عشقك إدماني

parte 122

نهار الجديد
اصبحنا واصبح الملك لله
فاقت رحمة بكري كتقاد الفطور عاد فاقت حاجة فاطمة لتوضات وصلاة الفجر والصبح مع رحمة اما مصطفي خرج بكري مشا يخدم وحاجة فاطمة بقات جالسة معاها فكوزينة
رحمة دارت عندها ونطقات بإبتسامة : حاجة سيري جلسيلك فصالون رتاحي لك
حاجة فاطمة: اري نعاونك ابنتي
رحمة : لا الحاجة غاجلسي ورتاحيلك سيري صالون وعتابري دار دارك
حاجة فاطمة : الله يرضي عليك ابنيتي الله يرضي عليك
رحمة : امين يارب الله يطول فعمرك
حاجة فاطمة: امين يارب
وخرجات من كوزينة جلسات فصالون هزا تسبيحها فإيدها وكتسبح وتذكر الله
تفاقت نزهة ومشات توضى وصلاة صلاتها وتجهات كوزينة
نزهة : رحمة اري ا ختي نعاونك
رحمة : لا انزهة غسيري جلسيلك اختي رتاحيلك اختي
نزهة : تي أري لهنا
بقات رحمة ونزهة متعاونين فكوزينة وكوجدو الفطور وكجمعو ويهدرو ويتعاودو اما عند البنات لناعسين تبدا تلفون إسراء كصوني وهي فيها موت نعاس مسمعاتوش تناضت أية معنكشة بسبب النعاس وصونيت لصدعها ونطقات بصوت مبحوح وشعرها طايح على عينيها : شكون لعندو تلفون اطفيه طفو تلفون اوف صداع
ورجعات تنعس تبدا تاني كصوني وناضت ساخطة ونطقات ملي شافت جهة إسراء لرقات انه تلفونها كصوني : اوف اإسراء نوضي شوفي تلفونك راه كصوني يلاه نوضي شوفي لحل هاد تلفونك وطلات شافت سمية لمكتوبة عليها تاج راسي 👑 وهي تنطق تاني : ونوضي جوبي راجلك نوضي متخلو حاد ينعس على خاطرو سعداتكم ميت قلبكم ومكتنضوش بزربة
بدات كتحركها تناضت إسراء منعكشة كتشوف فيها وكتستوعب من بعد مستوعبات نطقات : اية اشباغا اختي خلينا نعسو عفاك لاش منوضاني
وشافت جيهة تيلي ونطقات راه يلاه 8 دبا
أية : شوفي تلفونك راه كصوني مخلنيش نعس على خاطري
وهي ترجع اية تنعس وإسراء هزات تلفونها تبدا كصوني فإيدها وجوبات لكان هو تاكي فالبيت ونطقات بصوت مبحوح غالب عليها نعاس حيث سهرو تال الوقت ونطقات :ألو
إلياس : نقولو على سلامة امدام شحال من صونيا مجوبتي
إسراء مغمضة عينيها وكتسمع صوتو ونطقات : اااه شكون معايا
إلياس : كفاش
إسراء حيدات تيلي من ودنها صغرات عينيها وردات تلفون وذنها ونطقات هي مغمضة عينيها مقادة تحلهم : ااه هذا انت إلياس شباغي خليني نعس صافي انا راني دبا ناعسة تال منبعد تال منبعد
إلياس مسح على اللحيتو ونطق : تال امتا بقيتي سهرانة ياك قتلك نعسي بكري
إسراء فيناهيا نعسات وخلاتو كتكلم بوحدو
إلياس : إسراء الو كتسمعيني نعستي الله يصبرني معك ابنت الناس كضربي كلامي فزيرو وخا هاني جاي ليك ابلاتي عليك
شاف لين عيا ملي مجوبات عرفها نعسات وقطع وناض لبس عليه نص كوم بالبيض مع سروال كحل وسبرديلة بيضة وهز ساعة دارها فمعصمو ورش عطرو وخرج من البيت رقا نيت حاج مهدي فاق يلاه بغا يجمع غطا ديالو هو ينطق إلياس
إلياس : اخليك الحاج انا انجمعهم
حاج مهدي : لاواه اولدي لاواه
إلياس : حاج اخلي عنك هدشي رتاح
وبدا هو كجمع الغطا وداهم ستفهم فالماريو فالبيت لاخور لكيكون فيه الغطاء
اما حاج مهدي جالس فصالون تجا إلياس : هانا الحاج انجيب الفطور ونجي
حاج مهدي : اخليك اولدي غنمشو نفطرو عندهم
إلياس : وخا لبالك الحاج
حاج مهدي : وخا نيت نمشو عندهم
إلياس : يلاه
هز فإيدو كونطاكط ويلاه فتح الباب باش إيخرجو من إقامة وهو يرقا نيت عمر قدامو
إلياس بملامح إستغراب : عمر !؟
عمر : غتمشو عندهم مبغيت نمشي سابق كلشي
حاج مهدي نطق : اهلا اولدي يلاه رقيتينا غنمشو عندهم
عمر : مزيان يلاه نمشو ايكونو فاقو حاج مهدي : هانا سبقناك اولدي
إلياس : وخا الحاج
سبقوه عمر وحاج مهدي اما إلياس قفل الباب الاقامة وتبعهم وهو عاقد غوباشتو ملي كفكر إسراء بقات سهرانة وهو كنبهها باش ما تسهر وممديهاش فكلامو تعصب وخارج كدور ساروت فإيدو توقف قدام سانسور وهبط فيه عاد رقاهم مسندين ظهرهم على اللوطو ديال إلياس
إلياس : حاج علاش مركبتي
حاج مهدي : مسدود الباب
إلياس مسح على شعرو ونطق : نسيت
عمر : يلاه هاني سبقتكم
إلياس : سير وكان سير
عمر دمارا ومشا نيشان سابقهم لدار الاهل صوفيا
وركب حاج مهدي عاد إلياس ركب فاللوطو ديالو نيشان دار الاهل صوفيا بعد دقائق توصل تم ونزل وهو يرقا عمر حتا عمر وصل قبلهم بشويا وبقا كتسنا باش يدخلو مجموعين عاد هوما جاو وهبطو وودق إلياس الباب تفتحاتلو رحمة بإبتسامة بشوشة ونطقات : اهلا اولادي مرحبا بيك دخلوا مرحبا
عمر : اهلا الخالة لباس عليك
رحمة : حمدالله وبيخير ، الحاج بيخير رتاحيتي شويا
حاج مهدي : حمدالله ابنتي رتاحيت
رحمة : دخلو مرحبا بيكم وسهلا
إلياس : الله يبارك فيك الخالة
تمو داخلين وجلسوا فصالون من بعد مع إلياس حدو سلم عليهم من بعيد وباس راس حاجة فاطمة لكعتبرها فمقامة جداتو وكذلك عمر نفس شيئ وجلسو وجلس إلياس مفرق رجليه ونطقات حاجة فاطمة
حاجة فاطمة: زيدو تفطرو اولادي وقيلا مفطرتو
عمر : ايه حنا جينا نيشان عندكم
حاج مهدي : فيناهوما البنات
رحمة : باقيين نعسات ،، انا غنمشي نوضهم
نزهة : سيري ارحمة الا مبغات تنوض ديك وئام كبي عليها الماء راه نعاسها ثقيل كتشحفني
رحمة : وكون تشوفي صوفيا لعندي ومتعرف مدير عند راسها وش تنوض هاديك وشافت عند عمر ونطقات : معذباك اوليدي هاد صوفيا ههههه
عمر بحرج نطق هو إيدو كتمسح على رقبتو ونطق : شويا الخالة رانك عرفا
رحمة : هانا نخليكم نمشي نفيقهم باش يفطرو
ومشات خلاتهم هوما لجالسين كجمعو وإلياس مرة مرة كجاوب ويشارك معهم حديث وكفطرو مجموعين وعينو على داك الباب مكره هو يفيق إسراء ويعاقبها علاش متسمع كلامو
رحمة دخلات البيت شعلات ضوء عليهم وفتحات ريدوات ونطقات : البنات نوضو يلاه فيقو يلاه عفاكم ابناتي فيقو باش تفطرو يلاه
أية مع نعاسها خفيف بعض شيئ ناضت جلسات وكتحك عينيها بطريقة طفولية ونطقات : خالتي وش غنمشو ولا اش
رحمة دارت عندها ملي سمعات صوتها : أية فقتي ابنتي سيري غسلي وجهك باش تفطري ومعندكم فين ماشيين تاتغداو معانا
أية : وخا خالتي
وناضت طوات منطتها وقدات لباسها لكان تعنكشلها بسبب النعاس ومشطات شعرها وخرجات دوش تقضي حاجتها وتوضى باش تصلي صلاتها
اما رحمة بقات معاهم تنوضهم تفاقت وئام : خالتي ؟!
رحمة : فقتي ابنتي صباح الخير
وئام : ااه فقت
رحمة : سيري غسلي وجهك اناانشوف مع هاد صكعات تقول الغيبوبة ماشي نعاس هذا
وئام : هههه وخا خالتي فيناهيا أية
رحمة : وقيلا ابنتي فداك البيت كتصلي
وئام خرجات من بيت حتاهيا دير روتينها صباحها
رحمة تعصبت : انوضو ادوك الحمير نوضو
مشات حيدات مانطة على صوفيا وإسراء
صوفيا كتحرك فإيديها : ومانطة مانطة فيناهيا
رحمة : صوفيا نوضي يلاه اويلي هتشي كديريه فدار راجلك انا بغيت نعرف بحلاش كنوضك وحشمتيني شكون لكوجدلو فطور ونتوما نعاسكم هكا اميمتي على غدايدي
صوفيا غسمعاتها وتفكرات عمر شكدير لها وهي تزنك ناضت جالسة بإبتسامة بلهاء : ههههه ماما ها أنا فايقا الله اودي انا فايقا
رحمة شافت فيها بشك ونطقات : كون درتيها من اللول
صوفيا : راهي إسراء اماما راه هي لولات نعاسة كثر من قياس
رحمة : سيري غسلي ديك كمارة ، هذي بالي غنعيطلها راجلها محال تنوض لي ، مسكينة مع الحمل كخليها تنعس بزااف
صوفيا : اااه اسيري عيطيلو راه محال تنوضلك
رحمة : يلاه نوضي تطوي مانطك على اقل الا دخل ميرقاش بيت مرون
رحمة شافت فيها بدات كتحركها بإيدها : نوضي ابنتي نوضي يلاه
إ سراء : خلوني نعس
تقلبات جيهة لاخرة وخلاتهم اكشوفو وصوفيا كطوي مانطتها ومشات مشطات شعرها عاد مشات توضي وتصلي صلاتها اما فالبيت خرجات من عندها رحمة وجلسات حدا إلياس والبنات جاو بقات صوفيا لفبيت لاخور كتصلي وإلياس نطق : وش إسراء مفاقتش
رحمة شافت فيه ونطقات : ااه اولدي عيت نفيقها مبغاتش تفيق
إلياس : وخا هاني نمشي نفيقها
رحمة : ااه سير اولدي سير
ناض هو كلشي كشوف فيه ومشا نيشان البيت دق باش لا كانت صوفيا ولا شيواحدة من بنات لكن مرقا حاد ودخل وسد الباب وشافها هي لناعسة
إلياس مسح على اللحيتو ونطق : ياربي صبرني معاك
وجا وقف عند راسها : إسراء فيقي يلاه فيقي تشهاد نعاس فيك
إسراء مجوباتوش
إلياس حيد عليها مانطة وخلاها تم كتقلب فإيديها ونطقات : ارو لمانطة لهنا اواه خلونا نعسو راني منعست تال تلاتة
إلياس : ياك امدام منعستي تال تلاتة وخا قيديها عندك
إسراء غسمعات صوتو ناضت جالسة وشعرها كامل طايح على وجهها وبدات كتحيد شعرها على وجهها ونطقات : بسم الله الرحمن الرحيم وقيلا كنتخيل تاشغايدير عندي إلياس عندي هنا
إلياس : نوضي تهزي ابلاتي عليك مرة اخرى ملي نقولك متسهري وديري لعجبك انا هبيل مخليك تباتي وضحكتي عليا بجوج كلماتك تخليتك
إسراء دارت وشافت عندو وكتسرط فريقها وكتبتاسم ببلاهة : اااه إلياس اش جابك عندي ههه
إلياس مخنزر فيها ونطقات هي وكتشوف فيه ببراءة وكتفرك فإيديها : اااه امتا جيتي
ودارت شعرها ورا ودنها لكان طايح شويا على وجهها ونطقات : وراه اصلا كنت غنفيق غار حشمت ايكونو ناعسين ونصدعهم منرقا ميدار فهمتي ياك
إلياس ناض ونطق بعصبية : لا مفهمتش وش انا كلامي ميسوا والو ولا شنو
إسراء جالسة وكتشوف فيه ونطقات : ولا ماشي هكا إلياس مشا جيهة الباب ونطق نوضي تهزي يلاه كلشي فاق ونتي ناعسة هنا وتال دار ونوريك كفاش متسمعيش كلامي
ناضت واقفة تبعاتو تال عند الباب وشدات فيدو : عفاك صافي سمحليا ياك
إلياس طلق من إيدها ومشا خرج من البيت وخلاها هي كتشوف ونطقات : هانا تاني خاصنا نحزروه اوف شحال فيك ديال فشوش شنو فيها الا نعسنا ولا سهرنا شحال فيه تاهوا
وقدات لباسها وجمعات شعرها شفنجة الفوق وخرجات من بيت ومشات نيشان توضى وتصلي صلاتها عاد نضمت لهم صالون من بعد مسلمات عليهم وجلسات
وجات حداها صوفيا وهمسات لها : نعاسة مبغيتيش تفيقي
إسراء مربعة إيديها وكتشوف ونطقات : بعدي مني نتي تاني
صوفيا : امالك اناري
إسراء مجوبتهاش وبقات كتشوف
ونطقات رحمة : زيدو تفطرو يلاه ، إسراء زيدي ابنتي فطري
إسراء نطقات : وخا هانا انفطر
وبقات كدور فعينيها ونطقات متوترة : مي رحمة
رحمة : هدري ابنيتي مشهيا شيحاجة
صوفيا : هههه اتكون مشهيا غاداك كوفتير ههههه
إسراء : ايه كوفتير ديال فريز مبانش ليا
إلياس نطق : وخا هاني نجيبولك
إسراء بتاسمات وحدرات عينيها تحت وخا مخاصمين بغا يجيب لها لبغات
وخرج من دار اجيب لها داكشي لبغات
اما هي بقات كتاكول وكتسنى كوفتير على احر من جمر
رحمة : إسراء وش ديما كتصبحي على كوفتير ولا اش
إسراء طلعات عينيها فيها ونطقات : اه امي رحمة مكنقدش نفطر الا مكليتش كوفتير
رحمة : راه ممزيان ابنتي غادي اديرلك سكر حلاوة ممزياناش
حاجة فاطمة : قلت هالها ارحمة قلت لها تبعد من سقاطة وحلويات الكوفتير
إسراء ممديها كاع فيهم تافترة وجيزة تجا إلياس محمل فإيدو فسقاطة و حلويات عطا كل واحد منهم وئام وأية وصوفيا ونطقات أية : شكرا اخويا
نزهة : ولدي لاش معذب راسك سقاطة ممزيانة كاع
إلياس : ماشي مشكل مرة مرة مدارت تاحاجة
صوفيا : شكرا انسيبنا
عمر : مصدع راسك اخويا
إلياس بتاسم بجانبية ليه
ومشا تاجه عند إسراء وعطاها سقاطة وكوفتير ديالها وشداتو من عندو بلهفة وجلس حداها ويلاه بغات تنوض تجيب ملعقة باش تاكول كوفتير تشد إلياس من معصمها وجلسها ونطق بحدة بصوت خافت وكهددها : والله يامك وتوكليه هنا ݣدامهم وتبداي تبنني منعقلش عليك
إسراء همسات لو : وياك جبتيهلي باش ناكلو امالك
إلياس : انا كلامي قلتو سمعتي ، راني عارف ماكلتك بحلاش دايرا