عشقك إدماني

parte 110

حاجة فاطمة مصدومة تعقد لسانها ونطقات ممتيقاش وكدور فراسها يمين وليسر  : لا لا لا  كفاش كفاش لا متقوليهاش لا
نزهة دموعها كهبطو غزارة من عينيها : لا ختي مغديرهاش لا مغتمشيش وتخلينا لا لا إسراء نتي رانك غلطة وش مكتعرفيش ماماك راه ختي مغاديش تخلا علينا  كفاش كتخبرينا هكا كفاش لا متقوليهاش
إسراء غار كتبكي ونطق حاج مهدي لعينيه هبطو بدموع :ميمكنش بنتي وتمشي تخلي باها باقي متصالحو وتسامحو لا كبدتي
إلياس : تهدنو راه الموت علينا الحق دعولها برحمة والغفران
حاجة فاطمة طاحت على ركبيها نطقات مغوتة بهستيرية وكضرب إيديها على صدرها : لا لا كبدتي لا بنتي عطوني نموت بلاصتها ومتموت هي واكبدتي وتحرمت منها سنين هذي ومشفتهاش وملي بغيت نشوفها ماتت لا لا ابنتي رجعوليا ابنتي نتي كتكدبي كفاش بنتي ماتت كانت وصحة وسلام لا كذوب كذوب وابنتي وابنتي
إسراء حطات إيديها على ودنها مقدراتش تسمع الغوات
وحاج مهدي ودنيه تصمكو وحاس بنغزات فقلبو ومزير على قلبو بيديه ونزهة مصدومة معرفات متقول وهبطات مستوى لإسراء وشدات إيديها على ودنها حيداتهم من ودنها ونطقات بصوت هاديئ كتحاول تغير حقيقة الأمر مأمكن  : نتي غكتكذبي ابنتي ميمكنش تموت  اختي عاد عرفت بلاصتها تموت لا وتخليني باقي مشبعت منها لا لا عفاك قولي هذا غا مقلب  عفاك ختي ميمكنش تمشي وتخلا علينا وحنا فأمس حاجة ليها ياك قولي غاكضحكي معانا ، ودارت ونطقات بصوت عالي وخادمات اكشوفو وكيبكو معاهم هاد لمشهد حزين ونطقات بصوت عالي ومغبن بالبكاء ودرجة عينيها ولاو كحرقوها بالبكاء  : خديجة اختي اخدوج ديال ختها اجي كذبيها قولي انا حية مامتش قوليلي اختي نتي حية   قولي بلي نتي عايشة ماشي عاد عرفت بلاصتك وتموتي وتخلينا اختي كذبيها ميمكنش اختي فينك اختي 
إسراء طلقات إيديها من إيد خالتها بجهد وناضت واقفة وخا حاسة بدوخة وإلياس ناض معاها ونطقات بصوت مغوت وعينيها كحرقوها حمرين بالبكاء  : وسكتوا براكة اااه ماما تخلات عليا ماتت كتعرفو شناهيا ماتت ماما باح مشات راه تحت تراب سمعتو راها تحت تراب ماما كانت هي وبابا ماتو والديا ماتو مشاو وسكتو نتوما معشتوش داكشي لعشت انا نتوما معرفتوش انني نجي فرحانة من الليسي ونرقا الناس مجموعين فدار وكقولولك بكل برود الله يرحمها ويوسع عليها وكضرب فصدرها ونطقات بصوت منكاسر نتوما معشتوش هتشي نتوما  مشفتوش تجو وترقاي والديك ميتين وكلشي كقول مسكينة ولات يتيمة باها مات ومها ماتت نتوما مشفتوش شنو داز عليا اه ماتت ماما ومات بابا معنديش والديا والديا تحت تراب مشاو من هاد دنيا وخلوني ليها
قطعاتها حاجة فاطمة ملي ناضت عندها ونطقات بصوت هستيري كتكذب شنو سمعات  : نتي  كذابة بنتي ماماتتش بنتي غتجي عندي سكتي براكا تبداي تفولي على ماماك بالموت حشوما هتشي  لا راه مماتتش
ناضت نزهة عندها وشداتها ونطقات : اجي اماما اجي جلسي
ودارت شافت حاج مهدي شاد قلبي مشات كتجري عندو من بعد مجلسات  حاجة فاطمة ونطقات : بابا مالك بابا وش قلبك كضرك بابا جوبني عفاك 
حاج مهدي حدو امأ براسو وهو شاد فقلبو  خصوصا هو مريض بالقلب ناضت من حداه كتجري هزات ساك في دواه عطاتولو شرب ماء ورا دواء عاد تنفس شويا اما إسراء اكتشوف تجلسات فوق سداري حداهم ونطقات بهدوء عكس قبيلا : شوفو انا راه مكنتش بغا نقوليكم بحال هكا ولكن مكان عندي تاخيار خاصكم تعرفوا
بلي ماما ماتت الله يرحمها ويوسع عليها
حاجة فاطمة نطقات هي وسخفانة : لا لا سيري كذبي على شيحد اخور انا بنتي مغتمشيش وتخلي ماماها بلا متودعها
إسراء ناضت عندها وجلسات حداه ونطقات بصوت حنين وهي شدا  إيديها : جدة انا عرفا هتشي لقلت قاصح بزااف هبطو عينيها بدموع ونطقات بصوت مغبن : وش انا كرهت تعيش ماما ولا يعيش بابا وش انا كرهت هتشي صدقيني راه بصح ماما ماتت هذي ربع سنين باش ماات وبابا مات هذي ست سنين وقوليلي وش انا كرهت ابقاو معايا ولكن لا إله إلا الله موت علينا حق كلشي غنموتو وغندفنو تحت تراب لعلينا نخدمو على الاخيرة باش نتجمعو مع أحبابنا فجنة
حاجة فاطمة فتحات لها إيديها وعنقاتها وإسراء كتبكي فحضنها وكذلك حاجة فاطمة كتبكي ونزهة دموعها غار كتساقطو والحاج مهدي كذلك  ونطقات حاجة فاطمة بصوت مكسور من بعد مفصلات عناق  : الله على كبدتي مشات فأيام شبابها مشات صغيرة الله على بنتي وشداز عليها الله احنينتي مشات وخلاتها الله ياربي الله مشات بنتي ومشات كبدتي لكان مصبرني غنشوفها
ناض عندها إلياس وباس فوق راسها وجلس حداها ونطق : حاجة مديريش هكا دعولها برحمة راه دموع كحرقو الميت دعولها برحمة والغفران معند بكاء ميفيد لعطالله عطاه والله بغاها وتوفات مديروش بحال هكا
حاج مهدي نطق : فين مدفونة بنتي
إسراء نطقات بهدوء : فكازا حدا قبر بابا
حاجة فاطمة : بغيت نترحم عليها ابنيتي وخا دينا ليه الله يرحمها فهاد نهار يوسع عليها وشافت فإسراء ونطقات : نتي لبقيتي ليا من بنتي كون مانتي منستحمل كاع موتها اجي عندي
عنقاتها إسراء ونطقات : حتانتوما لبقيتوليا من ماما وشافت فنزهة ونطقات : ونتي اخالتي كتفكريني افماما بحالها فوطوكوبي ديالها الله يرحمها
نزهة بصوت مغبن : توحشت ختي ومشات بدون منودعها ولا نشم ريحتها عشرين عام ومتفرقة علينا تارقيت بصيص امل ومشات وخلاتنا ختي حبيبتي مشات كغندير دبا نولفها ماتت كغندير
حاجة فاطمة : صافي انزهة غنحرقوها بدموعنا صافي شوفي بنت ختك كقوية ومتحملة الله يجازيك صافي ابنتي ترحمي عليها معندنا منديرو هاذي هي دنيا كلنا ماشيين
نزهة ببكاء : ماما مقدراش اماما مقدرتش راه ختي هذيك ختي مشات وخلاتنا مقدراش نتيق بلي مشات وغادرتنا
حاجة فاطمة : صافي سكتي انزهة سكتي الا كانت ختك انا راه بنتي وكبدتي وش بغتيني نتبعها ولا شنو صافي قتليك صافي
نزهة مسحات دموعها ونطقات : لا اماما الا مشيتو نتوما انا غنتبعكم ميمكنش 
إسراء تغير اللون وجهها رجع صفر  وحسا بالمعص فكرشها شادها  الوجع وسخفة وحدها همسات بالالم : اي اي كرشي اوف  ولدي عفاك تحمل اوف
طلع عينيها فيها إلياس مخلوع كفاش شادة كرشها وجا حداها ونطق مخلوع : إسراء إسراء شوف فيا مالكي اشواقع
إسراء بغوات : اي ولدي كانحس بيه نازل عتق ولدي مبغيتوش اضيع اإلياس ولدي
وهي تسخف بين إيديه إلياس معرف باش تبلى بقا كضرب فوجهها ونطق  بغوات : فيقي إإسراء مديريش بحالهاكا فيقي اعمري نتي قوية فيقي يلاه
شافت فيها نزهة وحاجة فاطمة وحاج مهدي مخلوعين ونطقات حاجة فاطمة واقفة مخلوعة : ولدي جري بيها لسبيطار اولدي جري  الولد راه كضيع
نزهة : دم دم جري هزها سربي قبل ماضيع منا سربي
حاج مهدي جالس وحط إيديه على راسو وكشوف هاد مصايب لنزلو
هزها إلياس بين إيدو مشا كجري تبعاتو حاجة فاطمة اما نزهة وحاج خبرهم غار ايبقا فدار حطها اللور وحاجة القدام وهو كسيري نيشان لكلينيك وكدوز اتصالاتو باش يوجدو البياص وماشي بسرعة همو غار انقذ مرتو و ولدو وكمسح على وجهو بعصبية مخنزر وحاجة كتكالمي فيه نطقات : كلشي غيكون بيخير اولدي
إلياس مجوبها فور موصلو جاو اطباء بالبياص كجرو هزها بين إيديه وحطها فوق البياص دخلوها كجرو إلياس تابعهم  وشاد فإيديها ونطق : عمري ستحملي على قبلنا نتي ولدنا ستحملي غتكوني بيخير وتبعاهم  الحاجة دخلوها نيشان  لبلوك منعوهم ادخلو معها وهو ينطق بحدة لطبيبة  : شنو واقع لمرتي
طبيبة : الولد اقدر اضيع ولا ام
إلياس نطق معصب ومخنزر وحاجة كتربت على كتفو اتهدن نطق مغوت  : تحركي من قدامي نقذيهم سمعتي بجوج
مشات من حداه كتجري فوتو نص ساعة  وإلياس غكمشي وكجي معصب من الوضع والحاجة جالسة فوق كرسي سخفانة تاجاتها ممرضة من بعد معيطلها إلياس تعبرلها سكر رقاتو عندها طايح وصونا للأحد لكارد اجبولها شي حلاوة طلع بيها سكر حيث رفضات تنعس فسبيطار جاو لكارد كجرو جابو داكشي للأمرهم بيه  إلياس وجلس حداها  ونطق  من بعد مدلها ساشية فيها ماكلة : الحاجة هاكي كولي هتشي ردي بال صحتك تانتي
حاجة فاطمة بصوت باكي  : الله على بنتي ماتت ودبا فحفيدتي فسبيطارات الله على حفيدتي الله يحفظها ياربي هي ولدها ياربي شوف من حالها ياربي
إلياس : غتكون بيخير كولي هتشي على قبلها وكوني قوية على قبلها راه داكشي لداز عليها مساهلش