عشقك إدماني

Parte 62

إسراء بقات كتبرق عينيها
إلياس : مهم شباليك تمشي معايا
إسراء : فين غنمشي
إلياس : بالطبع دارك
إسراء : ياك تافقنا تالعرس ونمشي معاك
إلياس : وخا الالة نصبرو على قبلك
إسراء : ههههههه
من بعد خرج إلياس من بيت وتبعاتو هيا  وسلم عليهم حيت والديه سبقوه وسلم على إسراء ومشا خدا اللوطو ومشا عند خالتو دخل رقاهم مجتمعين يلاه بدلو عليهم وجالسين كهدرو ومعاهم عمر  تا تم داخل ولقا عليهم سلام وجلس معاهم
وبركولو  اهلو  وعمر
عمر : مبارك مدرتي اصاحبي
إلياس : الله يبارك فيك
عمر : امتا عرس
إلياس : تفقنا فشهر جاي
وبقاو كهدرو وريتاج طلعات بيتها ومجمعا مع البنات
من بعد ستاذن عمر يمشي من بعد مشا ونطق إلياس : يلاه خليتكم على خير
ليلى : فين ماشي اولدي والله حتى تجلس تبات معانا
إلياس : منصيبش الخالة
ليلى : جلس الله يرضي راني حلفت متخسر خاطري
إلياس : وخا منخصرو خاطرك
ومنبعد مشاو كلهم طلعو بيتهم يرتاحو ينعسو الا جوج عشاق باقي فايقين كهدرو من بعد مكانت فسبات نوم تاناضت مفزوعة بسباب صونيت
إسراء جوب بصوت باقي فيه نعاس : ألو
إلياس : نتي نعستي انا مقدرت نعس بسباب تفكير
إسراء : فاش كتفكر
إلياس : وشكون فنظرك كنفكر فيه
إسراء : ومنعرف
إلياس : كنفكر في أسيرة عمري لولات حلالي ومبغات تمشي معايا تعمرلي فراشي
إسراء ضحكات بلهلا يطريلها : هههه واصدقتي رومانسي اخاي، ولكن سموحات انا معنديش مع رومانسية
إلياس : دبا هذي نحسبها قمعة ولا شنو
إسراء : ههههه يمكن
إلياس : سيري وكان تكملي شخيرك انا لمسطي مصوني عليك
إسراء : مالك
إلياس : مماليش الله يعاون
إسراء : وش مقلق مني
إلياس : يلاه قطعي
يلاه بغات تكلم إسراء وهو يقطع عليها
إسراء صابها تأنيب ضمير ونطقات:اويلي مالو هاذا ، اوكان نعس كباليا تسطى نيت
اما هو قطع معاها ونطق مع رساتو : دبا نشوف الحبيبة قلب هتعفار فين غيوصلك  ضروري خاصها ترطاب
من بعد منعسو
اصبحنا واصبح ملك لله ناضت إسراء معطلة مع 11 وناضت ومشات غسلات وجهها ومشطات شعرها وخرجات عندهم رقات صوفيا كتعاون فشقا نطقات
رحمة : بنتي فقتي صباح الخير
إسراء : صباح الخير علاش مفيقتوني بكري
صوفيا : وشتي خليناك تنعسي وسيري وجدي راسك راه نسيبنا صونا علينا قبيلا وقال نعلموك حيت دبا مبقا والو ليه ويجي ايديك
إسراء : هاه ومقالهاليش
رحمة : ميمكن ميعلمك
عاد تفكرات إسراء بلي مخاصم معاها : وخا انوجد راسي
تبعاتها صوفيا : قوليلي نتي زعما مفخبارك غيجي ايديك اليوم تغداي معاه ميمكن
إسراء : واه غسكتي اصوفيا راه مقلق مني ومخاصم معايا
صوفيا : اويلي نتوما عاد ضربتو البارح العقد واليوم صابحين مخاصمين ويني زواج هذا
إسراء : وبراكا مطنزي عليا معرفا كفاش نراضيه
صوفيا : وشنو قلتيلو فهميني باش نعطيك الحل
إسراء : راه دبا قالي داك كلام غزل وانا قتلو معنديش مع رومانسية وعوداتلها شنو طرا واه تقلق مني 
صوفيا : عرفتي نتي مصالحا زواج، ناس كضحك بشوية وكتحشم وكتكولو الله يخاطيك عليا العمار دار وناري جايا مك سنطيحة
إسراء : منيتك اساطة انا نقول هتشي
صوفيا : سيري حيدي من قدامي وسيري لبسي
تاسمعات صونيت فالباب وفتحت أما إسراء مشات تجري تلبس عليها ورقاتو إلياس
صوفيا : دخل مرحبا بنسيبنا
إلياس همهم ليها وتم داخل وستقبلتو رحمة وجلسو فصالون كحاني ديك موصيبة كماسماها هو
إسراء خرجات عندهم ملي لبسات قميجة بيضاء مع سروال دجين بوي فراند مع سبرديلة كحلة وجمعات شعرها كوب شوفال وفإيدها لبسة خاتم ديال عقد
إسراء : سلام عليكم
إلياس : مهم اخالتي رحمة غندي معايا إسراء، مكاين تا مشكل؟!
رحمة : اويلي طلب بإذن مني، راها ولات مرتك ولات محسوبة عليك
وخرج هو وإسراء ركب وركبات حداه قدات سمطة وكسيرا نيشان الوجهة غير معروفة  بعد مكان صمت تانطقات إسراء : فين ماشيين حنا
إلياس بقا صامت
إسراء : دبا نتا مالك اشواقع منخافوش
خنزر فيها إلياس وهي تصقل متلات زادت تاكلمة كتشوف هذا لحداها فينغادي بيها تاشافتو خارج من كازا وخدا طريق سيار ونطقات
إسراء : واعفاك كوليا فين ماشيين راه شدني فظول
إلياس : نتي هنينا شحال فيك ديال قوة هضرة
إسراء :ياك وخا الا تليت زدت شي ملمة وديكساعا غطلبني نهدر معاك
إلياس بتاسم بجانبية ونطق : دبا نشوف
إسراء هزات كتافها ودارت جهة شرجم كتشوف فطريق وكتفكر 
بعد ساعة ديال طريق دخلو رباط وهي تشوف مدينة رباط
إسراء : وايلي جبتيني رباط، شحال غنفوتو فيها؟!
إلياس : ياك قلتي متليتي غاتهدري!
إسراء صرطات ريقها ونطقات : واصافي عتابر مقلت والو، انشوفو وكان شغاتصنع
بقا غدي طريق حتى وصل حي سويسي بظبط فالفيلا  ديالو  وفتحولو  الحراس الباب وتم داخل  فين ساكن ونطق هبطي يلاه
إسراء هبطات وبقات تبعاه وكتشوف فجردة لواعرة حمقتها ومن جهة كبان لابسين وكتشوف بإنبهار
إسراء نطقات بلا فرانات كتعبر : واه ومتزوجة انا شيواحد برجوازي الله على فلوس وحياة رفاهية
دار عندها كان كفتح الباب ونطق بطنز  : دبا نتي تزوجي بيا على قبل فلوس؟!
إسراء : هههههه ولا منيتك 
إلياس : شنو هتشي قلتي قبيلا
إسراء : وافتح وكان فتح تابقا تحاسبنا على اي كلمة قلتها راه عجبني منظر وصافي
إلياس :مسطية مفراسك
وتم فاتح الباب ودخلات كتشوف بإنبهار عجبها ديكور الممر لكأدي  لدوك
تلات صالونات لمفتوحين على بعضيتهم  كل صالون باش  مفرش صالون لول مفرش بفراش تقليدي وتاني مفراش بطريقة عصرية وتالتة مفرش بطريق خليجية وحاكمين عليها الوان فاتحة ومن ليسر كاينة كوزينة كبيرة  وبحيث خدامات مكاينينش علمهم إلياس بلا مايجو اليوم وكاين جوج بيوتة متوسطين حتا هوما مفرشين بسدادر ومن حداهم كاين حمام عاد كاين دروج لكأدي دور طابق الاعلى لمتكون غير من غرف نوم وفطويات  عاد كاين فوق منهم طابق لحتاهو فيه 3 غرف
وإسراء اكدور ففيلا تا قالها إلياس : وش نتي ماعييتي
إسراء :بلاتي بقاتلي بلاصة نكتشفها ديك لكنخرجو من عند الباب كوزينة وخا يلاه زيدي الالة نوريك
وبقا ماشي وهي تبعاه وداها للور فالفيلا وكاين واحد بحال تابعة ليه ودخلو رقات فيه فين كلعب إلياس فيهم حديد وكتريني انواع لاماشيين ديال رياضة ومن جهة فين كلعب البوكس 
إسراء : واو نتا كتلعب فهادو كاملين 
إلياس : وشباليك
إسراء : هتشي حمقني بلا قياس 
إلياس : زيدي نتغداو وش مافيك جوع
إسراء : علاش الغداء واجد شكون وجدو
إلياس : زيدي وكان فيك كثرة الهدرة
ودخلات معاه ومشا هو كوزينة اسخن الغداء  لتكومينضا عليه ومشا حطو فوق طبلة وإسراء جالسة كتشوف
إلياس : يلاه سيري غسلي إيديك راه تم الحمام
إسراء : وخا هاني
ومشات غسلات إيدها وجات جلسات حداه بدات كتوكل وكتبنن
من بعد مسالاو ماكلة عوناتو فجميع طابلة ودخلات الماعين في لاماشين وجات جلسات
ونطقات
إسراء : وش باقي مقلق مني انا غهدرت بالعفوية البارح
إلياس: عادي اصلا انا عارف متزوج بهبيلة هارب لها العقل ومكتعرف رومانسية
إسراء : شتي رانك نتا كتفهمني
إلياس : شباليك تباتي معايا اليوم
إسراء : منيتك
إلياس خنزر فيها ونطق : كفاش رانك وليتي مرتي ولا لا
إسراء وهي تنطق ملطفة جو : إلياس عفاك اخليني حتا نديرو عرس وديكساعا نمشي معاك ونبات معاك
إلياس : هاديك ساعة الا مبغيتي، راني صابر ونهار صبر اتقدا متلومي غاراسك
إسراء : وصافي ناري شحال فيك، زيد وش مغادورنا نبقاو حنا جالسين هنا
إلياس : زيدي وكان لفيك ممهنيش 
خرجو يدورو فرباط
فألمانيا عند نور لمنغامسة في الخدمة خلال هاد شهر كل يوم إجتماع عندهم باش شريكتهم طلع   خصوصا ملي ظهرات شركة منافسة لها
جات موظفة كتجري دقات على نور
نور : دخل
موظفة : كوغديناتخيس راه شي مروان جا باغي يهدر معاك
نور : وخا قوليلو يدخل
نعرفو بشخصية جديدة مروان هوشاب عمرو 28 سنة مترأس  حتا هو شركة صنع مجوهرات