بقا إلياس جالس حداها وصمت سائد مكان كلها ملهي فأفكارو إلياس من ناحية ختو وداك فعل لدارت ومراتو وإسراء لمحملاش الوضع تبقا ناعسة على ظهرها وكتشوف فسقف تكسرات صمت ملي نطقات بكره : ختك هي سبابي
حدو طلع فيها عينو وبقا ساكت ومربع إيديه ومسند ظهرو على كرسي هي لشافت فيه ونطقات بهدوء : ختك اكبر اللفعة شفتها فحياتي سمعتيني ولا لا كانت بغا تقتل ولدنا وش عارف هدشي ولا لا
هو لغمض عينيه وفتحهم محاملش الوضع ونطق بهدوء : عارف
إسراء : ملي عارف جري عليها منشوفش خليقتها قدامي وولدي الا ولدتو قسما بالله مغتشوفوش ولا تهزو هي كانت ناوية تقتلو ومبغاتش تخليني نفرح بولدي حفظو الله حيث كن وقعات شيحاجة لولدي غنقتلها ومغنترددش سمعتيني ولا لا
إلياس : جريت عليها غتهناي مغاديش تشوفيها وراه سمعتها لخل وذنيها عاد مشات ولبالك ديريه حيث هاد مرة هي لغالطة
إسراء بقات ساكتة مجوباتش وغمضات عينيها باش ترتاح وتنعس وتناسا الموضوع اما هو لتنهد وبقا كمسد جبهتو بتعب و
نهار جديد
اصبحنا واصبح مللك لله
ساعة 9 صباحا جاو عائلة كاملة مجتمعين مع إسراء معاونينها تالبسوها وقدولها حالتها باش تخرج من سبيطار
الاسعاف هي لداتها حيث خاصها تبقا ناعسة على ظهرها تايوصل موعد ولادتها
والسيارات تابعينهم من اللور توصلو الفيلا وطلعوها فالبياص وحطوها بشوية فوق سرير لكانو رتبوه الخادمات وقدوه
ومعاها ممرضات لجابهم إلياس اقابلو حالتها واكونو معاها حيث الجنين باقي فالخطر تجات صوفيا واقفة عند راسها ونطقات ممازحة لها : وهانتي اختي إسراء دبا رتاحي ونعسي على ظهرك والقراية الله يعاون هههههه سعداتك
إسراء شافت فيها ونطقات بالحزن : اوف ياختي فين سعداتي فين سعداتي
صوفيا جلسات حداها ورتبات على كتافها ونطقات : هانتي غاربع اشهر وتولدينا فنيكش ديال إياد ونجي انا ويتزوج إياد ببنتي
على اثر كلامها دخلات ريتاج كالعجاجة ونطقات : وتي تتحملي بعدا وهاد صݣعة تاتولد ديكساعا نتوما زوجوهم من دبا
إسراء ضحكات وصوفيا نطقات : جيتي الحلوفة جيتي
ريتاج تاهي جلسات معاهم وبقاو كهدرو مع إسراء وخالقين جو معاها ومونسيها وفيلا عامرة كاملين مع إسراء ومساعدينها وممخلينها فين تحرك وممرضات كذلك
مرت ايام على هاد منوال إسراء غار ناعسة على ظهرها وممرضات رادينها البال وكذاك إلياس وعائلة كاملة واقفين معاها من غير مصطفى رجع لكازا حيث عندو الخدمة وعمران مشا امريكا بقات غاإيمان ورحمة معاها مرة مرة كتجي عندها عمتها وخالتها وعائلة وكذلك ليلى تاعي واقفين لجنبها وممحسينهاش بنقص ولبغاتها تحضر عندها وضاحكين وناشطين معاها
في مكان اخر بظبط ففيلا فغرفة ، غيثة لصونات عليها مها تجيب شي تقدية معاها باش تلحق عندهم عند إسراء ونطقات وهي مجاوبة مها فتليفون : صافي اماما فهمنا صافي هانا غنجيب لطلبتي
قطعات معاها وحطات تليفون فساك وخرجات وهي لابسة كسيوة طويلة وصلا تال تحت ركبة ومزيرة شويا على طايتها وطالقا شعرها ومع ميكاب لنوعا ما مكثراه ومشات ركبات فاللوطو ديالها نيشان لمول وبلاصات وخرجات خدات داكشي لوصات عليها مها عاد خرجات ماشيا جهة اللوطو ديالها توقف عليها أشرف ونطقات هي بهدوء : اش جابك انت هنا
أشراف مربع إيديه ونطق : هدري فين هي ديك صحبتك
غيثة عقدات حواجبها ونطقات : مفهمت شكون هاد صحبتي
أشرف لشدها من ذراعها بعصبية وكرز عليهم ونطق مغوت عليها: راه غتهدري ولا غنفرع مك داك المخ
غيثة نطقات متألمة : صافي انا نقوليك رخي ااه رانيا قصدك يااك
أشرف طلق منها وبقا ساكت ونطقات هي : هي ...هي رجعات امريكا حيث عندها خدمة تما
أشرف : كفااش رجعت وش كضحكي عليا انتي
غيثة : والله مكنكذب تاصل بيها وشوف راه مشات امريكا
أشرف كرز على يديه ونطق : ماعلينا معرفاش امتى اترجع
غيثة : وقيلا حتى تولد اسراء حيث اخر مرة هضرت معاها قبل متمشي امريكا ومن تما هي طافية تلفون
مشا معصب بدون مايجاوبها ومخليها هي غكتشوف تابعا خيالو تاختافا وطلعات فاللوطو ديالها ودمارات فيلا وهي حاطا تلفون كتصوني ودايرا اوت باغلوغ لرقم ثاني ديال رانيا لعرفاه غاهي تجوبات رانيا لكانت جالسة فبيرو ديالها وسادة عليها باش ميتسمعش صوت وكطابي فبيسي لشي حوايج وحداها تيلي دايرالو اوت باغلوغ : الو غيثة هانيا كتعطيليا الا اذا وقعات شيحاجة
غيثة : حمدالله ، مفراسك صاحب دعوتك تلاقيتو اليوم
رانيا : امم داك شماتة ديال اشرف شبغا ثاني
غيثة : معرفت راه كسول عليك
رانيا وقفات داكشي لكدير ونطقات : وشقلتيلو نتي
غيثة : داكشي لقلتيلي نقول قلتولو
رانيا : مزيان ، دبا نتي شكديري
غيثة ضحكات ونطقات بإغراء : انا غادا عند حبيب قلبي ديك إسراء اتكون حالتها وانا خاصني نستاغل فرصة
رانيا : هكاك مزيان تقادي وسيري انا دبا انخليك باش ميشكش بابا بلي مخدمة رقم اخور وبلي ماشي مكتأبة هههه
غيثة نطقات مجاوباها : علاش شنو قلتيلو هههه
رانيا : هههه انا قتلو بلي طفيت تيلي ومبقيت انجاوب حاد حيث معنديش وجه على داكشي لدرت وبقيت كنبكي وكذا باش يتيقني بابا ونبقا فيه ههههه كجيتك
غيثة لحبسات اللوطو قدام فيلا ونطقات وهي ضاحكة : ههه عرفتي نتي ارانيا خطيرة ، مهم ماعلينا شحال غتبقاي طافية ديك نمرة
رانيا : غالبا تانرجع
غيثة : امم فهمت
رانيا : ديك نور مشات ولا بقا
غيثة : مشات هاديك سيمانة لخرجات فيها إسراء من سبيطار مورا خروجها بيومين مشات
رانيا : امم مزيان ،يلاه تشاو احبيبة انا خاصني نمشي لشركة دبا
غيثة : اوك يلاه باي حتا انا وصلت دبا
قطعات معاها ودخلات لفيلا بلاصات اللوطو ونزلات منها ودخلات رقات نساء جالسين تحت كجمعو ويهضرو مشات حطات ديك تقدية فالكوزينة وتجهات سلمات عليهم وجلسات معاهم ونطقات : اوا إسراء خليتوها بوحدها غتقنط مسكينة
زينة : لا لا راه معاها صوفيا وريتاج وجوهرة مونسينها بين مايجي راجلها ويهبطو
غيثة ناضت ونطقات : انا غنمشي عندهم
وخلاتهم ومشات طالعة توصلات البيت وحلات الباب ودخلات شافت فيها صوفيا محملاهاش وقلبات عينيها بملل ونطقات : اوا كنظن غنسكتو البنات لكنا كنهدرو عليه هههه
إسراء لناعسة على ظهرها وكتشوف وملي شافت غيثة محملاهاش نطقات بهدوء : ااه ويه اختي داكشي لباليا
جوهرة بقات كتشوف مفاهمة والو ، غيثة تجهلاتهم ونطقات جوهرة : انا بعدا غنهبط نشوف ماما شكدير
ريتاج : حتا انا انهبط تهبطي صوفيا ؟!
صوفيا : لا لا غاسيرو هبطو انا انبقا مع إسراء
هوما مشاو هبطو وبقات صوفيا وغيثة مع إسراء
تتجهات عند إسراء وهي مبتاسمة ابتسامة صفراء ونطقات : اوا حبيبة كدايرة شويا بعدا تعافيتي شويا ويلي خسارة ازين ديالي هاد المرضة لجاتك تبقاي ناعسة على ظهرك وتاكلي ومديريش سبور فورمة ديالك غاضيع اتولي حالتك ناريي
إسراء عقدات حواجبها تنطقات صوفيا وهي مخنزرة: اسمعي هاذيك شاطة ماطة ماطلب حاد رأيك اوك بلا متبقاي ديري فيها ديك نصائح ومنعرف اش وانك متحسرة على حالتها نتي رانك واحد اللفعة مكاين منك
غيثة شافت فيها بصدمة ونطقات بعصبية :كفاش نتي شكون لدواك انا هدرت مع بنت خالي نتي شنو جابك تهدري اواه لكدخل بين ظفر واللحم غار الوسخ
صوفيا جات متقدمة عندها ونطقات بعصبية : شناهو راه غتسكتي عليا ديك كبينة ديالك ولا غنشبع مك تصرفيق خليني هانيا حسن ليك تبداي ترطاي ليا هنايا
إسراء نطقات بإنزعاج : صافي البنات اشش هنونا صوفيا براكة سكتو وجعتو ليا راسي
صوفيا تجهات حداها وجلسات وهي بقا مخنزرة فغيثة وغيثة تجهات حداها ونطقات بميوعة : صافي اإسراء انسكتو غار سوء تفاهم ههه مفهمتنيش صوفيا شنو بغيت نقول بظبط متسرعة هاد صحبتك هههه
صوفيا طلعات حاجب ونطقات بغرور : ختها الله يخليك ماشي غاصحبتها ، وربعات إيديها ونطقات : اوا شنو كنتي بغا تقولي هانا كنسمعوك الالة غيثة ياك سماك الله غيثة
غيثة قلبات عينيها بغرور ونطقات : ااه سميتي غيثة شوفي غسميتك نتي صوفيا وش نتي عروبية ولا شنو كاين شيواحد كتسمى صوفيا ههه
صوفيا يلاه بغات تدوي وهي تنطق إسراء بحدة : صافي براكا سميتها الا بغيتي تنطقيها شللي بيها فمك سمعتي اش كتفهمي فسميات نتي خليك غار فداك ميكاب ديال شيخات لدايرة براكا عليك
صقلات مبقاتش هضرات ونطقات صوفيا : عزيتي فيها نتي لكتصلحي هاد الانواع تربيهم ههههه
إسراء حدها بتاسمات ونطقات : صوفيا مديلي ختي داك كتاب نقراه
صوفيا : ااه وخا
ناضت من حداها وجابت لكتاب لبغات ومداتولها عاد جلسات حداها وإسراء كتقرى بهدوء تكسرات غيثة صمت لساد مكان ونطقات : اوا إسراء ناري اختي وليتي حالتك
ميمكنش غار نعاس ومكاين ميدار فورمة ديالك غتمشي وراجلك ميبقاش اشوف فيك نوضي قادي حالتك راه رجاك غيدوهليك نساء واخلوك تفرجي اصدق مطلقك ومزوج غار بهاد قلة الاهتمام ونعاس ويلي لا سبور لا والو اناري شوهة صافي
صوفيا كتشوف فيها بصدمة وكتحلل كلامها فراسها إسراء لحطات كتاب بجنب بهدوء ونطقات بهدوء : هههه واه ابنت عمتي عندك نصائح واعرين ولكن خاصك طبقيهم عليك ولا على شي صحبتك لبيرات بجوج هذاك لدويتي عليه مغيشوف تاوحدة من غيري اوك دوك نصائح خليهم عندك اما انا حمدالله مهتمة براسي وعرفا شكندير ويكفي نحافظ على ولدنا وحمد الله على كل الحال ، والا جات على خاطرك خرجي من بيتي ومتعتبيهش حيث راه نقدر نقول شيحاجة لغتجرحك اوك
غيثة ناضت ونطقات : وخاا معرفت مالكم معايا كتكرهوني
وفتحات الباب وتمات خارجة
أنت تقرأ
عشقك إدماني
Romance📚📚♨️♨️ قصة بعنوان ﴿**عشقك إدماني**﴾ 🖤🔮🔮 ~بقلم ✏️أميمة ~ 🖤'''رواية بأنامل مغربية''' 🖤✏️ ❌❌ممنوع أخذ قصتي بدون إذن ❌❌ ***هل حقا معاناة ومآسي سوف تزول وتتعوض بسعادة ؟! *** ام انه مجرد الوهم يفرزها العقل لكي نتقبل أحزاننا _____...
