عشقك إدماني

parte 132

معتصم لدخل غرفتو وتكا فبلاصتو وإيدو لشاد  فيها تيلي كشوف وش سيفطاتلو مساج ولا لا بقا شحال كتسنا شي مساج منها ملي مرقا والو  وتعصب وهو يطفي تيلي وحاول ينعس
نهار جديد
اصبحنا واصبح الملك لله
كما العادة إلياس فاق بكري  دوش عليه وخرج لبس سروال دجين ونص كوم فزرق غامق وتجاكيطا كحلة وصلى صلاتو عاد قاد ساعتو فإيدو ولبس سبرديلة بيضة وفتح ريدوات باش يدخل شعاع ويتهوى البيت ونطق هو واقف عند راس إسراء
إلياس : يلاه اعمري فيقي راه عندك قراية يلاه
إسراء لا رد خصوصا مع فترة الحمل ولات نعاسة  وبقا شحال كفيقها عاد فاقت وهو هبط تحت اما هي ناضت دوشات عليها بالخف ومشات جهة دريسينغ لبسات عليها سروال دجين وقميجة بالرمادي  وهزات عبايتها صلات بيها عاد حيداتها ولبسات من فوق تجاكيطة كحلة على البرد وسبرديلة كحلة ونشفات شعرها وسرحاتو حدها بوكلاتو من تحت  وهزات شكارتها كحلة دارت فيهم كتوبها و عاد هبطات تحت رقاتو كما العادة كجغم من قهوتو وشاد فإيديه جورنال كقرا طلع عينو وشافها هبطات وجات جلسات حداه وخادمات كوجدو الفطور  و  بداو كفطرو بجو مرح وإلياس كبزز عليها تفطر عاد خرجو من فيلا وهو مدرعلها في جنبو كما العادة وركبو فاللوطو ودمارا نيشان لجامعة  من بعد موصاها عاد مشا نيشان خدمتو ورقات ديجا صوفيا وريتاج واقفين ديما كجو بكري ونطقات
إسراء : هاي سبحان الله ديما كنرقاكم نتوما لولين اقولولي معاش كتخرجو نتوما
ريتاج : انا بعدا كنخرج بكري مع بابا ملي كيكون ماشي شركة ديالو كوصلني معاه
صوفيا : اوا ختي نتي لنعاسة حنا كنوضو بكري
إسراء : وراه مكنتش بحالهاكا البنات راه غار كنحس بالعيا وصافي
صوفيا : وغاضاحكين معاك ههههه راه عارفين هرمونات  متشوقة نشوف هاد ولدكم كفاش غيكون
إسراء: ان شاء الله ان شاء الله غيولي بحال باه ، مهم اريتاج يكما سيفطيلو مساج
ريتاج : لا لا مسيفطلو والو خليه هو بغاني اسيفطلي هو انا  منلوحش راسي عليه
إسراء ضربات كتفها ضربات خفيفة ونطقات : هكاك نبغيك ارضا
تاتمات جايا جوهرة هي وخوها معتصم ونطقات
جوهرة : سلام البنات باقي الوقت جينا بكري هههه
صوفيا : ويه باقي الحال
معتصم : سلام عليكم
إسراء: عليكم بالسلام
معتصم شاف جهة ريتاج بقا كطلعها بعينيه ويهبطها وهي متجاهلا نظراتو تنطق : ريتاج واحد دقيقة نهضر معاك
إسراء وصوفيا وجوهرة اكشوفو همسات جوهرة لإسراء : تاباليا خويا تزعط فريتاج هههههه
إسراء همسات لها كذلك : واه داكشي كنشوف
ونطقات ريتاج ملي سمعاتو عيط لها بسميتها طلعات عينيها فيه ونطقات : ااه وش انا
معتصم : وشكون من غيرك علاش كاينا شيواحدة هنا سميتها ريتاج !!
ريتاج دارت جهة إسراء تاأماتلها بعينيها غتمشي
ودارت عندو ونطقات : وخا
مشا هو جهة فين كاينا اللوطو ديالو وهي تبعاه ومرة مرة تشوف فالبنات توقف هو مسند ضهرو على اللوطو ومربع إيديه وكشوف فيها وهي لي  واقفا قبالتو مقادرا تاطلع عينيها فيه وكتسرط فريقها  و كتفرك فإيديها تنطقات : نعام فاش باغي تهضر معايا
معتصم نطق : طلعي عينك فيا ملي نكون باغي نهدر معاه
ريتاج طلعات عينيها فيه هو لعينيه مهبطوش عليها وشدها توتر كثر وكتحاول تبعد عينيها عليه ونطقات : هدر ولا خليني نمشي 
معتصم : البارح تسنيتك تسيفطيلي مساج
ريتاج كتهرب عينيها عليه ونطقات متوترة : ااه مافهمت اشمن مساج كتقصد
معتصم : اه و تهدني مالك متوترة وكترعدي غابوحدك
ريتاج تنهدات وربعات إيديها عندها حولات تحكم في توترها ونطقات : شوف الله يخليك ملي معندك ماتقول خليني نمشي
معتصم : راه رقمي عندك وقلتلك بيناتنا تواصل علاش مباصيتيش مساج شنو كتحاولي  ديري
ريتاج : اااه اشمن رقم هذا شكتخربق عليا ماعندي تارقمك باش نسيفطلك مساج
معتصم مسايرها عرفها كتبغي دير فيها الغباء باش متفرش قدامو ونطق : وايلي مكنتش عارف أري  لهنا  تلفونك نوريك فيناهو رقمي
ريتاج كتحاول تبت راسها وبقات حاضياه شكيحاول ادير
توقف معتصم قدامها نيشان وقريب ليها  ومع طويل عليها ميل راسو جهتها وهي يلاه بغات تبعد تجرها من درعها وتزدحات مع صدرو شادها حاكمها  من خصرها وهي كدفعو بيديها  وإيدو تانية كتساير فوجهها ونطقات وهي كترتا فإيديه وكتحاول تحيد إيديه من خصرها  : و بعد ازمر بعد حيد عليا إيديك وابعد انمي بعد تفو بناقص بعد وش انت مريض بعد راه غنغوت بعد عليا إيدك
معتصم حط إيدو على شفايفها ونطق  وهو كتفحصها بعينيه : اشش مالنا على هاد غوات كامل
اما هي طلعات مع سخونية وكتحاول تبعد قبضة إيدو عليها
اما  عند البنات لحاضيين مشهد وإسراء طرطقات عينيها ونطقات : اويلي اميمتي ابلاتي على مك اريتاج كانت  غادة عندهم تشداتها صوفيا ونطقات : وبلاتي ازمر ومتحكميش راه هو لجبدها عندو
إسراء : اميمتي الا تليت خليتها مشات معاه منتسماش إسراء مزيان تبارك الله مالو عاقد عليها باش يشدها بحالهاكا
جوهرة طرطقات عينيها ونطقات مصدومة : وش هذا معتصم خويا ياك هو ياك البنات قولولي وش هو
إسراء مجننة وحدها وصوفيا حاكمها من إيدها ونطقات : هذا هو خوك مأدب اجوهرة اويلي على صحبتي اخير يامها
إسراء : اربي طلقي مني اصوفيا نمشي نوريه اقيس صحبتي مزيان تبارك الله مالو متزوج بيها باش يقيسها ها طلقي اصوفيا
اما عندهم كدفع  ريتاج بجهد باش يبعد عليها  وهو واقف كالصخرة عيات مدفع ونطق : اري البطلة ازوينة تلفونك وغنبعد باش ملي نقول شي هضرة طبق
ريتاج مخنزرة فيها ولا وجهها حمرة بالاعصاب ونطقات : وطلق مني باش نعطيك تلفوني طلق
طلق منها معتصم وهي رجعات اللور مخنزرة وجبدات تيلي من ساكها مداتولو ونطقات : انت ݣاع ربح بيه حيوان تفو
معتصم مطلع فيها حاجبو ونطق بحدة : ݣادي هدرتك ولا ميعجبكش الحال معايا
ريتاج كتنهج بالعصاب لطلعولها ونطقات مغوتة : ماشي سوقك شكون انت في ملك الله تقولي قادي كلامك معايا بعد عليا وارى تلفوني هنا انا هبيلة جايا عطياك وقت ومن لول كان عليا نرسم حدود باش نعلمك طاول عليا
معتصم نطق بحدة  وهو كارز على يديه : معندك مترسمي الحدود بيناتنا حيث نتي من دبا ديالي درتك فبالي ومعتصم ملي كدير شيحاجة فراسو كتنفد
ريتاج ضربات رجليها بغضب ونطقات بعصبية : كفاش اانا مديال حد بعد من طريقي قالك ديالك سير شوفليك شيواحدة وبعد من طريقي
معتصم بتاسم بجانبية وهو يحكم خصلة من شعرها وهي كتبعد وجهها  ونطق : لا نتي لكاينا دبا معششة فدماغي يعني شيحاجة لكتعشش فدماغي كتكون ديالي ودخليها دماغك مزيان هذا لقدامك مكيعاودش الهضرة
ريتاج كتشوف فيه وهي تنطق مادا إيدها : عطيني تلفوني وخليني نمشي
معتصم شد تيلي وقيد نمرتها عندو ملي مبغاتش تسيفط هي مساج هو لغيسيفطولها ونطق هو مادولها : بيناتنا تواصل ملي مبغاش تسيفطي مساج من بداية قوليهالي نبدلو طريقة 
وشدات من عندو تلفونها بجهد ومشات بعصبية جهة البنات اما هو ركب فاللوطو ديالو ودمارا نيشان لخدمتو
وهي لجايا معصبة وقرودة لكلعبو فوق راسها نطقات
إسراء مغوتة عليها : علاش خليتيه اقيسك واجبدك عندو ها وش نتي حمقة مالو عاقد عليك باش يتقرب منك
ريتاج : صافي عفاك اإسراء لفيا كافيني عصبني حمار اللخور ، جوهرة هذا هو خوك لكتقولي ضريف ومنعرف اش راه سايكو هذا راه مريض فمخو
جوهرة : ولا اصحبتي متعيبيش خويا راه هو هكا صعيب ولكن انا راه مزال مصدومة فيه ومشكلة منقدرش نسولو راه غيقتلني راه مزعمتش عليه بيناتنا غكيوصلني ولا الى وصاني نقرى صافي
ريتاج رجعات شعرها اللور لكان طايح على وجهها ونطقات وهي كتنهج بالاعصاب : خوك  عصبني مريض فمخو كهدد فيا وكقولي معششة فدماغو
صوفيا : وصافي درتو شوهة نقصو صوت شويا
ونطقات تاني : ، وايلي قالك معششة فدماغو  شوفي الاجابيات راه بالي عتارف بحبو بطريقة غير  مباشرة
ريتاج خنزرات فيها ونطقات : يمشي يتݣعد
جوهرة : وصافي اريتاج راه دبا توالو تسطاو على بعضياتكم راه خويا غريب الاطوار وعصبي ولكن حنين ويعاملك مزيان انا متشوقة نحضر لعرسكم
إسراء: صراحة ملي قالك نتي معششة فدماغو راه اعتراف غير مباشر راه غير الا مابغيتيش تفهميها اريتاج
وشافت فيهم ريتاج ودخلات سابقاهم معصبة وعقلها كفكر بأنه اناني وحݣرها  واما البنات دخلو موراها وشاديبن فيها كضحكو