من بعد كسيرا نيشان عند عمر اشوف فين وصل رقاه نيت كوجدو دهاز فالطنوبيلات ودخل رقا عنر سلم عليه سلام رجولي
عمر : وشكاين انت غبرت بمرة
إلياس : غار مع خدمة وصافي رانك عارف خاصني نكملها باش نرجع رباط
عمر : الله يعاون
إلياس : امين يارب
عمر شارلو باش يدخل رقا باه رضوان ومو رقية وجداتو شي من عمامو وزوجات عمامو لقا عليهم سلام وبدا كهدر معاهم تاخرج من عندهم باش يمشي ويوجد راسو ويمشي اجيب البنات
كسيرا نيشان إقامة بدل عليه لبس بدلة رسمية عبارة عن سروال كحل وقميجة بيضة مفتوحين جوج صدفات لمبين شوية من صدورو فولاذي وقاد شعرو طلعو بجيلي الفوق وسرح اللحيتو ونقصها وقادها عاد عيط لإسراء اشوف وش كملو باش يجي اجيبهم
كانوا البنات تقريبا كملو بقا غار لمسات أخيرا
تسمعات إسراء تيلي كصوني رقاتو إلياس وابتاسمات
ومع البنات كتكلمو مقادات تجاوب تنطقات
إسراء : البنات سكتو شحال فيكم ديال هدرة خلوني نتكلم ديكساعا هدرو
ريتاج : صافي هانا ساكتين يلاه هدري معاه
صوفيا : جاوبي لا يصدق دايرلك فضيحة هنا
خنزرات فيها إسراء وجوبات : آلو
إلياس مع خرج من إقامة وركب فاللوطو ملي كان كصوني عليها كان شوية اتعصب ملي تعطلات مشدات خط تجوباتو وجوبها : نتي عام باش تشدي الخط لاش تعطلتي
إسراء : راه غير البنات كانو كتكلموا وملي سكتوا جوبت
إلياس : مهم معلينا كملتوا ولا باقي
إسراء : اه كملنا غأجي
إلياس : صافي هاأنا جاي فطريق
وقطعات معاه ودارت عندهم لكانت صوفيا بمكياج سموكي لعطاها نظرة على ملامحها بريئة خصوصا عينيها مع كبار ومشفرين عطاوها جمالية مع تسريحة شعر خاصة لعطاتها لمسة زوينة وبالطبع تاج لمزينها ومن فوق باش تغطي وجهها فإطلالتها كعروسة لابسة قفطان بيض مطرز وجاي على طايتنا لعطاتها جمال ورونق خاص مع ميني طالون اما ريتاج مذلك لملامحها ناعمة قدات مكياج شوية ثقيل لركزات حتاهي على عينيها عطاها جمالية خاصة وشعرها لبوكلاتو مع قفطان بيج مطرز مع طالون اما إسراء فأكتافات بمكياج خفيف وخصوصا عينيها قداتهم مزيان لملامحها حادة لعطاها ايضا جمالية خاص لخلات شعرها منسدل لبسات قفطان أخضر مطرز مع ميني طالو وفوشيط فنفس اللون
بعد مدة زمن توصل إلياس عندهم وكلاكسونا تاتمات خرجا ريتاج وصوفيا توقفاتها إس : ابلاتي ياتا، شافت عند ريتاج ونطقات : غطي لها ريتاج وجهها
مع إسراء كانت كتحسب الحساب باش تخلص مولات صالون اما البنات خرجو وطلعو اللور وإلياس دار عندهم : فيناهيا إسراء مالها متخرج
ريتاج : راها داخل كتخلص دبا تخرج
إلياس مجوبهاش وهبط اما عند إسراء بعد مخلصات شي بنات خدامين تم كانو كشوفو بإعجاب تجاه إلياس بديك اطلالة لابس زادتو جاذبية ووسامة نطقات واحد بنت وعينيها بغاو ياكلو إلياس بنظراتها : واو هاهو جاي انا غنمشي نلقي تحية عليه
بنت 2 : نتي جلسي
بنت 1: اخليني نجرب حظي
اما إسراء خرجات عندو رقاتو يلاه ادق فصالون باش تخرج وهو يوقف مصدوم وخا دايرا مكياج خفيف ولكن جات واعرة مع برز ملامحها
إسراء بتاسمات لو ملي شافتو ساهي فيها هاد شكل
إلياس : مشاء الله، علاش متغطيش وجهك
إسراء : ههه ملي عروسة باش نغطي وجهي
إلياس يلاه غينطق تاجات ديك بنت وقفات عندهم وكتشوف بإعجاب تجاه إلياس اما إسراء شافتها فيمن كتشوف شداتها الغيرة
عند البنات فاللوطو ريتاج : دبا هذو لاش واقفين
صوفيا حيدات داك لكجي على وجهها ونطقات : وشوفي ياختي كتبالي هادي بحالا حطا عينها على نسيبنا
اما عند إلياس وإسراء ورقاتها ساهية ديك بنت مزال فيه وإلياس اكشوف فإسراء ممعبر حاد تنطقات إسراء وكتخنزر فيها : اديك الأخت بغا تقولي شيحاجة
بنت : ااه صراحة بغيت نعرف وش هذا خوك
إسراء نطقات منزاعجة بصوت عالي: كفاش؟!
إلياس رجع اللور وسند ظهرو على اللوطو بغا يشوف غيرة إسراء وكبتاسم
بنت نطقات موجهة للإلياس : زعما وخا نطلب منك اخويا نمرة
اما عند بنات
ريتاج : واه قضية حامضة اخيتي
صوفيا : راه دبا غتنوض عيشاورية ديال صحبتنا
يلاه غيجاوبها إلياس وهي تنقز إسراء : اسمعي اديك خيتي راه بربي ومتحركي من حدايا تنشطب بيك الارض خلينا زوينين
بنت كتشوف فيها بإستغراب : مفهمت علاش تعصبتي
إسراء مشات عند إلياس وشدات فإيديه ونطقات : هذا راه راجلي الحبيبة سيري قبل منخليك تهبطي تحسبي سنانك
بنت : اوه راجلك بصح!!
إلياس خنزر فالبنت ونطق : كما سمعتيها يلاه كثرتوا المدلولات
البنت حنات راسها تحت ودخلات
اما إسراء حيدات من حداه زعمة مقلقة ومشات ركبات قدام وقدات سمطة ونطقات صوفيا : واه مصدقتي ساهلة هايهاي شكون لكيغير
ريتاج : انا قلت دبا غضربها
إسراء : متعصبونيش لفيا كافيني زوينة هذي قالك خويا
طلع للوطو على إثر كلامها وهو فرحان حيث غارت عليه ونطق : نتي راه حياتي وعمري مديهاش فيها اوك رانك عطيتيها علياش كتقلب
اما البنات اللور تزنكو
إسراء : ومشكلة منك
دمارا اللوطو نيشان دار لصوفيا ونطق هو مركز في طريق ومرة عينو كترما ليها : علاش
إسراء : حيث شوف كيخارج عاطي العين وكلشي بنات غيوليو معجبين بيك شيت
إلياس قرب وداعب لها انفها ونطق هو مبتاسم : اخليلي مغيارة ديالي، حتا نتي رانك عاطية العين حتا انا باغي نغبرك
يلاه غتنطق إسراء وهي تنطق صوفيا : احم احم العمالة كونو تحشموا رانا معاكم
خنزر فيها إلياس ونطق : ونتي شدخلك ياك انا مع مرتي عوديها لمخك
اما ريتاج وإسراء كضحكوا على صوفيا تنطقات إسراء : شدي القمعة يابنيتي ياصوفيا
ريتاج : اميمتي الهربة معاكم دعيتكم الله إلا خسرلي مكياج بسباب ضحكم
مسافة طريق توصلو مع اذان الظهر هبطو البنات
عاد إسراء دارت عند صوفيا وغطات لها وجهها وكذلك إلياس دخل رقا نيت عم صوفيا ومصطفى وولدوا بغاو يمشو إصلوا ومشا معاهم
اما عند بنات كلشي كشوف فيهم بإعجاب وباغيين يعرفو كفاش جات صوفيا بمكياج
دخلو البيت صوفيا وجلسات إسراء وريتاج خدا صوفيا فوق نموسية
ريتاج : ياختي الهربة معاك إسراء هاد نهار غريب صافي معاكم
إسراء : انا صراحة كون غريشت ديك ختنا زوينة هذي زايدها بغا طلب نمرة
صوفيا : اوا اشتي اشقتليك حضي رزقك لا يطيروه لك بيه
إسراء : اصلا إلياس كشوفني غأنا مشفتوش كاع مداها فيها
بقاو البنات كجمعو تادخلو رجالا اتغداو وعيطاتلهم رحمة اتغداو
تغداو مجموعين ورجعو البيت
اما عند عمر مورا متغداو
لبس عمر لباس تقليدي بالبيض مع بلغة بالبيض وقاد شعرو سرحو بجيلي رجعو اللور وقاد لحيتو ونقصها اما ام ديال رقية لابسة جلابة باللون قهوي مع بلغة ودايرا زيف باللون بيج لوجه بشوش اما رضوان لابس جلابة بالقهوي مع بلغة بيضة اما عمامو وزوجات عمامو حتا هوما قادو حالتهم خرجو من فيلا ديالهم و تحركو ماشيين مصاطفين من انواع سيارات كل سيارة وهازا معاه دهاز للعروسة مسيروا نيشان لوجهة عند صوفيا علموهم بلي جايين بداو
كوجدو واما إلياس خرج مشا يجيب العدول لدار
في البيت عند صوفيا غاماشيا وكتجي
إسراء : ونتي جلسي رانك قلبتي لي راس بدوران ديالك
صوفيا : اوف شدني توتر
ريتاج : تهدني اصحبتي مغيوقع والو
كأي بنت ملي كقرب زواجها وخصوصا صوفيا غار غادي دير العقد غتمشي مع عمر يعني مغتسناش العرس بقاو البنات كخفو عليها ويضحكوها باش تنسى توتر والخوف
عاد بداو زغاريت كتقام فدار خصوصا رحمة ملي كتزغرت وتكون قريب لها تصمك ليك وذنيك ورحمة ومصطفي وخوه كرحبو بيه نطقات
ريتاج : هاهو جا العريس
صوفيا متهدر بفعل توتر لشدها : ااه جاو جاو ياد مالهم متعطلوش
إسراء : نتي هنينا البهلة رخفي على راسك راه غا زواج هذا لاش هاد توتر
صوفيا : اساكتينا نتي ماشي نتي لكنتي ديكساعا شادك توتر
اما عندهم رحمة هزا البخور وكتبخر وختها هازا مرشة وكتضايفهم
رحمة : مرحبا ومرحبا نهار الكبير هذا
رقية تسالمات معاها هي وزوجات عمام عمر ودخلو تجمعو فصالون وبداو كجمعو ويهدرو وعمر اكيقلب في عينية لصوفيا وكتنهد تنطقات رقية
رقية : اوا منشوفوش مرات ولدي الغزالة
رحمة : ايه هانا انقول البنات اعيطولها دبا
رحمة مشات عندهم
رحمة : صوفيا راه بغاتك عكوزتك تجلسي معاها
صوفيا حدها أمأت براسها وخرجات رحمة
والبنات جاو جايبينها وصوفيا طاحت عليها واحد الحشمة
عمر متبع الباب باغي اشوفوها تاتمات داخلا تكونيا فشوفتها بقا اساهي فيها وباه كغمزو باش يحدر عينيه ولكن لا حياة لمن تنادي بقا كشوف فيها خصوصا بانت بإطلالة واعرة ضوء ساطع مسلط عليها كلشي كشوف جيهتها
اما صوفيا طلعات عينيها جات عند عمر وهبطاتها بزربة
إسراء كتهمس لصوفيا : هايهاي على حشمة ونعام اسي
ريتاج : ونتي ضربي على مولاي سلطان محذر كاع عينيه
صوفيا : سكتو الله يعطيكم الجهل
دخلوها تنطقات رقية
رقية : اجي هنا حدايا ابنيتي
بتاسمات لها صوفيا وجلسات حداها
تاتم داخل إلياس بالعدول تسالمو معاه
ودخل هاز وراق فيديه جلس من ديك جيه والعرسان قدولهم بلاصة حدا بعضياتهم وشهود كان مصطفى اب صوفيا ورضوان اب عمر
تهمس عمر لصوفيا : ااه اش غندير فيك اصوفيا جيتي كتهبلي بزين
صوفيا : وكون تحشم لايسمعك شيحد
عمر : حشمة خليتها ليك
قطعهم صوت عدول لباشر فعاملو ولكان موافقة طرفين وزغرتات رقية وتبعاتها رحمة وناضو باركولهم اخير ولو زوجين
وريتاج وإسراء فرحانين لفرحة صحبتهم
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
