عشقك إدماني

parte 118

حاجة فاطمة : صراحة ابنيتي مكرهنا تورينا قبر بنتي الله يرحمها نشوف فين دفنات بنتي ونزور قبرها
إسراء : ايه اجدة كما قتلك ماما راه ماتت فكازا
نطقات حاجة فاطمة دمعو عينيها : انا مشفتش بنتي سنين هادي وبغيت نمشي نزورها فقبرها وخا ابنيتي
ناضت إسراء وجلسات حداها ونطقات : صافي اجدة متبكيش هانا غنمشو نديوك تزوري قبر ماما صافي مسحي دموعك اجدة دعي لها برحمة والغفران
حاج مهدي : صافي فاطمة رانك اتحرقيها بدموعك دعي معاها برحمة كما قتلك حفيدتي
حاجة فاطمة مسحات دموعها ب طرف شالها وهزات كفوفها لفوق  كتدعي الله  : الله يرحمها ياربي ويوسع ليها
نزهة : امين يارب الله يرحمها ويغفر لها ويجعلها من اهل الجنه يارب
إسراء : امين يارب
إلياس : صافي سيري إسراء بدلي لباسك باش نمشو كازا
إسراء : وخا ، ومنها ملي نزورو قبر ماما نمشو نزورو مي رحمة وبا مصطفى توحشتهم
حاج مهدي : شكون هادو ابنتي
إسراء : عرفتو ديك البنت لجات عندي سبيطار
نزهة : ايه عقلت  سميتها صوفيا  ايه وجا معاها راجلها
حاجة فاطمة : ايه ديك بنيتة شحال ديكنهار كانت مخلوعة عليك الله يسعدها يارب 
إسراء : ايه هي هادي هادوك لذكرت راه باها ومها وهوما لعتانو بيا مورا مماتو والديا
حاجة فاطمة : الله يكثر خيرهم ويجازيهم قلالو الناس بحالهاكا
إسراء : هانا انخليكم منها نيت نتاصل بصوفيا باش حتاهيا تمشي معانا
حاج مهدي : وخا ابنتي سيري الله يرضي عليك
خلاتهم هوما تحت كهدرو وطلعات فوق جلسات فوق ناموسية   وشدات فإيدها تيلي و دوزات للإتصال بقا شحال كصوني تجوبات صوفيا : ألو إسراء اشباغا
إسراء : شوفي هزي شيحاجة خفيفة وخبري عمر ولحقو علينا كازا
صوفيا نطقات مستغربة : كفاش كازا مفهمتش سيري ابنتي نعسي سيري وقيلا كتحلمي
إسراء : واسمعيني ياتا راه  جاو عندي عائلة ماما
صوفيا قطعاتها  : ايه وشجاب كازا لهضرة
إسراء تنهدات ونطقات : راه غنتفك اصوفيا خليني نكمل ونتي كطيري من مقلة
صوفيا : وخا يلاه هدري وكان نفهمو
إسراء : ملي جاو عندي عائلتي من ماما قالو بغاو ازورو قبر ماما الله يرحمها وصافي قتلهم مزيانة ومنها نيت ندوزو على مي رحمة وبا مصطفى توحشتهم فهمتيني دبا
صوفيا : اااه فهمت فهمت شوفي متمشو تبلاصة دغيا دغيا  غنجي باش نتبعوكم وتوحشت والديا غبرت عليهم شهرين توحشتهم بزااف 
إسراء : وهي لا زربتي مزيانة نيت باش ايجيب راجلك اللوطو باش اركب معاكم شيواحد من عائلتي حيت راه ماغايقدهمش اللوطو ديال إلياس
صوفيا : وصافي قطعي هانا ربع ساعة ولا عشرين دقيقة نكون عندك غاصبرو شويا
إسراء : عشرين دقيقة بزااف ربع ساعة كوني هنا
صوفيا : فهمنا صافي قطعي
وقطعات معاها إسراء مشات هزات سكادو متوسط درت فيه لغتحتاج  وتجهات دريسينغ هزات منو بيجامة لغتلبس  ولباس نعاس حتاهو وكذلك واحد كسوة طويلة بالبيج بليدين دياولها باش تلبسها ملي تكون راجعا وهزات كويرة بالكحل  لا يصدق اكون بارد الحال  حيث غيباتو فكازا عاد مشات تختار شنو تلبس و لبسات عليها سروال بوي فراند مع قوبية بيضة واسعة ومستيلية فيها كتابة بالكحل فالوسط وسرحات شعرها ببلاك و دارتلو ضفرة سنبولة وقصيصة هابطة على عينيها   من كلا جانبين وكتافات بليكخون ديال شمس ومرطب شفاه وهزات شال دارتو فسكادو هو وعباية ديال صلاة ولبسات سبرديلة بيضة وهزات ساك فالكحل دارت فيها مسائلها لتحتاج  عاد هبطات عندهم رقاتهم جالسين شادين جماعة تنطق إلياس
إلياس : عمري مشينا
وئام واية بقاو اكشوفو وهمسات وئام ل أية : ياختي شفتي كفاش عيطلها واو حبيتهم
أية : واسكتي اصحبتي سكتي
إسراء نطقات : وخا صبر اتجي هنايا صوفيا  باش حتاهي غتمشي معانا
إلياس : اه وخا صوني لها قولها متعطل باش نوصلو قبل ميضلام الحال
إسراء : وخا هانا انعيطلها
ومشات بعدات بقات كتاصل بصوفيا تجوباتها
صوفيا : الو نعام
إسراء : وسربي اصحبتي
صوفيا : وخا هاني دبا غنخرج من دار نيت عمر كتسناني فاللوطو واحد 10 دقايق نكونوا عندكم
إسراء : وخا هانا كنتسناوكم
قطعات معاها وتجهات عندهم ونطقات
اسراء: هاهوما دبا واحد 10 دقايق اكونو هنا
إلياس : وخا
بقاو جالسين كتسناوهم وإلياس كهدر  مع حاج مهدي كهدرو فسياسة فالكورة والخدمة وإسراء كتهدر مع وئام وأية زحاجة فاطمة ونزهة وكجمعو ويهدرو  تنطق حاج مهدي بينو بين إلياس هوما جالسين حدا بعضياتهم كجمعو  : اوا فاش خدام اولدي
إلياس بتاسم ونطق : خدام عاميد شرطة الحاج
حاج مهدي نصق مشاء الله الله يسر  ليك اولدي تهلا فحفيدتي راه بقات عندي عوينة وحدة من بنيتي الله يرحمها
إلياس : متحتاج تقول هاكا الحاج راه إسراء راه فوق راسي لبغاتها غار تحل عليها فمها وكلشي اجي الا عندها راها عمري هاديك وحياتي
حاج مهدي بتاسم وكشوف فعينو وفكلامو صدق لحبو لحفيدتو وبتاسم برضى ونطق : الله يرضي عليك اولدي الله يفرشكم برضى ويغطيكم برضى ويخليكم لبعضياتكم
إلياس : امين يارب غبرضى الوالدين ماشيين
حاج مهدي : داكشي لكاين
تاشويا سمعو حس اللوطو جات كانت اللوطو ديال عمر حدو بلاصا  اللوطو وهي تفتح صوفيا ماشيا دخلا  كتجري جيهتهم ونطق عمر : وبشوية عليك
وهو يهبط موراها اما عند صوفيا دخلات عندهم لكانت لابسة ليها قميجة كحلا وسروال دجين اللونو فاتح وواسع شويا وفإيظيها تجاكيطا كحلة وشعرها جمعاه كوب شوفال وجات عندهم سلمات عليهم ونطقات : سمحولي على تعطال
حاجة فاطمة : اهلا ابنيتي نتي لتلقيناك ديكنهار فسبيطار ياك
صوفيا : ايه احاجة انا هي ونتي لباس عليك بيخير
حاجة فاطمة : بيخير ابنيتي اسول فيك الخير
صوفيا : وانت حاج صحيحة  بيخير
حاج مهدي:  بيخير ابنتي ونتي
صوفيا : حمدالله بيخير خالتي نزهة كدايرة بيخير
نزهة : اهلا اصوفيا حمدالله بيخير
ملي سلات سلام معاهم تجهات عند البنات و
إسراء كتشوف فيها مستغربة ونطقات  : صوفيا صواب فجأة
صوفيا : سكتي شتيني بحالك راني مصوابة اختشي
إسراء : اوا اجي نعرفك على بنات خالتي
جات عندهم اما حاجة مهدي ونزهة وحاجة فاطمة كتسالمو مع عمر وكهدرو
إسراء  شارت بإيدها جهتهم : هذي أية لكبيرة و هذي وئام  ووجهات كلامها لوئام وأية وهذي لكتشوفوها قدامهم راها صحبتي جنية صوفيا
صوفيا : لاش اختي جنية مدوهاش فيها راه هي جنون براسهم اما انا اواحد درويشة
أية : هههههه متشرفين امدام صوفيا انا أية دعي معايا بنجاح
وئام وجهات كلامها ل أية : نتي غار لهدرتي معاها دعي معايا بنجاح
أية : كقولو 40 دعوة مستجابة
وئام : اوا معرفت منقول
صوفيا : متشرفين اأنيسة أية الله يوفقك فاش كتقراي بعدا
أية : فالباك اختي فالباك
صوفيا : وصافي لوحلتي فيه جي عندنا وغنشرحولك انا وهاد بنت خالتك واحد صحبتي  سميتها ريتاج راه بغينا نجوزوها لخوك باش متبقاش بايرة
إسراء : بدينا اصوفيا بدينا راه غتنحرك ريتاج
وئام : وات شمن خويا غتزوج بيه
إسراء : امديهاش فيها أوئام راه غاحمقة هادي
صوفيا : متشرفين برنسيس وئام كتباني صغيورة
وئام : نتي قولي صغيورة ولاخرة تقولي فنيكيشة راني كبيرة راه كنقرا فسنكيام
إسراء : وبقا فنكيشة ههههه
وئام عوجات فمها جنب وإسراء كضحك
أية : هضري اصوفيا إنا خويا غتجوه بريتاج
صوفيا : علاه انا كنعرف خوتك مهم تشاورنا مع ماماك
إسراء : صوفيا وقيلا كتقلبي على شي نتفة من ريتاج ههههههه
صوفيا : ويه ههههههه
وئام : عرفتو رتاحيتلكم بزااف
أية : حتا انا رتاحيتلكم عمبالي غتكونو متكبرات ومغدوهاش فينا
صوفيا : حتا انا رتاحيلكم نضمو معانا العصابة
إسراء : اينا عصابة هادي
صوفيا : مهم تشرفت بمعرفتكم
أية : تأنا تشرفت بمعرفتك
وئام : حتا انا نكونو صحابات
إسراء وصوفيا : بالطبع
إسراء بتاسمات ونطقات ومدعين عينيها  : بصراحة انا فرحانة ومحظوظة  وليت بعائلة على اقل الا ولدت غيعرفو ولادي عائلتي
أية :اجي عندي اختي تأنا فرحانة بزااف عندي بنت خالتي بحالك 
وعنقاتها أية عندها وفصلات عناق وجات وئام مسحات لها دموعها ونطقات : ولا اختي مجيناش باش نبكوك بالعكس خاصك تفرحي
صوفيا كتشوف فيهم ونطقات : كيما قتلك وئام راه مجاوش باش يبكوك مالك وليتي درامية هكا
إسراء مسحات دموعها ونطقات : مع الهرمونات اصحبتي
صوفيا نطقات ملي شافت أية وئام عنقوها : راه انبدا نغير راه هاديك صحبتي بوحدي
فصلات إسراء ونطقات : اجي اصوفيا الحمقة اجي
عنقاتها صوفيا وفصلات عناق ونطقات إسراء : هادي لكتشوفو قدامكم ماشي غاصحبتي راه ختي لمولداتهاش لي ماما من  وحنا صغار وحنا صحابات وكثر كاع وزائد عطاتني عائلة ملي بقات لي غازنقة ملي ماتو والديا
صوفيا دمعو عينيها ودغيا خفاتهم ونطقات : ههههه صافي اإسراء متبقايش تهدري بحال هاكا راه مكنعرف منقول
أية : صراحة صعيبة اموتو والدين انا مقدراش نتخيل
إسراء كتشمر فنيفها كتحاول تحبس البكية ونطقات بصوت مغبن  : اااه انا ماتو قدامي 
وئام : اشش اإسراء راه مجيناش نبكوك عفاك صافي راه دموع كحرقوهم
أية : اااه  صافي اإسراء عفاك راه ماما ملي جات ديكنهار وهي كتبكي هي وجدة كل الليلة والنهار وكبكو على ماما بسيف باش تقبلو الامر
صوفيا بغات تغير جو ونطقات : احم باباكم كاين ياك
إسراء دارت فيها ديك نضرة ديال  اشهاد أسئلة
وئام : اااه بابا خدام في العسكر داكشي علاش مجاش معانا يعني كجينا مرة مرة
إسراء : الله يعاونو ويسر لو
أية : امين يارب
تنطق إلياس من بعد مركب كلشي فاللوطو بقاو هوما مجمعين : وش حنا غنباتو هنا زيدو يلاه من صبح نعيطولكم
إسراء : ااه وخا هانا جايين
ومشات صوفيا ركبات مع عمر واللور ركبو بنات نزهة في اللوطو ديال عمر
اما عند اللوطو إلياس كان حاج مهدي وحاجة فاطمة ونزة ركبو اللور وركبات إسراء قدام ودمارا إلياس هو اللول وإسراء كتجمع معاهم  عاد موراهم اللوطو ديال عمر لشاديبن وئام وأية  جماعا مع صوفيا