عشقك إدماني

parte 165

هبطات عند عيالات لبداو كسخنو في بنادير باش يبداو نشاط على اصولو بداو بنشاط كاين غاالله يعطيك صحة وشطيح ورديح جاب الله بيت إلياس ملي كتسد الباب متلاش كسمع صوت كن هبط ليهم
دازت ديك العشية بضحك ونشاط عاد وصل الليل كلها طلع باش ينعس باش يوجدو غذا لختانة إياد
نهار جديد وبأحداثوا
اصبحنا واصبح الملك لله
لكانت ساعة كتشير ل9 ديال صباح وإسراء هازا فإيديها إياد كترضعو  تاتم داخل إلياس بعد مكان مع طبيب لغيطهرو  ونطق ملي شافها سالات رضيع : عمري عطيني لولد ندوه اطهر
إسراء شافت فيه بطفولية وهي حابسة بكية وشدات ولدها عندها وهو غامبلق عويناتو وداير صبيعاتو ففمو : لا اخليه غادي يبكي ويتألم بلاش
جلس حداها ونطق : إسراء راه ختانة فرض على كل مسلم اري ولد هنا
إسراء : لا اخليه
عدوه يبقا يعاود الهدرة ونطق بنفاذ صبر : إسراء اري الولد هنا رانك بعقلك منبقاش انا نتجاحد معك
عطاتو الولد  وشدو  من عندها وهي شداها تنخصيصة ونطقات : عفااك متأديوهش وتخلوه يبكي هو مسكين باقي صغير ويلاه عندو سيمانة  وبغيتي تخثنو حرام عليك مبقاش فيك
عنقها عندو بيد وحدة ونطق : عمري مالك وليتي حساسة هكا راه ميغوقع لو والو ودغيا يبرا من احسن اتختن هو باقي صغير ولا لا
فصلات عناق ونطقات بإحباط : وخا وقوليهم يراعيو لو وميقصحوهش صافي
إلياس : تهناي
ومشا مخليها هي جالسة فالبيت وشادها توتر هبط عندهم إلياس هاز ولدو ودخل صالون لكان فيه طبيب برفقة جوج من ممرضين ومعاهم عمران وعماد  ومصطفى باش اشدو   دري وإلياس حطو  فوق البياص وبدا طبيب كتم عملية ختانة ولد غاكبكي ملاء فيلا بغواتو بسبب الحر  مشاو الأطباء بقاو معاه غامصطفى وعمران وإلياس عاد إلياس هزو هو كحاول اسكتو وطلع بيه عند مو ترضعو وهو حلف لاسكت فتح الباب ودخل و  هي كتمسح دموعها وشداتو من عندو ونطقات بعتاب :حشوما عليك الله على حبيبي الله وبدات شحال كتسكتو وكترضعو وكتعتني بيه  ولبساتو فوقية باردة ومحيدالو ليكوش
مرت ايام  مجارية لشهرين إيمان مشات عند ختها باش تعاونها في العرس ريتاج ومعتصم ، عمران  رجع الامريكا  مكان عملو ورانيا مع مها عند ليلى اما رحمة ومصطفى رجعو كازا 
وصل نهار العرس ريتاج ومعتصم لتم بكل العدات  وتقاليد وحتاهي مشات لحياتها زوجية وغتعيش مع معتصم في رباط لكن ماشي نفس فيلا لمع جدو وواليده هو  عتازل عليهم
مرت ايام البنات رجعو اقراو وكدوزو اخير  امتحاناتهم  في العام الاول بالنسبه إسراء حبسات قراية وقررات تقابل ولدها وتولي ربة البيت
في احد ايام جاو عندها البنات صوفيا وصلها عمر وريتاج وصلها رجلها ودخلو هوما مشاو مع إلياس لصالون اخر مجمعين ولاو اقرب صحاب اما البنات جالسين فالبيت  وإسراء حطا إياد  فالكونة يلاه بدا كتقلب على جنبو وعلى ظهرو  عندو 4 اشهر وكنبت سنينات يلاه منبت جوج سنينات تحتانيين وجوج سنينات فوقانيين وهز فإيدو كورة صغيرة اللينة كعض فيها وكرد الحر ديال سنان تنطقات إسراء من بعد مجابت خادمة ضيافة : وعلى سلامة لشفناكم  غبرتو
صوفيا بتاسمات ونطقات : ونتي خليتي بلاصتك خاوية فالجامعة ياختي توحشت ديك القراية معك
ريتاج : ويه بصح ولفت نتسناوها ولفت ايامات لكتغوت عليا باش مندير ضحك فراسي واو ايامات هههه
إسراء ضحكات ونطقات : قراو غانتوما انا خلولي هافنيون ديالي نربيه ونقابلو براكة عليا معمر عليا
صوفيا بتاسمات ونطقات : مفراسكم البنات انقولكم واحد خبر
ريتاج وإسراء شافو فيها بتركيز كتسناوها تنطق تجبدات من ساكها test الحمل فيه جوج خطوطة وراتولهم تشداتو من عندها إسراء مصدومة ونطقات بفرحة : وايلي وش حاملة اصوفيا
صوفيا حدها امأتلها براسها ، ناضت عندها وعنقاتها وعنقاتها كذالك ريتاج ونطقات ريتاج : مبرووك عليك فرحتلك دبا شحال عندك
صوفيا: مشينا انا وعمر فصباح عند دكتورة قاتلي عندي شهر
إسراء : الله يثبتو ياربي ويتزاد بيخير وعلى خير فرحتلك بزااف
إسراء ناضت ونطقات : بقاو مع إياد هانا دبا جايا
صوفيا عقدات حواجبها ونطقات : فين غادا
إسراء : ابقاو هانا دبا جايا
مشات الكوزينة خبرات خادمات اوجدو لكيك وضموندات على طارطة بضع دقائق  تكانت وصلات ضموند دخلاتها تلاجة اما خادمات كانو كملو من كيك وبداو كقادو العشاء
وصلات ساعة 9 ديال الليل وهي تجيب إسراء كيكات حطاتهم فوق طابلة  وزوقات دنيا ببالونات وخادمات جابو طورطة حطوها فوق طابلة انواع عصائير  وصوفيا وريتاج اكشوفو بإستغراب
ونطقات صوفيا : شنو هدشي اإسراء
إسراء : هذي فرحتي ليك اختي  
صوفيا عنقاتها بإمتنان  وجلسو محتافلين وعاد قطعات حلويات فرقاتها عليهم وعلى إلياس ومعتصم وعمر وكذاك داولهم خادمات حقهم وجلسو كهدرو وناشطين وإسراء تفوت  شويا وتسول صوفيا ياكما مشهية شيحاجة
في مكان اخر رانيا لخارجة مع غيثة كتساراو وهازيين فإيديهم داكشي لشراو ودخلو ريسطو ملي عياو باش يتعشاو طلبو داكشي لبغاو جلسو كياكلو فهدوء ونطقات غيثة كسرا صمت لبيناتهم : امتى غنبدا فخطتي ارانيا مقدراش نصبر اواه بزااف هدشي هوما فرحانيين وانا معذبة
رانيا حطات ملعقة لكانت كتاكول بيها وجمعات إيديها مربعاهم وطلعات عينيها فيها ونطقات بهدوء : غار صبري باقي موصل وقت مناسب لعليك نتي تبعيني وسكتي انا عارفا شنو ندير
غيثة عضات على شفايفها بعصبية ونطقات بحدة : اش عرفا اش عرفا 4 اشهر دازت  ومدرنا والو هاا هي عايشة حياة زوجية مع راجلها وفرحانة
ورانيا كتستامع ليها ببرود وكتشرب من عصيرها وهي تنطق غيثة مكملة هضرتها بإستفزاز : ولا ياكما حنيتي فيها وليتي متقبلاها وانا باغياني نبقا متبعة هدرتك ومسكتاني بلي باقي وقت
رانيا خلاتها لين كملات ونطقات بهدوء : معجبك الحال اغيثة عطالله باش نفارقهم لذلك ياغتسمعي هدرتي ياسيري ومتفرعيليش مخي اوك
وبدات كتاكول ببرود ممسوقاش اما غيثة رجعات كتاكول حتاهي مكلتها ومحملاش هاد برود لفرانيا وبقا صمت سائد مكان تنطقات رانيا : قريب غتنفدي خطتك غاصبري على خبزتك طيب كما كتقول الجدة الله يرحمها
غيثة شافت فيها بذهول ونطقات : حلفي يعني غنفارقوهم
رانيا : شهاد سؤال غبي بالطبع غيتفارقو
نطقات كلماتها رانيا توقف عليهم اشرف لجر كرسي  وبتاسم ابتسامة خبيثة وجلس عاد نطق  : هي يلاه نويتو تفارقوهم
هوما بقاو كشوفو فيه بإنزعاج تنطقات رانيا : شنو جابك انت ثاني اواه وليت كنشوفك كثر من خويا اش باغي عندنا ياك قلتليك تنعيطليك
أشرف نطق بحدة : ماشي نتي لغتوريني امتى نجي وامتى وهنينا قبل منحد لك هاد تفرعين لولا فيك
رانيا سرطات ريقها وصقلات متلات زادت تاكلمة معاه وبقا صمت سائد مكان تنطق اشرف   : ملي تفارقوهم بغيت إسراء تكون ديالي سمعتو
غيثة بتاسمات بشر : بالطبع هاذيك عوجة غاديها
مجوبهاش  ناض ومشا مخليهم هوما لمكملين تخطيطهم شنو غيديرو مر وقت عاد خرجو من ريسطو كل وحدة تجهات وجهتها
عند إسراء وإلياس لمجتمعين على العشاء هوما  وحدهم والرجال بوحدهم
البنات  شاديين غار هدرة على صوفيا وعلى حملها تنطقات ريتاج : صوفيا الا ولدتي ولد شنو غتسميه الا ولدتي بنت شنو غتسميها
صوفيا : صراحة والله معرفت باقي مبحث على سميات
إسراء : انضرا قلتيها لمي رحمة غتفرح
صوفيا : واه قلتها لماما فرحات بلاقياس
بقاو مجمعين تتعشاو عاد مشاو ديورهم وبقاو إسراء وإلياس  لطلعو بيتهم وإلياس هاز إياد لناعس  دخلو البيت وحطو فبلاصتو عاد تجهات إسراء مشات دارت روتينها الليلي عاد تجهات باش تنعس تبدا إياد كيبكي وهزاتو كترضع فيه وحطاتو بلاصتو باش ينعس حلف مبغا ينعس ونطقات بإحباط : ناري غيبقا مسهرني معاه وانا بغا نعس 
إلياس نطق بحنية : غنعسي اعمري انبقا معاه تينعس
إسراء بتاسمات لو بإمتنان وحطات راسها على مخدة وغدرات لسبات نوم وهو بقا مع ولدو كلعب معاه ويضحك معاه   تعيا ونعس ونعس كذلك إلياس