمدالله على سلامتكم مرة اخرى
إلياس بتاسم ونطق : حمدالله وخا ندخل عندها
طبيبة : دبا غنقلوها لشومبر عادي عاد تقدرو دخلو عندها غير هو حاجة لغتعصبها من احسن تفادوها ودخلو واحد بواحد عندها
ومشات متخطياهم 
وجاو داخلين رحمة ومصطفى تاخبروهم باش واقع حمدو الله وشكروه
اما غيثة فورا ما سمعت الخبر انه موقعش الاجهاض خرجات من مستشفى  وتجهات عند رانيا وقفات عند راسها ونطقات بعصبية : فرحي ارانيا هاذيك العوجة موقعش لها الاجهاض
شافت فيها رانيا وقفات  ونطقات : بصح حمدالله موقعش يعني اغيثة مغاديش نتفضح
غيثة : هدشي لكهمك نتي
يلاه بغات ترد عليها رانيا
توقفات نور  عندهم بقاو هوما اكشوفو واكضورو بعينيهم وهي تنطق نور بسخرية : وانا نفهم بلي انتوما جوج راس الحربة دايرين خطة بيناتكم وانا كنقول رانيا ميمكنش طبق بوحدها قول وكان متعاونين اممم
رانيا سرطات ريقها ومجاوبتهاش
ونطقات غيثة : سمعي انور هدشي ماشي سوقك فيه اوك خليني محتارمك ولا ...
رانيا لقطعاتها ونطقات هي كتفرك بإيديها بتوتر: نور ياك بقا على وعدك
نور بتاسمات بإستهزاء ونطقات : شمن وعد ازين معقلاش امتى وعدتك انا
رانيا بدات كتشوف فيها بصدمة ونطقات وهي كتحاول تبقا هادئة : نور نور  ياك قلتيلي الا موقعش الاجهاض مغاديش تفضحيني شنو زعما مبقاش على قد كلمتك
نور ضحكات ونطقات بتلاعب : معقلتش امتى انا قلت انا هاد هدرة
تدخلات غيثة ونطقات بعصبية : نور نتي قلتيليها بلي الا موقعش الاجهاض مغتفضحيهاش شنو هاد تبرهيش لولا فيك زعما رانكي بعقلك ولا لا
نور شافت فيهم بجدية نطقات وكلامها موجه غيثة : نتي مهدرتكش دبا هدشي كبالك تبرهيش ولا شنو خليني ساكتة حسن ليك قبل مانجبد ضوسي ديالك
وشافت جهة رانيا ونطقات : عندك زهر  ارانيا حمدي الله وشكريه وسيري توبي على هاد الخصايل لكديري
رانيا بقات ساكتة وكتشوف وهي و  غيتة تنطقات نور : دبا غتمشو درݣو زلايفكم من هنا منشوفش خليقتكم قدامي ومرقاكمش كدورو قدام إسراء وإلياس سمعتو
رانيا عقدات حواجبها ونطقات : كفاش انور عاودي وش منيتك هذاك راه خويا وهاذيك مرات خويا
غيثة غمضات عينيها وحلاتهم بإنزعاج وبقات ساكتة ومتكلماتش وهي تنطق نور بسخرية: ههه يلاه بالك هذاك خوك ومرات خوك وملي كنتي بغا تقتلي ولدهم مكانوش كبانو لك ياك
رانيا بقات كتشوف بإنزعاج ونطقات : منيتك فين غنمشي بابا وماما وخويا كاينين هنا
نطقات بجدية وهي مربعة إيديها  : غدرݣي زلافتك وترجعي فين كنتي ورجعي سيري ديك امريكا ومنشوفش خليقتك وبعدي من سيدة راه قالها طبيب تبعد من الاعصاب اما الا شافت خليقتك غتمرض فراسها
رانيا هزات كتافها وهبطاتهم ونطقات بدون مبالاة  : وانا مالي تمرض ولا تدبر مخها
نطقات مغوتة : رانيا راه والله ومطبقي كلامي ياتغنمشي نفضحك سمعتي ولا لا
رانيا زفرات بإنزعاج ونطقات بصوت خافت : وخا وخا
غيثة : انا بعدا ماعندي فين نمشي واصلا اسراء راه بنت عمتي وخاصني نونسها ونعاونها ولا لا
تقربات منها نور وشافت فعينيها مخنزرة : سكتي سكتي نتي بالآخص اكبر اللفعة شفتها عمبالك مراداش ليك البال بلي كتحومي على إلياس
شهقت ونطقات  وهي كثلعتم بالهدرة : ك...ك.كك..كفااش كفااش  انا ݣاع مكنحوم على حد منيتك  عرفا شكاتقولي
نور رفعات احد حواجبها ونطقات بإستهزاء : اشش مالك مخلوعة ابوحدك هدشي قليل لعرفا اغيثة عرفتي هدشي يوصل خوك معتصم وقيلا غنحضرو جنازتك يااك
غيثة سرطات ريقها ونظرات خوف فعينيها وبقات ساكتة وكذلك رانيا كشوفو فيها  بالخوف
وهي تبعد ومشات جلسات فوق كرسي دايرة رجل  على رجل كتشوف فيهم بمكر وهوما خايفين منها تنطقات بهدوء : اوا ارانيا وغيثة غتجمعو قلوعكم ياك وغتمشو منهنا والا ممشيتوش راه باينة شغاندير يلاه ازوينات درݣو زلايفكم
رانيا نطقات : ولكن انا كفاش غنقنع بلي بغيت نمشي امريكا كغانديرلها
نور : عادي غتقوليلهم واحد مشروع كن درتو وطلبو حضوري ضروري
رانيا  سرطات ريقها ونطقات بهدوء : وخا وخا دبا غنمشي نقاد الاجراءات ونرجع فالليل باش نخبرهم بلي غنمشي
نور : مزيان يلاه سيري خليقتك متبانش قدام إسراء
مشات رانيا وبقات غيثة واقفة كتشوف تشافت فيها نور بعصبية  ونطقات مغوتة : وش غنباتو حنا هنايا ياك قتلك تق * كمارتك منشفوهاش وش  نبقا نعاود الهدرة يلاه
غيثة : وخا وخا هانا ماشيا
ومشات هي كذلك من قدامها وهي زفرات بإرتياح عاد جمعات الوقفة ودخلات لكلينيك ورقاتهم واقفين وتجهات عند مها ونطقات : انضرا ماما وش دخلتو عندها
ليلى نطقات بهدوء : إلياس معاها ابنتي باش الا فاقت من بنج اشرحلها الوضع باللتي احسن
نور حدها امألتلها براسها ووقفات حداها تنطقات إيمان : بنتي مشفتيش رانيا ملي غوت عليها خوها متلات بانت ليا
نور حركات راسها بالنفي ونطقات : لا اخالتي مشفتهاش وتاغيثة مشفتهاش يمكن مشاو شي بلاصة
إيمان : اه يمكن مسكينة بنتي ملي غوت عليها خوها مشات راه مدرتهاش بلعاني
نور نطقات في نفسها : كن تعرفي اخالتي بنتك ݣاع متقولي هكا وشافت فيها ونطقات : ااه فهمت
فالداخل جالس إلياس حداها وكدوز إيدو  على شعرها باللطف تحلات عينيها إسراء هو شافها فتحاتهم فرح وقبض إيديها بيدو وبقات شحال كتستوعب تفاقت مفزوعة ونطقات مغوتة وكتبكي بهستيرية ودموعها كهبطو بغزارة: ولدي صافي مات اإلياس صافي مات
إلياس  معرف باش تبلى وكحاول اهدأها ونطق هو كهدأها : صافي ولدنا موقعلو والو تهدني راه العصبية والتوتر ممزيانش لك تهدني
إسراء كتبكي ربي لخلقها ورك إلياس على زر باش يجو ممرضين والاطباء   وفالخارج شافو ممرضة موراها طبيبة جايين كجرو تخلعو وناضت صوفيا مفزوعة : اويلي عمر مالها كتبكي  إسراء بحال هاكا مالها
عمر : تهدني اصوفيا تهدني راه ضروري غيوقع هكا و دخلات ممرضة  لاشومبر وموراها طبيبة دݣاتلها مهدئ فسيرو عاد بدات قوتها كتلاشا تغمضات عينيها وإلياس معاها تستوئ راسها على لوسادة و طبيبة كتفحصها ونطقات : حمدالله موقع والو  دازت سالمة من الاحسن بعدو عليها الثوتر
إلياس : شنو مالها على هاد العصبية كاملة
طبيبة : ضروري اسيدي غاتعصب غير تصرف معاها باللتي احسن دبا راه عطيناها مهدئ تاتفيق وتحدث معاها بشويا وفاهمها وشرحليها حيث النفسية هي كلشي واي حاجة بغاتها جيبوها ليها خلال هاد فترة لبقات لها ديال الحمل بعدو عليها العصبية وتوتر واي حاجة غضرها وتبقا ناعسة على ضهرها ممنوع عليها الحركة وبالنسبة غدا غتخرج ولكن غدوها فسيارة الاسعاف حيث خاصها تبقا ناعسة على ضهرها حيث جنين متابتش بلاصتو يعني باقي الخطر مسيطر ونقولها اسيدي ونعاود
إلياس حدو امألها براسو ونطقات : ان شاء الله اكون الخير وشكرا
وخرجات طبيبة وبقات ممرضة كتقيس درجة حرارة وظغط وكتشوف دقات القلب وش هوما هادوك  تفحصاتها وخرجات هي كذلك ورجع إلياس جالس حداها وكدوز إيدو على شعرها باللطف