عشقك إدماني

parte 113

استغفر الله ونزل من اللوطو قاصد لكيبيع لحمص مشا خدا من عندو وتاجه عندها وطلع فاللوطو ومدولها ونطقات هي فرحانة : واو شكرا
إلياس : بصحتك اعمري
اما اللور حشمو ممولفينش بهاد الاجواء
ومدلهم تاهوما حمص
حاجة فاطمة : الله يخلف عليك اولدي
حاج مهدي : صبر اولدي صبر معندك مادير
إلياس : داكشي لكاين
ودمارا نيشان فيلا تنطقات إسراء وهي كتاكول فداك الحمص : وإلياس
إلياس : نعام
إسراء : فيناهو كوفتير وديك سقاطة لكتجيب ليا شتك مجبتهم
إلياس : ياربي صبرك واش نتي بغا تمرضي بسكر ولا شنو نقصي من حلاوة
إسراء : لكن انا مشهياه سربي جيب لي داكشي لبغيت ولا غادي ولدك ولا بنتك اخرج فيه قرعة ديال كوفتير
متلا جاوبها دمارا نيشان اجيبلها شنو بغات هبط من اللوطو ومشا قاصد لمول اما هي بقات كتسناه ونطقات حاجة فاطمة : بنتي حلاوة ممزياناش
إسراء : عرفا اجدتي ولكن شغاندير الوحم جاني على شيحاجة حلوة
نزهة : الله يتبت حملك  ابنيتي
إسراء : امين يارب
عاد تم جاي إلياس محمل بساشيات مدلها ومدلهم اللور تنطقات
نزهة : لاواه اولدي حنا منوكلو هتشي كما تشوف ماما مريضة بسكر وبا بالقلب
إلياس : ماشي مشكل ديه هتشي  لولادك
نزهة : الله يجازيك بالخير 
بدات إسراء كتاكول فديك سقاطة وحمص كملاتو
بعد مسافة طريق وصلوا قدم فيلا عاد نزل وجات بغات تنزل تهزها بين إيديها اما نزهة وحاجة فاطمة وحاج مهدي نزلو بقاو اكيشوفو وإسراء حشمات قدامهم اما هو ماسوقوش وماشي داخل بيها وخادمات غكشوفو فيها وحاسدينها على ديك اللحظة وهي تنطق إسراء : عفاك اإلياس نزلني
إلياس : اشش براكا من هدرة
إسراء : راهم كشوفو فينا حشومة والله
إلياس : صافي هنينا ماسوق حاد رانك مرتي
وبقات كتشوف هاد مقزدر تطلع جناحهم وحطها فوق نموسية وقد ليها باش تقدر  تنعس  وقبلها فجبهتها ونطق : هانا نمشي نجيبلك عصير باش تقواي صافي
حدها امأت براسها وهو ينزل تحت ونطق موجه حديثو لجدها وجداتها وخالتها : تقدرو طلعو عندها راه فداك بيت ل مفتوح فيه الباب
حاجة فاطمة: وخا اوليدي
هوما طلعوا خلاوه تاجه الكوزينة تنطقات
خادمة  ملي شافتو دخل كوزينة وكقلب على شيحاجة : سيدي اش حب الخاطر
إلياس : مبغيت والو بغيت نطحن عاصير
حطاتلو فاش يطحن عصير ونطقات مرة أخرى 
خادمة : سيدي وش نعاونك فشيحاجة
إلياس : نو غاشوفي خدمتك وبغيت العشاء اكون صحي وديري داكشي لكعجب إسراء
خادمة : وخا اسيدي
اما هو طحن لها عصير الليمون وهز بلاطو فيه شي كيسان وكأس عصير وطلع نيشان البيت  دخل عندهم رقاهم كجمعو معاها دغيا انساجمو معاها ونطقات نزهة : يلاه خليناكم على خير
إسراء : اويلي فين غاديين بقاو معانا
تجات بغات تنوض تشداتها فاطمة ورجعاتها بلاصتها ونطقات : بشوية عليك ابنيتي ردي بال راسك  وحفيدي وحنا غنمشو
حاج مهدي : الله يجيب الشفاء وردي بال راسك ابنتي
إسراء : امين ياربي
إلياس : بقاو تاتباتو معانا
نزهة : انا بعدا مصلحالي خليت وليداتي بحدهم مرة اخرى ان شاء الله
حاجة فاطمة: الله يجيب شفاء ابنتي
هوما يخرجو من البيت وماشي معاهم إلياس اوصلهم عند الباب ونطق : بلاتي نتوما فين ساكنين
حاج مهدي : حنا ساكنين فحي ***
إلياس : اه ابون  تسناو شويا  اوصلكم شيفور
حاجة فاطمة : منصدعوك اولدي
إلياس : مكاين لا صداع لا والو احاجة
حاج مهدي : الله يرضي عليك اولدي
مشا إلياس خلاهم وامر شيفور اوصلهم لبلاصة دارهم  ورجع عندهم توادع معاهم  شافهم تامشاو عاد مشا طلع عند إسراء رقاها ممسات كاع داك عصير وهو ينطق من بعد مدخل وجلس حداها فوق نموسية : معجبكش
إسراء كانت ساهية كاع محسات بيه تنطق ديك كلمة وهي نطقات مخلوعة .ااه... ااه....شنو ...مفهمتش ....
إلياس مد إيدو جهة طبيلة صغيرة لكانت محطوطة حداها وعمرلها كاس عصير ومدولها ونطق : هذا لقصدت شربيه
إسراء حدها بانت إبتسامة على ثغرها وشداتو من عندو ونطقات : شكرا حيث ديما واقف جنبي  وشكرا بزااف
إلياس بدا كتنهد محاملش داك صواب  : بدينا تاني بديك  شكرا  تاني هدشي راه واجب عليا كون مواجب غنديرو حيت نتي رانك حياتي وعمري راه فت درجة الحب لهيه معك نتي
إسراء تحكمها خجل وهبطت عينيها تحت وبدات كترشف من عصير وتبلل ريقها لنشف
هو حاضيها بعينو ومبتاسم وهي كذلك مرة تشوف فيه مرة تهبط عينيها تشربات عصيرها وحطات كاس ودارت عندو  ونطقات : إلياس شدني فضول
إلياس مستغرب  : شمن فضول هذا
إسراء : غا السؤال عادي وخا نسول
إلياس : الله اودي سولي وكان
إسراء بدات كتفرك بإيديها وبانت ملامح جدية على وجهها :  دبا انت بصح مكان عندك حاد فحياتك
إلياس : كفاش زعما 
إسراء : زعما شي بنت كنت كتبغيها
إلياس بانت بإبتسامة جانبية على شفتيه ونطق : سي كانت كاينا
إسراء بداو كبانو ملامحها معصبين غتهدن راسها بلي فماضي هتشي ونطقات : اااه وانت باقي عاقل عليها
إلياس  باغي يشوف غيرتها ونطق : شكون هذا غينسى حب حياتو
إسراء نطقات مغوتة : كفاش  حب حياتك ونطقات بهدوء هاد مرة : هي باقي كتبغيها  هااء
إلياس  هو مسايرها : اااه يمكن نكون باقي كنبغيها
إسراء بقات كتنهد وكارزة على سنيها ونطقات معصبة  : اااه  كتبغيهاااا  هي صدقات حب حياتك ياك  ولاش مزوج بيا بلي كتبغيها لاش فيناهيااا اليوم غنشرب من دمها السوم مها نقطعها طراف امتا هتشي
إلياس : دبا انتي لاش معصبة اعمري
إسراء ضحكات بفقصة ونطقات : ههههه كتسولني لوجهك حمر هاااء شكون هي قولي دبا بربي تنقتلها ونسيفطك معاها تانت
وناضت من فوق نموسية وقفات وكتغوت : تاكيفاش كتبغيها شكون هادي  ملي كتبغيها لاش مزوج بيا لاش مزوج بيا علاش جيتي عندي وقلتي كتبغيني ولا كتخيلني على انها هي ياك 
وبداو كعمرو عينيها بدموع : هي انت مكتبغينيش ياك وملي مكتبغينيش لاش جاي عندي وكتقولي بغيتني زواج والله تاحشوما ناض عندها وشدها من كتفها حيت خاف عليها تسخف تاني وهو ينطق بعد محط إيدو على كتافها : اششش كالم مالنا على هاد عصبية
إسراء حيدات إيدها بزعاف ونطقات بحدة   من بعد مسحات دموعها وبدات كتخنزر فيه  : متقربليش  و متحطش ايدك عليا انا راه نفسي حارة سمعتيني سير عند هاديك لكتبغي و فرق مني  سمعتي عطيني تساع ولا لا بعد  ونطقات مغوتة وكتشير بإيديها: مزيااان تبارك الله  جالس عليا اه كنبغيها وكتقولها بكل ثقة فنفس ملي كتبغيها لاش كتكذب علياووكلام الحلو ومنعرف اش والغيرة اسيدي هادشي صدق اكذوب قول وكان كتفكر فيها ديك مجلاخة سالينا من  بنت خالتك وجيت انت كتقولي كتبغي شيواحدة وبربي وطيح بيدي ديكلقولتي اكتبغيها غنقطع مها طراف طراف مزيان تبارك الله عمبالك انخلي هالك ساهلة ونتبعك بيها انت
إلياس اكشوف فيها كفاش غايرة عليه وكبتاسم تلقائيا  ونطق بهدوء : إسراء راه مكاينا توحدة فحياتي من غيرك نتي
إسراء ربعات إيديها ومخنزرة فيه
إلياس  بقا كقرب عندها  وهي بقا كتشوف ومخنزرة فيه تجبدها من إيدها عندو ومعنقها وهي كتعافر باش تبعد وتدفع  ونطقات معصبة : وطلق مني وايدك متحطهومش عليا و بعد طلق يلاه
إلياس بعد منها باقي شادها من خصرها  : زكاي خلينا هانيين
إسراء : شنو باغي شنو غتبرر جاي كتقولي هاد ختنا مكنعرفها باقي كيبغيها راجلي وش باغييني نحماق ولا شنو
إلياس : هههههه وناري شحال مغيارة
شدها من إيدها وجلسها فوق نموسية وجلس حداها ونطق بهدوء : سمعيني انا راه كنبغيك غانتي غابغيت نشد فيك وصافي نشوفو وش حبيبتي مغيارة  واصلا انا رانك عرفا والديا كانو فاقدين فيا امل نتزوج جيتي نتي وخليتيني عاشق ليك وش معرفانيش شكانسوا
إسراء : اوا ولاش معصبني لاش كتقولي كنبغيها ومنعرف اش دبا انا نجي ونقولك بلي كنبغي شيواحد
إلياس نطق بحدة : تجي تقوليهالي غنحفر قبرو ونحفر قبرك تانتي
إسراء : اوا شتي هالعربون
إلياس : صافي اعمري تسمحي لحبيبك
إسراء : صافي مسامحة حيث انا عرفاك ميمكنش ديرها
إلياس : ولاش معصبة
إسراء هزات كتافها ونطقات بعفوية : محملاش تذكر وحدة على فمك حيث انت ديالي بوحدي
إلياس بتاسم ونطق : شغندير فيك ونطق ملي غمزها  دوي شباليك ازين
إسراء : هههه مدير والو زيد نمشو نتعشاو راه فيا جوع
إلياس : هههههه زيدي الحلوفة زيدي
جمعات ملامحها ونطقات : انا ماشي حلوفة تقولي حلوفة ياه على بنادم
إلياس وإسراء هبطوا اتعشاو في جو مرح وطلعو انعسو متعانقين  بعد تعب اليوم