عشقك إدماني

Parte 88

جاء نهار جديد
اصبحنا واصبح الملك لله
إسراء لناضت بكري حيث شابعا نعاس وبقات شحال جاسة  كتشوف فيه بغاتو إفتح عينيه تبقا اتشوف فيهم بقات كتشوف فملامحو وكتحفظهم عن ظهر القلب ناضت مشات قضات حاجتها. وتوضات و لبسات عباية صلات بيها صلاتها عاد لبسات عليها سورفيت وفرجليها كلاكيطة خلات شعرها مطلوق على راحتها هبطات تحت رقات خادمات كقادو ففطور دخلات عندهم كوزينة شافوها ابتاسمو لها وبدورها ابتسمات لهم وجلسات حداهم ونطقات
إسراء :اه بغيت كوفيتير، ومكرهت تعجنو شي مسيمنات مشهياهم
خادمة نطقات : ميكون اخاطرك الالة
إسراء : وش مغتحيدوش هاد الالة من فمكم
خادمة : غار نديريها منا قلة صواب حنا ولفنا نعيطوا بلالة مجاتش
إسراء : غار عيطو بإسراء مكاين لاش تعيطو لي الالة، اه مديلي كوفيتير وملعقة
مدات لها  احد خادمات كوفيتير وملعقة  وشدات من عندها وفتحاتها إسراء بدات كتاكول فيها
وبقاو كشوفو فيها خادمة بإستغراب وبالصدمة وخرجات من عندهم خلاتهم إقادو فطور وإقدولها هي مسمن وطلعات الفوق لقات إلياس باقي ناعس
ونطقات : يودي بودي على نعاس وكقولي مال نعاسك ثقيل
مشات فتحات ريدوات وحلات شعاع ادوز وجهو ونطقات : نوض يلاه نوض
وإلياس تعنكش بسباب شعاع لجاي على وجهو ونطق : خلينا نعسوا اش مفيقك بكري
وإسراء كتشوف فيه وكتاكول فداك كوفيتير وكتلذذ ونطقات : نوض خليني نشوف عينيك يلاه
إلياس ضار ديك جيه
إسراء مشات جلسات متقابلة معاه وكتلذذ فكوفيتير وشاف فيها وناض  ونطق  بجدية: شهاد العجب كتوكلي
إسراء : اممم كوفيتير واو
إلياس : حطي داك العجب غينوض فيك سكر
إسراء خنزرات فيه وضمات كوفيتير جيهتها ونطقات : لاء مغنخليهش
إلياس : لاحولا ولا قوة الا بالله غنجي ونرقاك بقا كتاكلي فهتشي مفطرتي موالو مغيعجبك الحال سمعتي
إسراء مجوباتوش ومشات جلسات فبالكون وكتاكول ممسوقاش وكتلذذ فداك كوفيتير ضربات فيه نص اما هو شاف لين عيا ومشا دوش عليه وخرج رقاها جالسة كتاكول موجداتو لا لباسو لا والو وهو يمشي دريسينغ لبس عليه قميجة زرقا وسروال دجين وطوا كمام قميجة من إيديه وصلى صلاتو عاد جاها رقاها بقا كتاكول قربت تكمل كوفيتير وهو يحيدو من إيديها وطلعو الفوق وهي كتجبد إيديها باش تاخذو
إسراء : وعطيني كوفيتيري وعطيني يلاه
إلياس نطق بحدة : انا شنو قلت لك
إسراء : وبراكا عطيني كوفيتيري ارا لهنا
إلياس : لا غيركب فيك سكر مصبجا على كوفيتير نتي شويا لباس
إسراء شافتو بلي مغاديش اعططها وجلسات كتغبن وتبكي جالسة ومربعة إيديها وهو كيشوف فيها بإستغرا بحال هزيت ديك إسراء مكانتش كطيح دمعة على والو وجات هادي لكتبكي على ابسط حوايج بحال دراري صغار بقا اكيشوف فيها وهي طالقة حلوقها فالبكاء وجهها ولا حمر من بيكها وتقول عندها لعزو
إلياس نطق هو باقي فإستغراب : اشش لاش كتبكي بحالا قاتلين روح اشكاين
إسراء بقا كتغبن ونطقات : وبغيت كوفيتيري اراه لهنا 
إلياس : نتي دبا هاد هيلالة كاملة اعلى كوفيتير
إسراء : ايه انت مبغيتيش تعطيني كوفيتيري وانا مشهياه حشومة عليك
إلياس مد لها كوفيتير ونطق : سدي وكان شدي واخر مرة تبكي على سبب تافه فين إسراء لمكانتش كتبكي
إسراء وشدات من عندو بلهفة لكوفيتير وفتحاتها وبدات كتاكول ونطقات : شنو غندير دموعي وحدهم كهبطوا
إلياس : زيدي وكان تفطري يلاه
إسراء : بلاتي بلاتي منمشوش دبا تانشوف عينيك توحشتهم
إلياس مشوف فيها مصدوم ونطق  : هاء عاردي شقلتي
إسراء : وشوف راه هيا شميسة شوف فيها خليني نشوف عينيك كجو واو مع شمس كحمقوا
إلياس : زيدي تفطري قبل مندير فيك شي جريمة
إسراء : إينا جريمة غدير شوف شوف فشمس راه بغيت نشوف فعينيك ومنتحرك تانشوف فعينيك
إلياس كارز على سنييه ونطق : زيدي يلاه تفطري وباش تبدلي لباسك وتهزي كتابك وتمشي جامعة يلاه
إسراء كملات كوفيتير ها وحطات قرعة ديال كوفيتير فوق كوافوز و نطقات : لاء مغنمشيش تانشوف عينيك يلاه
إلياس : ياربي صبرني ياربي انتي اشهاد فشوش تاني ناض عليك مكنتيش بحالهاكا
إسراء : انت مالك كتغوت مالك متلبي طلبي  شفيها كاع عصبتني
إلياس تقابل مع شمس ونطق : يلاه هاني شايف فشمس عندك 5 دقائق ونهبطو
إسراء ربعات إيديها ونطقات : متليتش بغا دوك عينيك ربح بيهم
إلياس : متعصبينيش فهاد صباح لبيت لك طلب صافي هنينا
إسراء : يلاه شوف فشمس
إلياس كشوف فسعدو وعدو وعينيه كحرقوه مكمش عينيه باش يلبي طلبها لمعرف فين خرجات بيه وبقات هي كتشوف فيه وحاضياه ونطقات : واو حبيت حبيت عينيك مكيسحابليش بلي عينيك روعة معمري تبهت
إلياس مكره إنقض عليها ويفدي فيها افعالها كاملين ولكن تابعو خدمة وهي تبعاها لبراية
لمدة 5 دقائق وهي كتشوف فيه وتحفظ ملامحو على ظهر قلب وتمدح فيه وهو صابر بزز ونطق
إلياس : يلاه زيدي براكا 5 دقائق راني لبيت لك طلب فيهم
إسراء : مسخيتش بغيت انبقا نشوف فعينيك وانت متقابل مع شمس
إلياس تقابل معاها وشد فإيديها ونطق : يلاه عمري تاترجعي ونرجع من خدمة عطالله وقت تشوفي فيا
إسراء : وخا
إلياس وإسراء خرجو من بيت هبطو رقاو فطور  حيث خدمات ممنوع عليهم اطلعو بيتهم لذلك معيطولهومش حدهم حطولهم فطور ومشاو اكملو اشغالهم هوما رقاو فطور واجد اكيد مسمن لطلبات إسراء غار شافتو وعينيها ولاو فيهم قلوبة وعينيها كلمعوا وإلياس حاضي تصرفاتها مبغاش اذكرلها حس فحص لا تصدق متلات بغا تفطر جلسات إسراء وإلياس جلسو كفطرو وإسراء ملي شافت لعسل مع مسمن بدات كتهز كتاكول وإلياس تأكد بلي حاملة حيث راه ميمكن تصرفاتها تكون طبيعية وبدات مع الوحم بعد مسالاو فطور جلس إلياس فصالون بين متجي هي مشات لبسات عليها تريكو  فالكحل وفيه كتابة بالبيض فالوسط  مع سروال دجين وفوقها جيلي بالبيج بليدين ديالها هابط الى تحت ولبسات سبرديلة كحلا عاد جمعات شعرها كوب شوفال كما لعادة وهزات ساك كبير باش يهز لها دفتار وشي ستيلوات فاش تكتب وعاد هبطات رقاتو جالس فصالون جات عندو
إسراء : يلاه
إلياس : يلاه زيدي
ووبقا ماشي معاها معنقها توصلو قريب الباب ونطقات : بلاتي نمشي نجيب كوفيتيري
إلياس : كفاش عاودي شقلتي
إسراء : وبغيت كوفيتير انمشي نوقليهم اعطوهلي
اما هو مسح على راسو بعصبية ونطق : مكاين  لا كوفيتير لا زعتر قدامي يلاه
إسراء : ولا مغنمشيش تاندي معايا كوفتير
إلياس : يلاه عمري الله يرصي عليك كون تسمعي لهصرة راه كوفيتير غيركب فيك سكر حلاوة ممرياناش سمعتيني
إسراء : انا مسوقيش تكون مزيانة ولا لا انا بغيتو صافي
جات ماشيا لكوزينة باش تقوليهم على كوفيتير تاشد من إيديها جبدها عندو ونطق بحنية باش يخليها تنازل على طلبها : يلاه اعمري شوفي فيا
طلعات فيه عينيها إسراء ونطق : كوفيتير بلاش متدي معاك انا نجيبلك موفيتير وشكلاط اي حاجة بغاتها عمري صافي ملي نرجعو
إسراء : حلف غتجيب ليا شكلاط صافي انا مبغاش كوفيتير بغيت شكلاط
إلياس : وهيا لامشينا لانتعطلو
مشاو خرجو من فيلا وركبو فاللوطو نيشان الكلية فين كتقرا فيها إسراء مسافة طريق تاكانو تم رقات البنات كتسناوها ونطق : يلاه اعمري ديري عقلك وقراي مزيان
إسراء : كون هاني غنقرا مزيان
إسراء هبطات عند البنات اما هو كسيرا نيشان خدمتو
ونطقات ريتاج : نتي مالك تعطلتي
صوفيا : إسراء وش بقا نفسك ديال البارح ولا رجعتي إسراء صحبتنا
إسراء : اش كتخربقو عليا نتوما
ريتاج : والو والو زيدو نقراو راه الناس دخلو
ودخلو البنات اقراو
فجهك اخرى نور هبطات من مطار محمد خامس خدات طاكسي نيشان لفيلاتهم لف كازا
فتحولها حراس دخلات رقات سقيل فدار وهي متعجبة حيث عرفا باها خدام ولكن مها كتكون غفدار وريتاج كذلك
تمشات عند احد حراس وسولاتهم
نور : سلام عليكم
حارس حاني راسو ونطق : عليكم بالسلام ألالة
نور : ممكن نسولك اهل الدار فين مشاو
حارس : اه راه مشاو رباط
نور : كفاش اش غيديرو فرباط
شوية تفكرات ختها بلي مشاو رباط على قبلها باش اقراها تم وشكراتو وهزات اللوطو ديالها وهزات لفاليز دارتها فالكوفر ودمرات نيشان شدا طريق لرباط
ساعة ونص كانت وصلات رباط ودخلات بين شوارع عاصمة توصلات فيلاتهم وفتحولها لحراس الباب باش دخل اللوطو حيث عرفوها ودخلات