عشقك إدماني

parte 142

نهار جديد
اصبحنا واصبح الملك لله
فاقت إسراء بقات كتشوف فالغرفة وكتذكر بلي منعسات تم انها نعسات فالتحت وشافت جنبها رقاتو هو لناعس على كرشو وحيدات عليها الغطاء وتجهات دوش باش دوش عليها عاد من بعد مدوشات لبسات عليها سورفيت فالكحل سخونة وساترة هزات عبايتها صلات بيها صلاتها عاد بدات كتنشف شعرها وهو لضرباتو فيقة عاقد حواجبو كشوفها هي لكتنشف شعرها  من بعد ما نشفات شعرها جمعاتوا على شكل كوب شوفال وكتفات فقط بليكخون ديال شمس ومرطب شفاه وهزات صاكها لفيه كتوبها وخرجات من بيت بدون ماتعير لو الاهتمام
اما هو ناض دوش عليه ولبس سروال سليم كحل مع قميجة كحلة وهاز فيستة فإيديه كحل وشعرو نشفو وسرحو اللور شي خصلات شعر لهابطين على عينيه وتم نازل هي لكانت كتفطر وشمات ريحتو رجولية طلعات عينيها فيه وهي تهبطهم دغيا متجهلاه كذلك هو شي مكيشوف فشي  وبقاو كفطرو بكل هدوء من غير إلياس كرشف من قهوتو وكتسناها تنوض باش اوصلها
بعد مكملات فطورها ناضت ومشا هو تابعها ركبات اللور وهو لركب قدام ودار شاف فيها مخنزر ونطق بحدة : تݣعدي لقدام يلاه
إسراء شافت فيه مخنزرة وطلعات كتافها بطريقة طفولية وهو كشوف فيها ونطق : منعاودش كلامي طلعي لݣدام
إسراء نطقات بهدوء : بغيت توصلنا وصلنا ولا غانزل وناخوذ طاكسي متعصبنيش
إلياس عقد حواجبو وهبط جا عندها فتح لباب ونترها من ذراعها وهي كترطا باش تحيد إيديه  ونطقات : وحيد ازمر حيد إيديك عصبتيني حيد
شاف فيها مخنزر مجاوبها هو يفتح لقدام ودخلها بزز منها وسد الباب بكونطاكط وهي مضاربة تفتح الباب تطلع ونطق مغوت مورا سد الباب : هنينا يلاه تبرهيش صافي
إسراء سقلات بقات اكتشوف من زجاج نافذة تاخرج من فيلا وغادي في طريق لوجهة لجامعة وصمت سائد مكان وإسراء اكتشوف وكتبلل شفايفها خصوصا مع تشهات كوفتير ولكن مرضياش تقولهالو 
هو شاف فيها وبلاصا اللوطو حدا مول وهبط وبقات هي اكتشوف تاجا عندها محمل بالكيس في انواع سقاطة وكوفتير وطلع  ومدولها وهي ترجعولو ونطقات : ماعندي مندير بيه غاشوف عليمن تصدقو
إلياس شاف فيها مخنزر ونطق : براكا من تبرهيش شدي داكشي لي مشهية وهنينا
إسراء نطقات : مابغيتوش هي مابغيتو مكتفهمش محزرتكش تجيبليا والو
حطو حدا رجليها ودمارا نيشان وجهة الجامعة اما هي مرة مرة عينيها ديها ديك لسقاطة تهزاتها وبدات تاكول فيها وهو حاضيها بعينيه ماهدر ماتكلم وهي كتاكول وكتبنن وهزات بطة ديال  كوفتير بغات تفتحها مقدراتش تشدها من عندها وفتحولها وعطاهلها بدون مايتكلم وهي تشدو من عندو و جات بغات تاكول بإيديها وهو ينطق : بلاتي هاكي ملعقة باغا تروني حالتك امتا اديري عقلك هاا امتا
إسراء شاف فيه مورا ما شدات ملعقة من عندو ونطقات : ماشي سوقك
إلياس : راه غنصرفق مك ديها فماكلتك وهنينا صداع راس
مجوباتوش وبدات كتبنن وهو حاضيها وكتجنن غابوحدو  تكانو وصلو حدا جامعة وهي تخلي نص قرعة كوفتير تم وهزات كلينيكس مسحات فيهم إيديها وفمها وهبطات من اللوطو وضربات الباب بجهد وبقا هو اكشوف تجات عندو من جهة لاوخرا  ونطقات : يلاه دبا تفرݣع على اللوطو ديالك الا مهرستها من تسماش إسراء
إلياس صغر فيها عينو ونطق : مزيان مزيان سيري وكان غبري عليا كمارتك
إسراء معجبهاش الحال ونطقات : انت لي لصقة بغيت طلاقي سمعتي طلقني اسيدي وغنغبر متعرفني فين كاينة ولا فين زدت 
تعصب ونطق : راه غنصرفق مك كتقلبي عليا نتي دوري تق***ي  لقرايتك يلاه قبل منشوهك هنا
إسراء شافت فيه مخنزرة وخلاتو وهو دمارا نيشان الوجهة لخدمتو وهي مشات متاجهة عند الباب لكانو كشوفو مشهد تجات عندهم ونطقات بغير الخاطر : سلام
صوفيا نطقات : نتي امالكي كتباني معصبة ونتي و نسيبنا مالكم اشواقع
إسراء تنهدات ونطقات : والو مواقع والو زيد ندخلو
جوهرة نطقات : اسراء كتباني اليوم طافية وش دابزتي نتي وراجلك ولا اش
ريتاج : اسراء ختي ياكما دارلك ولد خالتي شيحاجة غنوريه مزيان تبارك الله
إسراء تفرݣعات عليهم ونطقات مغوتة : ماشي سوقكم ماشي سوقكم  صافي اواه عصبتوني وش مكتقضاوش إسراء اسراء اواه وابزاااف
وزادت داخلا مخلياهم هوما اكشوفو مصدومين منها تنطقات صوفيا : وش هادي إسراء لغوتات دبا ، ريتاج وش وقعات شيحاجة ملي مشيتو تغداو معاهم
ريتاج : تال منبعد اصوفيا ونعاودليك دبا خاصنا نواسو صحبتنا
ودخلو تابعينها وجوهرة تابعاهم مفاهما والو ودخلو يقراو حصصهم
اما عند رانيا لكتجهز راسها باش تخرج تلاقا مع غيثة لبسات عليها سروال بالبيض مع شوميز مشبكة من عند  العنق بالحمر مع طالون بالكحل وساك فالكحل وسرحات شعرها لبلكحل بوكلاتو من تحت وهزات طوانݣها مع سلسة سامبل وݣورميط سامبل  اما وجهها دايرالو ميكاب  خفيف وخرجات من بيت هابطا عندهم لكانو هوما كفطرو مجموعين  تنطقات
إيمان : افين غادة ارانيا
رانيا نطقات : اوه ماما انا غادة نتلقا مع صحبتي
إيمان : وخا ومتعطلي
ليلى : جالسي ابنتي تفطري بعدا
رانيا : نو اخالتي انا غادي نفطر على برا
نور طلعات عينيها فيها ونطقات :  اوا متعطليش باش تمشي معايا نختار قفاطن
رانيا : وخا مغنتعطلش
خرجات من فيلا وخدات اللوطو ديالها لمنوع رونج روفر بالكحل ودمارات نيشان لوجهة لواحد كافي
بعد مسافة طريق تكانت وصلات تم وهي تدخل  وتحولو نظرها نيشان فين جالسة لغيثة لي لا تقل اناقة عنها تجهات عندها هي تشوفها غيثة ونطقات : زين صڤا توحشتك غبور هادي
رانيا بتاسمات نطقات : حمدالله  تاأنا توحشاك احبيبة ديالي
وتسلمات معاها عاد جلسات وطلبات شنو بغات وهي تنطق غيثة : اوا هدري خلاص ارانيا عرفتي ملي قلتي عندك خبار زوينة وانا راسي ضرني
رانيا شافت فيها ونطقات : ااه خبار زوينة اخيرا خليتهم اتخاصمو خاص غار نقتل ولدها ونتي تنفدي خطتك ديكساعا غتجي تكوني نتي مرات خويا
غيثة : بصح كفاش خليتيهم اتخاصمو
رانيا : اوا اشنو كنلعبو هنا بالطبع انا رانيا منصوري ملي كدير شيحاجة فبالها كتنفذ ههههه
غيثة : صراحة بصحتك اوف اخيرا غنتزوج بحبي إلياس خاص غداك ولد اموت امتا ناوية نتهناو من هاد ولد شنو فاش كتفكري قوليلي
رانيا : اوا صبري نعاودليك شنو درت
غيثة : اه عاوديلي شوقتيني
رانيا :  اولا انا ستخدمت عاطفة خويا ومن حسن حضي كتلقاها هي لمعايراني  هنا ستخدمت هاد نقطة لصالحي وضدها هي وخويا ضارب معاها وغوت عليها عرفتي شحال فرحت ملي شفت فنظرتها الانكسار مزال غنحرق قلبها
غيثة : واو بصحتك عرفتي نتي خطار صافي
رانيا : اوا شنو
غيثة : ااه وشنو خطة موالية شنو غاديري
رانيا : سمعيني مزيان خطة موالية انا لغنفدها وخطة لاخيرة نتي لغتنفديها سمعتي
غيثةنطقات : ولكن شنو غاديري بظبط باش نعرف
رانيا : اوك ازين اولا******************** وتاني خطة ديالك نتي لغتقومي **************""""""""
غيثة : واو حمستيني اذن خاصنا غنفدو
رانيا : اكيد
بقاو كجمعو واغلب هضرتهم غار على إسراء  تاشويا وقف قدامهم اشرف لكان وجهو مزوق بفصمات لابس فقط سورفيت وهو  لكان دايز كقلب على فين ساكنة إسراء تكاتبالو اخت إلياس من كافي وتم داخل وقف عند راسها وطلعات عينيها فيه رانيا وكذلك غيثة ونطقات رانيا  لكتشوف فيه بتقزز : شكون انت ولاش كطفل علينا تفو جماعة متسولين اوه
أشرف خدا كرسي وجلس وهو كشوف فيهم ونطقات غيثة : ايييه وش سيبة هنا فالبلاد ولاشنو نوض حيد من حدانا
أشرف نطق بهدوء : اشش هنونا براكا من الغوات عندي شي هضرة بغيت نقولها وغنوض نتق** بحالي
رانيا تنهدات ونطقات : اوف هانا كنسمعوك شنو باغي
أشرف صغير عينو فيها ونطق : واه ملي  هكاك رانك تيتيزة نتي زوينة
رانيا عقدات حواجبها ونطقات : شنو باغي دور حيد من حدانا ولا ميعجبك الحال
غيثة : ياه على ݣنز صافي جماعة متسولين
أشرف لضرب ايدو على طبلة ونطق : راه غتهنونا ولا وجههكم غيتخسر وجبد زيزورا قدامهم كلعب بيها فإيديها وحاضيهم هوما لحسو بالخوف ونطقات رانيا لسرطات ريقها : هانا  غار هضر خود راحتك باغي تشرب شيحاجة ياك غار وجهي انا متقيسوش
أشرف لضحك وسند ظهرو على كرسي وهو كتمعن فيهم ونطق هو كشوف مباشرة لوجه رانيا : نتي هي اخت داك ز* هاا
رانيا معجبهاش الحال انطق على خوها هكا : حدك تم خويا متذكروش
أشرف قرب عند وكشوف مباشرة لوجهها ونطق بصوت خافت وكلعب في زيزورا لفيدو : اشش هنينا ولا غتخسر صيفتك
رانيا بقات كتمتم : ااا وووخااا  اخويااا صاااافي هااانا هااانيااا
أشرف كشوف فيها بتلاعب : مهم فيناهيا إسراء
رانيا وهي توسع ابتسامتها واشرف ستغرب ونطقات : ابون هي انت كتقلب على معشوقتك مزيان
أشرف لنطق : براكا من اللعب خاوي فيناهيا إسراء