عشقك إدماني

Parte 38

إسراء همسات لصوفيا : شوفي هاد خونا تيق راسو بزااف
صوفيا : وهنينا اصحبتي خلينا نقراو
جلسو فطابلة جبدو كتوباتهم وبدا إلياس وعمر كتناوبو فدروس ونطق عمر
عمر : اوا كنتمنا تكونو فهمتو
ريتاج : شكرا بزااف ليكم حنا محظوظين لرقينا ليساعدنا
إلياس : عادي نتي بحال ختي
نطقات صوفيا وإسراء : شكرا ليكم بزااف عمرنا نساو خيركم
إلياس : هانيا هانيا
مدلهم جهويات باش يخدموهم
إلياس : مهم خدمو هاد جهويات ملي تكملو هبطو عندنا تحت نصحولكم
ريتاج : وخا خويا
من بعد هبط عمر وإلياس تحت وكلسو مع والدين ريتاج كتحدثو وكهضرو فمواضيع مختلفة
اما الفوق البنات خدامين وكقراو تاكملو تخراج وهبطو تحت مدو ل إلياس وعمر اصحولهم
إلياس : مزيان دبا انا مرتاح ملي بعدا ضمنتو مواد اخرين بقات فرونسي لشويا خصكم تخدمو عليهم وتظبطو دوك روايات
صوفيا : وخا صافي
وصلات وقيتة ديال تسعة دالليل مشاو البنات طلعو فوق جمعو كتوباتهم وهبطو بغاو يمشو وقفت عندهم ليلى
ليلى : بقاو ابنياتي تاتعشاو
إسراء : لا لا خالتي حنا غنمشيو
عماد : غار بقاو تتعشاو وديكساعا سيرو
إسراء : لا عمبةي شكرا ليكم بزااف حنا خاصنا نمشو حيت مزال عندنا غدا إمتحانات وخاصنا نراجعو
ليلى : اه اوا صافي الله يوفقكم،. ريتاج سيري معاكم تايركبو مع شيفور
ريتاج : وخا اماما
كانت ماشيا معاهم ريتاج
ونطقات صوفيا
صوفيا : وايلي ريتاج صراحة حمقني داك صاحبو تيتيز
إسراء قرصتها وهدرت : ونتي كوني تحشمي اويلي
صوفيا : ومالي قلت كلمة عيب غير نتي للأسف مكتعرفيش تميزي بين زوين وخايب. غير حنيت قلبي وقلت نخلي لك إلياس
ريتاج : ويه كبالي ولد خالتي غيجي مع إسراء
إسراء شافت فيهم كفاش كهضرو عليها وياد لبقوها مع واحد محملاه
وشافت فيهم نظرة تقزز
إسراء : اش كتقولو بغيتوني انا نشوف فهذاك وجه نحس. مكنظن بلي نتوما في قواكم عقلية للأسف خاب ظني فيكم
ورسمات على وجهها بتسامة تشفي
صَفيا : نتي مال هاذي تشوف فينا بحال هكا واشهاد ابتسامة
ريتاج : منعرف حنا شدرنالهم
صوفيا : ويه هتشي لمستغربة فيه
اما إسراء ركبات مع شيفور وكتهدر مع راسها
:اويلي على خريات مبالي هذاك الزمر اربطوني فيه عصبوني تفو غاحشمت نسبهم حيت عايدين فقلب دارهم ابلاتي عليك اصوفيا تالدار نوريك
وصوفيا بقا كتهدر مع ريتاج
صوفيا : يلاه بسلامة ريتاجريتاج : بسلامة
ركبات صوفيا اللور حدا إسراء
منطقو بتاحرف تاوصلو دار نقرو دار فتحلهم مصطفى دخلو تسالمو معاهم
رحمة : اهلا ابنياتي كدايرين مع قراية
إسراء : لباس حمدالله
رحمة :اوا الله يوفقكم.
: اجو عونوني نحط العشاء نتعشو
صوفيا : وخا انحطو شكايرنا ونجو نعاونوك
عونوها حطو العشاء تعشاو بالصمت قليل فين كيجبدو الكلام وكلسو متبعين تلفازة اشوفو امتا غيجي رمضان وش غدا ولا بعد غدا علنو عليه بلي غدا غيجي
مشاو البنات البيت فرشو بلايصهم
صوفيا : وإسراء واش اتبقاي متجاهلني ولا شنو
إسراء : خلينا عليك. نتي دايرها كحلة
صوفيا : ونتي اصحبتي معمري شتك تزعطي فشيحد
إسراء : وش نتي شوية لباس وش نتي في قواك عقلية. انا بقالي غنزعط فشيحد
صوفيا : ناري معقدة لوخرا محال اكون عندك قلب
إسراء : وبصحتي
عند ريتاج لكالسة مع والديها وإلياس وعمر كهضرو بيناتهم
منبعد توادع معاهم إلياس وعمر ومساو فلوطو وحدة ديال إلياس حيت عمر مجابش سيارة ديالو
نطق عمر: ناري اصاحبي ديك وجه نحس لكينيها اليوم لباس اليوم بالي دارت عقلها
إلياس : نتا خلينا شبغينا نهدرو فيها. لفيها كافيا.
عمر : مالك إلياس. شتك مكتحملها
إلياس : خلينا ساكتين نتا عارفني مكنحمل نهدر بزااف
بقاو في صمت توصل إلياس عمر إقامة ديالو عاد هو نطلق دارو
مشا دارو بدل عليه جبد شي خدمة بقا خدام عليها شويا سها هو كفكر فيها كفاش كتخاصم معاه ومرة تاضحك مع صحبتها وتغوبش تافاق بسهوتو ونطق: اوف انمي فين مشا عقلي
بقا مقابل خدمتو
مع سحور نوضتهم رحمة اتسحرو حيت غدا رمضان شهر عبادة شهر صيام ليكون فيه تحضيرات قبل متل شباكية وسلو وبريوات وعديد من شهيوات اللذيذة
ناضو اما صوفيا شعرها كامل مخربق وهي إسراء مبقوين بنعاس
غسلو وجههم وناضو اتسحرو معاهم من بعد شلو فمهم ومشاو توضاو باش يصليو فجر
مشاو كملو نعاسهم تال 8 بحكم فرمضان مكيدخلو تال 9ونص وناضو لبسو لباسهم وتسالمو مع رحمة ومصطفى حيت غيبقاو فمدرسة بحكم دار بعيدة شويا على مدرسة للذلك مغايرجعو تال 4
تلقاو مع ريتاج تسالمو معاها
وجلسو يقراو
وصلات الوقيت مع 12 تال 12 ونص بيناتهم نص ساعة كلسو تم جبدو كارطة كلسو كقصرو بيناتهم
اما عند رحمة كطيب دهلا كوزين من ديك 11 ديال نهار وهي كتوجد فشهيوات
اما إلياس عيطاتلو خالتو باش يجي عندها باش تعطيه شي شباكيات وسلو
خرجو البنات من مدراسة تسالمو مع ريتاج ومشاو دار بدلو عليهم وكلسو كستارحو رقاو رحمة بقالها غاعصير تاوجدو
وصلات قريبة وقيتة فطور وجدو فطور كلسو كتسناو اأذن المغرب باش يشارعو افطرو
اما عند إلياس جا عندو صاحبو عمر باش يفطر معاه
اذن مغرب فطرو ومشاو توجهو الجامع اصليو
من بعد رجعو وكملو فطورهم