عشقك إدماني

parte 99

إسراء احاضياه بعينيها كفاش كهدد تشدات فإيديه وهي تنطق بعد ممسحات دموعها وحولات تكالما
إسراء  بنبرة هادئة نطقات : سمعني الله يخليك انا باغيا نخوي قلبي حيث الا مهدرت غنحماق
إلياس نطق بنبرة حنينة : هدري كما قتلك همك همي وحنا واحد اي حاجة ضراتك  ضراتني و انا أول واحد   نعرفها
إسراء : نقوليك تاواحد مقلقني قد ديك عائلتي لكتاشفتها هههه صدقات أنانية بزااف وكتهتم بمظاهر  ومسوقهمش في شيواحد اخور من غير اكونو في أبهى الحالة هههه شفتي اإلياس شحال كضحك هتشي عائلتي نرجسية كهموها غار مظاهير وتبان قدام الناس
وهي تهبط دمعة من عينيها مسحاتها وكملات كلامها : انا مكنتش غالطة فيهم ومكنتش حاقدة غهكاك انا شفت بعيني وخا كنت صغيرة الحزن لكان في بابا وفي ماما ومزال كنعقل كفاش مات اب ديالي وكذلك ماما ماتت غبفقايص  
إلياس : دبا بغيتي تقولي رقيتي عائلتك كفاش و امتا رقيتيهم ؟!
إسراء : ااه صدقات ديك بنت لتعرفت عليها جديدة صدقات  بنت عمتي ههه شفتي شحال دنيا صغيرة بزااف
إلياس : كفاش دبا فهميني نتي كفاش عرفتي بلي هي بنت عمتك
إسراء : راه كنيتي نفس كنيت مها ونفس كنيت خالها يعني انا بنت خالها
إلياس: اقدر اكون تشابه كنيات انتي اشفتي كنية بحال بحال قلتي صافي راه من عائلتي
إسراء ناضت معصبة ونطقات بغوات : ومديرنيش حمقة  حتا انت اإلياس بحالهم انا عرفا شكانقول  انا راه مكضربش الحجر
إلياس ناض عندها وشدها من كتفها ونطق بنبرة هادئة : كالم طوا بشوية انا راه مقلتش نتي  حمقة انا قلت بلي اغلبية كنيات كتشابهو فهمتي
إسراء نطقات بنيرة جدية ومخنزرة  : اكونو كتشابهو ميكونوش كتاشبهو انا مكيهمنيش  انا متأكدة هي من عائلتي من هتشي لعودتلي شنو وقع مع خالها او بلأحرى مع الاب ديالي
إلياس شد من إيديها ونطق  : جلسي وعوديلي كلشي رانك دوختيني معك باش نعرف كفاش نتصرف جلسي الله يرضي عليك
إسراء جلسات مربعة إيديها عندها وجلس قدامها وكتسناها تهدر تنطقات : بابا كان بغا ماما لكانت خادمة عندهم وهي كذلك بغاتو  وملي قرر اتزوج بيها رفضو عائلتو وقالك عار ولدنا اتزوج بخادمة 
وسكتات بقات شحال كتحاول تكالما ونطق
إلياس : كملي باش نفهم قصة كاملة
إسراء نطقات بنبرة هادئة   : اوا داك سيد باه حشا وش يكون جدي  قالو  لو الا تزوج بيها مبري منو ومتلاش عندو حق اخدم وماما قالولها اهلها الا مجاب والديه ومحضروش عائلتوا مغتزوجش بيه واصافي قررو يهربو حيث هوما شافوا راسهم مع بعضياتهم ولكن  بابا من ديما كان كجي عند باه اطلب منو سماحة وارضى على علاقتوا زوجية ولكن هو كجري عليه
وكملات كلامها وهي تنطق بنبرة حزينة : شفتي اإلياس هادو هوما عائلتي اللهم نبقا بلا عائلة ونكون مقطوعة من شجرة ولا هاد عائلة انانية ونرجيسية كتهتم بمظاهر انا كنكرهم كيما عيشوا الواليدة واليد في جحيم بغيتلهم العذاب فدنيا قبل لاخرة
إلياس  شدها من كتفها ونطق بنبرة جدية : اششس مخاصك دعي عليهم سمعيني ا إسراء متنويش  سوء الظن الله يرضي عليك متحكميش عليهم تاتشوفي بعينيك ماشي تسمعي عليهم
إ سراء حيدات إيديه من فوق  كتفها بزعاف ونطقات بنبرة منهارة ودموعها كتساقطو من دموعها بغزارة  : كتقولي منديرش سوء الظن  ياك هاء
يلاه نطق إلياس : إسراء سمعي ... وهي تقاطعو ونطقات : متقاطعنيش دبا انت كتقولي منحكمش عليهم منديرش سوء الظن انت رانك محاس بوالو باش كنحس
إلياس كسمع لها معرف ميدير هي بصح عنات بزااف كون غقدر اخفف عليها ندم حيث قالها متحكمش عليهم
ونطقات وهي وجهها حمر بسبب البكاء : هوما سبب تماتو والديا ،  او من  قبل  ذلك كنسمع الهدرة لميسوا ولميسواش وخا والديا مزوجين وخا ولدوني في حلال الا هدرة مسلماتش منهم ومسلماتش مني ملي عقلت وهوما كحشولي فهدرة   وانت كتقولي منحكمش عليهم هوما متبرعيين عايشين بيخير  هانيا ولا على بالهم وحنا  عايشين مكرفسين هاد دار كراء ها المصاريف هابابا اجري واجاري اقلب على طرف الخبز وباش اقريني باش ميخلينيش بلاش و ماما دايرا من جهدها ،  ماما ملي مات بابا كانت قريب تسطا تحملات غار على قبلي  حيث انا لبقيت عندها
و  خرجات تخدم حتاهي رقات معانات فزنقة كتسمع الهدرة ومعندها مدير  الحكرة والاهانة وموراها ماتو بجوج خلاوني نعاني وراهم  ممتقبلاش بلي ماتو والديا ولكن مع الوقت تقبلت بلي معندي مندير خاصني نعيش ونخرج  ونخدم على راسي فلول صوفيا والديها رغبوني انني نعيش معاهم ولكن مكنتش مستاعدا حتا انا زنقة مسلماتش مني كنسمع هدرة كسبوني بأنواع سبان ودبا كتقولي منحكمش عليهم علاش هوما حنوا فولدهم باش يتقبلوني انا الا هذيك عائلة غنساها ومبغاش نشوف كمارتها سمعتيني ولا لا 
بدات كتنفس بجهد  علي إثر الأعصاب
تقدم عندها إلياس وعنقها  من بعد وقفها قدامو   ونطق هو كمسح لها دموعها : صافي انساي  متعصبيش راسك فكري فولدك الله يرضي عليك فأي خطوة درتيها انا معاك بغيتي تشوفيهم وتعرفي عليهم نمشي معك مبغتيهمش مترمضيش مخك ها انا معك كما قلت لك عتابريني خوك راجلك باك اي حاجة ضراتك ضراتني
إسراء مبقاش عندها قدرة باش تجاوبو فقط كتسمع ليه تنطق : عمري يلاه زيدي تغداي
إسراء : اخليني عفاك معنديش شهية لنتغدا
إلياس : قتلك يالله معاودش كلامي ، سيري غسلي وجهك وهاني كتسناك باش نهبطوا تحت
إسراء : وخا
مشات غسلات وجهها رقاتو واقف كتسناها تقدمات عندو هو يعنقها بإيد وحدا جايبها جنبوا كما العادة هبطو تحت رقاو غداء موجود وجلسات وجلس هو حداها وبدات اكتنقب وهي حادرة راسها  مكتاكولش حيث شهيتها مسدودة 
هو حاضيها بعينو ونطق : إسراء كولي يلاه
إسراء : انا شبعانة مافيا لياكول اخليني
إلياس : راه غنتقلق منك يلاه الا مكلتي مغنخرجوش
إسراء طلعات فيه عينيها  ونطقات : بصح وش غنخرجو احسن حاجة ولكن انت وخدمتك
إسراء : ماشي مشكل خدمتي مهم تكون عمري بيخير هذي هي دنيا ومافيها
إسراء بتاسمات بخجل وهو ينطق
إلياس : يلاه كولي ولا متلينا خارجين
إسراء: اه وخا ناكول ولكن بغيتك توكلني من إيديك
إلياس : الله اودي مطلبتي غاموجود
إلياس بدا كيوكلها وكتنطق بلي براكة عليها ولا مبغاتش وهو كخنزر فيها وكوكلها وهي مكملات مكلتها لين طلبات شرع وندمات فخاطرها تقولو وكلني  ورجعات اللور شبعانة ونطقات : حمدالله ،  اناري اإلياس لبقيتي كتوكلني هكا غنولي بحال الدب  نولي غوريلا صافي
إلياس : بصحتك نتي غاكولي كوني كيفما بغيتي انا قابل عليك
إسراء : زعما بصح مغتشوف تاواحدة من غيري
إلياس : اشهاد اسئلة الثاني
إسراء : جوبني عفاك
إلياس : وش عرفا شكاتقولي ابنت الناس انا نهار بغيتك بغيتك حلالي بغيتك تكوني ليا بوحدي ونكون ليك وتعيشي معايا وفجناحي ونتي كتقولي وش غنشوف فشيواحدة وش نتي صفا با شهاد أسئلة ظيال مرض
إسراء : اه عرفت ولكن الا مليت مني غتشوف في  شيواحدة من غيري
إلياس : لاحولا ولاقوة الا بالله العلي العظيم انا عمري غنمل منك راه نتي خليتيني معشوق ليك من بعد مكانو والديا فاقدين فيا الأمل جيتي نتي رونتيني قلبي  وكتقوليلي دبا وش غنشوف فشيواحدة اخرى وش منيتك رانك نتي هي عمري ونتي وولدنا حط إيدو علي كرشها وكتحسس وهي حشمانة ومهبطا عينيها تحت ونطق : اخليلي حشمة 
إسراء بتاسمات لو وهي فرحانة من داخل وهي طلع فيه عينيها  ونطقات هزات إيديها وكتحسس اللحيتو ونطقات  : اخليلي  عمري يانا وينو على حبي أنا
إلياس مطلع فيها حاجبو ونطق : رانك رديتيني امدام بحال شي برهوش صغير
إسراء : هههههه ناري ضحكتيني
وشويا وهي تهدر بجدية ونطقات : عرفتي اإلياس وتقربلك شيواحدة عرفتي شنو غندير فيها
إلياس كشوف فيها وهي تنطق : غنشظها غنقطعها طراف طراف وندمها نهار فكرات تحط عينيها على راجلي سمعتي انت ديالي بوحدي وانا مغيارة حاجة ديالي ديالي
إلياس تفرشخ عليها بضحك وهي تشوف فيه مستغربة ونطقات : امالك كضحك قلت شيحاجط كضحك
إلياس : هايهاي على مشرملة ديالي
إسراء : وكجيتك نقد بيها ولا لا
إلياس : تقدي بيها وكان تقدي ونوضي سيري لبسي لباسك خلينا نمشو الا بغيتي تخرجي
إسراء ناضت ونطقات : نمشي ولكن فين غنخرجوا
إلياس : مفاجأة اعمري مفاجأة
إسراء : قولي عفاك
إلياس : لا قتلك مفاجأة يلاه سيري