من بعد مكملو عشاء ناضت إسراء بغات تجمع روينة هو يوقفها
إلياس : سيري رتاحيلك انا غنجمع هتشي ونلحق عليك
إسراء : اخليك انا نجمعها
إلياس : كن تسمعي الهضرة الله يرضي عليك
إسراء : وخا
من بعد ملحق عليها رقاها لبسة كسيوة سماطي وصل حد فخضها ومقادة وجهها ودرعانها ممغطيهم والو
إلياس دخل كشوف فيها ومبلق عينو وكمرر نظرو على انحاء جسمو وساهي فيها تنطقات : إلياسو فين سهيتي
إلياس : سهيت لمطيرالي عقلي لخلتني طايح كثر من نايض
إسراء كتشوف فيه وخجل مسيطر عليها وكضحك بصوت خافت : هههههه
إلياس : كضحكي شغندير فيك انا دوي
إسراء سيطر عليها الخجل مقدراتش تجوبو ولا وجهها مزنك وبقا ماشي كقدم وهي كترجع اللور تقنطها مع الحيط هز َيدو كتحسس خدها لرطب وكاسياه حمورية بدافع الخجل وكشوف فعينيها لطيحوه نهار اللول فيهم ونطق : شدرتي فيا خلتيني عاشق ليك نهار على نهار كتزاد عشقي ليك وحبي ليك ابنت الناس
إسراء كتسمع لو كفاش كغازلها وخلا قلبها كضرب بسرعة واحساس فشكل ولا كزورها نهار تعرفت عليك وتزوجت بيه
قضاو ابطالنا الليلة بيناتهم ونعسو فحضن بعضيتهم
أصبحنا واصبح ملك لله
ناضت إسراء دوشات ولبسات بيجامة سخونة باش ميضربها البرد وهزات عبايتها صلات فجر وصبح لفاتوها وحيدات عبايتها وزيف عاد جلسات عند كوافوز وتقابلت مع المراية كتنشف شعرها ضرباتو الفيقة وكشوفها كفاش مدابزة مع شعرها
نطق إلياس : صباح الخير
إسراء دارت عندو ونطق بإبتسامة مزينة ثغرها : صباح الخير انعاس
ناض هو دوش عليه وتوضاء وصلى صلاتو عاد مشا عندها
إلياس : اري داك شعر نشفوليك شتك مدابزة معاه
إسراء : هاك ريحتيني عصبني ههههه
شد شعرها عندو وبقا كنشفولها حتا نشفو وجمعلها شعرها وخا خربقولها
إسراء : صافي اخليك انا نجمع شعري شوف كفاش خليت شعري مخربق
إلياس : ياك هذا هو دير خير ميطرا الباس
إسراء : ههههه لا غار شوف مكتعرفش تقاد ربطة شعر ههههه رونتيه لي
إلياس : وكان جمعيه
وخرج من بيت وخلاها هي كضحك ومشات جمعات شعرها وقداتو شفنجة وهبطات لتحت عندو رقاتو فكوزينة كوجد الفطور مشات درعاتلو من اللور
إلياس : أشكديري إسراء
إسراء : هههه وش ممنحقيش نعنق راجلي
إلياس : من حقك ألالة
بقات معاه كتشوفو كفاش كقاد فطور وكتفنن وهي عاجبها الحال كفاش عاملها وفرحتها مقادها حاد داك انسان لبغاتو حتا هو كبادلها شعور وعايشين حياتهم مزوجين ولكن وش غيبقاو ديما سمن على عسل
من بعد التفت لها رقاها ساهية فيه وكتفرنس جا عندها وبدا كشير إيدو جهة عينيها وهي عاد وعات على راسها ونطقات
إسراء : ااه إلياسو بغيتي شيحاجة
إلياس : فين سهيتي قولي
إسراء : ههههه سهيت فيك فيمن غنسها مثلا
إلياس : اه وليتي جريئة
إسراء : كنتعلم منك ههه
إلياس : مزيان رانك غادية مزيان فدروس
إسراء : : يلاه نفطرو راه مت بجوع
إلياس : زيدي هزي معايا راه وجد
هزات معاه طباسل وحطوه وبدات كتاكول بشهية : واو هتشي كشهي
إلياس : بصحتك وراحتك، يلاه نوضي لبسي عليك شيحاجة غنمشو الشاطئ جبهة
إسراء : واو بصح
ومشات كتنقز عندو عنقاتو ونطقات : ياي شحال تمنيت نمشي هاد بحر شكرا
إلياس : معندك لاش تشكري فيا اي حاجة بغيتها غير قوليها وتجي الى عندك
إسراء : يخليك ليا
إلياس : امين حتانتي، يلاه سيري وجدي راسك
مشات لبسات
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
