عشقك إدماني

Parte 94

جلسو فكراسا كتسناو نوبتهم توصل دار عندها إلياس رقاها ساهية وهو ينطق : وش كضرك شيحاجة اعمري
مجوباتوش تنطق إلياس : إسراء ، إسراء
إسراء دارت عندو : اه وش عيطيلي
إلياس : راه قتلك ياكما كضرك شيحاجة
إسراء : لا لا انا بيخير
إلياس : وخا فاش كنتي  ساهية
إسراء : صراحة معرفت وش كظن بلي غنكون أم مزيانة
إلياس : بالطبع غتكوني ام مزيانة انا تايق فيك مختريتك الا وانا عرفاك مسؤولة
إسراء بتاسمات لو ونطقات : صراحة انا خايفة
إلياس : مناش خايفة هاني معاك معندو ميوقع لك
إسراء : ماشي هكاك انا خايفة بنتي ولا ولدي اسولوني على ماما ولا على جدتي  ولا على بابا وجدي وغيبغو اشوفو عائلتي
ونزلات عينيها تحت ونطقات   لكن للأسف معنديش عائلة بحال كاع الناس
إلياس محملش بلان وهو يجبدها عندو عنقها وبعدات منو بعد ممسحات دموعها لولاو على سبة ونطق : حبيبتي راه معاك حنايا ونتي تبارك الله راه كتأمني بقضاء وقدر الله يعني مكتاب والديك اموتو اتوفاو ولكن ان شاء الله غتلقاي مع كاع فحبابك فجنة وحنا كذلك معاك ومتعرفي من هنا قدام شنو يوقع تقدري تلقاي معاهم صافي اعمري متبقايش تفكري بحالهاكا راه كلنا معاك راه كما قتلك انا راه انا راجلك وعتابرني باك وخوك همك همي اي حاجة ضراتك ضراتني سمعتي
إسراء : اه بصح كون مانتوما
إلياس : اشش دبا فكري غافولدنا راه ممزيانش حزن
إسراء بتاسمات لو : وخا
تاشويا عيطولهم دخلو عند طبيبة نسائية وجلسو مقابلين معاها
طبيبة : سلام مرحبا بيكم
إسراء  فقط بتاسمات ونطقات
طبيبة : تفضلي باش نفحصك
مشات معاها عند البياص وقفات  وإلياس وقف حداها ونطقات طبيبة
طبيبة : اه تكاي هنا
ساعدها إلياس تاتكات وطلعات تريكوه من فوق بطنها وطبيبة خوات عليها جيلي فوق كرشها ومراقبة تلفازة وإلياس وإسراء كشوفو فتلفازة تنطبقات طبيبة كتوريلهم في تلفازة مكان جنين  : شوفو هنايا راه هادا هو جنين
إسراء كتشوف جهة تلفازة وشافت جهة إلياس لعينيه كلمعو بالفرحة ومع هاد إحساس جديد لزارو ونطثات هي فرحانة  : ياي شحال صغيور شفتيه اإلياس وينو كيوت ههه
إلياس : اه شفتو اغزالي شفتو
إسراء : وش غيبقا هكا صغيور
طبيبة ضحكات ونطقات  : لا مغيبقاش قد هكا  راه باقي في طور النمو  الله يتبت حملك يارب
إسراء : امين يارب
إلياس : شحال عندها
طبيبة : عندها دبا اسبوعين
إسراء : اه وش يمكن نسمعو دقات قلبو
طبيبة : باقي تايوصل شهر ونص عاد غتقدرو تسمعو دقات قلبو
إلياس : اه وصحة جنين يكما كاين شي اعراض
طبيبة : نو على عموم صحة ديالو كتبان مزيان وغادي فنمو
من بعد عطات طبيبة كنينيكس لإسراء باش تمسح بطنها من جيلي وهو يشدو من عندها وبدا كمسح ليعا ومن بعد عونها تقاد لباسها وطبيبة غاحاضياهم عجبوها ليكوبل وكفاش كتصرف معاها
عاد من بعد جلسو فمكتب مقابلين معاها ونطقات
طبيبة : مهم هاد ايام حاولي متهزيش ثقل وردي بال حنلك حيت هاد اسابيع لول كتمون مرحلة حساسة ومن احسن تجنبي قلق
إلياس : بالطبع غتجنب قلق معندو ميقلقها، اه ممكن شي دواء اخفف عليها دوخة
طبيبة : اه وخا
كتبتلها دواء مناسب لها من بعد خرجو عندها ومدرعلها إلياس جيبها جنبو كيف كل مرة ونطق
إلياس : سمعتي داك تحنقيز وجري من هنا ومن هنا مكاينش وغتبقاي جالسة ودروج من احسن مطلعيلوش
إسراء شافت فيه بإستغراب ونطقات بإستهزاء : ايه كمل ونشد ركنة توكان دوز 9 اشهر على خاطرها ونساو كفاش نمشو و  منتحركوش حنا كاع
إلياس : لاحولا ولا قوة الا بالله العلي العظيم وبغينا لك امصلاحتك ومصلاحة ولدي
إسراء : وصافي فهمنا قالت غار منهزش ثقل ونبعد على قلق ماشي منتحرك كاع
إلياس : صافي هنينا مكتمركيش نتي
إسراء : هههه   هوما خرجو من كلينيك وفتحلها اللوطو وركبات وركب تاهو دمارا نيشان لفيلا تنطقات وهي كتشوف فيه : شحال ساعة اإلياس راه عندي حصة مع 10
إلياس : هذي 9 ونص
إسراء : اه صافي حدني نهز كتوبي
إلياس : وردي بال راسك وتاهدوك صحباتك غنوصيهم عليك
إسراء : ناري اإلياس متزيدش فيه
بعد دقائق وصلو فيلا عاد هزات ساكها فيه دفتارها وستيلوات وهو بقا كتسناها فاللوطو عاد ركبات داه ودمارا نيشان ريسطو افطرو فيه
هبط وكما العادة فتح لها باب هبطات وهو شاد بيديها وجلسو فبلاصة منغازلة شويا وختارو طلباتهم شنو ياكلو اما إسراء ختارات غاشيحاجة فيها الحلاوة ونطق : نتي راه غينوض فيك سكر حلاوة ممزياناش
إسراء : وراه بنتك و لا ولدك لمشهيه مالي انا لختاريتو راه هو او هي
إلياس : غار اعمري نقصي من حلاوة مرة هكا مرة حاجة اخرى ماشي ديما حلاوة
إسراء : اه وخا
غوصل كيكة لمشهياها طاحت فيها عمية وبدا كضحك على تصرفاتها من بعد مكملو فطورهم خرجو من ريسطو  وركبات وركب هو ودمارا نيشان  لجامعة
اما عند البنات وصلها عمر رقا ديجا ريتاج كتسناهوم هبطات من اللوطو من بعد مودعات عمر ومشات عند ريتاج
صوفيا : ريتاج امتا جيتي
ريتاج : قولي بعدا غاسلام امالكي اختي على حالتك
صوفيا : ههههه راه غار جاتني عجب نرقاوك كتسناينا
ريتاج : جيت قبيلا وصلاتني ختي وصافي وبقيت كنتسناكم حقا فين ديك لاخرا
صوفيا : هاديك وحدها منعرف شنو دارت البارح شدني فضول
ريتاج : تاأنا شدني.. بقات متبعة عينيها جهة اللوطو لنزل منها معتصم وجوهرة
صوفيا : انتي مالكي سكتي ياكما صرطي لسانك
تتلفتات فين كتشوف وهي تنطق : هايهاي قولي ساهية فزوجك مستقبلي
ضرباتها ريتاج ليدها ونطقات : شوهتينا انمي شوهتينا
تا تم جاي مع ختو توقف عندهم ونطقات جوهرة  جوهرة : سلام البنات بيخير
صوفيا وريتاج كشوفو بإستغراب لاش جاي معاها خوها ونطقات  ريتاج :  حمدالله ونتي بيخير
تاشويا وصلات اللوطو ديال إلياس
إسراء : يلاه بسلامة هانا مشيت
إلياس : فيناهوما صحاباتك مشفتهومش
إسراء : معرفتش
نزلات من اللوطو ونزل تاهو تاكيبان لو صوفيا وريتاج وقفين مع واحد بنت وراجل
إلياس نطق : هذو لاش وقفين تم
إسراء : هذيك جوهرة ديك بنت لقتليك تعرفت عليها ضريفة هذاك خوها يمكن معرفت شبغا
هو يشد من إيديها وماشي بيها تال عندهم شافهم ونطق
إلياس : نعام اخوا اشباغي
معتصم : اهلا اسي انا جيت هنا باش نوصيهم على ختي اردولها البال
إلياس : اوا ملي هكا تقدر تفضل تمشي هي غتكون بأمان مع مراتي وصحباتها
معتصم : يلاه خليت لكم راحة
ريتاج نطقات هامسة لصوفيا : انت مال هاد ولد خالتي مخلاني تنهدر معاه وفرصة جات بين إيديا صدق مجري عليه
صوفيا : صراحة. حمدالله لمشا كون شافني عمر كون قتلني بلا ميفهم
وهو ينطق إلياس ملي شافو مشا ودار عند بنات وباقي شاد فإيد إسراء : تحركو وش مغتمشوش تقراو
صوفيا : ايه انسيبنا نمشو
إلياس : نتي راه وليتي مرات راجل ردي بال تصرفاتك
صوفيا : راه كنا كنتسناو إسراء توقف علينا هو. جوهرة
جوهرة : مديرهاش منا قلة صواب اخويا راه غار بغا يوصيني وصافي
إلياس : مهم هاد  تصرف منبغيهش مرة اخرى
إسراء همسات لو : وإلياس وانت رانك خلعتيهم اصاحبي اويلي شدخلك فيهم 
إلياس : يلاه سيري تقراي وردي بال راسك  وهو ينطق موجه كلام. لصوفيا وريتاج : ردولها البال اوك
ريتاج : كون هاني اخويا
وهو يمشي ركب فاللوطو دمارا نيشان وجهة خدمتو  وخلاها مع بنات تانطقات جوهرة : وناري هاد راجلك اإسراء صدق صعيب كثر من خويا
صوفيا : ويلي حشمت قالي نتي مرات راجل بحالا دايرة ذنب
ريتاج : ويه مخلانا تنتعرفو على هاد خوك
إسراء : نتوما بعدو من راجلي غزا فيكم زيدو تقراو
دخلو اقراو متناكرين بيناتهم تنطقات
صوفيا : قوليلي كدوزتي الليلة البارح
ريتاج : اه عوديلي شدني فضول
إسراء غار تفكرات شنو وقع البارح تزنكات ونطقات : خصوصية خصوصية لاتقال بيني وبين راجلي
صوفيا : ياه على ماركة كدايرة
ريتاج : بناقص ياختي منك
إسراء :  امالي انا كندخل فيكم اوا هاك تموتو على تبركيك تريكة ناقصه
جوهرة : عرفتو قتلتوني بضحك غزيتي فيهم اإسراء