عشقك إدماني

Parte 4

دخلات بيت لكانت كتنعس فيه أم ديالها وبدأت كتهز حوايجها وكتشمهم وتبكي لفراقها
في يوم تالي لعينيها مغمضوش سمعات دقان فباب نزلت تشوف شكون كدق فتحات البا
تاكتشوف صحبتها وماماها جو عندها
صوفيا : سلام صحبتي كبقيتي
شافت فيها وجها صفر وعينيها منفوخين وتحتهم هالات سوداء
صوفيا : صحبتي دبها فراسك راه ماماك دبا فمكان حسن من هاد دنيا متخليش حزن ديالك اغلب عليك كوني قوية
رحمة : اه ابنتي كوني قوية راه هاد قدر الله
إسراء :( شافت فيهم بتعابير خالية من اي مشاعر) وهمهمات ليهم
رحمة : شوفي ابنتي إسراء خاصك تجي عدنا دار نتي بوحدك هنا عيشي معانا ماماك وصاتنا عليك انني ندير بين عينيها بحكم انها مسكينة كانت مريضة
إسراء : وخا تقولولي ماما باش كانت مريضة
رحمة : بنتي ماماك كانت مريضة بمرض سرطان رئة
إسراء : (شهقات وخرجات عينيها) كفاش علاش خبات عليا
رحمة : بنتي ماماك عندهل وصية وحدة قبل متموت انك تسكني معانا تشدي الباك ديالك دكساعا ديري لعجبك بحكم حمدالله عندك لاكارط لذاك نفذي وصية ماماك
إسراء : سمحولي ولكن راه مبغيت نتقل عليكم عفاك خليوني عليكم اصلا انا بغا نعول علي راسي وشكرا لكم بزااف عمري نسا خيركم
صوفيا : عفاك اصحبتي يلاه معانا وخاصك تكملي قرايتك
إسراء : عفاك اصوفيا متبزي عليا انا غنخرج من قرايا وغادي نخرج سوق شغل باش نشمر علي ذراعي ونجيب منوكل
رحمة وصوفيا شافو فيها فقيلة حيلة الله رحمة : الله يعاونك ابنتي معرفنا منديرو حيت كنا بغيناك تمشي معانا خيت غنسفرو بحكم راجلي عندو خدمة في مدينة اخرى
إسراء : بصح غتمشو الله يسر ليكم
وعنقات رحمة وسلمات عليها وعنقات صوفيا
إسراء : صوفيا عندك تنسايني الله يوفقك اختي
صوفيا : غنتوحشك بزااف كنت صراحة بغاك تنشي معايا ولكن مبغيتيش
غادرو مكان وقامت وسدات الباب وبقات شحال جالسة كتخمم وانها كتشوف انها مكتعرف دير والو ماماها هي لكانت مكلفة بكلشي باش تسعد بنتها
شحال بقات كتفكر ونطقات : ااه شحال هاد دنيا صعيبة
بعد مرور ايام لباقي إسراء كتقلب على خدمة ومرقاتهاش تنهدات بتعب
إسراء : اوف عييت معندي تاريال كفندير
شويا كتسمع دقان فدار
فتحات الباب تاكتصدم بوجود
مولات دار : اوا خلصي الكرا من صباح كنحانيوالا غنخرج بطريقتي
إسراء : عفاك اختي عطيني مهلة والله تانخلصك راه غير مرقيت خدمة لكن غنخلصك غير صبري عليها عفاك
مولات : اوا عندك 15 يوم تساهلت معاك منرقاش فلوسي غادي نخرجك منها مالك بغا تسكني فابور ولاشنو
إسراء : صافي تهنيتي
وبعدها سادت الباب عليها وتنهدات تنهيدة كدل علي تعبها وحزنها
في جهة اخرى
إلياس : صافي اماما غترجعي امريكا
إيمان : اه اولدي عندي طيارة دبا حدني نلحق عليها
إلياس : صراحة كون مكنت عندي خدمة وزائد غادة شادطريق باش نمشي البلاصة فين غنتعين فيها حاليا كون وصلت المحطة
إيمان : ماشي مشكل اولدي رد بال راسك
إلياس : وخا مانا سلمي على واليد وختي مفشة رانيا
إيمان : تهنيت اولدي ( وعنقاتو) رد بال صحيحتم اولدي متهلك راسك صافي
إلياس : وخا ماما تهنيتي