عشقك إدماني

Parte 15

اصبحنا واصبح الملك لله
ناضت إسراء مع 7 ونص وغسلات وجهها وهي تنوض صوفيا
إسراء : وصوفيا نوضي نتي مكتشبعي نعاس ولا شنو
ناضت صوفيا كتفوه غسلات وجهها
لبسو لباسهم وهزو شكايرهم ومشاو الكوزينة
رقاو رحمة نايضا بكري
إسراء : صباح الخير
رحمة : صباح الخير اجو تفطرو
كلست صوفيا واسراء كفطرو وناضو سلمو علي رحمة ومصطفى
مصطفى : قراو مزيان وجيبو نقطة تحمر الوجه.
صوفيا : وخا ابابا يلاه بسلامة هنا مشينا
بقاو ماشيين صوفيا واسراء
صوفيا : عرفتي اصحبتي احسن حاجة غنجلس حداك ونقراو نفس القسم
إسراء : ويه صراحة نتي اتكوني عرفا دروس
صوفيا : اه عارفاهم غار فرونسي هو لطيحني جبت فيه 4
إسراء : اه هكاك
لكاو عساس عربي  كفتح الباب
العربي : غبور هدي فين كنتو نكولو صوفيا طالعة الباك ونتي إسراء خرجتي من قرايا ولا شنو وكدايرا الواليدة لباس عليها
إسراء : اهلا العربي اه انا خرجت من قرايا ورجعتلها حيت كنت في ظروف وماما الله يرحمها
العربي : اه الله يرحمها
صوفيا : إسراء يلاه ندخلو
دخلو داخل الليسي
مشاو قراو وخرجو مع 12 راجعين دار
صوفيا : اوف اإسراء راسي بغا يتقسم
إسراء : وحتا انا اويلي ساعتين فيزياء موراع ساعتين ماط مانا باغيين نصنعو ناواوي
صوفيا : وحق الله
دارت صوفيا جهة الليلمن وهي تبلها مدبزة
صوفيا : وإسراء شوفي شوفي تم واو ومدابزة اصحبتي
إسراء : وايلي اصحبتي يلاه نتفرجو ونشجعوهم
مشاو كتفرجو بلاصت ميفكوهم كاعدين كضحكو وصافي سلات مدابزة وراجعين دار
صوفيا : وايلي ضحكتني كفاش نتفتها
إسراء : وحتا انا يلاه زربي اصوفيا راه تعطلنا
دخلو دار مع ديك الواحدة رقاو واقفا لهم رحمة بعود شطابة
رحمة : اكولولي نتوما فين كنتو
وهي تنطق صوفيا : وماما وحنا رقينا مدابزة وبقينا كنتفرجو فيها نشوفو شكون لغلب
إسراء :اه اخالتي كنا كنشوفو مدابزة
رحمة : داكشي لمقبلين نتوما اخر مرة تعطلو هاودني منكم ولا نكولها سي مصطفى
صوفيا : صافي اماما بل متكوليهالو عفاك
إسراء : عفاك متكوليها اخر مرة نتعطلو
رحمة : يلاه سيرو صلو صلاتكم وزيدو تغاود مبقا والو ادخل مصطفى خاص ارقا غداه واجد
ناضو اتوضاو وصلو صلاتهم وبداو كعاونو رحمة فتوجاد غداء لعبارة عن سردين مقلي مع انواع شلايظ
دخل مصطفى دار
مصطفى : سلام عليكم اوا نتوما اشقريتو اليوم
صوفيا : قرينا الماط وفيزياء
مصطفى : زيرو ريوسكم وبركا من تفليات اخر مرة رقاكم مجتمعين كتفرجو فشي مدابزة
شافو فيه إسراء وصوفيا بصدمة
وهو يكمل كلامو كَايلين عني مغنجيب خباركم اي حاجك درتوها هاك ولا هاك راني سايق لها خبار
إسراء : وخا اعمي غنديرو عقلنا وغادي ندوها فقرايتنا ومتلينا نجتمعو علي تاشي مدابزة غتهنا
مصطفى : اوا الا كان هكا  نتمناو
جات رحمة هازا بلاطو ديال عاصير الليمون مع الكيسان وجلسو علي طابلة وكياكلو ويضحكو ويهضرو