عشقك إدماني

parte 123

إسراء شافت فيه ونطقات : وخا بقا على خاطرك وكان
إلياس متلا رد عليها
وهي بقات كتاكول فسقاطة وكوفتير خلاتو تامنبعد
تاشويا ناضت صوفيا وإسراء وئام وأية تجمعو جمعو دوك ماعين داوهم كوزينة وشدات صوفيا شطابة كتشطب دار واما إسراء دخلات كوزينة بغات تغسل ماعيين تجات رحمة ونزهة ونطقات
رحمة : اخليك ابنتي اسيري رتاحيلك
إسراء : لا اخليني امي رحمة انغسلهم دغيا
رحمة : قتلك سيري ابنتي سيري انا راه قدا بهمي
إسراء : وخا لباليكم
وخرجات من كوزينة خلاتهم اقادو كسكسو وجلسات فصالون وجلسات حداها وئام وأية اما إلياس وعمر وحاج مهدي فديك جيه كجمعو
نطقات وئام : صراحة زوين هنايا
أية : واه مكرهت ندور فهاد الحي
إسراء : صراحة كن ماهداك إلياس كن مشينا دبا درنا وشبعنا دوران ولكن شغندير
أية: واه وديك صوفيا زعما دورنا
نضمات لهم صوفيا ونطقات : بحلا سمعت سميتي شقلتو عليا
وئام : قتلك وش دورينا فحيكم
صوفيا : منيتكم
أية نطقات بحزن : حتا نتي ميخليك راجلك بحال هاد خيتي
صوفيا : واه هدشي لعطا الله
وئام : اااه ماشي مشكل
بقاو مجمعات تاشويا قبل ميأذان ظهر دخل مصطفى سلم عليهم وجلس فصالون بقا مجمع معاهم عاد أذن ظهر وخرجو رجالا اصلو فمسجد بقاو النساء والبنات توضاو وصلو صلاتهم ورحمة ونزهة بداو كيسݣو كسكسو تنطقات رحمة : صوفيا ، إسراء اجو ابناتي اجو
خرجو من صالون وخلاو وئام وأية تاجهو عندهم كوزينة ونطقات
إسراء : نعام امي رحمة
رحمة : شوفي ابنتي هاد جوج ݣصعات غادوهم لجيران
صوفيا : إينا جيران اماما
رحمة : نتي اإسراء ديها لحليمة ياك عرفاها ابنتي
إسراء : اااه علاش خالتي حليمة جات
رحمة : ايه جات هاد العام هي ولدها أشرف لقال كمل  قرايتو وراجلها اما بنتها لكبيرة راه تزوجات لهيه
إسراء : اه هكاك
صوفيا : ااه هكاك فهمت انا شغندي اماما
رحمة : دي هاد ݣصعة لجارتنا رغية ديك لمقابلا مع دار إسراء قديمة قولي تاني مكتعرفيها
صوفيا : عرفتها عرفتها قولي ديك جنية علاش غنعطوها ݣصعة ديال كسكسو
رحمة : اميمتي راه صداقة هادي راه غترجعو وتعطو تاني لشي جيران هنايا يلاه دو هادشي ورجعو بزربة متعصبونيش
إسراء : وخا مي رحمة هانا غندوه
وهزات إسراء ݣصعة وصوفيا تاهي هزات ݣصعة لغدي وخرجو من الباب وشمس حارة
صوفيا نطقات ملي شافت دار حليمة لقريبة حيث حدها مقابلا مع دار رحمة من ديك جيه و شافت جيهتها ونطقات : إسراء سعداتك دار قريبة انا خاصني نضرب طوالة باش نمشي عند ديك جنية
اسراء: سيري ابنتي ضربي طوالة
مشات صوفيا مع ديك طريق طويلة وإسراء تاجهات دار حليمة دقات تافتحات لها حليمة
وجات عندها عنقاتها وفصلو عناق ونطقات
حليمة : بنتي إسراء امتا جيتي مرحبا وسهلا دخلي ابنتي دخلي
إسراء: اهلا خالتي حمدالله جينا البارح واليوم فعشية غنمشو جينا نجباو على مي رحمة وصافي
حليمة : دخلي ابنتي دخلي متبقايش فالباب
إسراء: لا خالتي مرة أخرى إن شاء الله
ومداتلها ݣصعة ونطقات : هاكي اخالتي هادي صداقة درناها على ماما نجددو رحمة عليها
حليمة شدات من عندها ݣصعة ونطقات : الله يرحمها يوسع عليها يارب ويغفر لها عاد كانت مسكينة البارح معانا دنيا هي هادي كلنا ماشيين
إسراء : ونعم بالله اخالتي
حليمة : اوا كداير جو تم فرباط ولفتي ولفتي ناسك ياك بيخير
إسراء : بخير اخالتي ضروري خاصنا نوالفو وتم جو زوين مابيه
حليمة : اوا حمدالله داكشي لبغيناليك ابنتي
إسراء : حمدالله يلاه خليتك على خير
حليمة : بسلامة ابنتي والله ينقي طريقك من شوك
إسراء: امين يارب
وتسالمات معاها وجايا فإتجاه دار وهي ساهية كتفكر توقف قدامها أشرف وطلعات عينيها وشافت فيه وتذكرات اخر كلام قاليها وقلبات عينيها ديك جيه ومشات من  ديك جيه ،توقف تاني قدامها ونطقات مغددة على سنانها : اوف
أشرف : زين صفا هانيا عندك
وبدا كطلعها وكنزلها بعينيه ونطق بعد مغمزها : وزيانيتي العفريتة
إسراء خنزرات فيه ومشات ديك جيه توقف تاني قدامها وبدا كصفر وهي تعصبات ونطقات مربعة إيديها عندها ونطقات بحدة : حيد من قدامي انت ولا ماغاديش يعجبك الحال
أشرف : وايلي عرفتي نتي كنموت فيك انا وبهاد اللسان سليط ديالك تيتيزة نتي فراسك هتشي ولا لا
إسراء نطقات فنفسها ياربي صبرني اشهاد زمر
ومشات ديك جيه ترجع تاني وقف قدامها ونطقات مغوتة : وااحيد من قدااامي انمي حيد من قداااامي ولا ميعجبك حااال وبديتي كتعصبني
أشرف ميل راسو بجنب ونطق وهو كتفحصها بعينيه لي منزلوش عليها ونطق : شغديري اسليطة اللسان
إسراء تنهدات تنهيدة بالغضب ونطقات مخنزرة : شغندير غادي نعيطلك على لغادي احد ليك هاد ضسارة محشمتيش اشماتة اعيفة رجال حيد من قدامي المرض حيد
أشرف : لا لا حشوما تقولي عليا هكا انا راه ماشي شماتة نتي لطماعة شفتي عندو صرف صحيح وتزوجتي بيه وانا لغنقولك نتي غتكوني ديالي وغطلقي منو وغيقبل عليك غأشرف هذا لقدامك هذا لحݣرتيه ومعطيتيهش الوقت اطماعة
إسراء : اشكتخربق انت اشكتخربق حيد من قدامي المرض حيد خليني محتارمة مك وعائلتك قبل منوريك وجهي تاني
أشرف نطق بنبرة مستفزة : وايلي شغديري ازين هي عندك وجه تاني امم رانك تيتيزة مع رساتك
إسراء دفعاتو وكانت ماشيا تشدها من معصمها وزير عليها ونطق بحدة : باقي مكملت كلامي باش نعطيك إذن تمشي
دارت عندو إسراء وهي كترمقو بنظرات الغضب ونطقات معصبة: حيد عليا إيدك الحيوان طلق من إيدي ايدك المسخة متقيسنيش  بيها سمعتيني ولا لا
بدات كتنتر إيدها من إيدو لحاكمها ومقرب ليها
اما عند رجالا دخلو بقا إلياس برا مصغر عينو وكشوف جهة إسراء لمكانتش باينة ومعرفهاش هي ولا لا
اما عند إسراء هزات إيدها تانية وصرفقاتو ونطقات بحدة : هاد مرة نرقاك قدامي غندير مكثر حيد عليا إيدك يلاه خليني نمشي
أشرف لدور وجهو عندها ونطق بغضب : نتي دبا شنو درتي صرفقتيني اجي لمك نوريك كفاش طاولي ايدك عليا
وبدا كتقرب منها تشدها من فكها وهي كترتا بين إيدو وكتغوت : بعد المرض بعد حيد ايدك عليا  وا بعد اما عند إلياس غشاف وجهها وسمع صوتها تنفخو عروق فإيديه وزير على إيديه وعينيه حمارو بالاعصاب وماشي جيهتهم جوج خطوات كدير خطوة كتوعدلو بالعذاب وقف وراها  نيشان ضرب رجليه فركبتو من اللور تجا طايح قدام  وإسراء اكتشوف  مصدومة كفاش معصب وتحنى عندو شدو من ياقتو وشنق عليه نيشان غادي بيه  الحيط تكلاه مع الحيط  ونطق مغدد : شنو دبا شنو باغي دير لمرتي  اولد *  هاا هادي راه مراتي وشرفي *
وبدا كعطيه فكروشيات الوجهو تنطق اشرف وهو نيفو سايل من دم وكذلك فمو ونطق من بعد  مابعد شويا على  حيط : هاديك إسراء ديالي سمعتي ولا لا كما خذتيها مني غناخوذها منك
وإلياس معصب بالبيان شادو من ياقتو  وزاد بيه تاضرب راسو مع الحيط لين اشرف   داخ متلا كشوف والو و إلياس تعملتلو البصيرة وبدا كعطيه بكل جهدو وجاو الناس تجمعو عليه كيبعدوه منو  وهو  ينطق معصب : عاود ال* هاديك راها مراتي  شرفي هاديك
اما صوفيا جايا وكتشوف مطايفة من بعيد وجايا كتجري
إسراء تقربات وشدات فدراعو ونطقات : عفاك إلياس صافي اتقتلو بين إيديك خليه عليك صافي
اما إلياس دفعها تكانت غاطيح تشداتها صوفيا لاتصدق طايحة ونطقات صوفيا : وخويا إلياس راه كنتي غاطيحها   ودارت عند إسراء ونطقات صوفيا   : اشواقع مالو كضربو وش دارلك هاداك خينا شيحاجة
طلقات منها إسراء ومشات جهة إلياس ونطقات وهي كترجف بالخلعة ودموع كتساقطو من عينيها  : عفاك صافي حبس راه غتقتلو. وخليه عليك راه متستاهل توسخ دمك عليه اإلياس
إلياس دار عندها مزعف ونطق : دخلي شكون قال لمك تخرجي دخلي حسابك معايا هو لخر ابلاتي على مك
إسراء : وإلياس و عفاك
إلياس قطعها مغوت عليها : دخلي قتلك ولا ميعجبك الحال دنوبك على راسك
إسراء : صافي راه غندخل ولكن متفهمنيش الغلط راه هو
قاطعها مغوت عليها ونطق : و دخلي ابنت الناس متصرعيش عدو رابي راني صارع راه غندير فيك شي كارثة دخلي
شداتها صوفيا جارتها لدار ونطقات : زيدي الخطية زيدي غالله يخرج هاد نهار على خير
دخلو دار ونطقات صوفيا ل عمر : سير فك صاحبك راه مضارب
عمر وقف نطق: كفاش مضارب كفاش
صوفيا : سير عفاك
وخرج عمر وتبعو مصطفي وحاج مهدي  كفكوه اما أشرف فيناهو غيب بين إيدو كامل لدميات  بسيف باش فكوه من إيدو وهو كتنتر من إيدهم : حيدو اليوم روحو غتخرج منو  حيدو
عمر نطق مغدد وهو حاكمو : تهدن اصاحبي وش انت بعقلك ولا شنو
إلياس كتنتر من إيدو  : راه هاديك مرتي سمعتي هذاك  شماتة ال* احط ايدو عليها طلق اصاحبي طلق خليني اليوم مو روحو تخرج افكر نهار حط ايدو على مراتي
مصطفي : دير عقلك اولدي صافي تهدن رانك قريب تقتلو
خرجات حليمة من دار ملي سمعات الغوات ومطايفة  وهي كتشوف ولدها غارق دمايات وسخفان طايح وطاحت على ركابيها وهي كتبكي  : ولدي رزاوني فيك اوليدي وكبدتي
جا عندها إلياس ونطق : سمعي الالة ولدك مرة اخرى نرقاه كطوف بمراتي ترحمي عليه نقولهالك
حليمة وقفات بقات كضرب فصدرو : شنو درتي ولدي علاش ضربتيه هكا
اما داخل عندهم ونطقات رحمة وهي كتمشي وكتجي وحاجة فاطمة حاطة إيدها على راسها ونزهة كتشوف فشرجم ونطقات رحمة  : اويلي اوعدي دارت شافت فإسراء لجالسة وكترجف ونطقات : اشنو درتي اإسراء اشداك توقفي معاه ابنتي اشداك
إسراء طلعات عينيها ونطقات وهي عينيها كسقطو منهم دموع وكتبكي  : والله امي رحمة موقفت معاه والله هو لوقف قدامي ومخلانيش ندوز والله  لاهو وقف عليا  وبقا كخربق عليا تم والله شاهد عليا
صوفيا جات حداها وعنقاتها  ونطقات هي كتربت على ظهرها : صافي اختي راه عرفا هذاك حيوان هو ليديرها اتفو ديما واقف فعودنا
رحمة واقفا و  كتنهد ونطقات : صافي ابنتي صافي متبكي ياكما كتحسي بوجع
إسراء حاطة إيدها على بطنها ونطقات : غاشويا ونطقات والله تيقو بيا والله ماشي تربيتي لينوقف مع شيواحد ولا نخليه اقيسني انا راه صرفقتو ملي قاسلي إيدي والله هو لطاول عليا
نزهة : صافي ابنتي صافي تهدني ردي بال راسك والجنين
حاجة فاطمة : ابنتي رانا تايقين فيك الله يهدي ما خلق وصافي
اما فالخارج عندهم من بعد متفرقات جوقة وداو أشرف لسبيطار اخيط دوك ضربات لفراسو. وعاد دخلو وإلياس باقي صاعر وكتفكر كفاش كان شاد ذقنها وإيدها وكفاش هضر عليها  كيبغي ايمشي دبا ايقتلو بين إيدو دخلو ونطق إلياس ملي شافها حاطة راسها فوق كتف صوفيا : نوضي تهزي نتي غنمشو دبا
إسراء طلعات عينيها فيه لدمعانين  ونطق رحمة : لاواه اولدي لاواه تاتغداو معانا وعاد سيرو
مصطفي : ايه بقاو تتغداو والله متحركو من هنا تتغداو راني حلفت متحنتني في حلوفي اولدي
إلياس : وخا كلامك هو كبير
وجلسو ومشات رحمة ونزهة دغيا اوجدو الغداء.
اما وئام واية وحاجة فاطمة مشاو البيت لاخور تنطقات صوفيا هامسة لإسراء : يلاه اإسراء نمشو بيت حتاحنايا
إسراء : وخا
شافت جيهتو ورقاتو مكيشوف فيها وهو مزال عاقد غوباشتو وكارز على إيديه وعروق بينين من إيديه  وهمسات لصوفيا وهي بغات تبكي : هو كاع مشاف فيا انا والله اصوفيا مدرت والو انا كاع مغنوقف مع رجال وانا مزوجة انا تاملي كنت ماني مزوجة موقفت معاهم خلي دبا نكون مزوجة تيقيني
صوفيا : وصافي اصحبتي راه معصب ملي غيبرد هضري معاه راه اصلا راه عارف تربيتك وشنو كتسواي تهدني ، يلاه نوضي تمشي ياكما كتحسي بالحريق
إسراء : لا لا دبا لباس اقبيلة بالخلعة داكشي علاش
صوفيا نوضاتها معاها ومشاو هوما البيت باش يتغداو
وبداو كوجد الغداء عند رجالا كتغداو من غير إلياس تسداتلو شهية حادو كال جوج ملعقات وكحز ونطق
مصطفى: ولدي زيد توكل
حاج مهدي : كول اولدي رانك مكلت والو
إلياس :شبعان الحاج شبعان بصحتكم
وجلس كتسنا غيتغداو امشو من تم  متلاش حامل هاد بلاصة 
اما عند عيالات تحط الغداء وإسراء اكتلعب بالملعقة تنطقات حاجة فاطمة : بنتي كولي ابنتي
إسراء كانت ساهية مسمعاتهاش تحطات رحمة إيدها على إيد إسراء ونطقات : بنتي كولي كنتي قلتيلي رانك مشهية كسكسو
إسراء طلعات عينيها فيها ونطقات : ااه وخا اناكول
صوفيا وئام وأية اكشوفو تنطقات أية : كولي اختي راه الا مكلتي راه غادي تمرضي
إسراء حدها امأت براسها وبدات حدها كتاكول وهي مورالها طايح وكتفكر فإلياس كفاش غوت عليها ومداهاش فيها  وكتحسر وكتبغي تبكي ولكن مانعة دموعها إسقطو تحطات ملعقة وطلعات راسها فيهم ونطقات : شبعت بصحتكم
رحمة : ابنتي ياك كنتي مشهيا كسكسو كولي رانك مكلتي والو
إسراء : راني كلت امي رحمة براكا عليا
وهي تنوض من حدا طابلة ومشات جلسات لهيه
يلاه بغات تهضر نزهة باش تقولها تجي تاكول تقالت صوفيا : اخلوها على خاطرها راه مغاديش تاكول انا كنعرفها مزيان
نزهة : الله يلطف ياربي
رحمة : امين يارب
جلسو كياكلو العيلات
من بعد متغداو جمعو طابلة وإسراء اجالسة ساهية وهي تجلس حداها صوفيا وئام وأية
وئام : صافي اصحبتي جبتيلنا إكتئاب امالكي دبا
أية : شكون بحالك بردتي دقتك فيه
صوفيا : إسراء واديك دبة نتي فين سهيتي راه كلشي غيتصلح كلنا عرفينك مدرتي والو
إسراء : اااه 
تنطق إلياس برا فصالون : اوا سيادنا خليناكم على خير